Paulus ta longo ovanhu muKorinto
1 Ndele konima yoinima ei Paulus okwa dja mo muAtena ndele ta i kuKorinto. 2 Ndele okwa hanga mo Omujuda, edina laye Akwila, a dalelwa muPontus, opo a di kuItalia pamwe nomukainhu waye Priskila, osheshi omukesari Klaudius a tokola, Ovajuda aveshe va dje mo muRoma. Ndele Paulus okwa ya kuvo. 3 Ndele eshi a li a shiiva okulonga oilonga pamwe navo, shaashi ovo aveshe ova li ovatungi veefaila, okwa kala puvo ndele tava tungu eefaila. 4 Nakeshe tuu Eshabata okwa popya moshinagoga ndele ta itavelifa Ovajuda nOvagreka.
5 Ndele Silas naTimoteus eshi va dja kuMakedonia nove uya oku, Paulus okwa hangika ta longo ovanhu nouladi nokutomha Ovajuda nokutya Jesus Oye Kristus. 6 Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.” 7 Ndele okwa dja ko ndele ta i meumbo lomulumenhu ha tila Kalunga, edina laye Titus Justus, ongulu yaye ya li ya kwatafana noshinagoga. 8 Ndele Krispus, mwene woshinagoga, pamwe neumbo laye alishe okwa itavela Omwene, nOvakorinto vahapu vomwaava va li tava pwilikine ova itavela, ndele va shashwa.
9 Ndele oufiku memoniko Omwene okwa tya kuPaulus: “Ino tila, popya, ino mwena, 10 osheshi Ame ndi novanhu vahapu moshilando eshi.” 11 Ndele ye okwa kala mo odula imwe neehani 6, ta longo mokati kavo eendjovo daKalunga.
Paulus ta kwatwa
12 Ndele Gallion eshi a li omupangeli muAkaia, Ovajuda ova hangakena ndele va fikamena Paulus, ndele tave mu twala kolukalwatokolo, 13 ndele tava ti: “Ou ota hongaula ovanhu okufimaneka Kalunga konghedi i na ondubo nomhango.” 14 Ndele Paulus eshi a hala okupopya, Gallion ta ti kOvajuda: “Ovajuda nye, ngeno kwa popiwa okunyonauna ile oshilonga shoukolokoshi, ngeno onde lidiinikila oku mu pwilikina. 15 Ndele ngeenge mu neemhata nomapulo omolwomalongo nomolwomadina neemhango deni, oo aeshe onye mu noku a tokola, ame inandi hala okuninga omutokoli wado.” 16 Ndele ye okwe va taataa po polukalwatokolo. 17 Ndele vo aveshe ova nhukila mwene woshinagoga, Sostenes, ndele tave mu dengele polukalwatokolo, ndele Gallion okwa li ehe na ko nasha nasho.
Paulus ta shuna kuAntiokia
18 Ndele Paulus eshi a kala ko omafiku, okwa lekela ovamwatate nokwa ya kuSiria pamwe naAkwila naPriskila, ndelenee ye okwe likululifa eexwiki daye dokomutwe muKenkrea, osheshi ye a hangika a ninga eudaneko. 19 Ndele ye okwa fika kuEfeso, nokwe va fiya ko. Ndele ye mwene okwa ya moshinagoga, ndele ta kundafana nOvajuda. 20 Ndele vo ove mu indila a kale puvo omafiku amwe, ndele ye ine va itavela. 21 Ndele okwa lekela ndele ta ti: “Ame inandi hala nande ndi kale ndihe li moshivilo shomuJerusalem, ndelenee Kalunga ngeenge e shi hala, ohandi alukile kunye.” Nokwa dja mo muEfeso a ka yauke. 22 Ndele eshi va helukila muKesarea, okwa ya kuJerusalem, ndele ta kundile po eongalo, ndele ta i kuAntiokia. 23 Ndele eshi a ninga mo omafiku, okwa fikama ndele ta endaenda noilando ngaashi ya shikulafana moikandjo yaGalatia naFrigia, nokupameka ovalongwa aveshe.
Apollos ta udifa muEfeso nomuKorinto
24 Ndele kuEfeso okwe uya Omujuda, edina laye Apollos, ou a dalelwa muAleksandria, omulumenhu omunongo mokupopya, ye okwa li omunaendunge womomishangwa. 25 Ye okwa li a longwa ondjila yOmwene, ndele mokupopya kwaye omhepo yaye ya xwama ndele ta hepaulula shili Jesus, ndele eshasho laJohannes olo alike a shiiva. 26 Ndele ye okwa hovela okupopya nouladi moshinagoga. Ndele Akwila naPriskila, eshi ve uya oku mu pwilikina, ove mu tambula, ndele ve mu longa noku mu shiivifila shili ondjila yaKalunga. 27 Ndele eshi a hala okutwikila kuAkaia, ovamwatate ove mu twa ouladi ndele va shangela ovalongwa vaakwinya ve mu tambule. Hano eshi a fika ko, okonghenda okwa kwafa unene ovo va itavela. 28 Osheshi ye okwa tomha neenghono eemhata dOvajuda moipafi, eshi e va ulikila momishangwa nokutya, Jesus Oye Kristus.
Paulus ta longo ovanhu muKorinto
1 Ndele konima yoinima ei Paulus okwa dja mo muAtena ndele ta i kuKorinto. 2 Ndele okwa hanga mo Omujuda, edina laye Akwila, a dalelwa muPontus, opo a di kuItalia pamwe nomukainhu waye Priskila, osheshi omukesari Klaudius a tokola, Ovajuda aveshe va dje mo muRoma. Ndele Paulus okwa ya kuvo. 3 Ndele eshi a li a shiiva okulonga oilonga pamwe navo, shaashi ovo aveshe ova li ovatungi veefaila, okwa kala puvo ndele tava tungu eefaila. 4 Nakeshe tuu Eshabata okwa popya moshinagoga ndele ta itavelifa Ovajuda nOvagreka.
5 Ndele Silas naTimoteus eshi va dja kuMakedonia nove uya oku, Paulus okwa hangika ta longo ovanhu nouladi nokutomha Ovajuda nokutya Jesus Oye Kristus. 6 Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.” 7 Ndele okwa dja ko ndele ta i meumbo lomulumenhu ha tila Kalunga, edina laye Titus Justus, ongulu yaye ya li ya kwatafana noshinagoga. 8 Ndele Krispus, mwene woshinagoga, pamwe neumbo laye alishe okwa itavela Omwene, nOvakorinto vahapu vomwaava va li tava pwilikine ova itavela, ndele va shashwa.
9 Ndele oufiku memoniko Omwene okwa tya kuPaulus: “Ino tila, popya, ino mwena, 10 osheshi Ame ndi novanhu vahapu moshilando eshi.” 11 Ndele ye okwa kala mo odula imwe neehani 6, ta longo mokati kavo eendjovo daKalunga.
Paulus ta kwatwa
12 Ndele Gallion eshi a li omupangeli muAkaia, Ovajuda ova hangakena ndele va fikamena Paulus, ndele tave mu twala kolukalwatokolo, 13 ndele tava ti: “Ou ota hongaula ovanhu okufimaneka Kalunga konghedi i na ondubo nomhango.” 14 Ndele Paulus eshi a hala okupopya, Gallion ta ti kOvajuda: “Ovajuda nye, ngeno kwa popiwa okunyonauna ile oshilonga shoukolokoshi, ngeno onde lidiinikila oku mu pwilikina. 15 Ndele ngeenge mu neemhata nomapulo omolwomalongo nomolwomadina neemhango deni, oo aeshe onye mu noku a tokola, ame inandi hala okuninga omutokoli wado.” 16 Ndele ye okwe va taataa po polukalwatokolo. 17 Ndele vo aveshe ova nhukila mwene woshinagoga, Sostenes, ndele tave mu dengele polukalwatokolo, ndele Gallion okwa li ehe na ko nasha nasho.
Paulus ta shuna kuAntiokia
18 Ndele Paulus eshi a kala ko omafiku, okwa lekela ovamwatate nokwa ya kuSiria pamwe naAkwila naPriskila, ndelenee ye okwe likululifa eexwiki daye dokomutwe muKenkrea, osheshi ye a hangika a ninga eudaneko. 19 Ndele ye okwa fika kuEfeso, nokwe va fiya ko. Ndele ye mwene okwa ya moshinagoga, ndele ta kundafana nOvajuda. 20 Ndele vo ove mu indila a kale puvo omafiku amwe, ndele ye ine va itavela. 21 Ndele okwa lekela ndele ta ti: “Ame inandi hala nande ndi kale ndihe li moshivilo shomuJerusalem, ndelenee Kalunga ngeenge e shi hala, ohandi alukile kunye.” Nokwa dja mo muEfeso a ka yauke. 22 Ndele eshi va helukila muKesarea, okwa ya kuJerusalem, ndele ta kundile po eongalo, ndele ta i kuAntiokia. 23 Ndele eshi a ninga mo omafiku, okwa fikama ndele ta endaenda noilando ngaashi ya shikulafana moikandjo yaGalatia naFrigia, nokupameka ovalongwa aveshe.
Apollos ta udifa muEfeso nomuKorinto
24 Ndele kuEfeso okwe uya Omujuda, edina laye Apollos, ou a dalelwa muAleksandria, omulumenhu omunongo mokupopya, ye okwa li omunaendunge womomishangwa. 25 Ye okwa li a longwa ondjila yOmwene, ndele mokupopya kwaye omhepo yaye ya xwama ndele ta hepaulula shili Jesus, ndele eshasho laJohannes olo alike a shiiva. 26 Ndele ye okwa hovela okupopya nouladi moshinagoga. Ndele Akwila naPriskila, eshi ve uya oku mu pwilikina, ove mu tambula, ndele ve mu longa noku mu shiivifila shili ondjila yaKalunga. 27 Ndele eshi a hala okutwikila kuAkaia, ovamwatate ove mu twa ouladi ndele va shangela ovalongwa vaakwinya ve mu tambule. Hano eshi a fika ko, okonghenda okwa kwafa unene ovo va itavela. 28 Osheshi ye okwa tomha neenghono eemhata dOvajuda moipafi, eshi e va ulikila momishangwa nokutya, Jesus Oye Kristus.
