Ester, Omujuda, ta ningi omumbada wohamba Ahasveros
1 Konima yoinima ei, ehandu lohamba Ahasveros eshi la lota, oya dimbulukwa Vasti, osho e shi ninga naasho she mu tokolelwa. 2 Opo nee ovapiya vohamba, ovo ve i yakula tava ti: “Ohamba nai kongelwe oukadona ounyasha ve nondjelo iwa. 3 Ohamba nai tule mo moitukulwalongo aishe yoshilongo shayo ovahona, opo va ongele oukadona aveshe ovanyasha ovo ve nondjelo iwa, ve uye mohotengulu yaSusa mongulu yovalikadi, kelenga Hegai, omupashukili wovalikadi, e va pashukile. Ndele nava pewe omaadi okuvava oku va wapeka. 4 Nokakadona oko taka pandwa kohamba, naka ninge omumbada wohamba ponhele yomumbada Vasti.” Ondjovo ei ya wapalela ohamba, nosho ya ninga.
5 Mohotengulu yaSusa mwa li omulumenhu Omujuda, edina laye Mordekai yaJair yaSimei yaKis, Omubenjamin; 6 okwa kufwa muJerusalem nokwa li mokati keenghwate odo da li di nokuya moukwatwa pamwe naJekonia, ohamba yaJuda, yo ya twalwa ko kuNebukadnesar, ohamba yaBabilon.
7 Ndele ye okwa li omutekuli waHadassa, nokutya waEster, omona waxekulu, ndele okwa li ehe naxe ile ina. Ndele ye okwa li okakadona kawa kondjelo yako nokoshipala shako; ndele pefyo laxe nolaina, Mordekai e ka tambula omona waye. 8 Ndele oshipango shohamba nomhango yayo eshi ya shiivika, noukadona vahapu va ongelwa mohotengulu yaSusa komupashukili Hegai, ova eta yo Ester pamwe navo mongulu yohamba va diininwe kuHegai, omupashukili wovakainhu. 9 Nokakadona oko e ka panda ndele ka filwa onghenda kuye. Onghee hano okwa endelela oku ka pa omivavo dokuwapaleka, neendja de ka wapalela ndele e ka pa ovapiya ovakainhu vaheyali, va hoololwa vomongulu yohamba. Nokwe ka tula pamwe novapiya vako medimo liwa longulu yovakainhu.
10 Ester okwa li ina holola oshiwana shaye noludi laye, shaashi Mordekai okwe mu lombwela ehe shi popye. 11 Ndele efiku keshe Mordekai okwa enda mehale longulu yovakainhu a shiivifilwe ngeenge Ester oku li nawa ndele nonhumbi ta ningwa.
12 Ndele olufo lokakadona kamwe ngeenge la fika okuya kohamba Ahasveros, ko eshi ka wapalekwa eehani omulongo nambali pamhango yovakainhu (osheshi elilongekido lavo la pula efimbo li fike pomafiku oo. Eehani hamano nomaadi omirha neehani hamano nabalsam nomaadi ovakainhu makwao okuvava). 13 Okakadona eshi ka ya ngaha kohamba, aishe oyo ke i pula, ke i pewa ya dja mongulu yovakainhu ya twalwa pamwe nako kongulu yohamba. 14 Eshi ka ya mo onguloshi ndele ka aluka ongula, ka ya kongulu onhivali yovakainhu ya diininwa kuSaaskas, elenga lohamba, tali pashukile ovalikadi vohamba vopomunghulo. Itaka ka ya mo vali kohamba okuninga ohamba ye ka hokwa ndele tai ka ifana padina.
15 Olufo laEster, omona okakadona kaAbigail, xekulu yaMordekai, eshi la fika a ye mo kohamba, ko inaka hala sha shimwe, osho ashike Hegai, elenga lohamba, lo la pashukila ovakainhu, le ka lombwela. Ndele Ester okwa pandwa kwaaveshe ovo ve mu mona. 16 Ester okwa tambulwa kohamba Ahasveros mongulu yayo youhamba mohani onhimulongo nokutya, mohani Tebet, momudo omutiheyali wepangelo layo. 17 Nohamba ya li i hole Ester komesho yovakainhu aveshe noye mu hokwa ndele ye mu fila onghenda komesho youkadona aveshe. Ndele yo oye mu dika komutwe waye oshishani shohamba ndele ye mu ninga omumbada ponhele yaVasti. 18 Nohamba ya telekela omalenga ayo aeshe novapiya vayo aveshe oitendele inene, oitendele yaEster. Ndele yo ya shiivifila oitukulwalongo i dane efiku letulumuko ndele ya yandja eeshali di fike pakuyandja kohamba.
Mordekai ta holola ehangakeno
19 Oukadona eshi va ongelwa lutivali, fimbo Mordekai ta kala omutumba poshivelo shohamba. 20 Ester ina holola oshiwana shaye noludi laye, ngaashi Mordekai e mu lombwela. Ndele Ester okwa ninga ngaashi Mordekai e mu lombwela ngaashi mefimbo linya a kala mouteku waye. 21 Pomafiku tuu enya fimbo Mordekai a kala omutumba poshivelo shohamba, Bigtan naTeres, omalenga avali ohamba, ovanangeli vopoivelo, va handuka ndele va konga omhito va kwate ohamba Ahasveros. 22 Ndelenee Mordekai okwe shi uda nokwe shi shiivifila omumbada Ester. Ndele Ester e shi lombwela ohamba medina laMordekai. 23 Oshinima osho eshi sha konakonwa ndele sha monika osho oshili, venya vavali va endjelelifwa komuti. Ndele osho sha shangelwa membo omafimbo koshipala shohamba.
Ester, Omujuda, ta ningi omumbada wohamba Ahasveros
1 Konima yoinima ei, ehandu lohamba Ahasveros eshi la lota, oya dimbulukwa Vasti, osho e shi ninga naasho she mu tokolelwa. 2 Opo nee ovapiya vohamba, ovo ve i yakula tava ti: “Ohamba nai kongelwe oukadona ounyasha ve nondjelo iwa. 3 Ohamba nai tule mo moitukulwalongo aishe yoshilongo shayo ovahona, opo va ongele oukadona aveshe ovanyasha ovo ve nondjelo iwa, ve uye mohotengulu yaSusa mongulu yovalikadi, kelenga Hegai, omupashukili wovalikadi, e va pashukile. Ndele nava pewe omaadi okuvava oku va wapeka. 4 Nokakadona oko taka pandwa kohamba, naka ninge omumbada wohamba ponhele yomumbada Vasti.” Ondjovo ei ya wapalela ohamba, nosho ya ninga.
5 Mohotengulu yaSusa mwa li omulumenhu Omujuda, edina laye Mordekai yaJair yaSimei yaKis, Omubenjamin; 6 okwa kufwa muJerusalem nokwa li mokati keenghwate odo da li di nokuya moukwatwa pamwe naJekonia, ohamba yaJuda, yo ya twalwa ko kuNebukadnesar, ohamba yaBabilon.
7 Ndele ye okwa li omutekuli waHadassa, nokutya waEster, omona waxekulu, ndele okwa li ehe naxe ile ina. Ndele ye okwa li okakadona kawa kondjelo yako nokoshipala shako; ndele pefyo laxe nolaina, Mordekai e ka tambula omona waye. 8 Ndele oshipango shohamba nomhango yayo eshi ya shiivika, noukadona vahapu va ongelwa mohotengulu yaSusa komupashukili Hegai, ova eta yo Ester pamwe navo mongulu yohamba va diininwe kuHegai, omupashukili wovakainhu. 9 Nokakadona oko e ka panda ndele ka filwa onghenda kuye. Onghee hano okwa endelela oku ka pa omivavo dokuwapaleka, neendja de ka wapalela ndele e ka pa ovapiya ovakainhu vaheyali, va hoololwa vomongulu yohamba. Nokwe ka tula pamwe novapiya vako medimo liwa longulu yovakainhu.
10 Ester okwa li ina holola oshiwana shaye noludi laye, shaashi Mordekai okwe mu lombwela ehe shi popye. 11 Ndele efiku keshe Mordekai okwa enda mehale longulu yovakainhu a shiivifilwe ngeenge Ester oku li nawa ndele nonhumbi ta ningwa.
12 Ndele olufo lokakadona kamwe ngeenge la fika okuya kohamba Ahasveros, ko eshi ka wapalekwa eehani omulongo nambali pamhango yovakainhu (osheshi elilongekido lavo la pula efimbo li fike pomafiku oo. Eehani hamano nomaadi omirha neehani hamano nabalsam nomaadi ovakainhu makwao okuvava). 13 Okakadona eshi ka ya ngaha kohamba, aishe oyo ke i pula, ke i pewa ya dja mongulu yovakainhu ya twalwa pamwe nako kongulu yohamba. 14 Eshi ka ya mo onguloshi ndele ka aluka ongula, ka ya kongulu onhivali yovakainhu ya diininwa kuSaaskas, elenga lohamba, tali pashukile ovalikadi vohamba vopomunghulo. Itaka ka ya mo vali kohamba okuninga ohamba ye ka hokwa ndele tai ka ifana padina.
15 Olufo laEster, omona okakadona kaAbigail, xekulu yaMordekai, eshi la fika a ye mo kohamba, ko inaka hala sha shimwe, osho ashike Hegai, elenga lohamba, lo la pashukila ovakainhu, le ka lombwela. Ndele Ester okwa pandwa kwaaveshe ovo ve mu mona. 16 Ester okwa tambulwa kohamba Ahasveros mongulu yayo youhamba mohani onhimulongo nokutya, mohani Tebet, momudo omutiheyali wepangelo layo. 17 Nohamba ya li i hole Ester komesho yovakainhu aveshe noye mu hokwa ndele ye mu fila onghenda komesho youkadona aveshe. Ndele yo oye mu dika komutwe waye oshishani shohamba ndele ye mu ninga omumbada ponhele yaVasti. 18 Nohamba ya telekela omalenga ayo aeshe novapiya vayo aveshe oitendele inene, oitendele yaEster. Ndele yo ya shiivifila oitukulwalongo i dane efiku letulumuko ndele ya yandja eeshali di fike pakuyandja kohamba.
Mordekai ta holola ehangakeno
19 Oukadona eshi va ongelwa lutivali, fimbo Mordekai ta kala omutumba poshivelo shohamba. 20 Ester ina holola oshiwana shaye noludi laye, ngaashi Mordekai e mu lombwela. Ndele Ester okwa ninga ngaashi Mordekai e mu lombwela ngaashi mefimbo linya a kala mouteku waye. 21 Pomafiku tuu enya fimbo Mordekai a kala omutumba poshivelo shohamba, Bigtan naTeres, omalenga avali ohamba, ovanangeli vopoivelo, va handuka ndele va konga omhito va kwate ohamba Ahasveros. 22 Ndelenee Mordekai okwe shi uda nokwe shi shiivifila omumbada Ester. Ndele Ester e shi lombwela ohamba medina laMordekai. 23 Oshinima osho eshi sha konakonwa ndele sha monika osho oshili, venya vavali va endjelelifwa komuti. Ndele osho sha shangelwa membo omafimbo koshipala shohamba.
