Omufita muwa nomufita mwii
1 Ndele ondjovo yOmwene ye uya kwaame ndele tai ti: 2 “Kaana komunhu, xunganeka u vele ovafita vaIsrael eembedi. Xunganeka u tye kuvo, ovafita: Omwene Kalunga ta ti ngaha: Woo ovafita vaIsrael, vo have lilifa vovene! Ovafita ve nokulifa eedi, ndishi? 3 Nye otamu li omaadi ndele tamu djala olududi. Nye otamu dipaa edi da ondoka, ndelenee inamu lifa eedi. 4 Nye itamu pameke edi da utama naadi tadi vele, itamu di velula, naadi da teka, itamu di mange, naadi da halakanifwa, itamu di alula naadi da kana, itamu di kongo. Ndelenee tamu di pangele moudjuu noukukutu. 5 Osho hano do oda halakanifwa shaashi inapa kala omufita. Ndele do da ninga eendja doilyani aishe yomofuka, do oda halakanifwa. 6 Eedi dange tadi elaela keemhunda adishe nokoikulundudu aishe ile. Heeno, kombada yedu alishe eedi dange da halakanifwa, kakwa li nande umwe te di pula note di kongo.
7 “Onghee hano akutu nye ovafita! Udeni ondjovo yOmwene: 8 Oshili, ngaashi ndi nomwenyo, Omwene Kalunga ta ti, oshilielela, eedi dange eshi da ninga oshihakanwa naashi eedi dange da ninga eendja doilyani aishe yomofuka, shaashi inapa kala nande omufita, novafita vange inava yavala eedi dange. Novafita otave lilifa voovene, ndelenee itava lifa eedi dange. 9 Onghee hano, akutu ovafita nye, udeni ondjovo yOmwene. 10 Omwene Kalunga ta ti ngaha: Tala, Ame ohandi vele ovafita eembedi! Ame ohandi ka pula eedi dange momake avo ndele handi ka ninga, vo itava ka lifa vali eedi, opo ovafita itava dulu vali okulilifa. Ndele Ame ohandi ka kufa mo mokanya kavo eedi dange, diha ninge vali eendja davo.
Omwene Ye mwene a hala okulifa eedi daye
11 “Osheshi Omwene Kalunga ta ti ngaha: Tala, Ame mwene opo ndi li, Ame ohandi ka konga eedi dange noku di kalela noshisho. 12 Ngaashi omufita ta kalele oufita waye weedi noshisho mefiku olo ye e li mokati keedi daye da halakanifwa, osho yo Ame ohandi ka kalela eedi dange noshisho. Ndele Ame ohandi ke di xupifa mo meenhele adishe mudo da halakanifilwa mefiku lomudimbi noloshiwiwili.Ohandi ka kolela edi dange noshisho, ndee Ame ohandi ke di xupifa… 13 Ndele Ame ohandi ke di pitifa mo moiwana noku di ongela moilongo ndele handi ke di eta medu lado. Ndele handi ke di lifa keemhunda daIsrael nomomakololo nomeenhele adishe domoshilongo kwa kala ovanhu. 14 Ame ohandi ke di lifa moulifilo muwa, nokeemhunda dile daIsrael tadi ka mona oulifilo. Oko tadi ka omba monhele iwa nokwaandjalala moulifilo muwa keemhunda daIsrael. 15 Ame mwene ohandi ka lifa eedi dange, naame mwene handi ke di twala ketulumuko, Omwene Kalunga ta ti. 16 Odo da kana, ohandi ke di konga, naado da halakanifwa, Ame ohandi ke di alula ko, naado da teka, ohandi ke di manga, naado da utama, ohandi ke di pameka. Ndelenee edi da ondoka noda pama, Ame ohandi ke di komba po: Ame ohandi ke di lifa ngaashi sha wapala.
17 “Ndelenee nye, eedi dange, Omwene Kalunga ta ti ngaha, Ame ohandi ka tokola pokati kodi nodi, pokati kodi omhedi noshikombo oshitwedi. 18 Inashi mu wanena, nye eshi tamu li oulifilo munyenye, eshi tamu lyataula nomakondo eni oulifilo wa xupa po? Ndele tamu nu omeva mayela, ndele tamu dongele nomakondo eni omeva a xupa po? 19 Ndele eedi dange odi nokwaandjalala apa nye mwa lyataula nomakondo eni nokunwa omeva aa a dongelwa komakondo eni? 20 Onghee hano, Omwene Kalunga ta ti ngaha kunye: Taleni, Ame opo ndi li, ndele ohandi ka tokola pokati kodi ya ondoka nodi ya utama. 21 Odo da utama eshi mwe di undwila po adishe neemhati nomapepe eni, ndele tamu di tu neembinga deni fiyo mwe di taataa mo noku di halakanifa. 22 Onghee hano, Ame ohandi ka xupifa eedi dange, diha ninge vali oshihakanwa. Naame ohandi ka tokola pokati kodi nodi.”
Epangelo lonale tali ka alulilwa Israel
23 “Ndele Ame ohandi ke va pendulila omufita umwe, ndele ye ote ke va lifa, nokutya omupiya wange David. Ye ote ke va lifa, ndele ta ka ninga omufita wavo. 24 Ndele Aame, Omwene, Ame ohandi ka ninga Kalunga kavo, ndele omupiya wange David ye ta ningi ohamba mokati kavo. Aame Omwene, onde shi popya. 25 Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu. 26 Ndele voovene neenhele tadi dingilile oshikulundu shange, ohandi ke va ninga enangeko noupuna. Nohandi ka lokifa odula mefimbo layo, heeno, eedula denangeko noupuna. 27 Nomiti domofuka otadi ka ima oiimati, nedu tali ka eta eendja dalo, naavo otava ka kala vehe na mbudi medu lavo. Ndele vo otava ka shiiva nokutya, Aame Omwene, ngeenge handi teyaula po eendjoko deni ndele handi mu xupifa momake aava ve mu pika. 28 Ndele vo itava ka ninga vali oshihakanwa shoshiwana, noilyani yomoshilongo itai va li po vali, ndele vo otava ka kala vehe na mbudi, nokape na ou te va halwifa. 29 Ndele Ame ohandi ke va tutuminifila oshitutumine shoku va fimanekifa, vaha kufwe po vali moshilongo shavo kondjala noitava ka humbata vali elengwa loiwana. 30 Ndelenee vo otava ka shiiva nokutya, Aame Omwene Kalunga kavo, ndele vo, eumbo laIsrael, oshiwana shange, Omwene Kalunga ta ti. 31 Ndele nye eedi dange, eedi doulifilo wange, nye ovanhu. Aame Kalunga keni, Omwene Kalunga ta ti.”
Omufita muwa nomufita mwii
1 Ndele ondjovo yOmwene ye uya kwaame ndele tai ti: 2 “Kaana komunhu, xunganeka u vele ovafita vaIsrael eembedi. Xunganeka u tye kuvo, ovafita: Omwene Kalunga ta ti ngaha: Woo ovafita vaIsrael, vo have lilifa vovene! Ovafita ve nokulifa eedi, ndishi? 3 Nye otamu li omaadi ndele tamu djala olududi. Nye otamu dipaa edi da ondoka, ndelenee inamu lifa eedi. 4 Nye itamu pameke edi da utama naadi tadi vele, itamu di velula, naadi da teka, itamu di mange, naadi da halakanifwa, itamu di alula naadi da kana, itamu di kongo. Ndelenee tamu di pangele moudjuu noukukutu. 5 Osho hano do oda halakanifwa shaashi inapa kala omufita. Ndele do da ninga eendja doilyani aishe yomofuka, do oda halakanifwa. 6 Eedi dange tadi elaela keemhunda adishe nokoikulundudu aishe ile. Heeno, kombada yedu alishe eedi dange da halakanifwa, kakwa li nande umwe te di pula note di kongo.
7 “Onghee hano akutu nye ovafita! Udeni ondjovo yOmwene: 8 Oshili, ngaashi ndi nomwenyo, Omwene Kalunga ta ti, oshilielela, eedi dange eshi da ninga oshihakanwa naashi eedi dange da ninga eendja doilyani aishe yomofuka, shaashi inapa kala nande omufita, novafita vange inava yavala eedi dange. Novafita otave lilifa voovene, ndelenee itava lifa eedi dange. 9 Onghee hano, akutu ovafita nye, udeni ondjovo yOmwene. 10 Omwene Kalunga ta ti ngaha: Tala, Ame ohandi vele ovafita eembedi! Ame ohandi ka pula eedi dange momake avo ndele handi ka ninga, vo itava ka lifa vali eedi, opo ovafita itava dulu vali okulilifa. Ndele Ame ohandi ka kufa mo mokanya kavo eedi dange, diha ninge vali eendja davo.
Omwene Ye mwene a hala okulifa eedi daye
11 “Osheshi Omwene Kalunga ta ti ngaha: Tala, Ame mwene opo ndi li, Ame ohandi ka konga eedi dange noku di kalela noshisho. 12 Ngaashi omufita ta kalele oufita waye weedi noshisho mefiku olo ye e li mokati keedi daye da halakanifwa, osho yo Ame ohandi ka kalela eedi dange noshisho. Ndele Ame ohandi ke di xupifa mo meenhele adishe mudo da halakanifilwa mefiku lomudimbi noloshiwiwili.Ohandi ka kolela edi dange noshisho, ndee Ame ohandi ke di xupifa… 13 Ndele Ame ohandi ke di pitifa mo moiwana noku di ongela moilongo ndele handi ke di eta medu lado. Ndele handi ke di lifa keemhunda daIsrael nomomakololo nomeenhele adishe domoshilongo kwa kala ovanhu. 14 Ame ohandi ke di lifa moulifilo muwa, nokeemhunda dile daIsrael tadi ka mona oulifilo. Oko tadi ka omba monhele iwa nokwaandjalala moulifilo muwa keemhunda daIsrael. 15 Ame mwene ohandi ka lifa eedi dange, naame mwene handi ke di twala ketulumuko, Omwene Kalunga ta ti. 16 Odo da kana, ohandi ke di konga, naado da halakanifwa, Ame ohandi ke di alula ko, naado da teka, ohandi ke di manga, naado da utama, ohandi ke di pameka. Ndelenee edi da ondoka noda pama, Ame ohandi ke di komba po: Ame ohandi ke di lifa ngaashi sha wapala.
17 “Ndelenee nye, eedi dange, Omwene Kalunga ta ti ngaha, Ame ohandi ka tokola pokati kodi nodi, pokati kodi omhedi noshikombo oshitwedi. 18 Inashi mu wanena, nye eshi tamu li oulifilo munyenye, eshi tamu lyataula nomakondo eni oulifilo wa xupa po? Ndele tamu nu omeva mayela, ndele tamu dongele nomakondo eni omeva a xupa po? 19 Ndele eedi dange odi nokwaandjalala apa nye mwa lyataula nomakondo eni nokunwa omeva aa a dongelwa komakondo eni? 20 Onghee hano, Omwene Kalunga ta ti ngaha kunye: Taleni, Ame opo ndi li, ndele ohandi ka tokola pokati kodi ya ondoka nodi ya utama. 21 Odo da utama eshi mwe di undwila po adishe neemhati nomapepe eni, ndele tamu di tu neembinga deni fiyo mwe di taataa mo noku di halakanifa. 22 Onghee hano, Ame ohandi ka xupifa eedi dange, diha ninge vali oshihakanwa. Naame ohandi ka tokola pokati kodi nodi.”
Epangelo lonale tali ka alulilwa Israel
23 “Ndele Ame ohandi ke va pendulila omufita umwe, ndele ye ote ke va lifa, nokutya omupiya wange David. Ye ote ke va lifa, ndele ta ka ninga omufita wavo. 24 Ndele Aame, Omwene, Ame ohandi ka ninga Kalunga kavo, ndele omupiya wange David ye ta ningi ohamba mokati kavo. Aame Omwene, onde shi popya. 25 Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu. 26 Ndele voovene neenhele tadi dingilile oshikulundu shange, ohandi ke va ninga enangeko noupuna. Nohandi ka lokifa odula mefimbo layo, heeno, eedula denangeko noupuna. 27 Nomiti domofuka otadi ka ima oiimati, nedu tali ka eta eendja dalo, naavo otava ka kala vehe na mbudi medu lavo. Ndele vo otava ka shiiva nokutya, Aame Omwene, ngeenge handi teyaula po eendjoko deni ndele handi mu xupifa momake aava ve mu pika. 28 Ndele vo itava ka ninga vali oshihakanwa shoshiwana, noilyani yomoshilongo itai va li po vali, ndele vo otava ka kala vehe na mbudi, nokape na ou te va halwifa. 29 Ndele Ame ohandi ke va tutuminifila oshitutumine shoku va fimanekifa, vaha kufwe po vali moshilongo shavo kondjala noitava ka humbata vali elengwa loiwana. 30 Ndelenee vo otava ka shiiva nokutya, Aame Omwene Kalunga kavo, ndele vo, eumbo laIsrael, oshiwana shange, Omwene Kalunga ta ti. 31 Ndele nye eedi dange, eedi doulifilo wange, nye ovanhu. Aame Kalunga keni, Omwene Kalunga ta ti.”
