Okuvalwa kwoshiwana Oudu wolutapo muIsrael
1 Nehandu lOmwene la xwama vali kOvaisraeli, ndele Ye okwa hongaifa David navo ndele ta ti: “Inda u ka vale Israel naJuda.” 2 Opo nee ohamba tai ti kuJoab, ondjai, ya kala puye: “Endaenda mokati komapata aeshe Ovaisraeli okudja kuDan fiyo okuBerseba, ndele vala ovanhu, ndi shiive omuvalu wovanhu.” 3 Ndele Joab okwa nyamukula ohamba ndele ta ti: “Omufimanekwa, Omwene Kalunga koye na hapupalife Ovaisraeli lwefele ve dule ava ve li po paife, nohamba nai kale nomwenyo i shi mone. Ndelenee omolwashike ohamba ya hala okuninga ngaha?” 4 Ndele eendjovo dohamba da li di dule odo daJoab naado dovakulunhu vovakwaita. Ndele Joab okwa ya pamwe novakulunhu vovakwaita vohamba va ka vale Ovaisraeli. 5 Ndele vo va taulula Jordan ndele va onga onhanda muAroer kombinga yokolulyo loshilando osho shi li mefilu laGad nofiyo okuJaeser. 6 Ndele ve uya vali kuGilead nokuKades moshitukulwa shOvaheti nokuDan, ndele va dingilila ve uya kuSidon. 7 Ndele ve uya kohotelando yaTirus nokoilando aishe yOvahevi noyOvakaanan. Ndele va dja ko ve uya kuBerseba kombinga yokoumbuwanhu muJuda. 8 Osho hano va endaenda nokutaulula moshilongo ashishe ndele ve uya kuJerusalem, eshi pa pita eehani omugoi nomafiku omilongo mbali. 9 Ndele Joab okwa yandja kohamba omuvalu wovanhu. MuIsrael mwa li ovalumenhu va wana okulwa omayovi omafele ahetatu, ndele muJuda omayovi omafele atano aveke.
10 Ndelenee eliudo laDavid le mu vela ombedi, ye eshi a vala ovanhu, ndele David okwa lombwela Omwene ndele ta ti: “Ame nda nyona nai shili, eshi nda longa oshinima eshi. Ndelenee, Omwene, dimine nge po oilonga ei youshima.” 11 Ndele David eshi a penduka ongula, ondjovo yOmwene ya li ye uya komuxunganeki Gad, omumonikokule waDavid ndele ta ti: 12 “Inda u ka lombwele David u tye: ‘Ame Omwene ohandi ku pe u hoolole poinima itatu. Eshi to hoolola po, osho handi ke ku ningila.’ ” 13 Opo nee Gad e uya kuDavid ndele e mu shiivifila ondjovo yOmwene, ndele ta pula ta ti: “Shilipipo wa hala? Omido nhatu dondjala, ile eehani nhatu okuya onhapo ovafininiki voye eshi tave ku taataa, ile omafiku atatu eongamukonda lOmwene, nokutya, oudu wolutapo moshilongo? Shi diladila hano paife, ove u pe nge enyamukulo eli hai twala kOmwene.” 14 Opo nee David ta ti kuGad: “Ame onda fininikwa unene. Ndelenee natu wileni momake Omwene, osheshi olune laye olinene, ndelenee inandi hala okuwila momake ovanhu.” 15 NOmwene okwa tuma mOvaisraeli oudu wolutapo okuhovela ongula fiyo okefimbo la pangelwa. Pokati kaDan naBerseba opa fya ovalumenhu omayovi omilongo heyali. 16 Ndelenee omweengeli eshi a nana eke laye kuJerusalem e shi tokeke, Omwene okwe lialuluka omupya, ndele a lombwela omweengeli ou a hanauna po ovanhu ndele ta ti: “Sha wana! Alula eke loye!” Nomweengeli wOmwene okwa li pefimbo olo poshipale shaArauna, Omujebusi.
17 David eshi a mona nhumbi omweengeli ta dipaa ovanhu, ye okwa lombwela Omwene ndele ta ti: “Tala, ame nda nyona, naame nda ninga osho inashi yuka, ndelenee eedi odo oda ninga shike? Eke loye nali denge nge nepata lange yo.” 18 Opo nee mefiku tuu olo Gad e uya kuDavid ndele ta ti kuye: “Fikama u tungile Omwene oaltari moshipale shaArauna, Omujebusi.” 19 Ndele David okwa ya palombwelo laGad, ngaashi Omwene e mu lombwela. 20 Arauna eshi a yelula omesho ndele ta mono ohamba novapiya vayo tave uya kuye, Arauna okwa ya nokwe linyongamena pedu koshipala shohamba. 21 Ndele Arauna ta ti: “Omolwashike omwene wange ohamba tai uya komupiya wayo?” Opo nee David ta ti: “Nda hala ndi lande oshipale shoye, ndi tungile Omwene oaltari, opo oudu wolutapo u xule po.” 22 Ndelenee Arauna ta ti kuDavid: “Omwene wange ohamba nai kufe nokuyamba keshe eshi she i wapalela; tala, eengobe ododo exwikiloyambo noilei neendjoko deengobe oikuni.…eengobe ododo exwikiloyambo noilei neendjoko deengobe oikuni. 23 Akutu ohamba!” Arauna ta yandje ashishe eshi kohamba. Arauna ta ti vali kohamba: “Omwene Kalunga koye ne ku hokwe!” 24 Ndelenee ohamba ya nyamukula Arauna: “Ahowe, ndelenee nda hala oku shi landa pandjele yasho, ndele inandi hala okuyambela Omwene Kalunga kange omaxwikiloyambo nde a pewa oshali.” Ndele David okwa landa oshipale neengobe neesekeli omilongo nhano doshisiliveli. 25 Opo nee David a tungila Omwene oaltari ndele ta yambe omaxwikiloyambo nomapanduloyambo. NOmwene okwa fila oshilongo onghenda nokwa kandula po oudu wolutapo kOvaisraeli.
Okuvalwa kwoshiwana Oudu wolutapo muIsrael
1 Nehandu lOmwene la xwama vali kOvaisraeli, ndele Ye okwa hongaifa David navo ndele ta ti: “Inda u ka vale Israel naJuda.” 2 Opo nee ohamba tai ti kuJoab, ondjai, ya kala puye: “Endaenda mokati komapata aeshe Ovaisraeli okudja kuDan fiyo okuBerseba, ndele vala ovanhu, ndi shiive omuvalu wovanhu.” 3 Ndele Joab okwa nyamukula ohamba ndele ta ti: “Omufimanekwa, Omwene Kalunga koye na hapupalife Ovaisraeli lwefele ve dule ava ve li po paife, nohamba nai kale nomwenyo i shi mone. Ndelenee omolwashike ohamba ya hala okuninga ngaha?” 4 Ndele eendjovo dohamba da li di dule odo daJoab naado dovakulunhu vovakwaita. Ndele Joab okwa ya pamwe novakulunhu vovakwaita vohamba va ka vale Ovaisraeli. 5 Ndele vo va taulula Jordan ndele va onga onhanda muAroer kombinga yokolulyo loshilando osho shi li mefilu laGad nofiyo okuJaeser. 6 Ndele ve uya vali kuGilead nokuKades moshitukulwa shOvaheti nokuDan, ndele va dingilila ve uya kuSidon. 7 Ndele ve uya kohotelando yaTirus nokoilando aishe yOvahevi noyOvakaanan. Ndele va dja ko ve uya kuBerseba kombinga yokoumbuwanhu muJuda. 8 Osho hano va endaenda nokutaulula moshilongo ashishe ndele ve uya kuJerusalem, eshi pa pita eehani omugoi nomafiku omilongo mbali. 9 Ndele Joab okwa yandja kohamba omuvalu wovanhu. MuIsrael mwa li ovalumenhu va wana okulwa omayovi omafele ahetatu, ndele muJuda omayovi omafele atano aveke.
10 Ndelenee eliudo laDavid le mu vela ombedi, ye eshi a vala ovanhu, ndele David okwa lombwela Omwene ndele ta ti: “Ame nda nyona nai shili, eshi nda longa oshinima eshi. Ndelenee, Omwene, dimine nge po oilonga ei youshima.” 11 Ndele David eshi a penduka ongula, ondjovo yOmwene ya li ye uya komuxunganeki Gad, omumonikokule waDavid ndele ta ti: 12 “Inda u ka lombwele David u tye: ‘Ame Omwene ohandi ku pe u hoolole poinima itatu. Eshi to hoolola po, osho handi ke ku ningila.’ ” 13 Opo nee Gad e uya kuDavid ndele e mu shiivifila ondjovo yOmwene, ndele ta pula ta ti: “Shilipipo wa hala? Omido nhatu dondjala, ile eehani nhatu okuya onhapo ovafininiki voye eshi tave ku taataa, ile omafiku atatu eongamukonda lOmwene, nokutya, oudu wolutapo moshilongo? Shi diladila hano paife, ove u pe nge enyamukulo eli hai twala kOmwene.” 14 Opo nee David ta ti kuGad: “Ame onda fininikwa unene. Ndelenee natu wileni momake Omwene, osheshi olune laye olinene, ndelenee inandi hala okuwila momake ovanhu.” 15 NOmwene okwa tuma mOvaisraeli oudu wolutapo okuhovela ongula fiyo okefimbo la pangelwa. Pokati kaDan naBerseba opa fya ovalumenhu omayovi omilongo heyali. 16 Ndelenee omweengeli eshi a nana eke laye kuJerusalem e shi tokeke, Omwene okwe lialuluka omupya, ndele a lombwela omweengeli ou a hanauna po ovanhu ndele ta ti: “Sha wana! Alula eke loye!” Nomweengeli wOmwene okwa li pefimbo olo poshipale shaArauna, Omujebusi.
17 David eshi a mona nhumbi omweengeli ta dipaa ovanhu, ye okwa lombwela Omwene ndele ta ti: “Tala, ame nda nyona, naame nda ninga osho inashi yuka, ndelenee eedi odo oda ninga shike? Eke loye nali denge nge nepata lange yo.” 18 Opo nee mefiku tuu olo Gad e uya kuDavid ndele ta ti kuye: “Fikama u tungile Omwene oaltari moshipale shaArauna, Omujebusi.” 19 Ndele David okwa ya palombwelo laGad, ngaashi Omwene e mu lombwela. 20 Arauna eshi a yelula omesho ndele ta mono ohamba novapiya vayo tave uya kuye, Arauna okwa ya nokwe linyongamena pedu koshipala shohamba. 21 Ndele Arauna ta ti: “Omolwashike omwene wange ohamba tai uya komupiya wayo?” Opo nee David ta ti: “Nda hala ndi lande oshipale shoye, ndi tungile Omwene oaltari, opo oudu wolutapo u xule po.” 22 Ndelenee Arauna ta ti kuDavid: “Omwene wange ohamba nai kufe nokuyamba keshe eshi she i wapalela; tala, eengobe ododo exwikiloyambo noilei neendjoko deengobe oikuni.…eengobe ododo exwikiloyambo noilei neendjoko deengobe oikuni. 23 Akutu ohamba!” Arauna ta yandje ashishe eshi kohamba. Arauna ta ti vali kohamba: “Omwene Kalunga koye ne ku hokwe!” 24 Ndelenee ohamba ya nyamukula Arauna: “Ahowe, ndelenee nda hala oku shi landa pandjele yasho, ndele inandi hala okuyambela Omwene Kalunga kange omaxwikiloyambo nde a pewa oshali.” Ndele David okwa landa oshipale neengobe neesekeli omilongo nhano doshisiliveli. 25 Opo nee David a tungila Omwene oaltari ndele ta yambe omaxwikiloyambo nomapanduloyambo. NOmwene okwa fila oshilongo onghenda nokwa kandula po oudu wolutapo kOvaisraeli.
