Oshivilo shaAhasveros
Omumbada wohamba ta hengwa
1 Pomafiku aAhasveros, nokutya Ahasveros ou a pangela okudja kuIndia fiyo okuEtiopia, oitukulwalongo efele nomilongo mbali naiheyali, 2 pomafiku enya ohamba Ahasveros a kala omutumba kolukalwapangelo layo louhamba mohotengulu yomuSusa, 3 momudo omutitatu wepangelo layo, oya telekela omalenga ayo aeshe novapiya vayo aveshe oitendele. Omatanga ovakwaita vomuPersia novomuMedia novalumenhu ovanamadina novapangeli vomoitukulwalongo va li moipafi yayo; 4 ndele omafiku mahapu, heeno, omafiku efele nomilongo hetatu yo oye va ulikila oupuna woshinge shomouhamba wayo nefimano lihapu lounene wayo. 5 Nomafiku oo eshi a pita po, ohamba ya ningila ovanhu vayo aveshe, ava va kala mohotengulu yaSusa, ovakulunhu novapiya oitendele yomafiku ahetatu mehale loshikunino shongulu yohamba. 6 Omo mwa li mu noiyata yoliina itoka noiyata yomavala ya kwatakanifilwa kumwe keengodi ditoka nodapurpuri, ndele kwa endjelelifwa eengodo doisiliveli keengudi damarmori! Moluumbo mwa yalwa omamanya amalakiti nomarmori itoka nomamanya taa konita nomarmori i nomavala, mwa tulwa eembete doingoldo nodoisiliveli dokutulumukilwa mo. 7 Pa nwinwa momaholo oingoldo, nomaholo inaa faafana, ndele oko kwa li omaviinyu ohamba mahapu unene, omaviinyu e fike poupuna wohamba. 8 Ndele pa nuwa paufo kutya, kape na ou a fininikwa. Osheshi ohamba ya lombwela ngaha ovapiya aveshe vayo va fimana vomongulu yayo, nokutya ve nokuyakula pahalo lakeshe umwe. 9 Vasti, omumbada wohamba okwa ningila ovakainhu oitendele mongulu youhamba wohamba yaAhasveros.
10 Mefiku etiheyali, omutima wohamba eshi wa hafifwa komaviinyu, yo ya lombwela omalenga ayo aheyali omouhamba, Mehuman, Bista, Harbona, Bigta naAbagta, Setar naKarkas, oo a li a yakula koshipala shohamba 11 a ka tale ko omumbada Vasti, a djala oshishani shohamba, e uye koshipala shohamba, yo i ulikile ovanhu nomalenga ouwa nondjelo yaye, osheshi ye okwa li muwa moshipala. 12 Ndelenee omumbada Vasti a anya okuuya palombwelo, ohamba ye li lombwela omalenga. Opo nee ohamba ya handuka unene, noupyuhandu wayo wa xwama muyo.
13 Nohamba ya popya novalumenhu ovanongo, ovashiivi vomafimbo, osheshi onghedi yohamba ya li okukonga omayele kovanongo aveshe vomhango novouyuki. 14 Ndele ovo va li popepi nayo ovava: Karsena, Setar, Admata, Tarsis, Meres, Marsena, Memukan, omalenga aheyali Ovapersia nOvamedia, aa a li a tala oshipala shohamba, ndele va kala omutumba ngaashi ovakomesho vomouhamba, ndele ohamba ye va pula: 15 “Omumbada Vasti e nokuningwa ngahelipi pamhango, shaashi ye ina dulika kelombwelo lohamba Ahasveros ye li tumifa omalenga ayo?” 16 Opo nee Memukan ta ti kohamba nokomalenga: “Omumbada Vasti ina nyona kohamba aike, ndelenee komalenga aeshe nokovanhu aveshe ovo ve li moitukulwalongo yohamba Ahasveros. 17 Osheshi oshinima eshi shomumbada tashi ka shiivika kovalikadi aveshe, onghee hano ovalumenhu vavo tava ka dinika momesho avo ndele tava ka tya: ‘Ohamba Ahasveros ya lombwela omumbada Vasti, a etwe koshipala shayo, ndelenee ye ine uya.’ 18 Mefiku tuu eli lonena nokuli ovalikadi vomalenga omuPersia nomuMedia, eshi tava udu oshinima shomumbada ou, tave ke shi lombwela omalenga aeshe ohamba. Opo nee tapa ka kala okudinwa nokuhanduka kuhapu! 19 Ngeenge tashi wapalele ohamba, nai yandje oshipango shi shangelwe meemhango dihe shii kulundululwa, dOvapersia nodOvamedia, nokutya Vasti aha holoke vali koshipala shohamba Ahasveros. Nohamba nai yandje omumbada waye kuumwe ou e mu dule. 20 Oshipango shohamba eshi tashi ka shiivika moshilongo shayo ashishe, nande sho oshinene, ovalikadi aveshe tava ka fimaneka ovalumenhu vavo, ovanamadina novaxupi.” 21 Eendjovo edi oda wapalela ohamba nomalenga, nohamba ya ninga papukululo laMemukan. 22 Ndele yo ya tumina oitukulwalongo aishe yohamba eenhumwafo, koshitukulwalongo keshe pakushangwa kwasho, noshiwana keshe palaka lasho, nokutya omulumenhu keshe na kale omwene meumbo laye, ndele na itavelwe okupopya elaka loshiwana shavo.
Oshivilo shaAhasveros
Omumbada wohamba ta hengwa
1 Pomafiku aAhasveros, nokutya Ahasveros ou a pangela okudja kuIndia fiyo okuEtiopia, oitukulwalongo efele nomilongo mbali naiheyali, 2 pomafiku enya ohamba Ahasveros a kala omutumba kolukalwapangelo layo louhamba mohotengulu yomuSusa, 3 momudo omutitatu wepangelo layo, oya telekela omalenga ayo aeshe novapiya vayo aveshe oitendele. Omatanga ovakwaita vomuPersia novomuMedia novalumenhu ovanamadina novapangeli vomoitukulwalongo va li moipafi yayo; 4 ndele omafiku mahapu, heeno, omafiku efele nomilongo hetatu yo oye va ulikila oupuna woshinge shomouhamba wayo nefimano lihapu lounene wayo. 5 Nomafiku oo eshi a pita po, ohamba ya ningila ovanhu vayo aveshe, ava va kala mohotengulu yaSusa, ovakulunhu novapiya oitendele yomafiku ahetatu mehale loshikunino shongulu yohamba. 6 Omo mwa li mu noiyata yoliina itoka noiyata yomavala ya kwatakanifilwa kumwe keengodi ditoka nodapurpuri, ndele kwa endjelelifwa eengodo doisiliveli keengudi damarmori! Moluumbo mwa yalwa omamanya amalakiti nomarmori itoka nomamanya taa konita nomarmori i nomavala, mwa tulwa eembete doingoldo nodoisiliveli dokutulumukilwa mo. 7 Pa nwinwa momaholo oingoldo, nomaholo inaa faafana, ndele oko kwa li omaviinyu ohamba mahapu unene, omaviinyu e fike poupuna wohamba. 8 Ndele pa nuwa paufo kutya, kape na ou a fininikwa. Osheshi ohamba ya lombwela ngaha ovapiya aveshe vayo va fimana vomongulu yayo, nokutya ve nokuyakula pahalo lakeshe umwe. 9 Vasti, omumbada wohamba okwa ningila ovakainhu oitendele mongulu youhamba wohamba yaAhasveros.
10 Mefiku etiheyali, omutima wohamba eshi wa hafifwa komaviinyu, yo ya lombwela omalenga ayo aheyali omouhamba, Mehuman, Bista, Harbona, Bigta naAbagta, Setar naKarkas, oo a li a yakula koshipala shohamba 11 a ka tale ko omumbada Vasti, a djala oshishani shohamba, e uye koshipala shohamba, yo i ulikile ovanhu nomalenga ouwa nondjelo yaye, osheshi ye okwa li muwa moshipala. 12 Ndelenee omumbada Vasti a anya okuuya palombwelo, ohamba ye li lombwela omalenga. Opo nee ohamba ya handuka unene, noupyuhandu wayo wa xwama muyo.
13 Nohamba ya popya novalumenhu ovanongo, ovashiivi vomafimbo, osheshi onghedi yohamba ya li okukonga omayele kovanongo aveshe vomhango novouyuki. 14 Ndele ovo va li popepi nayo ovava: Karsena, Setar, Admata, Tarsis, Meres, Marsena, Memukan, omalenga aheyali Ovapersia nOvamedia, aa a li a tala oshipala shohamba, ndele va kala omutumba ngaashi ovakomesho vomouhamba, ndele ohamba ye va pula: 15 “Omumbada Vasti e nokuningwa ngahelipi pamhango, shaashi ye ina dulika kelombwelo lohamba Ahasveros ye li tumifa omalenga ayo?” 16 Opo nee Memukan ta ti kohamba nokomalenga: “Omumbada Vasti ina nyona kohamba aike, ndelenee komalenga aeshe nokovanhu aveshe ovo ve li moitukulwalongo yohamba Ahasveros. 17 Osheshi oshinima eshi shomumbada tashi ka shiivika kovalikadi aveshe, onghee hano ovalumenhu vavo tava ka dinika momesho avo ndele tava ka tya: ‘Ohamba Ahasveros ya lombwela omumbada Vasti, a etwe koshipala shayo, ndelenee ye ine uya.’ 18 Mefiku tuu eli lonena nokuli ovalikadi vomalenga omuPersia nomuMedia, eshi tava udu oshinima shomumbada ou, tave ke shi lombwela omalenga aeshe ohamba. Opo nee tapa ka kala okudinwa nokuhanduka kuhapu! 19 Ngeenge tashi wapalele ohamba, nai yandje oshipango shi shangelwe meemhango dihe shii kulundululwa, dOvapersia nodOvamedia, nokutya Vasti aha holoke vali koshipala shohamba Ahasveros. Nohamba nai yandje omumbada waye kuumwe ou e mu dule. 20 Oshipango shohamba eshi tashi ka shiivika moshilongo shayo ashishe, nande sho oshinene, ovalikadi aveshe tava ka fimaneka ovalumenhu vavo, ovanamadina novaxupi.” 21 Eendjovo edi oda wapalela ohamba nomalenga, nohamba ya ninga papukululo laMemukan. 22 Ndele yo ya tumina oitukulwalongo aishe yohamba eenhumwafo, koshitukulwalongo keshe pakushangwa kwasho, noshiwana keshe palaka lasho, nokutya omulumenhu keshe na kale omwene meumbo laye, ndele na itavelwe okupopya elaka loshiwana shavo.
