Ohamba omukainhu yaSheba tai uya okutalela po Salomo
1 Nohamba omukainhu yaSheba eshi ya kundana efimano laSalomo oye uya kuJerusalem i mu yeleke nomapulo madjuu, pamwe nongudu inene, pamwe neengamelo da humbata oinima yedimba liwa noshingoldo shihapu nomamanya mawa. Ndele yo eshi ye uya kuSalomo, oya popya naye oinima aishe ya li momutima wayo. 2 Ndele Salomo okwe mu fatululila eendjovo daye adishe. Kape na nande ondjovo imwe ya nyenga Salomo okufatulula. 3 Ohamba omukainhu Omusheba eshi a uda ounongo aushe waSalomo, ndele eshi a mona ombala oyo a tunga, 4 neendja dokoshililo shaye, naapa hapa kala omalenga aye, nonhumbi ovayakuli vomombala va unganekwa, nomidjalo davo, novapindi vaye, nomaxwikiloyambo, aa a yambela motembeli yOmwene, ye okwa kumwa shili, a kanghwa. 5 Opo nee ta ti kuSalomo: “Keshe osho nde shi ku udila koshilongo shange, oinima yoye nounongo woye, oshoshili. 6 Ndele eendjovo davo inandi di itavela, fiyo nde uya oku ndi tala nomesho ange; ndele tala, etata lomounongo woye inandi li lombwelwa. Etumbalo loye li dule osho nde shi kundana. 7 Ovanyekadi voye ovanelao, naava have ku yakula ovanelao, naaveshe hava udu ounongo wokanya koye. 8 Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laye ngaashi ohamba okefimano lOmwene Kalunga koye! Kalunga koye, eshi e hole Israel fiyo alushe, Ye e ku ninga ohamba u longe ouyuki naasho sha yuka.” 9 Nokwa yandja vali kohamba eekilograma omayovi ane doshingoldo noinima ihapu unene yedimba liwa nomamanya mawa. Ouhapu woinima yedimba liwa, u fike pwaayo ya etelwa ohamba Salomo kohamba omukainhu Omusheba, inai etwa vali nande efiku limwe.
10 Ndelenee ovapiya vaHiram novaSalomo, ava va eta oshingoldo sha dja kuOfir, ova eta yo omiti dihapu domisandeli nomamanya mawa. 11 Omiti domisandeli ohamba ye di hongifa oinima yomongulu yOmwene noyomombala yohamba, nouxumbafeta neenyalilo dovaimbi. Ouhapu wado inau monika nale moshilongo shaJuda.
12 Nohamba Salomo ya yandja kohamba omukainhu Omusheba ashishe osho yo ye shi hala ndele yo ye shi indila, kombada yasho ohamba Salomo ye i pa. Opo nee inya ya fikama ndele tai shuna koshilongo shayo, novapiya vayo pamwe nayo.
Oupuna netumbalo nefimano laSalomo
13 Nondjele yoshingoldo, Salomo kwe shi etelwa momudo umwe, ya li oshingoldo sheekilograma omayovi omilongo mbali nomayovi atatu, 14 ponho yaayo, Salomo a etelwa oshingoldo noshisiliveli kovashingifi hava endaenda nomeliko lovalandifi noleehamba adishe domuArabia nolomalenga omoshilongo.
15 Nohamba Salomo ya ninga oikelelifo omafele avali inene yoshingoldo sha hambulwa. Keshe oshikelelifo shinene sha hambulwa, ye shi hambulififila neekilograma heyali doshingoldo, 16 noikelelifo omafele atatu inini yoshingoldo sha hambulwa. Keshe oshikelelifo shinini ye shi hambulififila oshingoldo eekilograma nhatu. Nohamba ye i tula kongulu yomomufitu wokuLibanon.
17 Ohamba ya ninga vali olukalwapangelo linene lomayoo eendjaba nokwe li nateka noshingoldoelela. 18 Nolukalwapangelo la li li neendodo hamano nola li noshipundi shoshingoldo sheemhadi, sha pangelwa kumwe nolukalwapangelo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake. 19 Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe. 20 Nomaholo aeshe ohamba Salomo a li oshingoldo. Noikwatelwa aishe yOngulu yOmufitu waLibanon oyoshingoldoelela. Oshisiliveli sha talwa shihe nongushu pomafiku aSalomo. 21 Osheshi ohamba ya li i neeskepa hadi i kuTarsis pamwe novapiya vaHiram. Lumwe momido nhatu eeskepa daTarsis de uya, da li di noshingoldo noshisiliveli, omayoo eendjaba neenghima needila hadi xwaananeke omishindi.
22 Osho ngaha hano ohamba Salomo ya tumbala i dule eehamba adishe kombada yedu moupuna nomounongo. 23 Neehamba adishe domounyuni da li da hala okumona oshipala shaSalomo, di ude ounongo waye, Kalunga e u mu pa momutima waye, 24 keshe ohamba ya etela Salomo oshali: oinima yoisiliveli noyoshingoldo noikutu nomaadi omirha noinyenyepeki, neenghambe nomamula. Osho sha ningwa omudo keshe.
25 Salomo okwa li e neespana deenghambe omayovi ane nomatemba oita novalondi omayovi omulongo naavali veenghambe, nokwe va nangeka moilando yomatemba nopohamba muJerusalem. 26 Ndele ye okwa li omupangeli weehamba adishe okudja kuEufrat fiyo okoshilongo shOvafilisti nofiyo okongaba yaEgipiti. 27 Nohamba ya longa ngaha fiyo muJerusalem mwa li oshisiliveli shihapu ngaashi omamanya nomiti domisederi dihapu ngaashi omikwiyu moshilongo sha lalakana. 28 Ndele va etela Salomo eenghambe da dja kuEgipiti nomoilongo aishe.
Efyo laSalomo
29 Noinima imwe tai hepaulula Salomo, oyo yotete nayo yaxuuninwa, inai shangelwa mbela mehepaululo lomuxunganeki Natan nomexunganeko laAhia, Omusilo, nomemoniko lomumonikokule Iddo, ta popi Jerobeam yaNebat? 30 Ndele Salomo okwa pangela Ovaisraeli aveshe muJerusalem omido omilongo nhee. 31 Ndele Salomo okwa fya nokwa pakwa moshilando shaxe David. Nomona Rehabeam okwa ninga ohamba ponhele yaye.
Ohamba omukainhu yaSheba tai uya okutalela po Salomo
1 Nohamba omukainhu yaSheba eshi ya kundana efimano laSalomo oye uya kuJerusalem i mu yeleke nomapulo madjuu, pamwe nongudu inene, pamwe neengamelo da humbata oinima yedimba liwa noshingoldo shihapu nomamanya mawa. Ndele yo eshi ye uya kuSalomo, oya popya naye oinima aishe ya li momutima wayo. 2 Ndele Salomo okwe mu fatululila eendjovo daye adishe. Kape na nande ondjovo imwe ya nyenga Salomo okufatulula. 3 Ohamba omukainhu Omusheba eshi a uda ounongo aushe waSalomo, ndele eshi a mona ombala oyo a tunga, 4 neendja dokoshililo shaye, naapa hapa kala omalenga aye, nonhumbi ovayakuli vomombala va unganekwa, nomidjalo davo, novapindi vaye, nomaxwikiloyambo, aa a yambela motembeli yOmwene, ye okwa kumwa shili, a kanghwa. 5 Opo nee ta ti kuSalomo: “Keshe osho nde shi ku udila koshilongo shange, oinima yoye nounongo woye, oshoshili. 6 Ndele eendjovo davo inandi di itavela, fiyo nde uya oku ndi tala nomesho ange; ndele tala, etata lomounongo woye inandi li lombwelwa. Etumbalo loye li dule osho nde shi kundana. 7 Ovanyekadi voye ovanelao, naava have ku yakula ovanelao, naaveshe hava udu ounongo wokanya koye. 8 Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laye ngaashi ohamba okefimano lOmwene Kalunga koye! Kalunga koye, eshi e hole Israel fiyo alushe, Ye e ku ninga ohamba u longe ouyuki naasho sha yuka.” 9 Nokwa yandja vali kohamba eekilograma omayovi ane doshingoldo noinima ihapu unene yedimba liwa nomamanya mawa. Ouhapu woinima yedimba liwa, u fike pwaayo ya etelwa ohamba Salomo kohamba omukainhu Omusheba, inai etwa vali nande efiku limwe.
10 Ndelenee ovapiya vaHiram novaSalomo, ava va eta oshingoldo sha dja kuOfir, ova eta yo omiti dihapu domisandeli nomamanya mawa. 11 Omiti domisandeli ohamba ye di hongifa oinima yomongulu yOmwene noyomombala yohamba, nouxumbafeta neenyalilo dovaimbi. Ouhapu wado inau monika nale moshilongo shaJuda.
12 Nohamba Salomo ya yandja kohamba omukainhu Omusheba ashishe osho yo ye shi hala ndele yo ye shi indila, kombada yasho ohamba Salomo ye i pa. Opo nee inya ya fikama ndele tai shuna koshilongo shayo, novapiya vayo pamwe nayo.
Oupuna netumbalo nefimano laSalomo
13 Nondjele yoshingoldo, Salomo kwe shi etelwa momudo umwe, ya li oshingoldo sheekilograma omayovi omilongo mbali nomayovi atatu, 14 ponho yaayo, Salomo a etelwa oshingoldo noshisiliveli kovashingifi hava endaenda nomeliko lovalandifi noleehamba adishe domuArabia nolomalenga omoshilongo.
15 Nohamba Salomo ya ninga oikelelifo omafele avali inene yoshingoldo sha hambulwa. Keshe oshikelelifo shinene sha hambulwa, ye shi hambulififila neekilograma heyali doshingoldo, 16 noikelelifo omafele atatu inini yoshingoldo sha hambulwa. Keshe oshikelelifo shinini ye shi hambulififila oshingoldo eekilograma nhatu. Nohamba ye i tula kongulu yomomufitu wokuLibanon.
17 Ohamba ya ninga vali olukalwapangelo linene lomayoo eendjaba nokwe li nateka noshingoldoelela. 18 Nolukalwapangelo la li li neendodo hamano nola li noshipundi shoshingoldo sheemhadi, sha pangelwa kumwe nolukalwapangelo. Ndele kombinga nombinga yolukalwapangelo kwa li oikwatelelo yomake, neenghoshi mbali da kala ofika kominghulo doikwatelelo yomake. 19 Neenghoshi omulongo nambali da li ofika keendodo hamano kombinga nombinga. Oinima ya tya ngaha inai ningwa moshilongo nande shimwe. 20 Nomaholo aeshe ohamba Salomo a li oshingoldo. Noikwatelwa aishe yOngulu yOmufitu waLibanon oyoshingoldoelela. Oshisiliveli sha talwa shihe nongushu pomafiku aSalomo. 21 Osheshi ohamba ya li i neeskepa hadi i kuTarsis pamwe novapiya vaHiram. Lumwe momido nhatu eeskepa daTarsis de uya, da li di noshingoldo noshisiliveli, omayoo eendjaba neenghima needila hadi xwaananeke omishindi.
22 Osho ngaha hano ohamba Salomo ya tumbala i dule eehamba adishe kombada yedu moupuna nomounongo. 23 Neehamba adishe domounyuni da li da hala okumona oshipala shaSalomo, di ude ounongo waye, Kalunga e u mu pa momutima waye, 24 keshe ohamba ya etela Salomo oshali: oinima yoisiliveli noyoshingoldo noikutu nomaadi omirha noinyenyepeki, neenghambe nomamula. Osho sha ningwa omudo keshe.
25 Salomo okwa li e neespana deenghambe omayovi ane nomatemba oita novalondi omayovi omulongo naavali veenghambe, nokwe va nangeka moilando yomatemba nopohamba muJerusalem. 26 Ndele ye okwa li omupangeli weehamba adishe okudja kuEufrat fiyo okoshilongo shOvafilisti nofiyo okongaba yaEgipiti. 27 Nohamba ya longa ngaha fiyo muJerusalem mwa li oshisiliveli shihapu ngaashi omamanya nomiti domisederi dihapu ngaashi omikwiyu moshilongo sha lalakana. 28 Ndele va etela Salomo eenghambe da dja kuEgipiti nomoilongo aishe.
Efyo laSalomo
29 Noinima imwe tai hepaulula Salomo, oyo yotete nayo yaxuuninwa, inai shangelwa mbela mehepaululo lomuxunganeki Natan nomexunganeko laAhia, Omusilo, nomemoniko lomumonikokule Iddo, ta popi Jerobeam yaNebat? 30 Ndele Salomo okwa pangela Ovaisraeli aveshe muJerusalem omido omilongo nhee. 31 Ndele Salomo okwa fya nokwa pakwa moshilando shaxe David. Nomona Rehabeam okwa ninga ohamba ponhele yaye.
