Oipango omulongo
1 Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili. 2 Omwene Kalunga ketu okwa ninga ehangano nafye kuHoreb. 3 Omwene ina ninga ehangano eli nootate, ndelenee onafye vene, atushe ava tu li apa tu nomwenyo. 4 NOmwene okwa popya nanye koshipala noshipala momundilo komhunda, 5 pefimbo linya ame nda kala ofika pokati keni nOmwene, opo ndi mu shiivifile ondjovo yOmwene, osheshi nye omwa li mwa tila omundilo, ndele inamu londa komhunda. Ndele Ye okwa tile:
6 “ ‘Aame Omwene Kalunga koye, ou nde ku pitifa mo medu laEgipiti meumbo loupika.
7 “ ‘Ino kala u noikalunga imwe koshipala shange.
8 “ ‘Ino lihongela oshihongwafano ile efano lasha shi li pombada meulu ile lasha shi li poshi kombada yedu, ile laashi shi li momeva koshi yedu.
9 “ ‘Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine kwaava hava tondo nge. 10 Ndele Ame ohandi file onghenda omayovi, aava ve hole nge ndele tava diinine oipango yange.
11 “ ‘Edina lOmwene Kalunga koye, ino li tumbulila ongaho, osheshi Omwene ita efa aha handukile ou ta tumbulile edina laye hamungaho.
12 “ ‘Dimbulukwa efiku lEshabata, u li yapule, Omwene Kalunga koye ngaashi e ku lombwela. 13 Omafiku ahamano ove u nokulonga nokulipyakidila oshilonga shoye keshe, 14 ndelenee efiku etiheyali olo Ongodji yOmwene Kalunga koye, opo nee inamu longa sha, oove mwene ile omona woye omumati ile omona woye okakadona ile omupiya woye omulumenhu ile omupiya woye omukainhu ile ongobe yoye nondongi yoye ile oshinamwenyo shoye ile omweenda e li peenhu doye. Opo omupiya woye omulumenhu nomukainhu va shiive okutulumukwa ngaashi ove mwene. 15 Ndele dimbulukwa nokutya, ove owa li omupika medu laEgipiti, nOmwene Kalunga koye e ku pitifa mo neke li neenghono nokwooko kwa yeluka. Onghee hano Omwene Kalunga koye e ku lombwela u diinine efiku lEshabata.
16 “ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.
17 “ ‘Ino dipaa.
18 “ ‘Ino nyona ohombo.
19 “ ‘Ino vaka.
20 “ ‘Omukweni ino mu hepaululila ehepaululo loipupulu.
21 “ ‘Ino haluka omwalikadi womukweni. Ino haluka eumbo lomukweni, nepya laye, omupiya waye omulumenhu ile omukainhu ile ongobe yaye ile ondongi yaye ile keshe eshi shamukweni.’
22 “Neendjovo tuu odo Omwene okwa popifa eongalo alishe komhunda momundilo nomoshilemo nomoshiwiwili shoilemo nondaka inene, ndele ina weda ko sha. Ndele Ye e di shangela mo moipelende ivali yomamanya ndele e i pa nge. 23 Ndele nye eshi mwa uda ondaka momulaulu, omhunda fimbo ya tema omundilo, nye mwe uya kwaame, ovakulunhu aveshe vomapata eni novakulunhu veni, 24 ndele tava ti: ‘Tala, Omwene Kalunga ketu e tu talifa oshinge shaye nounene waye, ndele fye twa uda ondaka yaye momundilo. Onena eli twa mona nokutya, Kalunga ta popi nomunhu, ndele ye ta kala nomwenyo. 25 Ndelenee omolwashike fye tu nokufya paife? Osheshi omundilo ou omunene notau tu lungwinifa fye ngeenge ohatu udulula vali ondaka yOmwene Kalunga ketu, ohatu ka fya. 26 Osheshi olyelye ou womombelela aishe a uda ondaka yaKalunga omunamwenyo okupopya momundilo ngaashi fye, ndele a kala nomwenyo? 27 Ove inda ko, u ka ude adishe odo Omwene Kalunga ketu ta ka tya, opo nee ove to dulu oku tu shiivifila Omwene Kalunga ketu eshi te ku lombwele, ndele fye ohatu shi udu noku shi ninga.’
28 “NOmwene okwa uda ondaka yeendjovo deni nye eshi mwa popya naame. Opo nee Omwene okwa lombwela nge: ‘Ame nda uda ondaka yeendjovo dovanhu ava, odo ve ku lombwela. Do oda yuka, odo va tonga. 29 Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe. 30 Shuna ko, u va lombwele: Shuneni komatwali eni. 31 Ndelenee ove kala ofika apa pwaame, opo ndi shiive oku ku lombwela oipango aishe neenghedimhango nomalombwelo, aa ove u noku e va longa, vo opo va shiive oku a wanifa medu olo Ame handi ke va pa, ve li nangale.’
32 “Kala hano u noshisho nye mu ninge ngaashi Omwene Kalunga keni e mu lombwela. Inamu yapukila kolulyo ile kolumosho. 33 Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.
Oipango omulongo
1 Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili. 2 Omwene Kalunga ketu okwa ninga ehangano nafye kuHoreb. 3 Omwene ina ninga ehangano eli nootate, ndelenee onafye vene, atushe ava tu li apa tu nomwenyo. 4 NOmwene okwa popya nanye koshipala noshipala momundilo komhunda, 5 pefimbo linya ame nda kala ofika pokati keni nOmwene, opo ndi mu shiivifile ondjovo yOmwene, osheshi nye omwa li mwa tila omundilo, ndele inamu londa komhunda. Ndele Ye okwa tile:
6 “ ‘Aame Omwene Kalunga koye, ou nde ku pitifa mo medu laEgipiti meumbo loupika.
7 “ ‘Ino kala u noikalunga imwe koshipala shange.
8 “ ‘Ino lihongela oshihongwafano ile efano lasha shi li pombada meulu ile lasha shi li poshi kombada yedu, ile laashi shi li momeva koshi yedu.
9 “ ‘Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine kwaava hava tondo nge. 10 Ndele Ame ohandi file onghenda omayovi, aava ve hole nge ndele tava diinine oipango yange.
11 “ ‘Edina lOmwene Kalunga koye, ino li tumbulila ongaho, osheshi Omwene ita efa aha handukile ou ta tumbulile edina laye hamungaho.
12 “ ‘Dimbulukwa efiku lEshabata, u li yapule, Omwene Kalunga koye ngaashi e ku lombwela. 13 Omafiku ahamano ove u nokulonga nokulipyakidila oshilonga shoye keshe, 14 ndelenee efiku etiheyali olo Ongodji yOmwene Kalunga koye, opo nee inamu longa sha, oove mwene ile omona woye omumati ile omona woye okakadona ile omupiya woye omulumenhu ile omupiya woye omukainhu ile ongobe yoye nondongi yoye ile oshinamwenyo shoye ile omweenda e li peenhu doye. Opo omupiya woye omulumenhu nomukainhu va shiive okutulumukwa ngaashi ove mwene. 15 Ndele dimbulukwa nokutya, ove owa li omupika medu laEgipiti, nOmwene Kalunga koye e ku pitifa mo neke li neenghono nokwooko kwa yeluka. Onghee hano Omwene Kalunga koye e ku lombwela u diinine efiku lEshabata.
16 “ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.
17 “ ‘Ino dipaa.
18 “ ‘Ino nyona ohombo.
19 “ ‘Ino vaka.
20 “ ‘Omukweni ino mu hepaululila ehepaululo loipupulu.
21 “ ‘Ino haluka omwalikadi womukweni. Ino haluka eumbo lomukweni, nepya laye, omupiya waye omulumenhu ile omukainhu ile ongobe yaye ile ondongi yaye ile keshe eshi shamukweni.’
22 “Neendjovo tuu odo Omwene okwa popifa eongalo alishe komhunda momundilo nomoshilemo nomoshiwiwili shoilemo nondaka inene, ndele ina weda ko sha. Ndele Ye e di shangela mo moipelende ivali yomamanya ndele e i pa nge. 23 Ndele nye eshi mwa uda ondaka momulaulu, omhunda fimbo ya tema omundilo, nye mwe uya kwaame, ovakulunhu aveshe vomapata eni novakulunhu veni, 24 ndele tava ti: ‘Tala, Omwene Kalunga ketu e tu talifa oshinge shaye nounene waye, ndele fye twa uda ondaka yaye momundilo. Onena eli twa mona nokutya, Kalunga ta popi nomunhu, ndele ye ta kala nomwenyo. 25 Ndelenee omolwashike fye tu nokufya paife? Osheshi omundilo ou omunene notau tu lungwinifa fye ngeenge ohatu udulula vali ondaka yOmwene Kalunga ketu, ohatu ka fya. 26 Osheshi olyelye ou womombelela aishe a uda ondaka yaKalunga omunamwenyo okupopya momundilo ngaashi fye, ndele a kala nomwenyo? 27 Ove inda ko, u ka ude adishe odo Omwene Kalunga ketu ta ka tya, opo nee ove to dulu oku tu shiivifila Omwene Kalunga ketu eshi te ku lombwele, ndele fye ohatu shi udu noku shi ninga.’
28 “NOmwene okwa uda ondaka yeendjovo deni nye eshi mwa popya naame. Opo nee Omwene okwa lombwela nge: ‘Ame nda uda ondaka yeendjovo dovanhu ava, odo ve ku lombwela. Do oda yuka, odo va tonga. 29 Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe. 30 Shuna ko, u va lombwele: Shuneni komatwali eni. 31 Ndelenee ove kala ofika apa pwaame, opo ndi shiive oku ku lombwela oipango aishe neenghedimhango nomalombwelo, aa ove u noku e va longa, vo opo va shiive oku a wanifa medu olo Ame handi ke va pa, ve li nangale.’
32 “Kala hano u noshisho nye mu ninge ngaashi Omwene Kalunga keni e mu lombwela. Inamu yapukila kolulyo ile kolumosho. 33 Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.
