Omuxunganeki ta li omushangwatonywa
1 Opo nee Ye okwa lombwela nge: “Kaana komunhu, lya eshi to mono. Lya omushangwatonywa ou, ndele inda u ka lombwele eumbo laIsrael.” 2 Opo ame nda makula okanya, ndele Ye okwa pa nge omushangwatonywa ndi lye, 3 ndele Ye okwa lombwela nge: “Kaana komunhu, kutifa edimo loye ndele yadifa omandjadja oye nomushangwatonywa ou handi u ku pe.” Ndele ame nde u lya, ndele wo wa li munyenye mokanya kange, ngaashi omaadi eenyiki.
4 Ndele Ye okwa lombwela nge: “Kaana komunhu, fikama, inda keumbo laIsrael, ndele va udifila eendjovo dange. 5 Osheshi ove ino tumwa koshiwana shi nelaka inali shiivika noshipopya shalo shidjuu, ndelenee keumbo laIsrael, 6 hakoiwana ihapu i nomalaka inaa shiivika noshipopya shao shidjuu, eendjovo dayo ove ku udite ko. Ngeno ndi ku tume kuvo, ngeno tave ku udu! 7 Ndelenee eumbo laIsrael itali ka hala oku ku uda, osheshi vo inava hala okuuda nge. Osheshi epata alishe laIsrael li noshipala shi nombaba ikukutu nomutima wa kukuta. 8 Tala, Ame ohandi kukutike oshipala shoye shi kale ngaashi oipala yavo, nombaba yoshipala shoye ngaashi eembaba doipala yavo. 9 Ame ohandi ningi ombaba yoshipala shoye i kale ngaashi okawe, ikukutu i dule emanya. Ove ino va tila ile ino va haluka, osheshi vo epata ihali dulika.” 10 Ye okwa lombwela nge natango, ta ti: “Kaana komunhu, eendjovo adishe edi handi ku lombwele, di tambula momutima woye, di uda nomatwi oye. 11 Ndele fikama, inda kovatembulwa kovana voshiwana shoye, va lombwela, u tye kuvo, osho Omwene Kalunga ta popi, vo ngeenge tava udu ko ile itava udu ko.”
Omuxunganeki ta twalwa kOmhepo yOmwene
12 Opo nee Omhepo ya yelula nge po, ndele nda uda konima yange ondaka inene tai ndunduma tai ti: “Efimano lOmwene nali hambelelwe monhele yalo!” 13 Ndele ame nda uda epopolo lomavava oinamwenyo eshi a kumafana, mefimbo tuu limwe noshihomo shomaulu nondaka yendundumo linene. 14 Opo nee Omhepo ya yelula nge po ndele ya twala nge, ndele ame nda enda noluhodi moupyuhandu womhepo yange. Ndelenee eke lOmwene la li li neenghono kombada yange. 15 Ndele ame nde uya kovatembulwa muTel-Abib, ava va kala pomulonga waKebar, nomonhele omo hava kala. Ndele ame nda kala omutumba mokati kavo omafiku aheyali nda mwena.
Hesekiel ta ningi omukeleli woshiwana
16 Ndele eshi pa pita omafiku aheyali, ondjovo yOmwene ye uya kwaame ndele tai ti: 17 “Kaana komunhu, Ame onde ku tula omukeleli weumbo laIsrael. Nonge to udu ondjovo yomokanya kange, ove u noku va londwela ponhele yange. 18 Ame ngeenge handi lombwele omuhenakalunga nokutya, u nokufya shili, ito mu londwele ndele ito popi u kumaide omuhenakalunga omolwondjila yaye youhenakalunga, opo a xupife omwenyo waye, nena omuhenakalunga ta ka fila moulunde waye, ndelenee ohonde yaye ohandi ke i pula meke loye. 19 Ndelenee ove ngeenge ho londwele omuhenakalunga, ndele ye ite lialuka mouhenakalunga waye nomondjila yaye youhenakalunga, nena oye ta ka fila moulunde waye, ndelenee ove wa xupifa omwenyo woye. 20 Ndele omuyuki ngeenge ota pilamene ouyuki ndele ta longo osho inashi yuka ndele Ame ohandi tula emanya lepundukifo komesho yaye, ota ka fya, shaashi ove ino mu londwela; eshi ino mu londwela, ota ka fila moulunde waye, nouyuki ou e u longa, itau dimbulukiwa vali, ndelenee ohonde yaye ohandi ke i pula meke loye. 21 Ndelenee ove ngeenge wa londwela omuyuki, ye aha nyone vali, ndele ita nyono vali, nena ota ka kala nomwenyo, shaashi okwa tambula elondwelo, ndele wa xupifa omwenyo woye.”
Omuxunganeki ta mono vali oshinge shOmwene
22 Ndele eke lOmwene le uya kombada yange, ndele Ye okwa lombwela nge: “Fikama, u ye kolufilu, ndele oko handi ku popifa.” 23 Ame nda fikama ndele handi i kolufilu; ndele tala, oshinge shOmwene osha li ko ofika, ngaashi oshinge nde shi mwene pomulonga waKebar. Ndele ame nda wila po eombe. 24 Opo nee omhepo ye uya mwaame ndele ya kaleka nge ofika neemhadi dange. Ndele Ye okwa popya naame, ndele ta ti: “Inda mo, liidilila mo meumbo loye. 25 Ndele oove, kaana komunhu, tala, vo otava tula kwoove eengodi ndele otave ku mange nado, ove uha shiive okupita mo nokukala mokati kavo. 26 Ndele elaka loye handi li kanyatelifa moshihokohoko shoye, u ninge omufitandaka ndele ito dulu okukala omuhanyeni wavo, shaashi vo epata ihali dulika. 27 Ndelenee Ame ngeenge handi popi naave, Ame ohandi ka makula okanya koye, ndele ove u noku va lombwela: Osho Omwene Kalunga ta popi. Ou ta udu, na ude ko, naau iha udu, na kale iha udu, shaashi vo epata ihali dulika.
Omuxunganeki ta li omushangwatonywa
1 Opo nee Ye okwa lombwela nge: “Kaana komunhu, lya eshi to mono. Lya omushangwatonywa ou, ndele inda u ka lombwele eumbo laIsrael.” 2 Opo ame nda makula okanya, ndele Ye okwa pa nge omushangwatonywa ndi lye, 3 ndele Ye okwa lombwela nge: “Kaana komunhu, kutifa edimo loye ndele yadifa omandjadja oye nomushangwatonywa ou handi u ku pe.” Ndele ame nde u lya, ndele wo wa li munyenye mokanya kange, ngaashi omaadi eenyiki.
4 Ndele Ye okwa lombwela nge: “Kaana komunhu, fikama, inda keumbo laIsrael, ndele va udifila eendjovo dange. 5 Osheshi ove ino tumwa koshiwana shi nelaka inali shiivika noshipopya shalo shidjuu, ndelenee keumbo laIsrael, 6 hakoiwana ihapu i nomalaka inaa shiivika noshipopya shao shidjuu, eendjovo dayo ove ku udite ko. Ngeno ndi ku tume kuvo, ngeno tave ku udu! 7 Ndelenee eumbo laIsrael itali ka hala oku ku uda, osheshi vo inava hala okuuda nge. Osheshi epata alishe laIsrael li noshipala shi nombaba ikukutu nomutima wa kukuta. 8 Tala, Ame ohandi kukutike oshipala shoye shi kale ngaashi oipala yavo, nombaba yoshipala shoye ngaashi eembaba doipala yavo. 9 Ame ohandi ningi ombaba yoshipala shoye i kale ngaashi okawe, ikukutu i dule emanya. Ove ino va tila ile ino va haluka, osheshi vo epata ihali dulika.” 10 Ye okwa lombwela nge natango, ta ti: “Kaana komunhu, eendjovo adishe edi handi ku lombwele, di tambula momutima woye, di uda nomatwi oye. 11 Ndele fikama, inda kovatembulwa kovana voshiwana shoye, va lombwela, u tye kuvo, osho Omwene Kalunga ta popi, vo ngeenge tava udu ko ile itava udu ko.”
Omuxunganeki ta twalwa kOmhepo yOmwene
12 Opo nee Omhepo ya yelula nge po, ndele nda uda konima yange ondaka inene tai ndunduma tai ti: “Efimano lOmwene nali hambelelwe monhele yalo!” 13 Ndele ame nda uda epopolo lomavava oinamwenyo eshi a kumafana, mefimbo tuu limwe noshihomo shomaulu nondaka yendundumo linene. 14 Opo nee Omhepo ya yelula nge po ndele ya twala nge, ndele ame nda enda noluhodi moupyuhandu womhepo yange. Ndelenee eke lOmwene la li li neenghono kombada yange. 15 Ndele ame nde uya kovatembulwa muTel-Abib, ava va kala pomulonga waKebar, nomonhele omo hava kala. Ndele ame nda kala omutumba mokati kavo omafiku aheyali nda mwena.
Hesekiel ta ningi omukeleli woshiwana
16 Ndele eshi pa pita omafiku aheyali, ondjovo yOmwene ye uya kwaame ndele tai ti: 17 “Kaana komunhu, Ame onde ku tula omukeleli weumbo laIsrael. Nonge to udu ondjovo yomokanya kange, ove u noku va londwela ponhele yange. 18 Ame ngeenge handi lombwele omuhenakalunga nokutya, u nokufya shili, ito mu londwele ndele ito popi u kumaide omuhenakalunga omolwondjila yaye youhenakalunga, opo a xupife omwenyo waye, nena omuhenakalunga ta ka fila moulunde waye, ndelenee ohonde yaye ohandi ke i pula meke loye. 19 Ndelenee ove ngeenge ho londwele omuhenakalunga, ndele ye ite lialuka mouhenakalunga waye nomondjila yaye youhenakalunga, nena oye ta ka fila moulunde waye, ndelenee ove wa xupifa omwenyo woye. 20 Ndele omuyuki ngeenge ota pilamene ouyuki ndele ta longo osho inashi yuka ndele Ame ohandi tula emanya lepundukifo komesho yaye, ota ka fya, shaashi ove ino mu londwela; eshi ino mu londwela, ota ka fila moulunde waye, nouyuki ou e u longa, itau dimbulukiwa vali, ndelenee ohonde yaye ohandi ke i pula meke loye. 21 Ndelenee ove ngeenge wa londwela omuyuki, ye aha nyone vali, ndele ita nyono vali, nena ota ka kala nomwenyo, shaashi okwa tambula elondwelo, ndele wa xupifa omwenyo woye.”
Omuxunganeki ta mono vali oshinge shOmwene
22 Ndele eke lOmwene le uya kombada yange, ndele Ye okwa lombwela nge: “Fikama, u ye kolufilu, ndele oko handi ku popifa.” 23 Ame nda fikama ndele handi i kolufilu; ndele tala, oshinge shOmwene osha li ko ofika, ngaashi oshinge nde shi mwene pomulonga waKebar. Ndele ame nda wila po eombe. 24 Opo nee omhepo ye uya mwaame ndele ya kaleka nge ofika neemhadi dange. Ndele Ye okwa popya naame, ndele ta ti: “Inda mo, liidilila mo meumbo loye. 25 Ndele oove, kaana komunhu, tala, vo otava tula kwoove eengodi ndele otave ku mange nado, ove uha shiive okupita mo nokukala mokati kavo. 26 Ndele elaka loye handi li kanyatelifa moshihokohoko shoye, u ninge omufitandaka ndele ito dulu okukala omuhanyeni wavo, shaashi vo epata ihali dulika. 27 Ndelenee Ame ngeenge handi popi naave, Ame ohandi ka makula okanya koye, ndele ove u noku va lombwela: Osho Omwene Kalunga ta popi. Ou ta udu, na ude ko, naau iha udu, na kale iha udu, shaashi vo epata ihali dulika.
