Tirus tashi hanaunwa po, ndele tashi pamekululwa
1 Okuxunganekwa kwaTirus. Lileni, onye omawato aTarsis, osheshi Tirus osha teka po, kamu na vali eumbo nomusho itamu iwa vali, vo ove shi udila ko nawa medu lOvakipro. 2 Mweneni nye oonakukala medu lokomunghulo wefuta! Ovalandifi Ovasidoni, ovaendi moskepa vomefuta, ova li ve ku kutifa nale. 3 Ndele ombuto yaSihor noilya yaNil, ya enda kombada yomeva manene, oya etwa muTirus. Ndele osho ye a ninga elimba loipindi yoiwana. 4 Fya ohoni, oove Sidon, osheshi efuta nohotekuma yokefuta otai ti ngaha: “Ame inandi fetwa, osho yo inandi dala, ame inandi kulifa ovanyasha ovamati, ame inandi kulifa ovanyasha oukadona.” 5 Ngeenge eshi sha udika muEgipiti, opo nee otava ka kakama mehaluko molwaashi sha ningwa muTirus. 6 Taulukeni mu ye kuTarsis; kemeni, onye ava vokomunghulo wefuta. 7 Oshilando sheni shehafotanho osho tuu eshi, sha hovela momafiku onale, eemhadi dasho de va twala kokule, komadu okokule va kale ko ngaashi ovanailongo?
8 Olyelye e shi pangela nokutya, Tirus osha li hashi yandje omitumbo deehamba, novalandifi vasho voipindi va li eehamba, novashingifi vasho oipuna younyuni ya tumbalekwa? 9 Omwene womatanga ovakwaita osho a tokola ngaha, opo a xutule po oshingefulalalo shovalinenepeki, opo Ye a fife ohoni ovanamadina vomoshilongo. 10 Omona okakadona kaTarsis, kungulukila medu loye, ngaashi omulonga waNil. Kape na vali efitiko lokukelela. 11 Ye okwa yelulila eke laye kombada yefuta, okwa kakamifa omauhamba. Omwene okwa yandja elombwelo nokutya, omakumahote aKaanan e nokuhanaunwa po. 12 Ndele Ye okwa tya: Ino nyakukwa vali, oove okakadona, wa fifwa ohoni, oove omona okakadona kaSidon! Fikama, u ye kOvakipro; ndele oko yo ito ka mona etulumuko.
13 Kava li Ovaasiria, ndelenee Ovakaldea ava va efela oifitukuti muTirus, ova tunga eeshungonangelo, vo tava ngumauna po oshilando shaTirus.
14 Lileni, onye omawato aTarsis, osheshi ohotekuma yeni oya hanaunwa po. 15 Ndele mefiku tuu olo Tirus otashi ka kala sha dimbuwa omido omilongo heyali di fike pomafiku ohamba imwe. Ngeenge pa pita omido omilongo heyali, Tirus otashi ningwa ngaashi eimbilo lombwada tali ti:
16 “Kufa onyalilo, ove u ye moshilando,
ove ombwada ya dimbuwa, shika nawa,
ove u imbe, opo u dimbulukiwe!”
17 Pexulilo lomido omilongo heyali, Omwene ota ka tala vali kuTirus, ndele tashi ka alukila ondjabi yoluhaelo, ndele tashi kala nokuhaelafana nomauhamba aeshe aa e li kombada yedu. 18 Ndelenee eliko lasho lomondado, nondjabi yasho yehaelo otai ka yapulilwa Omwene, ndele lo itali ka tuvikilwa, ndele itali ka tulikwa, ndelenee eliko lasho otali ka ninga okulya kwaava nomidjalo da wapala kwaava ve neenhele davo koshipala shOmwene.
Tirus tashi hanaunwa po, ndele tashi pamekululwa
1 Okuxunganekwa kwaTirus. Lileni, onye omawato aTarsis, osheshi Tirus osha teka po, kamu na vali eumbo nomusho itamu iwa vali, vo ove shi udila ko nawa medu lOvakipro. 2 Mweneni nye oonakukala medu lokomunghulo wefuta! Ovalandifi Ovasidoni, ovaendi moskepa vomefuta, ova li ve ku kutifa nale. 3 Ndele ombuto yaSihor noilya yaNil, ya enda kombada yomeva manene, oya etwa muTirus. Ndele osho ye a ninga elimba loipindi yoiwana. 4 Fya ohoni, oove Sidon, osheshi efuta nohotekuma yokefuta otai ti ngaha: “Ame inandi fetwa, osho yo inandi dala, ame inandi kulifa ovanyasha ovamati, ame inandi kulifa ovanyasha oukadona.” 5 Ngeenge eshi sha udika muEgipiti, opo nee otava ka kakama mehaluko molwaashi sha ningwa muTirus. 6 Taulukeni mu ye kuTarsis; kemeni, onye ava vokomunghulo wefuta. 7 Oshilando sheni shehafotanho osho tuu eshi, sha hovela momafiku onale, eemhadi dasho de va twala kokule, komadu okokule va kale ko ngaashi ovanailongo?
8 Olyelye e shi pangela nokutya, Tirus osha li hashi yandje omitumbo deehamba, novalandifi vasho voipindi va li eehamba, novashingifi vasho oipuna younyuni ya tumbalekwa? 9 Omwene womatanga ovakwaita osho a tokola ngaha, opo a xutule po oshingefulalalo shovalinenepeki, opo Ye a fife ohoni ovanamadina vomoshilongo. 10 Omona okakadona kaTarsis, kungulukila medu loye, ngaashi omulonga waNil. Kape na vali efitiko lokukelela. 11 Ye okwa yelulila eke laye kombada yefuta, okwa kakamifa omauhamba. Omwene okwa yandja elombwelo nokutya, omakumahote aKaanan e nokuhanaunwa po. 12 Ndele Ye okwa tya: Ino nyakukwa vali, oove okakadona, wa fifwa ohoni, oove omona okakadona kaSidon! Fikama, u ye kOvakipro; ndele oko yo ito ka mona etulumuko.
13 Kava li Ovaasiria, ndelenee Ovakaldea ava va efela oifitukuti muTirus, ova tunga eeshungonangelo, vo tava ngumauna po oshilando shaTirus.
14 Lileni, onye omawato aTarsis, osheshi ohotekuma yeni oya hanaunwa po. 15 Ndele mefiku tuu olo Tirus otashi ka kala sha dimbuwa omido omilongo heyali di fike pomafiku ohamba imwe. Ngeenge pa pita omido omilongo heyali, Tirus otashi ningwa ngaashi eimbilo lombwada tali ti:
16 “Kufa onyalilo, ove u ye moshilando,
ove ombwada ya dimbuwa, shika nawa,
ove u imbe, opo u dimbulukiwe!”
17 Pexulilo lomido omilongo heyali, Omwene ota ka tala vali kuTirus, ndele tashi ka alukila ondjabi yoluhaelo, ndele tashi kala nokuhaelafana nomauhamba aeshe aa e li kombada yedu. 18 Ndelenee eliko lasho lomondado, nondjabi yasho yehaelo otai ka yapulilwa Omwene, ndele lo itali ka tuvikilwa, ndele itali ka tulikwa, ndelenee eliko lasho otali ka ninga okulya kwaava nomidjalo da wapala kwaava ve neenhele davo koshipala shOmwene.
