Ekumbiko leenhwa mbali nolomuviinyu
1 Ndele ondjovo yOmwene ye uya kwaame ndele tai ti: 2 “Kaana komunhu, lombwela eumbo laIsrael otumbutumbu u tonge ekumbiko u tye: 3 Omwene Kalunga ta ti ngaha: Onhwa yakula nomavava manene, nomenya male noidudilo ihapuihapu, i noutotone vahapu, ye uya kuLibanon, ndele ya kufa oxulo yomuti womusederi. 4 Yo oya teya po oxulo yoitai yao ya hapa ndele ye i twala moshilongo shovalandifi. Yo ye i tula moshilando shovalandifi. 5 Yo oya kufa yo ombuto moshilongo osho ndele ye i kuna mepya. Yo ye i twala komeva mahapu ye i twika ngaashi oshixwa. 6 Ndele osho sha tutuma nosha ninga omuviinyu wa hapa nawa, mokukula wa li muxupi, noitai yao ya tandavela langhele lwokonhwa nomidi dao da shiiva okukala koshi yayo. Osho ngaha sha ninga omuviinyu, ndele wa ninga oitai noutai va twiyuka.
7 Ndele natango pa li vali onhwa i nomavava manene noidudilo ihapu. Ndele tala, omuviinyu ou wa endamenifa omidi dao kuyo noitai yao yomoimhungu omo wa twikwa, we i shikula, opo yo i u tekele. 8 Sho osha twikwa medu liwa pomeva mahapu, opo shi twiyuke nokwiima, shi ninge omuviinyu wa wapala. 9 Tya: Omwene Kalunga ta ti ngaha: Tau ka kala tuu nawa? Onhwa itai ka duda mo omidi dao nokukola oiimati, opo tau kukuta, heeno, tau kukuta fiyo okomafo ao aeshe a hapa? Ndele itau shilwa mo keenghono dokwooko nokouhapu wovanhu eshi tau dudwa mo nomidi dao. 10 Heeno, tala, wa twikwa, ndele otau ka kala tuu nawa? Owo aushe itau ka kukuta, omhepo yokoushilo ngeenge tai pepe kuwo, tau kukuta moimhungu omo wa twikwa.”
11 Ndele ondjovo yOmwene ye uya kwaame ndele tai ti: 12 “Lombwela hano eumbo lovatangalali: Inamu shiiva oinima ei tai ti shike? Tya: Tala, ohamba yomuBabilon ye uya kuJerusalem ndele ya kufa mo ohamba yomusho nomalenga asho ndele ye va eta kuye muBabilon. 13 Opo nee yo oya kufa umwe womepata leehamba ndele ya dika ehangano naye ndele ye mu anifa, ndelenee ovanaenghono vomoshilongo ya ya navo, 14 opo ouhamba u kale wa xutuka ndele itau ehene komesho, ndelenee mokudiinina ehangano u shiive okukala po. 15 Ndelenee ye okwe mu twila ondubo, eshi a tuma ovatumwa kuEgipiti, opo vo ve mu pe eenghambe novakwaita vahapu. Ye ota ka kala tuu nawa? Ou ta ningi oinima ya tya ngaha, ota dulu okuya onhapo. Ou ta teya ehangano, ota xupu tuu? 16 Oshili ngaashi Ame ndi nomwenyo, Omwene Kalunga ta ti, oshilielela, monhele tuu oyo ohamba ei tai kala ye mu ninga ohamba, eano layo ye e li dina nokuteya po ehangano nayo, opuyo, meni laBabilon, omo ye ota ka fila. 17 Ndele Farao novanhu vaye vahapu nomatanga aye mahapu ite mu popile moita, vo ngeenge tava fe ohote yedu ndele tava tungu eehotengulu va nyonaune po eemwenyo dihapu, 18 osheshi ye okwa dina eano mokuteya po ehangano. Ndele, tala, nande ye a yandja eke mokupaafana omake, ye okwa ninga oinima aishe ei. Ye ite ke lixupifa.
19 “Onghee hano, Omwene Kalunga ta ti ngaha: Oshili ngaashi Ame ndi nomwenyo, oshilielela, Ame ohandi ka efela komutwe waye eano lange, ye e li dina nehangano lange, ye e li teya po. 20 Ndele ondjadja yange ohandi ke i yala kombada yaye, nomelulo lange ta ka kwatwa. Ndele Ame ohandi ke mu twala kuBabilon noko handi ke mu tokola, molweliteeko laye, ye eshi e liteeka nge. 21 Ndele ovainhapo vaye aveshe vomomatanga aye, otava ka dipawa keongamukonda, novaxupifwa tave ke lihanifwa keembinga adishe domhepo, ndele vo otava ka shiiva nokutya, Ame Omwene nde shi tongele.”
22 Omwene Kalunga ta ti ngaha: “Ndele Ame mwene ohandi ka kufa koxulo yomuti mule womusederi okatai, heeno, okoxuloelela omoitai ohandi ka kufa okatai kapu, ndele Ame mwene ohandi ke ka twika komhunda ile noya tumbala. 23 Komhunda ile yaIsrael Ame ohandi ke ka twika, ndele taka piti oitai nokwiima oiimati ndele taka ka ninga omusederi wa wapala, opo eedila adishe doutotone ve lili nove lili di shiive okukala muwo, do otadi ka kala momudile woitai yao. 24 Ndele omiti adishe domomufitu otadi ka shiiva nokutya, Omwene ohandi ninipike omuti mule ndele handi nenepeke omuti munini. Omuti mutalala ohandi ke u kukutika nomuti mukukutu ohandi ke u hapifa. Aame, Omwene nde shi popya nonde shi ninga.”
Ekumbiko leenhwa mbali nolomuviinyu
1 Ndele ondjovo yOmwene ye uya kwaame ndele tai ti: 2 “Kaana komunhu, lombwela eumbo laIsrael otumbutumbu u tonge ekumbiko u tye: 3 Omwene Kalunga ta ti ngaha: Onhwa yakula nomavava manene, nomenya male noidudilo ihapuihapu, i noutotone vahapu, ye uya kuLibanon, ndele ya kufa oxulo yomuti womusederi. 4 Yo oya teya po oxulo yoitai yao ya hapa ndele ye i twala moshilongo shovalandifi. Yo ye i tula moshilando shovalandifi. 5 Yo oya kufa yo ombuto moshilongo osho ndele ye i kuna mepya. Yo ye i twala komeva mahapu ye i twika ngaashi oshixwa. 6 Ndele osho sha tutuma nosha ninga omuviinyu wa hapa nawa, mokukula wa li muxupi, noitai yao ya tandavela langhele lwokonhwa nomidi dao da shiiva okukala koshi yayo. Osho ngaha sha ninga omuviinyu, ndele wa ninga oitai noutai va twiyuka.
7 Ndele natango pa li vali onhwa i nomavava manene noidudilo ihapu. Ndele tala, omuviinyu ou wa endamenifa omidi dao kuyo noitai yao yomoimhungu omo wa twikwa, we i shikula, opo yo i u tekele. 8 Sho osha twikwa medu liwa pomeva mahapu, opo shi twiyuke nokwiima, shi ninge omuviinyu wa wapala. 9 Tya: Omwene Kalunga ta ti ngaha: Tau ka kala tuu nawa? Onhwa itai ka duda mo omidi dao nokukola oiimati, opo tau kukuta, heeno, tau kukuta fiyo okomafo ao aeshe a hapa? Ndele itau shilwa mo keenghono dokwooko nokouhapu wovanhu eshi tau dudwa mo nomidi dao. 10 Heeno, tala, wa twikwa, ndele otau ka kala tuu nawa? Owo aushe itau ka kukuta, omhepo yokoushilo ngeenge tai pepe kuwo, tau kukuta moimhungu omo wa twikwa.”
11 Ndele ondjovo yOmwene ye uya kwaame ndele tai ti: 12 “Lombwela hano eumbo lovatangalali: Inamu shiiva oinima ei tai ti shike? Tya: Tala, ohamba yomuBabilon ye uya kuJerusalem ndele ya kufa mo ohamba yomusho nomalenga asho ndele ye va eta kuye muBabilon. 13 Opo nee yo oya kufa umwe womepata leehamba ndele ya dika ehangano naye ndele ye mu anifa, ndelenee ovanaenghono vomoshilongo ya ya navo, 14 opo ouhamba u kale wa xutuka ndele itau ehene komesho, ndelenee mokudiinina ehangano u shiive okukala po. 15 Ndelenee ye okwe mu twila ondubo, eshi a tuma ovatumwa kuEgipiti, opo vo ve mu pe eenghambe novakwaita vahapu. Ye ota ka kala tuu nawa? Ou ta ningi oinima ya tya ngaha, ota dulu okuya onhapo. Ou ta teya ehangano, ota xupu tuu? 16 Oshili ngaashi Ame ndi nomwenyo, Omwene Kalunga ta ti, oshilielela, monhele tuu oyo ohamba ei tai kala ye mu ninga ohamba, eano layo ye e li dina nokuteya po ehangano nayo, opuyo, meni laBabilon, omo ye ota ka fila. 17 Ndele Farao novanhu vaye vahapu nomatanga aye mahapu ite mu popile moita, vo ngeenge tava fe ohote yedu ndele tava tungu eehotengulu va nyonaune po eemwenyo dihapu, 18 osheshi ye okwa dina eano mokuteya po ehangano. Ndele, tala, nande ye a yandja eke mokupaafana omake, ye okwa ninga oinima aishe ei. Ye ite ke lixupifa.
19 “Onghee hano, Omwene Kalunga ta ti ngaha: Oshili ngaashi Ame ndi nomwenyo, oshilielela, Ame ohandi ka efela komutwe waye eano lange, ye e li dina nehangano lange, ye e li teya po. 20 Ndele ondjadja yange ohandi ke i yala kombada yaye, nomelulo lange ta ka kwatwa. Ndele Ame ohandi ke mu twala kuBabilon noko handi ke mu tokola, molweliteeko laye, ye eshi e liteeka nge. 21 Ndele ovainhapo vaye aveshe vomomatanga aye, otava ka dipawa keongamukonda, novaxupifwa tave ke lihanifwa keembinga adishe domhepo, ndele vo otava ka shiiva nokutya, Ame Omwene nde shi tongele.”
22 Omwene Kalunga ta ti ngaha: “Ndele Ame mwene ohandi ka kufa koxulo yomuti mule womusederi okatai, heeno, okoxuloelela omoitai ohandi ka kufa okatai kapu, ndele Ame mwene ohandi ke ka twika komhunda ile noya tumbala. 23 Komhunda ile yaIsrael Ame ohandi ke ka twika, ndele taka piti oitai nokwiima oiimati ndele taka ka ninga omusederi wa wapala, opo eedila adishe doutotone ve lili nove lili di shiive okukala muwo, do otadi ka kala momudile woitai yao. 24 Ndele omiti adishe domomufitu otadi ka shiiva nokutya, Omwene ohandi ninipike omuti mule ndele handi nenepeke omuti munini. Omuti mutalala ohandi ke u kukutika nomuti mukukutu ohandi ke u hapifa. Aame, Omwene nde shi popya nonde shi ninga.”
