Ehanauko laEgipiti nolaEtiopia
1 Momudo winya Tartan, elenga, a li a tumwa kuSargon, ohamba yaAsiria, okwe uya kuAsdod, e shi lwifa, ndele te shi teya po; 2 mefimbo tuu olo Omwene okwa popifa Jesaja yaAmos, ndele ta ti: Inda ko, u ke lidule oshako moshiya shoye, neenghaku doye u di xukule ko keemhadi doye. Ndele ye okwe shi ninga: “Ta ende hamunghele, ehe na ohema neenghaku.” 3 Opo nee Omwene okwa tya: “Ngaashi omupiya wange Jesaja ta ende ehe na ohema neenghaku omido nhatu a ninga edidiliko lehanauko laEgipiti nolaEtiopia, 4 osho ohamba yaAsiria ota ka endifa ovapika Ovaegipiti neenghwate dokuEtiopia ovanyasha novashamane vako ve li hamunghele, vehe na eehema neenghaku, nomatako ongaho, ohoni yaEgipiti. 5 Ndele vo otava ka haluka ndele tava fifwa ohoni kuEtiopia, eshi va li ve mu lineekela nova kala have linenepekele Egipiti. 6 Ndele oonakukalamo momunghulo wefuta eli, otava popi mefiku tuu olo tava ti: ‘Tala, ava twa li twa tala kuvo, ve tu kwafe ngeno nove tu popile kohamba yaAsiria, otava ningwa ngaha. Fye vene ohatu xupu ngahelipi?’ ”
Ehanauko laEgipiti nolaEtiopia
1 Momudo winya Tartan, elenga, a li a tumwa kuSargon, ohamba yaAsiria, okwe uya kuAsdod, e shi lwifa, ndele te shi teya po; 2 mefimbo tuu olo Omwene okwa popifa Jesaja yaAmos, ndele ta ti: Inda ko, u ke lidule oshako moshiya shoye, neenghaku doye u di xukule ko keemhadi doye. Ndele ye okwe shi ninga: “Ta ende hamunghele, ehe na ohema neenghaku.” 3 Opo nee Omwene okwa tya: “Ngaashi omupiya wange Jesaja ta ende ehe na ohema neenghaku omido nhatu a ninga edidiliko lehanauko laEgipiti nolaEtiopia, 4 osho ohamba yaAsiria ota ka endifa ovapika Ovaegipiti neenghwate dokuEtiopia ovanyasha novashamane vako ve li hamunghele, vehe na eehema neenghaku, nomatako ongaho, ohoni yaEgipiti. 5 Ndele vo otava ka haluka ndele tava fifwa ohoni kuEtiopia, eshi va li ve mu lineekela nova kala have linenepekele Egipiti. 6 Ndele oonakukalamo momunghulo wefuta eli, otava popi mefiku tuu olo tava ti: ‘Tala, ava twa li twa tala kuvo, ve tu kwafe ngeno nove tu popile kohamba yaAsiria, otava ningwa ngaha. Fye vene ohatu xupu ngahelipi?’ ”
