Israel inashi shuna kuKalunga
1 Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni! 2 Omwene Kalunga okwa anenena ouyapuki waye: “Tala, omafiku tae uya kunye, nye tamu ka xuwa nekupa, naava va xupa po kunye, tava ka ndjololwa nondjolo. 3 Ndele nye, otamu ke lifininika momifya domohotekuma, keshe umwe ta yukilile, ndele nye otamu ka ekelwa langhele kuHarmoni, Omwene ta ti.
4 “Ileni kuBetel mu ka nyone! NokuGilgal mu hapupalife owii! Ndele eteni omatomenoyambo eni ongula keshe, noshitimulongo sheni mefiku keshe etitatu. 5 Ndele eshi shilula shi yambeleleni eyambo lepandulo. Va lombweleni, shiivifileni, va ete eeshali nehalo liwa! Osho ngaha, ndishi, nye Ovaisraeli mwa hala, Omwene Kalunga ta ti.
6 “Nosho yo nde mu pa okukusha kwomayoo moilando yeni aishe noluhepo lomungome meenhele deni adishe. Nande ngaha nye inamu aluka kwaame, Omwene ta ti.
7 “Nosho yo nda kelela odula iha loke kunye, nande oku na natango eehani nhatu deteyo. Ndele nda lokifila oshilando shimwe, ndelenee shikwao inandi shi lokifila. Epya limwe la pewa odula, ndelenee likwao, eli inali lokwa, ola kukuta. 8 Nosho oilando ivali ile itatu otai ende nokupungauka ya yuka koshilando oshititatu i ka nwe omeva, ndelenee itai kumwa. Nande ngaha, nye inamu alukila kwaame, Omwene ta ti.
9 “Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.
10 “Ame nde mu tumina oudu wolutapo ngaashi muEgipiti. Ame nda dipaa ovamati veni neongamukonda, neenghambe deni da kwatwa. Ndele edimba lii lomeenhanda deni nde li fikifa fiyo okomayulu eni. Ndele nande ongaha, nye inamu alukila kwaame, Omwene ta ti.
11 “Ame nde mu hanauna po ngaashi Kalunga a hanauna po Sodom naGomorra, opo nye mwa li ngaashi oshikuni sha nakulwa momundilo. Ndele nande ongaha, nye inamu alukila kwaame, Omwene ta ti. 12 Onghee hano Israel, Ame ohandi ke ku ningila ngaha. Eshi Ame handi ke ku ningila ngaha; lilongekida, oove Israel, u shakene naKalunga koye!” 13 Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!
Israel inashi shuna kuKalunga
1 Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni! 2 Omwene Kalunga okwa anenena ouyapuki waye: “Tala, omafiku tae uya kunye, nye tamu ka xuwa nekupa, naava va xupa po kunye, tava ka ndjololwa nondjolo. 3 Ndele nye, otamu ke lifininika momifya domohotekuma, keshe umwe ta yukilile, ndele nye otamu ka ekelwa langhele kuHarmoni, Omwene ta ti.
4 “Ileni kuBetel mu ka nyone! NokuGilgal mu hapupalife owii! Ndele eteni omatomenoyambo eni ongula keshe, noshitimulongo sheni mefiku keshe etitatu. 5 Ndele eshi shilula shi yambeleleni eyambo lepandulo. Va lombweleni, shiivifileni, va ete eeshali nehalo liwa! Osho ngaha, ndishi, nye Ovaisraeli mwa hala, Omwene Kalunga ta ti.
6 “Nosho yo nde mu pa okukusha kwomayoo moilando yeni aishe noluhepo lomungome meenhele deni adishe. Nande ngaha nye inamu aluka kwaame, Omwene ta ti.
7 “Nosho yo nda kelela odula iha loke kunye, nande oku na natango eehani nhatu deteyo. Ndele nda lokifila oshilando shimwe, ndelenee shikwao inandi shi lokifila. Epya limwe la pewa odula, ndelenee likwao, eli inali lokwa, ola kukuta. 8 Nosho oilando ivali ile itatu otai ende nokupungauka ya yuka koshilando oshititatu i ka nwe omeva, ndelenee itai kumwa. Nande ngaha, nye inamu alukila kwaame, Omwene ta ti.
9 “Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.
10 “Ame nde mu tumina oudu wolutapo ngaashi muEgipiti. Ame nda dipaa ovamati veni neongamukonda, neenghambe deni da kwatwa. Ndele edimba lii lomeenhanda deni nde li fikifa fiyo okomayulu eni. Ndele nande ongaha, nye inamu alukila kwaame, Omwene ta ti.
11 “Ame nde mu hanauna po ngaashi Kalunga a hanauna po Sodom naGomorra, opo nye mwa li ngaashi oshikuni sha nakulwa momundilo. Ndele nande ongaha, nye inamu alukila kwaame, Omwene ta ti. 12 Onghee hano Israel, Ame ohandi ke ku ningila ngaha. Eshi Ame handi ke ku ningila ngaha; lilongekida, oove Israel, u shakene naKalunga koye!” 13 Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!
