Ovanhu aveshe nava ilikanenwe
1 Hano, tetetete ohandi ku kumaida, napa ningwe omaindilo nomailikano nomailikaneno nomapandulo omolwovanhu aveshe, 2 eehamba novapangeli aveshe, opo tu kale tu nokukalamwenyo ku nombili nengungumano metilokalunga nomeenghedi diwa da fimana. 3 Osho oshiwa nosha wapala moipafi yaKalunga, Omukulili wetu, 4 ou a hala ovanhu aveshe va xupifwe nova fike meshiivo loshili. 5 Osheshi Kalunga Oye umwe nopokati kaKalunga novanhu oumwe, omunhu Kristus Jesus, 6 ou e liyandja Ye mwene oikulila yaaveshe, ndele sha li shi nokuhepaululwa mefimbo lasho. 7 Onghee hano naame onda tulwa po omuudifi nomuyapostoli ohandi popi doshili muKristus, itandi fufya omulongi woiwana meitavelo nomoshili.
Eenghedi dokukalafana kwovalumenhu novakainhu
8 Hano onda hala ovalumenhu va ilikane apeshe va yelula omaoko mayapuki vehe nehandu novehe neenhamanana. 9 Osho yo ovakainhu nava djale oikutu tai wapalele eenghedi diwa nokuliwapeka noshishohoni noukoshoki, haneexwiki da vindwa ile noulenga woshingoldo ile noshilanda ile noikutu youkengeli ei tai landwa nondilo, 10 ndelenee onoilonga iwa ei tai wapalele ovakainhu ovo tave lihepaulula kutya, vo oonakutilakalunga. 11 Omukainhu e nokuliefela nokulongwa mengungumano nomeduliko alishe. 12 Ame itandi shi itavele omukainhu a ninge omulongindjovo ile a pangele omulumenhu, ndelenee ne lilonge okukala a mwena nokukala meduliko alishe. 13 Osheshi Adam okwa shitwa tete, Eva okonima. 14 Ndele Adam ina pukifwa, ndelenee omukainhu oye a pukifwa, ndele a nyona. 15 Ndelenee ye ota ka xupifwa mokudala ounona, ngeenge ta kala meitavelo nomohole mouyapuki nokukala moukoshoki.
Ovanhu aveshe nava ilikanenwe
1 Hano, tetetete ohandi ku kumaida, napa ningwe omaindilo nomailikano nomailikaneno nomapandulo omolwovanhu aveshe, 2 eehamba novapangeli aveshe, opo tu kale tu nokukalamwenyo ku nombili nengungumano metilokalunga nomeenghedi diwa da fimana. 3 Osho oshiwa nosha wapala moipafi yaKalunga, Omukulili wetu, 4 ou a hala ovanhu aveshe va xupifwe nova fike meshiivo loshili. 5 Osheshi Kalunga Oye umwe nopokati kaKalunga novanhu oumwe, omunhu Kristus Jesus, 6 ou e liyandja Ye mwene oikulila yaaveshe, ndele sha li shi nokuhepaululwa mefimbo lasho. 7 Onghee hano naame onda tulwa po omuudifi nomuyapostoli ohandi popi doshili muKristus, itandi fufya omulongi woiwana meitavelo nomoshili.
Eenghedi dokukalafana kwovalumenhu novakainhu
8 Hano onda hala ovalumenhu va ilikane apeshe va yelula omaoko mayapuki vehe nehandu novehe neenhamanana. 9 Osho yo ovakainhu nava djale oikutu tai wapalele eenghedi diwa nokuliwapeka noshishohoni noukoshoki, haneexwiki da vindwa ile noulenga woshingoldo ile noshilanda ile noikutu youkengeli ei tai landwa nondilo, 10 ndelenee onoilonga iwa ei tai wapalele ovakainhu ovo tave lihepaulula kutya, vo oonakutilakalunga. 11 Omukainhu e nokuliefela nokulongwa mengungumano nomeduliko alishe. 12 Ame itandi shi itavele omukainhu a ninge omulongindjovo ile a pangele omulumenhu, ndelenee ne lilonge okukala a mwena nokukala meduliko alishe. 13 Osheshi Adam okwa shitwa tete, Eva okonima. 14 Ndele Adam ina pukifwa, ndelenee omukainhu oye a pukifwa, ndele a nyona. 15 Ndelenee ye ota ka xupifwa mokudala ounona, ngeenge ta kala meitavelo nomohole mouyapuki nokukala moukoshoki.
