Oilongo tai tokolwa Israel tashi ongelwa medu lasho
1 Mefiku tuu olo Omwene ota ka tokola, ndele ta tu neongamukonda laye la pama nolinene nolidjuu, Leviatan, eyoka li nonhapo, naLeviatan, eyoka hali ngolyauka, nongadu yomefuta ote i dipaa po.
2 Mefiku tuu olo otapa tiwa: Ope na oshikokola shomiviinyu, shomaviinyu mawa, shi imbeni! 3 Aame Omwene, omunangeli washo: “Ohandi shi tekele omafimbo aeshe; ohandi ke shi amena oufiku nomutenya, opo shiha mone nande oshiponga. 4 Mwaame kamu na ehandu. Ngeno ndi mone omakiya neeshosholo, onda hala oku i shingila oita noku shi xwika po ashishe mumwe, 5 okuninga tava kongo eameno lange, ndele tava popi nombili naame, heeno, ombili naame.” 6 Momafiku okomesho Jakob ota ka twama, Israel ota ka temuna eenhemo, ndele ta tutuma nota yadifa ounyuni aushe noiimati.
7 Omwene okwe mu denga mbela, ngaashi ovahepeki vaye va dengwa, ile okwe mu dipaa ngaashi ovadipai vaye va dipawa po? 8 Moku mu ta po nomoku mu kandula po, Ove we mu handukila. Oye okwe mu komba po noshikungulu shaye sheenghono mefiku lomhepo yokoushilo. 9 Opo nee mwaai aishe oilonga ii yaJakob tai dimwa po, nomo otamu kala oiimati yedimo lomatimba aye, omamanya omayambelo aeshe, ngeenge taa nyanyaulwa, ngaashi omamanya okalka taa nyanyaulwa; pu ha kale vali omalupwelele aAsera neengudi detango.
10 Osheshi oshilando sha kala sha pama, osho osha fiwa po, sha fa oshuumbo sha efiwa, sha fa eputu; outana otava wandjele ko, oko tava ombo, ndele tava li oitutumine yasho. 11 Oitai ngeenge ya kukuta otai tyavwa, ovakainhu otave uya ndele tava shakala omundilo; shaashi ovanhu ava vehe na omayele, onghee Omushiti wavo ite va file onghenda, naau e va ma, ite va etele olukeno. 12 Ndele mefiku tuu olo, Omwene ota ka shopola oiimati okudja komulonga waEufrat fiyo okokamulonga kaEgipiti; akutu nye Ovaisraeli, otamu ka toolwa umwe naumwe.
13 Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.
Oilongo tai tokolwa Israel tashi ongelwa medu lasho
1 Mefiku tuu olo Omwene ota ka tokola, ndele ta tu neongamukonda laye la pama nolinene nolidjuu, Leviatan, eyoka li nonhapo, naLeviatan, eyoka hali ngolyauka, nongadu yomefuta ote i dipaa po.
2 Mefiku tuu olo otapa tiwa: Ope na oshikokola shomiviinyu, shomaviinyu mawa, shi imbeni! 3 Aame Omwene, omunangeli washo: “Ohandi shi tekele omafimbo aeshe; ohandi ke shi amena oufiku nomutenya, opo shiha mone nande oshiponga. 4 Mwaame kamu na ehandu. Ngeno ndi mone omakiya neeshosholo, onda hala oku i shingila oita noku shi xwika po ashishe mumwe, 5 okuninga tava kongo eameno lange, ndele tava popi nombili naame, heeno, ombili naame.” 6 Momafiku okomesho Jakob ota ka twama, Israel ota ka temuna eenhemo, ndele ta tutuma nota yadifa ounyuni aushe noiimati.
7 Omwene okwe mu denga mbela, ngaashi ovahepeki vaye va dengwa, ile okwe mu dipaa ngaashi ovadipai vaye va dipawa po? 8 Moku mu ta po nomoku mu kandula po, Ove we mu handukila. Oye okwe mu komba po noshikungulu shaye sheenghono mefiku lomhepo yokoushilo. 9 Opo nee mwaai aishe oilonga ii yaJakob tai dimwa po, nomo otamu kala oiimati yedimo lomatimba aye, omamanya omayambelo aeshe, ngeenge taa nyanyaulwa, ngaashi omamanya okalka taa nyanyaulwa; pu ha kale vali omalupwelele aAsera neengudi detango.
10 Osheshi oshilando sha kala sha pama, osho osha fiwa po, sha fa oshuumbo sha efiwa, sha fa eputu; outana otava wandjele ko, oko tava ombo, ndele tava li oitutumine yasho. 11 Oitai ngeenge ya kukuta otai tyavwa, ovakainhu otave uya ndele tava shakala omundilo; shaashi ovanhu ava vehe na omayele, onghee Omushiti wavo ite va file onghenda, naau e va ma, ite va etele olukeno. 12 Ndele mefiku tuu olo, Omwene ota ka shopola oiimati okudja komulonga waEufrat fiyo okokamulonga kaEgipiti; akutu nye Ovaisraeli, otamu ka toolwa umwe naumwe.
13 Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.
