David naBatseba
1 Ndele eshi pa pita omudo umwe, pefimbo olo eehamba tadi fikama okushinga oita, David okwa tuma Joab novapiya vaye pamwe naye nOvaisraeli aveshe koita. Ndele ova hanauna oshilongo shOvaammoni ndele tava kondekele Rabba, fimbo David a fyaala muJerusalem. 2 Ndelenee komatango efiku limwe David eshi a omboloka nokwa penduka kombete yaye ndele ta ende kombada yonduda yongulu youhamba, okwa mona eshi e li konduda omukainhu te likosho. Nomukainhu okwa li e nolupe liwa. 3 Ndele David okwa tuma va pulapule omukainhu ndele kwa tiwa: oye Batseba yaEliam, omwalikadi waUria, Omuheti. 4 Opo nee David a tuma ovatumwa kuye ve ke mu tale. Ndele ye eshi e uya kuye, David okwa nangala naye, opo a hangika e lifeta molwohani yaye. Opo nee ye a shuna keumbo lavo. 5 Nomwalikadi okwa ninga oufimba nokwa tuma kuDavid e mu shiivifile: Ame nda ninga oufimba. 6 Ndele David okwa shiivifila Joab: “Tuma kwaame Uria, Omuheti. Ndele Joab okwa tuma Uria kuDavid.” 7 Uria eshi e uya kuDavid, David okwa pula ngeenge Joab oku li nawa nongeenge ovakwaita ove li nawa, noita ngeenge otai lu nawa. 8 Ndele David ta lombwele Uria: “Inda keumbo loye u koshe eemhadi doye.” Ndele Uria okwa dja kongulu youhamba noshali yohamba ye mu shikula. 9 Ndelenee Uria okwa nangala poshivelo shongulu yohamba povapiya aveshe vomwene waye, ndele ina ya keumbo laye. 10 Ndele David okwa shiivifilwa nokutya, Uria ina ya keumbo laye. Opo nee David a pula Uria: “Ove wa dja koweenda. Omolwashike ino ya keumbo loye?” 11 Ndele Uria ta ti kuDavid: “Oshikefa naIsrael naJuda ve li momatwali nomwene wange Joab novapiya vomwene wange va onga onhanda moluhaela. Ame ndi ye ngeno meumbo lange ndi lye ndi nwe nondi nangale nomwalikadi wange? Oshili, ngaashi ove u nomwenyo, nongaashi omwenyo woye u nomwenyo, ame ihandi ke shi ninga.” 12 Ndele David ta ti kuUria: “Kala apa nonena eli yo! Opo ndi ku lekele mongula.” Ndele Uria okwa kala efiku olo muJerusalem. 13 Ndelenee efiku la shikula David e mu ifana ndele ye okwa lya nokwa nwa koshipala shaye, ndele ye okwe mu kolwifa. Opo nee onguloshi ye a pita mo nokwa ya a ka nangale ponhele yaye povapiya vomwene waye. Ndelenee ina ya keumbo laye.
14 Ndele ongula David ta shangele Joab onhumwafo ndele te i tumu ko naUria. 15 Ndele ye okwa shanga onhumwafo ndele tai ti: “Tula Uria monhele yokomesho molwoodi lipyu. Opo nee tamu shuna lwanima, opo ye a dipawe molwoodi omo.” 16 Mokukondekela oshilando Joab okwa tula Uria monhele oyo a shiiva mu na ovakwanyati ovaladi. 17 Novalumenhu vomoshilando eshi va tota ndele tava lwifa Joab, movakwaita, movapiya vaDavid mwa fya vamwe, naUria yo, Omuheti, okwa fya. 18 Ndele Joab okwa tuma ko nokwa hepaululila David ashishe eshi sha ningwa molwoodi. 19 Ndelenee ye okwa lombwela omutumwa ndele ta ti: “Ove eshi wa hepaululila ohamba ashishe eshi sha ningwa molwoodi, 20 kashiimba ohamba tai handuka ndele tai ku lombwele: ‘Omolwashike mwa ya popepi noshilando okulwa? Inamu shiiva nokutya, venya vokohotekuma otava umbu? 21 Olyelye a dipaa Abimelek yaJerubeset? Omukainhu umwe ndishi wokombada yohotekuma e mu ekelele emanya loshini, onghee ye a fila muTebes? Omolwashike mwa ya unene popepi nohotekuma?’ Opo nee to ti: ‘Omupiya woye Uria, Omuheti, okwa fya yo.’ ”
22 Nomutumwa okwa ya nokwe uya ndele ta hepaululile David ashishe eshi Joab e mu lombwela. 23 Nomutumwa okwa tya kuDavid: “Ovalumenhu venya va li ve tu dule ndele va dja mo ndele ve tu totela moluhaela, ndelenee fye twe va fininika noku va shunifa fiyo okoshipala sholuvanda. 24 Opo nee ovaumbi vomauta vokohotekuma va umba kovapiya voye, opo nee ovapiya vohamba va fya. Nomupiya woye Uria, Omuheti, okwa fya yo.” 25 Opo nee David a lombwela omutumwa ndele ta ti: “U nokulombwela Joab ngaha: Oshinima eshi shihe ku etele ouyehame, osheshi eongamukonda hali lyana nokulya, nena umwe mongula omukwao. Lwifeni ashike nonyati oshilando mu shi hanaune po. Osho ngaha hano u noku mu lombwela noku mu nyatipaleka.”
26 Omwalikadi waUria eshi a uda nokutya, omulumenhu waye Uria okwa fya, okwe mu lila eefya. 27 Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.
David naBatseba
1 Ndele eshi pa pita omudo umwe, pefimbo olo eehamba tadi fikama okushinga oita, David okwa tuma Joab novapiya vaye pamwe naye nOvaisraeli aveshe koita. Ndele ova hanauna oshilongo shOvaammoni ndele tava kondekele Rabba, fimbo David a fyaala muJerusalem. 2 Ndelenee komatango efiku limwe David eshi a omboloka nokwa penduka kombete yaye ndele ta ende kombada yonduda yongulu youhamba, okwa mona eshi e li konduda omukainhu te likosho. Nomukainhu okwa li e nolupe liwa. 3 Ndele David okwa tuma va pulapule omukainhu ndele kwa tiwa: oye Batseba yaEliam, omwalikadi waUria, Omuheti. 4 Opo nee David a tuma ovatumwa kuye ve ke mu tale. Ndele ye eshi e uya kuye, David okwa nangala naye, opo a hangika e lifeta molwohani yaye. Opo nee ye a shuna keumbo lavo. 5 Nomwalikadi okwa ninga oufimba nokwa tuma kuDavid e mu shiivifile: Ame nda ninga oufimba. 6 Ndele David okwa shiivifila Joab: “Tuma kwaame Uria, Omuheti. Ndele Joab okwa tuma Uria kuDavid.” 7 Uria eshi e uya kuDavid, David okwa pula ngeenge Joab oku li nawa nongeenge ovakwaita ove li nawa, noita ngeenge otai lu nawa. 8 Ndele David ta lombwele Uria: “Inda keumbo loye u koshe eemhadi doye.” Ndele Uria okwa dja kongulu youhamba noshali yohamba ye mu shikula. 9 Ndelenee Uria okwa nangala poshivelo shongulu yohamba povapiya aveshe vomwene waye, ndele ina ya keumbo laye. 10 Ndele David okwa shiivifilwa nokutya, Uria ina ya keumbo laye. Opo nee David a pula Uria: “Ove wa dja koweenda. Omolwashike ino ya keumbo loye?” 11 Ndele Uria ta ti kuDavid: “Oshikefa naIsrael naJuda ve li momatwali nomwene wange Joab novapiya vomwene wange va onga onhanda moluhaela. Ame ndi ye ngeno meumbo lange ndi lye ndi nwe nondi nangale nomwalikadi wange? Oshili, ngaashi ove u nomwenyo, nongaashi omwenyo woye u nomwenyo, ame ihandi ke shi ninga.” 12 Ndele David ta ti kuUria: “Kala apa nonena eli yo! Opo ndi ku lekele mongula.” Ndele Uria okwa kala efiku olo muJerusalem. 13 Ndelenee efiku la shikula David e mu ifana ndele ye okwa lya nokwa nwa koshipala shaye, ndele ye okwe mu kolwifa. Opo nee onguloshi ye a pita mo nokwa ya a ka nangale ponhele yaye povapiya vomwene waye. Ndelenee ina ya keumbo laye.
14 Ndele ongula David ta shangele Joab onhumwafo ndele te i tumu ko naUria. 15 Ndele ye okwa shanga onhumwafo ndele tai ti: “Tula Uria monhele yokomesho molwoodi lipyu. Opo nee tamu shuna lwanima, opo ye a dipawe molwoodi omo.” 16 Mokukondekela oshilando Joab okwa tula Uria monhele oyo a shiiva mu na ovakwanyati ovaladi. 17 Novalumenhu vomoshilando eshi va tota ndele tava lwifa Joab, movakwaita, movapiya vaDavid mwa fya vamwe, naUria yo, Omuheti, okwa fya. 18 Ndele Joab okwa tuma ko nokwa hepaululila David ashishe eshi sha ningwa molwoodi. 19 Ndelenee ye okwa lombwela omutumwa ndele ta ti: “Ove eshi wa hepaululila ohamba ashishe eshi sha ningwa molwoodi, 20 kashiimba ohamba tai handuka ndele tai ku lombwele: ‘Omolwashike mwa ya popepi noshilando okulwa? Inamu shiiva nokutya, venya vokohotekuma otava umbu? 21 Olyelye a dipaa Abimelek yaJerubeset? Omukainhu umwe ndishi wokombada yohotekuma e mu ekelele emanya loshini, onghee ye a fila muTebes? Omolwashike mwa ya unene popepi nohotekuma?’ Opo nee to ti: ‘Omupiya woye Uria, Omuheti, okwa fya yo.’ ”
22 Nomutumwa okwa ya nokwe uya ndele ta hepaululile David ashishe eshi Joab e mu lombwela. 23 Nomutumwa okwa tya kuDavid: “Ovalumenhu venya va li ve tu dule ndele va dja mo ndele ve tu totela moluhaela, ndelenee fye twe va fininika noku va shunifa fiyo okoshipala sholuvanda. 24 Opo nee ovaumbi vomauta vokohotekuma va umba kovapiya voye, opo nee ovapiya vohamba va fya. Nomupiya woye Uria, Omuheti, okwa fya yo.” 25 Opo nee David a lombwela omutumwa ndele ta ti: “U nokulombwela Joab ngaha: Oshinima eshi shihe ku etele ouyehame, osheshi eongamukonda hali lyana nokulya, nena umwe mongula omukwao. Lwifeni ashike nonyati oshilando mu shi hanaune po. Osho ngaha hano u noku mu lombwela noku mu nyatipaleka.”
26 Omwalikadi waUria eshi a uda nokutya, omulumenhu waye Uria okwa fya, okwe mu lila eefya. 27 Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.
