Oshikefa tashi shunifwa
1 Noshikefa shOmwene eshi sha kala eehani heyali moshilongo shOvafilisti, 2 Ovafilisti va ifana ovapristeli novamonikokule ndele tava ti: “Fye otu nokuninga ngahelipi noshikefa shOmwene? Tu shiivifileni nhumbi hatu dulu oku shi shunifa konhele yasho.” 3 Ndele tava ti: “Nye ngeenge tamu shunifa oshikefa shaKalunga kaIsrael, inamu shi tuma ko hamakasha, ndelenee mu peni ehandukulukifo la wana; opo nee tamu ka veluka ndee tamu ka shiiva kutya omolwashike eke laye itali mu efa.” 4 Opo nee tava pula: “Ehandukulukifo lashike tu noku mu alulila?” Ndele tava ti: “Pamuvalo wovakulunhu vOvafilisti: oidinda itano yoshingoldo neemhuku nhano doshingoldo, osheshi eshi oshiponga kombada yavo aveshe nokombada yovakulunhu veni. 5 Ningeni hano omafano oidinda nomafano eemhuku, edi tadi nyono po oshilongo ndele fimanekeni Kalunga kaIsrael. Kashiimba Ye ota ka pupalifa eke laye kombada yeni noyoikalunga yeni noyoshilongo sheni. 6 Omolwashike hano tamu ka kukutika omitima deni ngaashi Ovaegipiti naFarao va kukutika omitima davo? Venya inave va efa hamba, Ye eshi e va monifila eenghono daye? 7 Onghee hano ningeni etemba lipe, nosho yo eengobe mbali eedidi hadi nyamwa, inadi ya kondjoko. Mangeleni hano eengobe eedidi ketemba ndele shunifeni outana vado konima yado va ye keumbo. 8 Kufeni oshikefa shOmwene mu shi londeke metemba, noinima yoshingoldo tamu i mu alulile ngaashi ehandukulukifo, mu noku i tula mokakefa kamwe poshikefa. Li tumeni hano ngaha li ye. 9 Ndele taleni, sho ngeenge tashi i langhele koshilongo shasho kuBet-Semes, opo nee Ye e tu ningila omupya ou munene. Ndelenee ngeenge hasho, opo nee twa shiiva hake laye le tu hangele, ndelenee we uya kombada yetu ashike.”
10 Ovalumenhu osho va ninga: va kufa eengobe mbali eedidi tadi nyamifa ndele ve di mangela ketemba ndele va kwatela outana vado peumbo. 11 Ndele va tula oshikefa shOmwene metemba nokakefa mu neemhuku doshingoldo nomafano oidinda yavo. 12 Neengobe eedidi da enda nokuyukilila kuBet-Semes. Do oda enda nokudimina efimbo alishe nondjila tuu imwe inadi yapukila kolulyo ile kolumosho, fimbo ovakulunhu vOvafilisti ve di shikula fiyo okongaba yopuBet-Semes. 13 Novanhu vomuBet-Semes va li va teya oilya mepumbu. Vo eshi va yelula omesho avo ndele tava mono oshikefa, vo ova hafela oku shi mona. 14 Netemba ole uya kepya laJosua Omubetsemes noko la kanghama. Oko kwa li emanya lakula, ndele etemba ve li pandaula oikuni ndele va yambela Omwene eengobe eedidi ngaashi exwikiloyambo. 15 NOvalevi va tula poshi oshikefa shOmwene pamwe nokakefa oko ka li pusho, muko mwa li oinima yoshingoldo ndele ve i tula kemanya lakula. Ndele mefiku tuu olo ovalumenhu vomuBet-Semes va yambela Omwene omaxwikiloyambo nomatomenoyambo. 16 Novakulunhu venya vatano vOvafilisti eshi ve shi mona, ova shuna mefiku tuu olo kuEkron.
17 Noidinda yoshingoldo ei ya tuminwa Omwene kOvafilisti, ngaashi ehandukulukifo oyei: shimwe oshaAsdod, shimwe oshaGasa, shimwe oshaAskelon, shimwe oshaGat, nashimwe oshaEkron. 18 Neemhuku doshingoldo da li pamuvalo woilando aishe yOvafilisti, oyo ya li mepangelo lovakulunhu vatano, oilando i neehotekuma ngaashi yo omikunda dihe neehotekuma. Emanya olo linene oko va tulile ko oshikefa shOmwene, oko li li fiyo onena, ondobwedi mepya laJosua wokuBet-Semes.
19 NOmwene okwa dipaa ovanhu moonakukalamo muBet-Semes. Osheshi Ye okwa dipaa movanhu ovalumenhu omilongo heyali, shaashi va tala oshikefa shOmwene. Novanhu ova nyika oluhodi shaashi Omwene okwa dipaa vahapu vomuvo. 20 Opo nee ovalumenhu vomuBet-Semes tava ti: Olyelye ta dulu okuyakula moilonga koshipala shOmwene, Kalunga ou muyapuki? Ndele ta ka ya kulyelye eshi ta di pufye? 21 Onghee va tuma ovatumwa koonakukalamo vomuKiriat-Jearim, tava ti: Ovafilisti va shunifa oshikefa shOmwene. Ileni mu shi ile ko.
Oshikefa tashi shunifwa
1 Noshikefa shOmwene eshi sha kala eehani heyali moshilongo shOvafilisti, 2 Ovafilisti va ifana ovapristeli novamonikokule ndele tava ti: “Fye otu nokuninga ngahelipi noshikefa shOmwene? Tu shiivifileni nhumbi hatu dulu oku shi shunifa konhele yasho.” 3 Ndele tava ti: “Nye ngeenge tamu shunifa oshikefa shaKalunga kaIsrael, inamu shi tuma ko hamakasha, ndelenee mu peni ehandukulukifo la wana; opo nee tamu ka veluka ndee tamu ka shiiva kutya omolwashike eke laye itali mu efa.” 4 Opo nee tava pula: “Ehandukulukifo lashike tu noku mu alulila?” Ndele tava ti: “Pamuvalo wovakulunhu vOvafilisti: oidinda itano yoshingoldo neemhuku nhano doshingoldo, osheshi eshi oshiponga kombada yavo aveshe nokombada yovakulunhu veni. 5 Ningeni hano omafano oidinda nomafano eemhuku, edi tadi nyono po oshilongo ndele fimanekeni Kalunga kaIsrael. Kashiimba Ye ota ka pupalifa eke laye kombada yeni noyoikalunga yeni noyoshilongo sheni. 6 Omolwashike hano tamu ka kukutika omitima deni ngaashi Ovaegipiti naFarao va kukutika omitima davo? Venya inave va efa hamba, Ye eshi e va monifila eenghono daye? 7 Onghee hano ningeni etemba lipe, nosho yo eengobe mbali eedidi hadi nyamwa, inadi ya kondjoko. Mangeleni hano eengobe eedidi ketemba ndele shunifeni outana vado konima yado va ye keumbo. 8 Kufeni oshikefa shOmwene mu shi londeke metemba, noinima yoshingoldo tamu i mu alulile ngaashi ehandukulukifo, mu noku i tula mokakefa kamwe poshikefa. Li tumeni hano ngaha li ye. 9 Ndele taleni, sho ngeenge tashi i langhele koshilongo shasho kuBet-Semes, opo nee Ye e tu ningila omupya ou munene. Ndelenee ngeenge hasho, opo nee twa shiiva hake laye le tu hangele, ndelenee we uya kombada yetu ashike.”
10 Ovalumenhu osho va ninga: va kufa eengobe mbali eedidi tadi nyamifa ndele ve di mangela ketemba ndele va kwatela outana vado peumbo. 11 Ndele va tula oshikefa shOmwene metemba nokakefa mu neemhuku doshingoldo nomafano oidinda yavo. 12 Neengobe eedidi da enda nokuyukilila kuBet-Semes. Do oda enda nokudimina efimbo alishe nondjila tuu imwe inadi yapukila kolulyo ile kolumosho, fimbo ovakulunhu vOvafilisti ve di shikula fiyo okongaba yopuBet-Semes. 13 Novanhu vomuBet-Semes va li va teya oilya mepumbu. Vo eshi va yelula omesho avo ndele tava mono oshikefa, vo ova hafela oku shi mona. 14 Netemba ole uya kepya laJosua Omubetsemes noko la kanghama. Oko kwa li emanya lakula, ndele etemba ve li pandaula oikuni ndele va yambela Omwene eengobe eedidi ngaashi exwikiloyambo. 15 NOvalevi va tula poshi oshikefa shOmwene pamwe nokakefa oko ka li pusho, muko mwa li oinima yoshingoldo ndele ve i tula kemanya lakula. Ndele mefiku tuu olo ovalumenhu vomuBet-Semes va yambela Omwene omaxwikiloyambo nomatomenoyambo. 16 Novakulunhu venya vatano vOvafilisti eshi ve shi mona, ova shuna mefiku tuu olo kuEkron.
17 Noidinda yoshingoldo ei ya tuminwa Omwene kOvafilisti, ngaashi ehandukulukifo oyei: shimwe oshaAsdod, shimwe oshaGasa, shimwe oshaAskelon, shimwe oshaGat, nashimwe oshaEkron. 18 Neemhuku doshingoldo da li pamuvalo woilando aishe yOvafilisti, oyo ya li mepangelo lovakulunhu vatano, oilando i neehotekuma ngaashi yo omikunda dihe neehotekuma. Emanya olo linene oko va tulile ko oshikefa shOmwene, oko li li fiyo onena, ondobwedi mepya laJosua wokuBet-Semes.
19 NOmwene okwa dipaa ovanhu moonakukalamo muBet-Semes. Osheshi Ye okwa dipaa movanhu ovalumenhu omilongo heyali, shaashi va tala oshikefa shOmwene. Novanhu ova nyika oluhodi shaashi Omwene okwa dipaa vahapu vomuvo. 20 Opo nee ovalumenhu vomuBet-Semes tava ti: Olyelye ta dulu okuyakula moilonga koshipala shOmwene, Kalunga ou muyapuki? Ndele ta ka ya kulyelye eshi ta di pufye? 21 Onghee va tuma ovatumwa koonakukalamo vomuKiriat-Jearim, tava ti: Ovafilisti va shunifa oshikefa shOmwene. Ileni mu shi ile ko.
