Omuvalo womadengo mokuhandukila omunyonauni
1 “Ngeenge pe novalumenhu ve neemhata, ndele tava ka ya koihokolola, novatokoli veendjovo va tokola eendjovo davo, omunongo ta pewa ounongo nomushima ta pewa oushima; 2 Ou e noushima ngeenge ta tokolelwa okudengwa nongola, omutokoli ne mu lombwele, e linangeke poshi, ndele moipafi yomutokoli na dengwe omadengo omuvalu u fike pokunyona kwaye. 3 Na dengwe eengola omilongo nhee, diha koye pwaado, opo mukweni aha dinike momesho oye, ngeenge ta dengwa eengola, di dule odo.
4 “Ongobe tai xu moshipale, ino i manga komulungu.
Edina lomumwaina liha dimwe mo moludalo
5 “Ovanhu novamwaina ngeenge hava kala pamwe, ndele umwe wavo ta fi ye ina fiya po omona omumati, omufiyekadi wanakufya ke nokuhombolwa komuyeni, ehe fi omukwapata. Haukwe waye oku nokuya mo kuye, e mu hombole omwalikadi waye, ye e noku mu wanifila oshilonga shahaukwe waye. 6 Oshiveli omulumenhu, te shi dala, shi nokulukilwa edina lomumwaina ou a fya, opo edina laawinya liha dimwe po muIsrael. 7 Nomulumenhu ngeenge ina hala okuhombola haukwe waye, haukwe waye oku nokuya peenhu dovakulunhu vaye ndele na tye: ‘Haukwe wange ta anye okudalifila omumwaina edina muIsrael. Ye ina hala okushakenifila nge oshilonga shahaukwe waye.’ 8 Opo nee ovakulunhu voshilando shaye nave mu ifane noku mu popifa, ndele ye ngeenge ta kala mokwaanya kwaye, ndele ta ti: ‘Ame inandi hala oku mu hombola,’ 9 opo nee haukwe waye oku nokweehena kuye nokudula mo onghaku yaye moipafi yovakulunhu, noku mu fiila omate moshipala shaye nokupopya a tye: ‘Hano keshe omulumenhu ina hala okudalifila omumwaina oludalo, osho ta ningwa;’ 10 nedina laye muIsrael nali ifanwe. ‘Eumbo laau a dulwa onghaku.’
11 “Ovalumenhu vavali ngeenge tave lidenge, nomwalikadi waumwe waava te uya, a popile omulumenhu waye, e mu kwafe momake aou te mu denge, neke laye ote li kwatifa oulumenhu waye, 12 opo nee u nokuteta ko eke laye uhe nonghenda.
Oiyelekifo yokuyeleka nai kale ya wana ya twa
13 “Mokakutu koye ino humbatela mo oiyelekifomanya i lili nai lili, shimwe shinene shikwao oshinini kushikwao. 14 Meumbo loye muha kale oiyelekifombale ivali i lili nai lili, oshinene nashinini. 15 Oiyelekifo yoye nai kale ya wana ya twa, oshiyelekifo shaefa nashi kale sha wana sha twa, opo omafiku oye a hapupalifwe moshilongo, Omwene Kalunga koye te ke shi ku pa. 16 Osheshi keshe ou ha longo ngaha, oye oixuna koshipala shOmwene Kalunga koye, heeno, keshe umwe ta nyono.
Ovaamaleki ve nokukombwa po sheke
17 “Dimbulukwa Amalek eshi ye e ku ningila mondjila, eshi mwa dja muEgipiti, 18 nhumbi ye kwa li ehe netilokalunga, ove eshi wa li wa loloka ndele to funga, navakweni aveshe va li va loloka, va tukauka, va fyaala konima, e va tondokela, ndele e va tukula mwoove. 19 Onghee hano Omwene Kalunga koye, ngeenge te ku pe etulumuko kovanaita voye aveshe tava dingilile oshilongo, Omwene Kalunga koye te shi ku pe efyuululo, edimbulukifo laAmalek u li kombe po kombada yedu. Ino shi dimbwa.
Omuvalo womadengo mokuhandukila omunyonauni
1 “Ngeenge pe novalumenhu ve neemhata, ndele tava ka ya koihokolola, novatokoli veendjovo va tokola eendjovo davo, omunongo ta pewa ounongo nomushima ta pewa oushima; 2 Ou e noushima ngeenge ta tokolelwa okudengwa nongola, omutokoli ne mu lombwele, e linangeke poshi, ndele moipafi yomutokoli na dengwe omadengo omuvalu u fike pokunyona kwaye. 3 Na dengwe eengola omilongo nhee, diha koye pwaado, opo mukweni aha dinike momesho oye, ngeenge ta dengwa eengola, di dule odo.
4 “Ongobe tai xu moshipale, ino i manga komulungu.
Edina lomumwaina liha dimwe mo moludalo
5 “Ovanhu novamwaina ngeenge hava kala pamwe, ndele umwe wavo ta fi ye ina fiya po omona omumati, omufiyekadi wanakufya ke nokuhombolwa komuyeni, ehe fi omukwapata. Haukwe waye oku nokuya mo kuye, e mu hombole omwalikadi waye, ye e noku mu wanifila oshilonga shahaukwe waye. 6 Oshiveli omulumenhu, te shi dala, shi nokulukilwa edina lomumwaina ou a fya, opo edina laawinya liha dimwe po muIsrael. 7 Nomulumenhu ngeenge ina hala okuhombola haukwe waye, haukwe waye oku nokuya peenhu dovakulunhu vaye ndele na tye: ‘Haukwe wange ta anye okudalifila omumwaina edina muIsrael. Ye ina hala okushakenifila nge oshilonga shahaukwe waye.’ 8 Opo nee ovakulunhu voshilando shaye nave mu ifane noku mu popifa, ndele ye ngeenge ta kala mokwaanya kwaye, ndele ta ti: ‘Ame inandi hala oku mu hombola,’ 9 opo nee haukwe waye oku nokweehena kuye nokudula mo onghaku yaye moipafi yovakulunhu, noku mu fiila omate moshipala shaye nokupopya a tye: ‘Hano keshe omulumenhu ina hala okudalifila omumwaina oludalo, osho ta ningwa;’ 10 nedina laye muIsrael nali ifanwe. ‘Eumbo laau a dulwa onghaku.’
11 “Ovalumenhu vavali ngeenge tave lidenge, nomwalikadi waumwe waava te uya, a popile omulumenhu waye, e mu kwafe momake aou te mu denge, neke laye ote li kwatifa oulumenhu waye, 12 opo nee u nokuteta ko eke laye uhe nonghenda.
Oiyelekifo yokuyeleka nai kale ya wana ya twa
13 “Mokakutu koye ino humbatela mo oiyelekifomanya i lili nai lili, shimwe shinene shikwao oshinini kushikwao. 14 Meumbo loye muha kale oiyelekifombale ivali i lili nai lili, oshinene nashinini. 15 Oiyelekifo yoye nai kale ya wana ya twa, oshiyelekifo shaefa nashi kale sha wana sha twa, opo omafiku oye a hapupalifwe moshilongo, Omwene Kalunga koye te ke shi ku pa. 16 Osheshi keshe ou ha longo ngaha, oye oixuna koshipala shOmwene Kalunga koye, heeno, keshe umwe ta nyono.
Ovaamaleki ve nokukombwa po sheke
17 “Dimbulukwa Amalek eshi ye e ku ningila mondjila, eshi mwa dja muEgipiti, 18 nhumbi ye kwa li ehe netilokalunga, ove eshi wa li wa loloka ndele to funga, navakweni aveshe va li va loloka, va tukauka, va fyaala konima, e va tondokela, ndele e va tukula mwoove. 19 Onghee hano Omwene Kalunga koye, ngeenge te ku pe etulumuko kovanaita voye aveshe tava dingilile oshilongo, Omwene Kalunga koye te shi ku pe efyuululo, edimbulukifo laAmalek u li kombe po kombada yedu. Ino shi dimbwa.
