Epangelo laAsa
1 Ndele Abia okwa ka nangala pooxe nokwa pakwa moshilando shaDavid. Nomona waye Asa okwa ninga ohamba ponhele yaye. Mefimbo laye oshilongo sha li shi nombili omido omulongo.
2 Ndele Asa okwa ninga osho shiwa nosha yuka momesho Omwene, Kalunga kaye. 3 Okwa hanauna po eealtari dokoilongo noikulundu yokuyambela, ndele ta tataula eengudi domamanya nokwa ka po omiti domalupwelele daAsera, 4 nokwa lombwela Ovajuda va konge Omwene, Kalunga kooxe nokudiinina omhango noipango. 5 Nokwa hanauna po yo oikulundu yokuyambela neengudi doiyelekelatango domoilando aishe yomuJuda. Noshilongo sha kala nombili mepangelo laye. 6 Nokwa tunga vali oilando i neehotekuma muJuda, osheshi oshilongo sha kala nombili. Ndele ka pa li olwoodi loku mu lwifa nomido odo, shaashi Omwene e mu pa etulumuko. 7 Onghee hano a lombwela Ovajuda: “Oilando ei natu i tungeni tu i dingililife eehotekuma di neeshungongulu, oivelo noiidilifo, fimbo oshilongo shi nombili. Shaashi twa konga Omwene, Kalunga ketu. Fye otwe mu konga, nokwe tu pa etulumuko keembinga adishe.” Vo ova tunga hano ndele va li ve nelao. 8 Ndele Asa okwa li e nomatanga ovakwaita ve noikelelifo nomaonga: ovalumenhu omayovi omafele atatu vomuJuda, novomuBenjamin omayovi omafele avali nomayovi omilongo hetatu, ava hava humbata oikelelifo nomaonga. Vo aveshe va li ovaladi.
Asa ta taataa Ovaetiopia
9 Ndele Sera, Omuetiopia, okwe va homona nomatanga ovakwaita ve fike pomamiliyona nomatemba omafele atatu oita. Nokwe uya fiyo okuMaresa. 10 Opo nee Asa a ya oku mu shakeneka, ndele va tanda ombinga mefilu laSefata puMaresa. 11 Ndele Asa okwa ifana Omwene Kalunga kaye, ndele ta ti: “Omwene, kape na nande umwe ta dulu okukwafa ngaashi Ove pokati komunaenghono naau ehe neenghono. Omwene Kalunga ketu, tu kwafa, shaashi hatu liameke kwoove, ndele medina loye twe uya okulwa nongudu oyo. Omwene, Oove Kalunga ketu. Ino efa omunhu e ku dule.” 12 NOmwene okwa taataa Ovaetiopia komesho yaAsa nokomesho yOvajuda, nOvaetiopia va ya onhapo. 13 Ndele Asa novakwaita vaye ava va li puye, ve va shikula fiyo okuGerar. Ndele mOvaetiopia mwa fya vahapu, inava dula vali okumona eenghono. Osheshi va teywa po koshipala shOmwene nokoshipala shomatanga aye. Ndele va kufa oixuulwa ihapu unene. 14 Ndele va nangala oilando aishe yomoushiinda waGerar. Osheshi etilo la dja kOmwene, la li kombada yavo. Ndele va tinha oilando aishe, osheshi muyo mwa li oixuulwa ihapu. 15 Va kwata yo eehambo doimuna, ndele va kufa eedi dihapu neengamelo. Opo nee va shuna kuJerusalem.
Epangelo laAsa
1 Ndele Abia okwa ka nangala pooxe nokwa pakwa moshilando shaDavid. Nomona waye Asa okwa ninga ohamba ponhele yaye. Mefimbo laye oshilongo sha li shi nombili omido omulongo.
2 Ndele Asa okwa ninga osho shiwa nosha yuka momesho Omwene, Kalunga kaye. 3 Okwa hanauna po eealtari dokoilongo noikulundu yokuyambela, ndele ta tataula eengudi domamanya nokwa ka po omiti domalupwelele daAsera, 4 nokwa lombwela Ovajuda va konge Omwene, Kalunga kooxe nokudiinina omhango noipango. 5 Nokwa hanauna po yo oikulundu yokuyambela neengudi doiyelekelatango domoilando aishe yomuJuda. Noshilongo sha kala nombili mepangelo laye. 6 Nokwa tunga vali oilando i neehotekuma muJuda, osheshi oshilongo sha kala nombili. Ndele ka pa li olwoodi loku mu lwifa nomido odo, shaashi Omwene e mu pa etulumuko. 7 Onghee hano a lombwela Ovajuda: “Oilando ei natu i tungeni tu i dingililife eehotekuma di neeshungongulu, oivelo noiidilifo, fimbo oshilongo shi nombili. Shaashi twa konga Omwene, Kalunga ketu. Fye otwe mu konga, nokwe tu pa etulumuko keembinga adishe.” Vo ova tunga hano ndele va li ve nelao. 8 Ndele Asa okwa li e nomatanga ovakwaita ve noikelelifo nomaonga: ovalumenhu omayovi omafele atatu vomuJuda, novomuBenjamin omayovi omafele avali nomayovi omilongo hetatu, ava hava humbata oikelelifo nomaonga. Vo aveshe va li ovaladi.
Asa ta taataa Ovaetiopia
9 Ndele Sera, Omuetiopia, okwe va homona nomatanga ovakwaita ve fike pomamiliyona nomatemba omafele atatu oita. Nokwe uya fiyo okuMaresa. 10 Opo nee Asa a ya oku mu shakeneka, ndele va tanda ombinga mefilu laSefata puMaresa. 11 Ndele Asa okwa ifana Omwene Kalunga kaye, ndele ta ti: “Omwene, kape na nande umwe ta dulu okukwafa ngaashi Ove pokati komunaenghono naau ehe neenghono. Omwene Kalunga ketu, tu kwafa, shaashi hatu liameke kwoove, ndele medina loye twe uya okulwa nongudu oyo. Omwene, Oove Kalunga ketu. Ino efa omunhu e ku dule.” 12 NOmwene okwa taataa Ovaetiopia komesho yaAsa nokomesho yOvajuda, nOvaetiopia va ya onhapo. 13 Ndele Asa novakwaita vaye ava va li puye, ve va shikula fiyo okuGerar. Ndele mOvaetiopia mwa fya vahapu, inava dula vali okumona eenghono. Osheshi va teywa po koshipala shOmwene nokoshipala shomatanga aye. Ndele va kufa oixuulwa ihapu unene. 14 Ndele va nangala oilando aishe yomoushiinda waGerar. Osheshi etilo la dja kOmwene, la li kombada yavo. Ndele va tinha oilando aishe, osheshi muyo mwa li oixuulwa ihapu. 15 Va kwata yo eehambo doimuna, ndele va kufa eedi dihapu neengamelo. Opo nee va shuna kuJerusalem.
