Kornelius ta mono omweengeli
1 Ndele muKesarea omwa li mu nomulumenhu, edina laye Kornelius, omunefele wetanga lovakwaita eli la ifanwa laItalia. 2 Ye okwa li omuyuki, ha tila Kalunga pamwe neumbo laye alishe, ndele ha pe ovanhu oikwafa ihapu, ndele ta diinine okwiilikana Kalunga. 3 Ye okwa mona nawa memoniko, omutenya potundi onhimugoi omweengeli waKalunga te uya kuye, ndele ta ti kuye: “Kornelius!” 4 Ndele ye okwe mu tala, a tila, ta ti: “Omwene, oshike?” Omweengeli ta ti kuye: “Omailikano oye noikwafa yoye oya fika koshipala shaKalunga noya dimbulukiwa. 5 Hano paife, tuma ovalumenhu kuJoppa, va ka tale ko omulumenhu Simon, ou a ifanwa yo Petrus. 6 Ndele ye oku li meumbo laSimon, omushiki woipa, ou e nongulu yaye komunghulo wefuta.” 7 Opo nee omweengeli ou a popya naye eshi a ya, Kornelius okwa ifana ovanhu vaye vavali nomukwaita umwe omuyuki womwaava ve li puye, 8 ndele okwe va hepaululila ashishe ndele te va tumu kuJoppa.
Kalunga ta kelele Petrus aha dine ovapaani
9 Ndele mefiku lomongula eshi va li mondjila nove lishilila koshilando, Petrus okwa londa kombada yongulu potundi onhimugoi, a ka ilikane. 10 Ndele okwa li e udite ondjala inene, ndele a hala okulya. Ndele fimbo tava teleke, okwa fya ombabanghukuta. 11 Ndele okwa mona eulu la yeuluka ndele mwa dja oshikwatelwa, sha fonhanga inene itoka, ya mangwa keembinga dayo nhee, noya kulukifilwa poshi kombada yedu. 12 Omo mwa li mu noinamwenyo i lili nai lili i nomaulu ane naai hai lipweda pedu needila dokeulu, 13 nondaka oya tya kuye: “Fikama Petrus, dipaa u lye!” 14 Ndele Petrus okwa tya: “Alala, Omwene, noshito inandi lya nande osha inashi yapulwa nosha nyata.” 15 Ndele ondaka oye mu popifa lutivali: “Keshe eshi Kalunga e shi yapula, ove ino shi tya osha nyata.” 16 Ndele osho sha ningwa lutatu, opo nee oshikwatelwa osha kufwa po nosha shililwa meulu divadiva.
17 Ndelenee Petrus okwa li a limbililifwa kemoniko eli a mona kutya, otali ti ngahelipi, ndele tala, ovalumenhu venya va tumwa kuKornelius nokupula eumbo laSimon, ova fikama poshivelo. 18 Ndele va pula mokule, Simon ou a ifanwa yo Petrus, ngeenge omo e li. 19 Ndele Petrus eshi a li ta diladila emoniko olo, Omhepo ya tya kuye: “Tala, oku na ovalumenhu vatatu tave ku pula, 20 hano fikama paife, u londoloke, ove u ye pamwe navo, ino limbililwa, osheshi aame nde va tuma.” 21 Ndele Petrus okwa londoloka ndele ta i kovalumenhu venya, ndele ta ti: “Aame ou tamu kongo. Oshike hano she mu eta oku?” 22 Ndele vo ova tya: “Omunefele Kornelius, omulumenhu omuyuki nomutilikalunga, ou ta fimanekwa koshiwana ashishe shaJuda, okwa lombwelwa komweengeli muyapuki memoniko, e ku ifane u ye keumbo laye, a ude eshi u shi kwete shokupopya.” 23 Opo nee ye e va ifana meumbo ndele e va pakela po. Ndele mefiku lomongula Petrus okwa fikama ndele ta i pamwe navo; navakwao vamwe vomuJoppa va enda pamwe naye.
Petrus moKornelius
24 Mefiku la shikula ova fika muKesarea, naKornelius okwa hangika e va teelela, nokwa ifana ko vakwao nookaume kaye. 25 Ndele Petrus eshi a li pokuuya mo, Kornelius okwa ya e ke mu shakeneke, ta tu eengolo keemhadi daye ndele e linyongamena kuye. 26 Ndelenee Petrus okwe mu fikameka, ndele ta ti: “Fikama, naame yo omunhu.” 27 Ndele mokukundafana naye okwa ya mo ndele ta hange mo vahapu va li mo va ongala. 28 Ndele ye okwa tya kuvo: “Nye omu shi shii Omujuda okwa dilikwa okweendafana nomunailongo nokuya kuye. Ndele Kalunga okwa ulikila nge, ndiha tye nande komunhu, ye ina yapulwa ile ye ina koshoka. 29 Opo nee nda shikula eifano eli, ndihe na okwaanya, nopaife handi mu pula: Omwa ifanena nge shike?”
30 Ndele Kornelius okwa tya: “Opa pita omafiku ane, pefimbo tuu ngaashi eli, opotundi onhimugoi, ame onda li handi ilikana meumbo lange, ndele tala, omulumenhu a djala oshikutu sha vilima, a kala ofika pwaame, 31 ndele ta ti: ‘Kornelius, eilikano loye ola udika noikwafa yoye oya dimbulukiwa koshipala shaKalunga. 32 Hano tuma ko paife kuJoppa, u ifane kwoove Simon, ou a ifanwa yo Petrus, ye omweenda meumbo laSimon omushiki woipa pomunghulo wefuta. Nge e uya, ote ku lombwele.’ 33 Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”
Petrus ta udifa meumbo laKornelius
34 Ndele Petrus okwa makula okanya kaye ta ti: “Paife ondi shi shii shili, Kalunga iha tale omunhu kombada. 35 Ndele moshiwana keshe, keshe ou he mu tila ndele ta diinine ouyuki, ote mu wapalele. 36 Eendjovo odo e di tumina ovana vaIsrael noku va udifila eenghundana diwa dombili yomuJesus Kristus, ou Omwene waaveshe, 37 eendjovo tuu odo da tandavela muJudea ashishe, okuhovela muGalilea konima yeshasho olo la udifilwa kuJohannes, onye mu di shii. 38 Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye. 39 Ndele ofye ava eendobwedi daai aishe e i longa medu lOvajuda nomuJerusalem; Oye ou ve mu valela komuti ndele ve mu dipaa. 40 Oye tuu ou Kalunga okwe mu nyumuna mefiku etitatu ndele e mu efa e liholole, Ye mwene, 41 hakoshiwana ashishe, ndelenee okufye ava eendobwedi daye ngaashi Kalunga e tu hoolola nale, ofye ava twa lile ndele twa nwine pamwe naye, eshi a nyumuka movafi. 42 Ndele Ye okwe tu lombwela, tu udifile ovanhu noku va hepaululila Oye tuu ou Kalunga e mu ninga omutokoli wovanamwenyo nowovafi. 43 Oye tuu ou ovaxunganeki vonale ve mu hepaulula nokutya: Keshe ou te mu itavele ota mono edimepo lomatimba medina laye.”
Ovapwilikini tava pewa Omhepo Iyapuki ndele tava shashwa
44 Opo nee Petrus fimbo a popya eendjovo odo, Omhepo Iyapuki ya kulukila mwaava aveshe va pwilikina eendjovo odo. 45 Ndele ovaitaveli vometanda ava va li va enda pamwe naPetrus, ova kumwa, oshali yOmhepo Iyapuki eshi ya tililwa nomovapaani yo. 46 Osheshi ve va uda tava popi omalaka ndele tava hambelele Kalunga. Opo nee Petrus okwa tya: 47 “Oku na tuu mbela ou ta dulu oku va anyena eshasho lomeva, ava va pewa Omhepo Iyapuki ngaashi fye yo?” 48 Ye okwa lombwela, va shashelwe medina laJesus Kristus. Opo nee vo ove mu indila, a menekele puvo omafiku amwe.
Kornelius ta mono omweengeli
1 Ndele muKesarea omwa li mu nomulumenhu, edina laye Kornelius, omunefele wetanga lovakwaita eli la ifanwa laItalia. 2 Ye okwa li omuyuki, ha tila Kalunga pamwe neumbo laye alishe, ndele ha pe ovanhu oikwafa ihapu, ndele ta diinine okwiilikana Kalunga. 3 Ye okwa mona nawa memoniko, omutenya potundi onhimugoi omweengeli waKalunga te uya kuye, ndele ta ti kuye: “Kornelius!” 4 Ndele ye okwe mu tala, a tila, ta ti: “Omwene, oshike?” Omweengeli ta ti kuye: “Omailikano oye noikwafa yoye oya fika koshipala shaKalunga noya dimbulukiwa. 5 Hano paife, tuma ovalumenhu kuJoppa, va ka tale ko omulumenhu Simon, ou a ifanwa yo Petrus. 6 Ndele ye oku li meumbo laSimon, omushiki woipa, ou e nongulu yaye komunghulo wefuta.” 7 Opo nee omweengeli ou a popya naye eshi a ya, Kornelius okwa ifana ovanhu vaye vavali nomukwaita umwe omuyuki womwaava ve li puye, 8 ndele okwe va hepaululila ashishe ndele te va tumu kuJoppa.
Kalunga ta kelele Petrus aha dine ovapaani
9 Ndele mefiku lomongula eshi va li mondjila nove lishilila koshilando, Petrus okwa londa kombada yongulu potundi onhimugoi, a ka ilikane. 10 Ndele okwa li e udite ondjala inene, ndele a hala okulya. Ndele fimbo tava teleke, okwa fya ombabanghukuta. 11 Ndele okwa mona eulu la yeuluka ndele mwa dja oshikwatelwa, sha fonhanga inene itoka, ya mangwa keembinga dayo nhee, noya kulukifilwa poshi kombada yedu. 12 Omo mwa li mu noinamwenyo i lili nai lili i nomaulu ane naai hai lipweda pedu needila dokeulu, 13 nondaka oya tya kuye: “Fikama Petrus, dipaa u lye!” 14 Ndele Petrus okwa tya: “Alala, Omwene, noshito inandi lya nande osha inashi yapulwa nosha nyata.” 15 Ndele ondaka oye mu popifa lutivali: “Keshe eshi Kalunga e shi yapula, ove ino shi tya osha nyata.” 16 Ndele osho sha ningwa lutatu, opo nee oshikwatelwa osha kufwa po nosha shililwa meulu divadiva.
17 Ndelenee Petrus okwa li a limbililifwa kemoniko eli a mona kutya, otali ti ngahelipi, ndele tala, ovalumenhu venya va tumwa kuKornelius nokupula eumbo laSimon, ova fikama poshivelo. 18 Ndele va pula mokule, Simon ou a ifanwa yo Petrus, ngeenge omo e li. 19 Ndele Petrus eshi a li ta diladila emoniko olo, Omhepo ya tya kuye: “Tala, oku na ovalumenhu vatatu tave ku pula, 20 hano fikama paife, u londoloke, ove u ye pamwe navo, ino limbililwa, osheshi aame nde va tuma.” 21 Ndele Petrus okwa londoloka ndele ta i kovalumenhu venya, ndele ta ti: “Aame ou tamu kongo. Oshike hano she mu eta oku?” 22 Ndele vo ova tya: “Omunefele Kornelius, omulumenhu omuyuki nomutilikalunga, ou ta fimanekwa koshiwana ashishe shaJuda, okwa lombwelwa komweengeli muyapuki memoniko, e ku ifane u ye keumbo laye, a ude eshi u shi kwete shokupopya.” 23 Opo nee ye e va ifana meumbo ndele e va pakela po. Ndele mefiku lomongula Petrus okwa fikama ndele ta i pamwe navo; navakwao vamwe vomuJoppa va enda pamwe naye.
Petrus moKornelius
24 Mefiku la shikula ova fika muKesarea, naKornelius okwa hangika e va teelela, nokwa ifana ko vakwao nookaume kaye. 25 Ndele Petrus eshi a li pokuuya mo, Kornelius okwa ya e ke mu shakeneke, ta tu eengolo keemhadi daye ndele e linyongamena kuye. 26 Ndelenee Petrus okwe mu fikameka, ndele ta ti: “Fikama, naame yo omunhu.” 27 Ndele mokukundafana naye okwa ya mo ndele ta hange mo vahapu va li mo va ongala. 28 Ndele ye okwa tya kuvo: “Nye omu shi shii Omujuda okwa dilikwa okweendafana nomunailongo nokuya kuye. Ndele Kalunga okwa ulikila nge, ndiha tye nande komunhu, ye ina yapulwa ile ye ina koshoka. 29 Opo nee nda shikula eifano eli, ndihe na okwaanya, nopaife handi mu pula: Omwa ifanena nge shike?”
30 Ndele Kornelius okwa tya: “Opa pita omafiku ane, pefimbo tuu ngaashi eli, opotundi onhimugoi, ame onda li handi ilikana meumbo lange, ndele tala, omulumenhu a djala oshikutu sha vilima, a kala ofika pwaame, 31 ndele ta ti: ‘Kornelius, eilikano loye ola udika noikwafa yoye oya dimbulukiwa koshipala shaKalunga. 32 Hano tuma ko paife kuJoppa, u ifane kwoove Simon, ou a ifanwa yo Petrus, ye omweenda meumbo laSimon omushiki woipa pomunghulo wefuta. Nge e uya, ote ku lombwele.’ 33 Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”
Petrus ta udifa meumbo laKornelius
34 Ndele Petrus okwa makula okanya kaye ta ti: “Paife ondi shi shii shili, Kalunga iha tale omunhu kombada. 35 Ndele moshiwana keshe, keshe ou he mu tila ndele ta diinine ouyuki, ote mu wapalele. 36 Eendjovo odo e di tumina ovana vaIsrael noku va udifila eenghundana diwa dombili yomuJesus Kristus, ou Omwene waaveshe, 37 eendjovo tuu odo da tandavela muJudea ashishe, okuhovela muGalilea konima yeshasho olo la udifilwa kuJohannes, onye mu di shii. 38 Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye. 39 Ndele ofye ava eendobwedi daai aishe e i longa medu lOvajuda nomuJerusalem; Oye ou ve mu valela komuti ndele ve mu dipaa. 40 Oye tuu ou Kalunga okwe mu nyumuna mefiku etitatu ndele e mu efa e liholole, Ye mwene, 41 hakoshiwana ashishe, ndelenee okufye ava eendobwedi daye ngaashi Kalunga e tu hoolola nale, ofye ava twa lile ndele twa nwine pamwe naye, eshi a nyumuka movafi. 42 Ndele Ye okwe tu lombwela, tu udifile ovanhu noku va hepaululila Oye tuu ou Kalunga e mu ninga omutokoli wovanamwenyo nowovafi. 43 Oye tuu ou ovaxunganeki vonale ve mu hepaulula nokutya: Keshe ou te mu itavele ota mono edimepo lomatimba medina laye.”
Ovapwilikini tava pewa Omhepo Iyapuki ndele tava shashwa
44 Opo nee Petrus fimbo a popya eendjovo odo, Omhepo Iyapuki ya kulukila mwaava aveshe va pwilikina eendjovo odo. 45 Ndele ovaitaveli vometanda ava va li va enda pamwe naPetrus, ova kumwa, oshali yOmhepo Iyapuki eshi ya tililwa nomovapaani yo. 46 Osheshi ve va uda tava popi omalaka ndele tava hambelele Kalunga. Opo nee Petrus okwa tya: 47 “Oku na tuu mbela ou ta dulu oku va anyena eshasho lomeva, ava va pewa Omhepo Iyapuki ngaashi fye yo?” 48 Ye okwa lombwela, va shashelwe medina laJesus Kristus. Opo nee vo ove mu indila, a menekele puvo omafiku amwe.
