Eilikano lomuxunganeki
1 Eilikano lomuxunganeki Habakuk, paimbilo. 2 Omwene, onda uda ondaka yoye ndele nda tila! Omwene, oshilonga shoye shi tula omwenyo pokati komido, ndele shi holola pokati komido. Mehandu dimbulukwa efilonghenda.
3 Kalunga te uya, ta di kuTeman, nomuyapuki komhunda yaParan. Sela . Ounenepangelo waye tau tuvike eulu, nedu li yadi ehambelelo laye. 4 Ouyelele waye wa fetango, muye tamu di eenhe, nomudo Ye ota holeke eenghono daye. 5 Oudu wolutapo tau mu tetekele, oshidu shepupyalo tashi mu shikula. 6 Ye ota kanghama, ndele ota kakamifa edu! Ye ota tale, ndele ta kakamifa oiwana aishe! Eemhunda daalushe otadi topaana, neemhunda dikulu tadi ningine mo, noikulundudu ikulu. Eendjila daye ngaashi defimbo lonale. 7 Ame handi mono omatwali omuKusan e li moluhepo, neefaila domatwali aMidian tadi kakama. 8 Omwene oku na tuu mbela ehandu momilonga? Ehandu loye tali xwamene omilonga? Ile oupyuhandu woye tau hange efuta, eshi ho ende neenghambe doye nomatemba efindano. 9 Outa woye aushe wa monika. Onywa yoye i yadi oikuti. Sela . Edu to li taula nomilonga. 10 Eemhunda tadi ku mono ndele tadi kakama. Odula inene tai tileshi omeva. Ondaka youle wefuta tai udika. Oule tau yelula omaoko ao pombada. 11 Etango nohani tai fyaala meenhele dayo nouyelele noikuti yoye ya umbwa nomevadimo loluvadi leonga loye. 12 Moupyuhandu Ove to lyataula edu, Ove to xu oiwana mehandu. 13 Ove to holoka u xupife oshiwana shoye, u xupife Omuvaekwa woye. Ove to teyaula omutwe weumbo lomudinikalunga, nekanghameno Ove to fe mo fiyo okoluma. Sela . 14 Ove to tyuula noikuti yoye mwene omutwe wovapangeli vavo, ovo tava nhukile nge okuhalakanifa nge. Ehafo lavo olo okupona ovakwanaluhepo meholeko.
15 Eenghambe doye Ove to di londo kefuta, lomeva mahapu. 16 Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa. 17 Osheshi nande omukwiyu itau hape vali, nomuviinyu itau ima sha vali, noshilonga sholumono tashi ka hepa, nomapya itaa yandje vali eendja, needi domoshuunda tadi fi olundodo neengobe itadi ka kala vali moyuunda; 18 nande ngaha, ame handi ka hafela Omwene, ame handi ka kuwilila Kalunga kexupifo lange. 19 Omwene Kalunga Oye eenghono dange. Ye ota pameke eemhadi dange ngaashi omakondo omenye ndele Ye ota endifile nge koikulundudu yange. Komukwatelikomesho wovaimbi: eimbilo eli nali imbwe nouxumbafeta.
Eilikano lomuxunganeki
1 Eilikano lomuxunganeki Habakuk, paimbilo. 2 Omwene, onda uda ondaka yoye ndele nda tila! Omwene, oshilonga shoye shi tula omwenyo pokati komido, ndele shi holola pokati komido. Mehandu dimbulukwa efilonghenda.
3 Kalunga te uya, ta di kuTeman, nomuyapuki komhunda yaParan. Sela . Ounenepangelo waye tau tuvike eulu, nedu li yadi ehambelelo laye. 4 Ouyelele waye wa fetango, muye tamu di eenhe, nomudo Ye ota holeke eenghono daye. 5 Oudu wolutapo tau mu tetekele, oshidu shepupyalo tashi mu shikula. 6 Ye ota kanghama, ndele ota kakamifa edu! Ye ota tale, ndele ta kakamifa oiwana aishe! Eemhunda daalushe otadi topaana, neemhunda dikulu tadi ningine mo, noikulundudu ikulu. Eendjila daye ngaashi defimbo lonale. 7 Ame handi mono omatwali omuKusan e li moluhepo, neefaila domatwali aMidian tadi kakama. 8 Omwene oku na tuu mbela ehandu momilonga? Ehandu loye tali xwamene omilonga? Ile oupyuhandu woye tau hange efuta, eshi ho ende neenghambe doye nomatemba efindano. 9 Outa woye aushe wa monika. Onywa yoye i yadi oikuti. Sela . Edu to li taula nomilonga. 10 Eemhunda tadi ku mono ndele tadi kakama. Odula inene tai tileshi omeva. Ondaka youle wefuta tai udika. Oule tau yelula omaoko ao pombada. 11 Etango nohani tai fyaala meenhele dayo nouyelele noikuti yoye ya umbwa nomevadimo loluvadi leonga loye. 12 Moupyuhandu Ove to lyataula edu, Ove to xu oiwana mehandu. 13 Ove to holoka u xupife oshiwana shoye, u xupife Omuvaekwa woye. Ove to teyaula omutwe weumbo lomudinikalunga, nekanghameno Ove to fe mo fiyo okoluma. Sela . 14 Ove to tyuula noikuti yoye mwene omutwe wovapangeli vavo, ovo tava nhukile nge okuhalakanifa nge. Ehafo lavo olo okupona ovakwanaluhepo meholeko.
15 Eenghambe doye Ove to di londo kefuta, lomeva mahapu. 16 Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa. 17 Osheshi nande omukwiyu itau hape vali, nomuviinyu itau ima sha vali, noshilonga sholumono tashi ka hepa, nomapya itaa yandje vali eendja, needi domoshuunda tadi fi olundodo neengobe itadi ka kala vali moyuunda; 18 nande ngaha, ame handi ka hafela Omwene, ame handi ka kuwilila Kalunga kexupifo lange. 19 Omwene Kalunga Oye eenghono dange. Ye ota pameke eemhadi dange ngaashi omakondo omenye ndele Ye ota endifile nge koikulundudu yange. Komukwatelikomesho wovaimbi: eimbilo eli nali imbwe nouxumbafeta.
