Ealuko lOmwene neholoko laAntikristus
1 Ndelenee mokupopya ealuko lOmwene wetu Jesus Kristus nokwoongelwa kwetu kuye, ohatu mu indile, ovamwatate, 2 muha kanife diva eendunge ile muha halukifwe nande komhepo ile kondjovo ile konhumwafo ya dja kufye, vati, ongefiku lOmwene la fika. 3 Inamu efa mu pukifwe nande okomunhu opanghedi ya sha, osheshi eliteeko li nokuuya tete, nomunhu woulunde e nokuholoka, omona wekano, 4 omunandubo ou te litula pombada yaashishe hashi ifanwa Kalunga nouyapuki, opo nee ye te ke litula motembeli yaKalunga ndele te liluku Kalunga. 5 Inamu shi dimbulukwa eshi nde mu lombwela alushe fimbo nda li punye?
6 Ndele paife nye omu shi shii eshi tashi mu imbi okuholoka fiyo efimbo laye la fika. 7 Osheshi oshiholekwa shoudinimhango tashi longo nokuli, shamha tuu tapa kufwa po eshi tashi u imbi paife. 8 Ndele opo nee omudinimhango ota holoka, oye ou Omwene Jesus ote ke mu dipaa po nomufudo womokanya kaye note mu hanauna po neholoko lealuko laye, 9 ou te uya palongifo laSatana meenghono adishe nomadidiliko noikumwifa yoipupulu, 10 nomakonda aeshe ouhenouyuki okunyona po ava tava ka kana, osheshi inava tambula ohole yoshili yoku va xupifa. 11 Nomolwaasho Kalunga te ke va tumina epukifo lidjuu vo va itavele oipupulu, 12 opo va tokolwe aveshe ovo va anya okwiitavela oshili ndele va hokwa ouhenouyuki.
Eifano laKalunga moshinge shaye
13 Ndelenee fye otu nokupandula alushe Kalunga molweni, ovamwatate ovaholike vOmwene, ava Kalunga e mu hololela okudja pehovelo exupifo meyapulo lOmhepo nomeitavelo loshili, 14 mwe li ifanenwa yo kuye okevaengeli letu okupewa efimano lOmwene wetu Jesus Kristus. 15 Onghee hano, ovamwatate, kaleni ofika mwa pama, nye mu diinine shili omapukululo mwe a longwa kufye nande okondjovo ile konhumwafo yetu.
16 NOmwene wetu Jesus Kristus Oye mwene naKalunga Tate yetu ou a kala e tu hole nokwe tu pa monghenda ehekeleko laalushe neteelelo liwa, 17 Oye na hekeleke omitima deni, Ye ne mu pamekele meendjovo adishe diwa nomoilonga aishe iwa.
Ealuko lOmwene neholoko laAntikristus
1 Ndelenee mokupopya ealuko lOmwene wetu Jesus Kristus nokwoongelwa kwetu kuye, ohatu mu indile, ovamwatate, 2 muha kanife diva eendunge ile muha halukifwe nande komhepo ile kondjovo ile konhumwafo ya dja kufye, vati, ongefiku lOmwene la fika. 3 Inamu efa mu pukifwe nande okomunhu opanghedi ya sha, osheshi eliteeko li nokuuya tete, nomunhu woulunde e nokuholoka, omona wekano, 4 omunandubo ou te litula pombada yaashishe hashi ifanwa Kalunga nouyapuki, opo nee ye te ke litula motembeli yaKalunga ndele te liluku Kalunga. 5 Inamu shi dimbulukwa eshi nde mu lombwela alushe fimbo nda li punye?
6 Ndele paife nye omu shi shii eshi tashi mu imbi okuholoka fiyo efimbo laye la fika. 7 Osheshi oshiholekwa shoudinimhango tashi longo nokuli, shamha tuu tapa kufwa po eshi tashi u imbi paife. 8 Ndele opo nee omudinimhango ota holoka, oye ou Omwene Jesus ote ke mu dipaa po nomufudo womokanya kaye note mu hanauna po neholoko lealuko laye, 9 ou te uya palongifo laSatana meenghono adishe nomadidiliko noikumwifa yoipupulu, 10 nomakonda aeshe ouhenouyuki okunyona po ava tava ka kana, osheshi inava tambula ohole yoshili yoku va xupifa. 11 Nomolwaasho Kalunga te ke va tumina epukifo lidjuu vo va itavele oipupulu, 12 opo va tokolwe aveshe ovo va anya okwiitavela oshili ndele va hokwa ouhenouyuki.
Eifano laKalunga moshinge shaye
13 Ndelenee fye otu nokupandula alushe Kalunga molweni, ovamwatate ovaholike vOmwene, ava Kalunga e mu hololela okudja pehovelo exupifo meyapulo lOmhepo nomeitavelo loshili, 14 mwe li ifanenwa yo kuye okevaengeli letu okupewa efimano lOmwene wetu Jesus Kristus. 15 Onghee hano, ovamwatate, kaleni ofika mwa pama, nye mu diinine shili omapukululo mwe a longwa kufye nande okondjovo ile konhumwafo yetu.
16 NOmwene wetu Jesus Kristus Oye mwene naKalunga Tate yetu ou a kala e tu hole nokwe tu pa monghenda ehekeleko laalushe neteelelo liwa, 17 Oye na hekeleke omitima deni, Ye ne mu pamekele meendjovo adishe diwa nomoilonga aishe iwa.
