Jakob ta longele Laban
1 Opo nee Jakob okwa fikama ndele okwa ya, ndee okwa fika moshilongo shovakwaushilo. 2 Ndele tala, okwa mona omufima moixwa opo pa li pa omba omaufita atatu eedi, osheshi momufima ou vo va xwiila eedi. Nomoshivelo shomufima mwa tulwa emanya lakula. 3 Ndele ngeenge omaufita aeshe a ongala, ovafita veedi ohava alangatifa po emanya poshivelo shomufima ndele tava xwiile oimuna. Opo nee tava shunifa po emanya poshivelo shomufima ponhele yalo.
4 Opo nee Jakob okwa tya kuvo: “Vakwetu, nye ovapeni?” Ndele vo ova nyamukula tava ti: “Fye otwa dja kuHaran.” 5 Ndele ye okwe va pula ta ti: “Laban yaNahor omu mu shii?” Ndele vo ova nyamukula, tava ti: “Fye otu mu shii.” 6 Ye okwe va pula vali ta ti: “Oku li tuu nawa?” Ndele vo ova nyamukula tava ti: “Heeno, oku li nawa. Nomona waye okakadona, Rakel, oyoo te uya needi.” 7 Ndele ye ta ti: “Omutenya natango; inali toka natango okukongelela oimuna. Xwiileni eedi di ka lye.” 8 Opo nee vo ova nyamukula, tava ti: “Fye ihatu shi dulu, ofimbo omaufita aeshe inaa ongala. Opo nee hatu alangatifa po emanya poshivelo shomufima, ndele hatu xwiile eedi.”
9 Fimbo ye ta popi natango navo, Rakel okwe uya pamwe needi daxe, osheshi ye okwa li ha lifa eedi. 10 Jakob eshi a mona Rakel, omona okakadona kaLaban, omumwaina waina, noimuna yaLaban, mumwaina waina, okwa lotoka nokwa alangatifa po emanya poshivelo shomufima ndele ta xwiile oimuna yaLaban, mumwaina waina. 11 Ndele Jakob okwa fipa Rakel komilungu ndee ta lili pombada. 12 Ndele Jakob okwa hepaululila Rakel nokutya, ye omutekulu waxe nomona waRebeka. Opo nee Rakel okwa tondoka ndele okwe ke shi hepaululila xe.
13 Laban eshi a uda eenghundana edi daJakob, omona wamumwaina, okwa endelela oku mu shakeneka, ndele okwe mu papatela mofingo nokwe mu fipa komilungu nokwe mu twala meumbo laye. Jakob okwa hepaululila Laban oinima aishe ngaashi ya shikulafana. 14 Opo nee Laban okwe mu lombwela: “Oshili, ove ekipa lange nombelela yange.” Ndele ye a kala puye ohani aishe.
15 Opo nee Laban okwa lombwela Jakob: “Ove u longele nge ngeno oshali shaashi ove omukwetu? Lombwele nge eshi wa hala, ondjabi yoye.” 16 Ndele Laban okwa li e na ovana vavali oukadona, edina lomukulunhu oLea, nedina londenge oRakel. 17 Ndele Lea okwa li e na omesho haa fiike, ndelenee Rakel okwa li muwa kolutu nokoshipala. 18 Ndele Jakob okwa li e hole Rakel, onghee hano okwa ti: “Ame ohandi ke ku longela omido heyali molwaRakel, onghelo yoye.” 19 Opo nee Laban okwa nyamukula ta ti: “Oku mu ku pa oshi dule handi mu yandje komulumenhu umwe. Kala pwaame.” 20 Osho ngaha Jakob a longa omido heyali opo a pewe Rakel. Ndele do da li momesho aye ngaashi omafiku avali, shaashi ye okwa li e mu hole.
Ohombo yaJakob
21 Opo nee Jakob okwa lombwela Laban ndele ta ti: “Pe nge nee omwalikadi wange, osheshi efimbo loku mu longela ola pwa ko opo ndi shiive okuya naye.” 22 Opo nee Laban okwa ongela ovalumenhu aveshe vomomukunda nokwa longekida oshivilo. 23 Ndelenee onguloshi ye okwa kufa omona okakadona Lea nokwe mu eta kuJakob. Ndele Jakob okwa nangala naye. 24 (Ndele Laban okwa li e mu pa omupika waye omukainhu Silpa, a ninge omupika womona waye Lea.) 25 Ndele mefiku lomongula, tala ko, opa li Lea! Onghee hano Jakob okwa lombwela Laban ta ti: “Paife hano owa ninga nge ngahelipi? Ame ondi shii onde ku longelela Rakel? Omolwashike wa kengelela nge?” 26 Ndele Laban okwa nyamukula ta ti: “Kashi fi onghedi yetu okuhombolifa onghelo komesho yoshiveli. 27 Wanifa oshivike shoshivilo shehombolo pamwe naye. Opo nee fye ohatu ku pe mukwao yo ngeenge to longo natango omido heyali pwaame.” 28 Ndele Jakob osho a ninga. Ye okwa wanifa oshivike ashishe shoshivilo shehombolo pamwe naau. Opo nee Laban e mu pa omona waye okakadona Rakel a ninge omwalikadi waye.
29 (Ndele Laban okwa pa omona waye Rakel omupika waye omukainhu Bilha, a ninge omupika waRakel.) 30 Ndele ye okwa ya mo yo kuRakel, ndele okwa li e hole Rakel komesho yaLea. Ndele Jakob okwa longela vali Laban omido heyali.
31 Ndele Omwene eshi a mona nokutya, Lea okwa li ehe holike, Ye okwe mu pa oludalo. Ndelenee Rakel okwa li ongadji. 32 Ndele Lea okwa ninga oufimba nokwa dala okaana okamati nokwe ka luka Ruben. Osheshi ye okwa tya: “Oshili Omwene okwa mona oluhepo lange, ndelenee paife omulumenhu wange ota ka kala e hole nge.” 33 Ndele ye okwa ninga vali oufimba nokwa dala okaana okamati ndele ta ti: “Oshili, Omwene okwa uda nokutya, ame omudinwa, nokwa pa nge vali ou.” Ndele ye okwe ka luka Simeon. 34 Ndele ye okwa ninga vali oufimba ndele okwa dala okaana okamati ndele ta ti: “Paife eshi omulumenhu wange ota ka kala e hole nge, shaashi ame nde mu dalela ounona oumati vatatu.” Onghee hano okwe ka luka Levi. 35 Ndele ye okwa ninga vali oufimba nokwa dala okaana okamati ndele ta ti: “Paife ame ohandi ka hambelela Omwene.” Onghee hano e ka luka Juda. Ndele ye okwa ka oludalo.
Jakob ta longele Laban
1 Opo nee Jakob okwa fikama ndele okwa ya, ndee okwa fika moshilongo shovakwaushilo. 2 Ndele tala, okwa mona omufima moixwa opo pa li pa omba omaufita atatu eedi, osheshi momufima ou vo va xwiila eedi. Nomoshivelo shomufima mwa tulwa emanya lakula. 3 Ndele ngeenge omaufita aeshe a ongala, ovafita veedi ohava alangatifa po emanya poshivelo shomufima ndele tava xwiile oimuna. Opo nee tava shunifa po emanya poshivelo shomufima ponhele yalo.
4 Opo nee Jakob okwa tya kuvo: “Vakwetu, nye ovapeni?” Ndele vo ova nyamukula tava ti: “Fye otwa dja kuHaran.” 5 Ndele ye okwe va pula ta ti: “Laban yaNahor omu mu shii?” Ndele vo ova nyamukula, tava ti: “Fye otu mu shii.” 6 Ye okwe va pula vali ta ti: “Oku li tuu nawa?” Ndele vo ova nyamukula tava ti: “Heeno, oku li nawa. Nomona waye okakadona, Rakel, oyoo te uya needi.” 7 Ndele ye ta ti: “Omutenya natango; inali toka natango okukongelela oimuna. Xwiileni eedi di ka lye.” 8 Opo nee vo ova nyamukula, tava ti: “Fye ihatu shi dulu, ofimbo omaufita aeshe inaa ongala. Opo nee hatu alangatifa po emanya poshivelo shomufima, ndele hatu xwiile eedi.”
9 Fimbo ye ta popi natango navo, Rakel okwe uya pamwe needi daxe, osheshi ye okwa li ha lifa eedi. 10 Jakob eshi a mona Rakel, omona okakadona kaLaban, omumwaina waina, noimuna yaLaban, mumwaina waina, okwa lotoka nokwa alangatifa po emanya poshivelo shomufima ndele ta xwiile oimuna yaLaban, mumwaina waina. 11 Ndele Jakob okwa fipa Rakel komilungu ndee ta lili pombada. 12 Ndele Jakob okwa hepaululila Rakel nokutya, ye omutekulu waxe nomona waRebeka. Opo nee Rakel okwa tondoka ndele okwe ke shi hepaululila xe.
13 Laban eshi a uda eenghundana edi daJakob, omona wamumwaina, okwa endelela oku mu shakeneka, ndele okwe mu papatela mofingo nokwe mu fipa komilungu nokwe mu twala meumbo laye. Jakob okwa hepaululila Laban oinima aishe ngaashi ya shikulafana. 14 Opo nee Laban okwe mu lombwela: “Oshili, ove ekipa lange nombelela yange.” Ndele ye a kala puye ohani aishe.
15 Opo nee Laban okwa lombwela Jakob: “Ove u longele nge ngeno oshali shaashi ove omukwetu? Lombwele nge eshi wa hala, ondjabi yoye.” 16 Ndele Laban okwa li e na ovana vavali oukadona, edina lomukulunhu oLea, nedina londenge oRakel. 17 Ndele Lea okwa li e na omesho haa fiike, ndelenee Rakel okwa li muwa kolutu nokoshipala. 18 Ndele Jakob okwa li e hole Rakel, onghee hano okwa ti: “Ame ohandi ke ku longela omido heyali molwaRakel, onghelo yoye.” 19 Opo nee Laban okwa nyamukula ta ti: “Oku mu ku pa oshi dule handi mu yandje komulumenhu umwe. Kala pwaame.” 20 Osho ngaha Jakob a longa omido heyali opo a pewe Rakel. Ndele do da li momesho aye ngaashi omafiku avali, shaashi ye okwa li e mu hole.
Ohombo yaJakob
21 Opo nee Jakob okwa lombwela Laban ndele ta ti: “Pe nge nee omwalikadi wange, osheshi efimbo loku mu longela ola pwa ko opo ndi shiive okuya naye.” 22 Opo nee Laban okwa ongela ovalumenhu aveshe vomomukunda nokwa longekida oshivilo. 23 Ndelenee onguloshi ye okwa kufa omona okakadona Lea nokwe mu eta kuJakob. Ndele Jakob okwa nangala naye. 24 (Ndele Laban okwa li e mu pa omupika waye omukainhu Silpa, a ninge omupika womona waye Lea.) 25 Ndele mefiku lomongula, tala ko, opa li Lea! Onghee hano Jakob okwa lombwela Laban ta ti: “Paife hano owa ninga nge ngahelipi? Ame ondi shii onde ku longelela Rakel? Omolwashike wa kengelela nge?” 26 Ndele Laban okwa nyamukula ta ti: “Kashi fi onghedi yetu okuhombolifa onghelo komesho yoshiveli. 27 Wanifa oshivike shoshivilo shehombolo pamwe naye. Opo nee fye ohatu ku pe mukwao yo ngeenge to longo natango omido heyali pwaame.” 28 Ndele Jakob osho a ninga. Ye okwa wanifa oshivike ashishe shoshivilo shehombolo pamwe naau. Opo nee Laban e mu pa omona waye okakadona Rakel a ninge omwalikadi waye.
29 (Ndele Laban okwa pa omona waye Rakel omupika waye omukainhu Bilha, a ninge omupika waRakel.) 30 Ndele ye okwa ya mo yo kuRakel, ndele okwa li e hole Rakel komesho yaLea. Ndele Jakob okwa longela vali Laban omido heyali.
31 Ndele Omwene eshi a mona nokutya, Lea okwa li ehe holike, Ye okwe mu pa oludalo. Ndelenee Rakel okwa li ongadji. 32 Ndele Lea okwa ninga oufimba nokwa dala okaana okamati nokwe ka luka Ruben. Osheshi ye okwa tya: “Oshili Omwene okwa mona oluhepo lange, ndelenee paife omulumenhu wange ota ka kala e hole nge.” 33 Ndele ye okwa ninga vali oufimba nokwa dala okaana okamati ndele ta ti: “Oshili, Omwene okwa uda nokutya, ame omudinwa, nokwa pa nge vali ou.” Ndele ye okwe ka luka Simeon. 34 Ndele ye okwa ninga vali oufimba ndele okwa dala okaana okamati ndele ta ti: “Paife eshi omulumenhu wange ota ka kala e hole nge, shaashi ame nde mu dalela ounona oumati vatatu.” Onghee hano okwe ka luka Levi. 35 Ndele ye okwa ninga vali oufimba nokwa dala okaana okamati ndele ta ti: “Paife ame ohandi ka hambelela Omwene.” Onghee hano e ka luka Juda. Ndele ye okwa ka oludalo.
