Ehanauno loshilongo shaIsrael
1 Ndele ondjovo yOmwene ye uya kwaame ndele tai ti: 2 “Kaana komunhu, oshipala shoye shi taalelifa keemhunda daIsrael, u di xunganekele owii, 3 u tye: Eemhunda nye daIsrael, udeni ondjovo yOmwene Kalunga! Omwene Kalunga ta ti ngaha keemhunda nokoikulundudu nokomilonga nokomalufilu: Taleni, ohandi eta eongamukonda kombada yeni ndele ohandi ka nyonauna po oikulundudu yeni 4 nomayambelo eni taa ka ngumaunwa po neengudi deni detango tadi ka teyaulwa po. Novadipawa veni ohandi ke va ungula moipafi yoikalunga yeni. 5 Ndele ohandi ka ekelashi oimhu yovana vaIsrael moipafi yoikalunga, nomakipa eni ohandi ke a halakanifila keembinga neembinga domayambelo. 6 Nomeenhele adishe deni oilando tai ka hanaunwa po noikulundu yomayambelo tai ka ninga omaputu, opo omayambelo eni taa kala ongaho a efiwa, noikalunga yeni tai ka teyaulwa po nokuhanaunwa, neengudi deni detango tadi kewa po noihongomwa yeni tai ka hanaunwa po. 7 Novadipawa tava ka wila mokati keni, opo mu shiive nokutya, Aame Omwene. 8 Ndelenee ohandi ka fiya po oshixupe, ava va xupa keongamukonda ve li mokati koiwana, eshi va halakanifwa momadu avo. 9 Opo ava vomuvo tava xupu po, otava dimbulukwa nge moiwana omo va twalwa eenghwate, shaashi handi tatula omitima davo dokahalu, edi de liteeka nge, nomesho avo a shikula oikalunga yavo mokuhola oluhaelo. Ndele vo tave ke linyonyodola voovene molwoilonga ii ve i ninga omolwoixuna yavo aishe. 10 Ndele vo otava ka shiiva nokutya, Aame Omwene. Ame inandi popya oshimha nokutya, ohandi ke mu undulila omupya ou.”
11 Omwene Kalunga ota ti ngaha: “Woo, denga omake kumwe ove u tule omufindo nomhadi poshi, u tye: Woo, molwoixuna aishe ei inene yeumbo laIsrael yaavo tava ungulwa keongamukonda, nokondjala, nokoudu wolutapo! 12 Ou e li kokule ota ka fila moudu u nolutapo. Naau e li popepi ota ka ungulwa keongamukonda. Naau a xupa nokwa amenwa, ota ka fya kondjala. Osho ngaha ohandi ka wanifa ehandu lange muvo. 13 Ndele nye otamu ka shiiva nokutya, Aame Omwene, eshi ovadipawa veni tava ka nangala mokati koikalunga yeni keembinga neembinga domayambelo eni kombada yoshikulundu keshe, nokeenhele deemhunda adishe nomomudile womuti keshe mutalala, nomomudile womwandi keshe wa hapa, akushe oko va kala nokutwiminina oikalunga yavo aishe edimba liwa. 14 Ndele ohandi ke va yelulila eke lange, ndele handi ka shitukifa oshilongo ofuka noku shi tokeka okudja kOmbuwa fiyo okuRibla meenhele davo adishe. Ndele otava ka shiiva nokutya, Aame Omwene.”
Ehanauno loshilongo shaIsrael
1 Ndele ondjovo yOmwene ye uya kwaame ndele tai ti: 2 “Kaana komunhu, oshipala shoye shi taalelifa keemhunda daIsrael, u di xunganekele owii, 3 u tye: Eemhunda nye daIsrael, udeni ondjovo yOmwene Kalunga! Omwene Kalunga ta ti ngaha keemhunda nokoikulundudu nokomilonga nokomalufilu: Taleni, ohandi eta eongamukonda kombada yeni ndele ohandi ka nyonauna po oikulundudu yeni 4 nomayambelo eni taa ka ngumaunwa po neengudi deni detango tadi ka teyaulwa po. Novadipawa veni ohandi ke va ungula moipafi yoikalunga yeni. 5 Ndele ohandi ka ekelashi oimhu yovana vaIsrael moipafi yoikalunga, nomakipa eni ohandi ke a halakanifila keembinga neembinga domayambelo. 6 Nomeenhele adishe deni oilando tai ka hanaunwa po noikulundu yomayambelo tai ka ninga omaputu, opo omayambelo eni taa kala ongaho a efiwa, noikalunga yeni tai ka teyaulwa po nokuhanaunwa, neengudi deni detango tadi kewa po noihongomwa yeni tai ka hanaunwa po. 7 Novadipawa tava ka wila mokati keni, opo mu shiive nokutya, Aame Omwene. 8 Ndelenee ohandi ka fiya po oshixupe, ava va xupa keongamukonda ve li mokati koiwana, eshi va halakanifwa momadu avo. 9 Opo ava vomuvo tava xupu po, otava dimbulukwa nge moiwana omo va twalwa eenghwate, shaashi handi tatula omitima davo dokahalu, edi de liteeka nge, nomesho avo a shikula oikalunga yavo mokuhola oluhaelo. Ndele vo tave ke linyonyodola voovene molwoilonga ii ve i ninga omolwoixuna yavo aishe. 10 Ndele vo otava ka shiiva nokutya, Aame Omwene. Ame inandi popya oshimha nokutya, ohandi ke mu undulila omupya ou.”
11 Omwene Kalunga ota ti ngaha: “Woo, denga omake kumwe ove u tule omufindo nomhadi poshi, u tye: Woo, molwoixuna aishe ei inene yeumbo laIsrael yaavo tava ungulwa keongamukonda, nokondjala, nokoudu wolutapo! 12 Ou e li kokule ota ka fila moudu u nolutapo. Naau e li popepi ota ka ungulwa keongamukonda. Naau a xupa nokwa amenwa, ota ka fya kondjala. Osho ngaha ohandi ka wanifa ehandu lange muvo. 13 Ndele nye otamu ka shiiva nokutya, Aame Omwene, eshi ovadipawa veni tava ka nangala mokati koikalunga yeni keembinga neembinga domayambelo eni kombada yoshikulundu keshe, nokeenhele deemhunda adishe nomomudile womuti keshe mutalala, nomomudile womwandi keshe wa hapa, akushe oko va kala nokutwiminina oikalunga yavo aishe edimba liwa. 14 Ndele ohandi ke va yelulila eke lange, ndele handi ka shitukifa oshilongo ofuka noku shi tokeka okudja kOmbuwa fiyo okuRibla meenhele davo adishe. Ndele otava ka shiiva nokutya, Aame Omwene.”
