Omweengeli wOmwene
1 Opo nee omweengeli wOmwene okwa dja muGilgal e uya kuBokim, ndele ta ti: “Ame nde mu pitifa mo muEgipiti ndele nde mu eta medu eli, nde li udanekela ooxo nokwaana, ndele nda tile: ‘Ame ihandi ka teya po ehangano letu nanye fiyo alushe, 2 ndelenee inamu ninga nande ehangano noonakukalamo vomedu eli. Oiyambelo yavo mu noku i ngumauna po.’ Ndelenee nye inamu pwilikina ondaka yange. Paife omwa ninga shike? 3 Onghee hano ohandi mu lombwele yo: Ame ihandi ke va taataa komesho yeni, opo vo otava ka ninga ovatondadi veni, noikalunga yavo tai ka ninga omwiyo weni.” 4 Ndele fimbo omweengeli wOmwene a popifa ovana aveshe vaIsrael neendjovo edi, ovanhu va yelula ondaka yavo ndele tava lili. 5 Ndele va luka onhele oyo Bokim ndele va yandjela eyambo lavo kOmwene.
Oukali wOvaisraeli mefimbo lovatokolipangeli
6 Opo nee Josua okwa lekela ovanhu, novana vaIsrael, keshe umwe, okwa ya moshitukulwafyuululwa shaye e ke shi nangale. 7 Novanhu ova longela Omwene omafiku aeshe fimbo Josua kwa li e nomwenyo nomafiku aeshe fimbo ovakulunhu ava va kala nomwenyo konima yefyo laJosua, ava va mona oilonga aishe inene yOmwene, e i ningila Israel. 8 Ndelenee Josua yaNun, omupiya wOmwene okwa fya e nomido efele nomulongo. 9 Ndele vo ove mu paka monhele yoshitukulwafyuululwa shaye muTimnat-Heres, keemhunda daEfraim koumbangalanhu womhunda yaGaas. 10 Ndele epupi olo alishe, eshi la ongelwa kooxe, epupi limwe la holoka konima yavo, lo inali shiiva Omwene nosho yo inava shiiva oilonga ye e i ningila Israel. 11 Novana vaIsrael va ninga eshi inashi wapala momesho Omwene, vo ova longela ooBaal, 12 ndele va efa Omwene Kalunga kooxe, ou e va pitifa mo medu laEgipiti, ndele va shikula oikalunga yoiwana oyo ya li ye va dingilila, ndele ve i linyongamena ndele va handukifa Omwene. 13 Ndele vo eshi va efa Omwene ndele va longela ooBaal nooAstarot, 14 ehandu lOmwene ola xwamena Ovaisraeli ndele Ye e va efela momake ovahanauni, ava ve va lwa. Ndele Ye okwe va landifa po momake ovatondadi vavo ve va dingilila, onghee hano va nyengwa okulipopila moipafi yovatondadi vavo. 15 Keshe apa va ya, eke lOmwene le va lwifa noku va etela owii, ngaashi Omwene e shi va tongelele nongaashi Omwene e shi va anenene.
16 Ndelenee alushe eshi va hangika koudjuu, Omwene okwa pendula ovatokolipangeli, ava ve va xupifa mo momake ovahanauni vavo. 17 Vo inava pwilikina yo nande ovatokolipangeli vavo, ndelenee moluhaelo va shikula oikalunga imwe ndele ve linyongamena kuyo. Va yapuka mo diva mondjila ei ooxe va enda nayo, mokudulika koipango yOmwene. Hasho va ninga. 18 Ndele alushe Omwene ngeenge e va pendulila ovatokolipangeli, Omwene okwa li pamwe nomutokolipangeli oku va xupifa mo momake ovatondadi vavo momafiku aeshe omutokolipangeli, osheshi Omwene okwa li e va uditile olukeno, vo eshi va kema omolwovafininiki novahepeki vavo. 19 Ndelenee alushe omutokolipangeli eshi a fya, vo ova nyona ve dule ooxe, okushikula oikalunga imwe yo ve i longela nokulinyongamena kuyo. Vo inava efa oilonga yavo nokweenda kwavo moukukutu. 20 Onghee hano ehandu lOmwene la xwamena Israel ndele Ye ta ti: “Oshiwana eshi eshi sha teya ehangano lange nde li lombwela ooxe ndele itashi pwilikine ondaka yange, 21 ame ihandi ka taataa vali komesho yavo oshiwana nande shimwe shomuyo, Josua e i xupifa mefimbo lefyo laye, 22 molwayo Ame nda hala okuyeleka Ovaisraeli, vo ngeenge tava diinine tuu ondjila yOmwene ngaashi ooxe ve i diinina, ile ahowe.” 23 Onghee hano Omwene okwa efa oiwana oyo i kale po, Ye ine i taataa diva, ndele ine i yandja momake aJosua.
Omweengeli wOmwene
1 Opo nee omweengeli wOmwene okwa dja muGilgal e uya kuBokim, ndele ta ti: “Ame nde mu pitifa mo muEgipiti ndele nde mu eta medu eli, nde li udanekela ooxo nokwaana, ndele nda tile: ‘Ame ihandi ka teya po ehangano letu nanye fiyo alushe, 2 ndelenee inamu ninga nande ehangano noonakukalamo vomedu eli. Oiyambelo yavo mu noku i ngumauna po.’ Ndelenee nye inamu pwilikina ondaka yange. Paife omwa ninga shike? 3 Onghee hano ohandi mu lombwele yo: Ame ihandi ke va taataa komesho yeni, opo vo otava ka ninga ovatondadi veni, noikalunga yavo tai ka ninga omwiyo weni.” 4 Ndele fimbo omweengeli wOmwene a popifa ovana aveshe vaIsrael neendjovo edi, ovanhu va yelula ondaka yavo ndele tava lili. 5 Ndele va luka onhele oyo Bokim ndele va yandjela eyambo lavo kOmwene.
Oukali wOvaisraeli mefimbo lovatokolipangeli
6 Opo nee Josua okwa lekela ovanhu, novana vaIsrael, keshe umwe, okwa ya moshitukulwafyuululwa shaye e ke shi nangale. 7 Novanhu ova longela Omwene omafiku aeshe fimbo Josua kwa li e nomwenyo nomafiku aeshe fimbo ovakulunhu ava va kala nomwenyo konima yefyo laJosua, ava va mona oilonga aishe inene yOmwene, e i ningila Israel. 8 Ndelenee Josua yaNun, omupiya wOmwene okwa fya e nomido efele nomulongo. 9 Ndele vo ove mu paka monhele yoshitukulwafyuululwa shaye muTimnat-Heres, keemhunda daEfraim koumbangalanhu womhunda yaGaas. 10 Ndele epupi olo alishe, eshi la ongelwa kooxe, epupi limwe la holoka konima yavo, lo inali shiiva Omwene nosho yo inava shiiva oilonga ye e i ningila Israel. 11 Novana vaIsrael va ninga eshi inashi wapala momesho Omwene, vo ova longela ooBaal, 12 ndele va efa Omwene Kalunga kooxe, ou e va pitifa mo medu laEgipiti, ndele va shikula oikalunga yoiwana oyo ya li ye va dingilila, ndele ve i linyongamena ndele va handukifa Omwene. 13 Ndele vo eshi va efa Omwene ndele va longela ooBaal nooAstarot, 14 ehandu lOmwene ola xwamena Ovaisraeli ndele Ye e va efela momake ovahanauni, ava ve va lwa. Ndele Ye okwe va landifa po momake ovatondadi vavo ve va dingilila, onghee hano va nyengwa okulipopila moipafi yovatondadi vavo. 15 Keshe apa va ya, eke lOmwene le va lwifa noku va etela owii, ngaashi Omwene e shi va tongelele nongaashi Omwene e shi va anenene.
16 Ndelenee alushe eshi va hangika koudjuu, Omwene okwa pendula ovatokolipangeli, ava ve va xupifa mo momake ovahanauni vavo. 17 Vo inava pwilikina yo nande ovatokolipangeli vavo, ndelenee moluhaelo va shikula oikalunga imwe ndele ve linyongamena kuyo. Va yapuka mo diva mondjila ei ooxe va enda nayo, mokudulika koipango yOmwene. Hasho va ninga. 18 Ndele alushe Omwene ngeenge e va pendulila ovatokolipangeli, Omwene okwa li pamwe nomutokolipangeli oku va xupifa mo momake ovatondadi vavo momafiku aeshe omutokolipangeli, osheshi Omwene okwa li e va uditile olukeno, vo eshi va kema omolwovafininiki novahepeki vavo. 19 Ndelenee alushe omutokolipangeli eshi a fya, vo ova nyona ve dule ooxe, okushikula oikalunga imwe yo ve i longela nokulinyongamena kuyo. Vo inava efa oilonga yavo nokweenda kwavo moukukutu. 20 Onghee hano ehandu lOmwene la xwamena Israel ndele Ye ta ti: “Oshiwana eshi eshi sha teya ehangano lange nde li lombwela ooxe ndele itashi pwilikine ondaka yange, 21 ame ihandi ka taataa vali komesho yavo oshiwana nande shimwe shomuyo, Josua e i xupifa mefimbo lefyo laye, 22 molwayo Ame nda hala okuyeleka Ovaisraeli, vo ngeenge tava diinine tuu ondjila yOmwene ngaashi ooxe ve i diinina, ile ahowe.” 23 Onghee hano Omwene okwa efa oiwana oyo i kale po, Ye ine i taataa diva, ndele ine i yandja momake aJosua.
