Ehanauno lOvaisraeli nokwoongelwa kwavo
1 Ndele ondjovo ei yOmwene oya hanga nge: 2 Ino hombola omukainhu, ove ino kala novana ovamati noukadona ponhele ei. 3 Osheshi Omwene ta tongo ovamati noukadona ava tava dalelwa ponhele ei, nooina tave va dala, nooxe tave va dalele moshilongo eshi, Omwene ota ti ngaha: 4 Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti. 5 Osheshi Omwene osho ta ti: Ino ya mo moshiumbo u lile eenghali, ove u va pendulile po, osheshi Ame onda kufa po ombili yange nouwanghenda wange nefilonghenda lange kovanhu ava, Omwene ta ti. 6 Ovakulunhu nounona ove nokufila medu eli, itava ka pakwa. Itava ka lilwa eenghali. Kape na ou te va lile eenghali ile te likululile omapalu omolwavo. 7 Ndele kape na ou te va tukulile omungome weefya, va hekelekwe moluhodi lavo molwonakufya, ngaashi kape na ou te va nwefa eholo lehekeleko molwaxe ile ina. 8 Ino ya mo meumbo la dunga oshivilo, ove u kale omutumba puvo, ove u lye nou nwe pamwe navo. 9 Osheshi Omwene womatanga ovakwaita, Kalunga kaIsrael ota ti ngaha: Tala, monhele ei nomoipafi yeni pomafiku aa eni Ame ohandi xulifa po ondaka yenyakuko nondaka yehafo nondaka yomuhomboli nondaka yomuhombolwa. 10 Ndele tapa ningi, ngeenge ove to shiivifile oshiwana eshi eendjovo adishe edi, ndele ovanhu tave ku lombwele: Omolwashike Omwene e tu xunganekela oiponga aishe ei inene? Okunyona kwetu kulipi nomatimba etu elipi, oo twa nyona kOmwene, Kalunga ketu? 11 Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange. 12 Ndele nye, okunyona kweni ku dule kwooxokulu, osheshi taleni, tamu ende, keshe umweumwe nokushikula oukukutu womutima waye mwii, ndele nye ihamu pwilikine nge. 13 Onghee Ame handi ke mu kupula mo medu eli noku mu undulila moshilongo muhe shi shii, nande onye ile ooxokulu noko tamu ka kala nokufimaneka oikalunga omutenya noufiku, osheshi Ame ihandi ke mu filonghenda. 14 Onghee hano tala, omafiku otae uya, Omwene osho ta ti, itapa tiwa vali: Oshili, Omwene ngaashi e nomwenyo, ou a tembula ovana vaIsrael muEgipiti, 15 ndelenee otapa tiwa: Oshili, ngaashi Omwene e nomwenyo, ou a alula ovana vaIsrael moshilongo shoumbangalanhu nomoilongo aishe, mwaai ye a li e va undulila ko. Heeno Ame ohandi ke va alulila koshilongo shavo vene, nde shi pele ooxekulu.
16 Tala, Ame ohandi tumu ovayuli vahapu veeshi, Omwene osho ta ti, tave ke va yula nokomesho ohandi ka tuma ovakongi vahapu ava tave ke va konga komhunda keshe nokoshikulundudu keshe nomomakololo omamanya. 17 Osheshi omesho ange taa dakamene eendjila davo adishe, do inadi holekwa nge, nongaashi omanyono avo inaa holekwa omesho ange. 18 Ndele tete ohandi ke va handukilila luvali omanyono avo nomatimba avo, osheshi ova nyateka edu lange noimhu yoixuna yavo, nefyuululo lange ove li yadifa oixuna.
19 Omwene, Oove eenghono dange neameno lange
noshihondameno shange mefiku loudjuu!
Oiwana aishe tai uya kwoove
tai di kominghulo dedu ndele tai ti:
Omakoto ongaho ootatekulu ve a fyuulula,
oikalunga yongaho,
muyo kamu na nande shimwe tashi dulu okukwafa.
20 Omunhu ota dulu tuu okuli ningila oikalunga?
Vo vehe fi ookalunga.
21 Onghee hano onda hala oku va longa, onda hala va koneke paife eke lange neenghono dange, ndele tava ka shiiva kutya, edina lange olo Omwene.
Ehanauno lOvaisraeli nokwoongelwa kwavo
1 Ndele ondjovo ei yOmwene oya hanga nge: 2 Ino hombola omukainhu, ove ino kala novana ovamati noukadona ponhele ei. 3 Osheshi Omwene ta tongo ovamati noukadona ava tava dalelwa ponhele ei, nooina tave va dala, nooxe tave va dalele moshilongo eshi, Omwene ota ti ngaha: 4 Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti. 5 Osheshi Omwene osho ta ti: Ino ya mo moshiumbo u lile eenghali, ove u va pendulile po, osheshi Ame onda kufa po ombili yange nouwanghenda wange nefilonghenda lange kovanhu ava, Omwene ta ti. 6 Ovakulunhu nounona ove nokufila medu eli, itava ka pakwa. Itava ka lilwa eenghali. Kape na ou te va lile eenghali ile te likululile omapalu omolwavo. 7 Ndele kape na ou te va tukulile omungome weefya, va hekelekwe moluhodi lavo molwonakufya, ngaashi kape na ou te va nwefa eholo lehekeleko molwaxe ile ina. 8 Ino ya mo meumbo la dunga oshivilo, ove u kale omutumba puvo, ove u lye nou nwe pamwe navo. 9 Osheshi Omwene womatanga ovakwaita, Kalunga kaIsrael ota ti ngaha: Tala, monhele ei nomoipafi yeni pomafiku aa eni Ame ohandi xulifa po ondaka yenyakuko nondaka yehafo nondaka yomuhomboli nondaka yomuhombolwa. 10 Ndele tapa ningi, ngeenge ove to shiivifile oshiwana eshi eendjovo adishe edi, ndele ovanhu tave ku lombwele: Omolwashike Omwene e tu xunganekela oiponga aishe ei inene? Okunyona kwetu kulipi nomatimba etu elipi, oo twa nyona kOmwene, Kalunga ketu? 11 Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange. 12 Ndele nye, okunyona kweni ku dule kwooxokulu, osheshi taleni, tamu ende, keshe umweumwe nokushikula oukukutu womutima waye mwii, ndele nye ihamu pwilikine nge. 13 Onghee Ame handi ke mu kupula mo medu eli noku mu undulila moshilongo muhe shi shii, nande onye ile ooxokulu noko tamu ka kala nokufimaneka oikalunga omutenya noufiku, osheshi Ame ihandi ke mu filonghenda. 14 Onghee hano tala, omafiku otae uya, Omwene osho ta ti, itapa tiwa vali: Oshili, Omwene ngaashi e nomwenyo, ou a tembula ovana vaIsrael muEgipiti, 15 ndelenee otapa tiwa: Oshili, ngaashi Omwene e nomwenyo, ou a alula ovana vaIsrael moshilongo shoumbangalanhu nomoilongo aishe, mwaai ye a li e va undulila ko. Heeno Ame ohandi ke va alulila koshilongo shavo vene, nde shi pele ooxekulu.
16 Tala, Ame ohandi tumu ovayuli vahapu veeshi, Omwene osho ta ti, tave ke va yula nokomesho ohandi ka tuma ovakongi vahapu ava tave ke va konga komhunda keshe nokoshikulundudu keshe nomomakololo omamanya. 17 Osheshi omesho ange taa dakamene eendjila davo adishe, do inadi holekwa nge, nongaashi omanyono avo inaa holekwa omesho ange. 18 Ndele tete ohandi ke va handukilila luvali omanyono avo nomatimba avo, osheshi ova nyateka edu lange noimhu yoixuna yavo, nefyuululo lange ove li yadifa oixuna.
19 Omwene, Oove eenghono dange neameno lange
noshihondameno shange mefiku loudjuu!
Oiwana aishe tai uya kwoove
tai di kominghulo dedu ndele tai ti:
Omakoto ongaho ootatekulu ve a fyuulula,
oikalunga yongaho,
muyo kamu na nande shimwe tashi dulu okukwafa.
20 Omunhu ota dulu tuu okuli ningila oikalunga?
Vo vehe fi ookalunga.
21 Onghee hano onda hala oku va longa, onda hala va koneke paife eke lange neenghono dange, ndele tava ka shiiva kutya, edina lange olo Omwene.
