Ekundifo
1 Jakob, omupiya waKalunga nowOmwene Jesus Kristus,
Ohandi kundile po omapata omulongo naavali, oo a kala melihano.
Lididimikileni momashindo
2 Ovamwatate, hafeni shili, ngeenge tamu hangika komahongaulo opahapu, 3 osheshi omu shi shii kutya, okuyelekwa kweitavelo leni otaku longo elididimiko. 4 Ndelenee elididimiko nali kale li noshilonga sha wana, opo mu kale mwa wana muhe noshipo nomuhe na eshi mwe shi pumbwa.
5 Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa. 6 Ashike ye na indile meitavelo, ina limbililwa, osheshi ou ta limbililwa, a fa ekufikufi tali twalwatwalwa notali telaanifwa komhepo. 7 Omunhu a tya ngaha ina diladila kutya, ota pewa sha kOmwene, 8 omulumenhu womitima mbali nomutengauki meendjila daye adishe.
9 Ndelenee omumwatate ou munini ne litangele ounenenhu waye, 10 noshipuna nounininhu washo, osheshi otashi ka xula po ngaashi onhemo yomwiidi. 11 Osheshi etango otali piti noupyu walo ndelenee tau lembeke omwiidi, nonhemo yao tai yaumuka ko, newapalo lokutalwa kwayo tali xulu po; osho yo noshipuna otashi lembe meendjila dasho.
12 Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole. 13 Omunhu ngeenge ta shindwa, ina tya: “Ohandi shindwa kuKalunga,” osheshi Kalunga iha dulu a shindwe kowii, naye mwene iha shindi nande omunhu. 14 Ndelenee keshe umwe ota hongaulwa kokahalu kaye mwene, oko hake mu shili notake mu heke; 15 nokahalu ngeenge ka fimbapala, otaka dala oulunde, noulunde eshi wa wanifwa, otau dala efyo.
16 Ovamwatate ovaholike, inamu puka. 17 Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu. 18 Oye e tu dala kondjovo yoshili opahalo laye, opo tu kale ovatete voishitwa yaye.
Kaleni ovawanifi vondjovo yaKalunga
19 Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka; 20 osheshi ehandu lomulumenhu ihali longo osho sha yuka koshipala shaKalunga. 21 Onghee hano liduleni eenyata adishe nowii aushe, nye mu tambule nomwenyo wa ngungumana eendjovo da twikwa munye odo di na eenghono okuxupifa eemwenyo deni.
22 Kaleni hano ovawanifi veendjovo, havapwilikini vongaho nokulifufya nye vene. 23 Osheshi umwe ngeenge omupwilikini weendjovo ndele hamuwanifi wado, okwa fa omulumenhu ta tale oshipala shaye mokatengelelo; 24 ye ote litale, ndele ta di po, ndele te lidimbwa diva nhumbi ye a tya. 25 Ndelenee ou ta tale nokukonakona momhango ei ya wana yemanguluko ndele ta kala mo, ye ehe fi omupwilikini ha dimbwa, ndelenee omuwanifi shili, oye ta kala omunelao mokulonga kwaye.
26 Ngeenge ope na umwe mokati keni e lishii oye omulongelikalunga ndele ita pangele elaka laye, ndele ota pukifa omutima waye, okulongela Kalunga kwaye okwongaho. 27 Elongelokalunga la yela nolihe nedilo lasha koshipala shaKalunga naTate oleli: okutalela po eefiye novafiyekadi momaudjuu avo, nokuliamena aha nyatekwe kounyuni.
Ekundifo
1 Jakob, omupiya waKalunga nowOmwene Jesus Kristus,
Ohandi kundile po omapata omulongo naavali, oo a kala melihano.
Lididimikileni momashindo
2 Ovamwatate, hafeni shili, ngeenge tamu hangika komahongaulo opahapu, 3 osheshi omu shi shii kutya, okuyelekwa kweitavelo leni otaku longo elididimiko. 4 Ndelenee elididimiko nali kale li noshilonga sha wana, opo mu kale mwa wana muhe noshipo nomuhe na eshi mwe shi pumbwa.
5 Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa. 6 Ashike ye na indile meitavelo, ina limbililwa, osheshi ou ta limbililwa, a fa ekufikufi tali twalwatwalwa notali telaanifwa komhepo. 7 Omunhu a tya ngaha ina diladila kutya, ota pewa sha kOmwene, 8 omulumenhu womitima mbali nomutengauki meendjila daye adishe.
9 Ndelenee omumwatate ou munini ne litangele ounenenhu waye, 10 noshipuna nounininhu washo, osheshi otashi ka xula po ngaashi onhemo yomwiidi. 11 Osheshi etango otali piti noupyu walo ndelenee tau lembeke omwiidi, nonhemo yao tai yaumuka ko, newapalo lokutalwa kwayo tali xulu po; osho yo noshipuna otashi lembe meendjila dasho.
12 Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole. 13 Omunhu ngeenge ta shindwa, ina tya: “Ohandi shindwa kuKalunga,” osheshi Kalunga iha dulu a shindwe kowii, naye mwene iha shindi nande omunhu. 14 Ndelenee keshe umwe ota hongaulwa kokahalu kaye mwene, oko hake mu shili notake mu heke; 15 nokahalu ngeenge ka fimbapala, otaka dala oulunde, noulunde eshi wa wanifwa, otau dala efyo.
16 Ovamwatate ovaholike, inamu puka. 17 Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu. 18 Oye e tu dala kondjovo yoshili opahalo laye, opo tu kale ovatete voishitwa yaye.
Kaleni ovawanifi vondjovo yaKalunga
19 Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka; 20 osheshi ehandu lomulumenhu ihali longo osho sha yuka koshipala shaKalunga. 21 Onghee hano liduleni eenyata adishe nowii aushe, nye mu tambule nomwenyo wa ngungumana eendjovo da twikwa munye odo di na eenghono okuxupifa eemwenyo deni.
22 Kaleni hano ovawanifi veendjovo, havapwilikini vongaho nokulifufya nye vene. 23 Osheshi umwe ngeenge omupwilikini weendjovo ndele hamuwanifi wado, okwa fa omulumenhu ta tale oshipala shaye mokatengelelo; 24 ye ote litale, ndele ta di po, ndele te lidimbwa diva nhumbi ye a tya. 25 Ndelenee ou ta tale nokukonakona momhango ei ya wana yemanguluko ndele ta kala mo, ye ehe fi omupwilikini ha dimbwa, ndelenee omuwanifi shili, oye ta kala omunelao mokulonga kwaye.
26 Ngeenge ope na umwe mokati keni e lishii oye omulongelikalunga ndele ita pangele elaka laye, ndele ota pukifa omutima waye, okulongela Kalunga kwaye okwongaho. 27 Elongelokalunga la yela nolihe nedilo lasha koshipala shaKalunga naTate oleli: okutalela po eefiye novafiyekadi momaudjuu avo, nokuliamena aha nyatekwe kounyuni.
