Ovafilisti tava homona oshilongo shaIsrael
1 Saul okwa li womido omilongo nhatu, eshi a ninga ohamba. Ndele ye eshi a pangela Israel omido mbali, 2 Saul e lihoololela ovalumenhu omayovi atatu muIsrael. Omayovi avali a li puSaul muMikmas nokeemhunda daBetel, neyovi limwe la li puJonatan muGibea shomuBenjamin. Ndelenee ovakwaita va xupa ko, e va lekela, keshe umwe a ye ketwali lavo.
3 Ndele Jonatan okwa taataa ongudu yovanangeli vOvafilisti oyo ya li muGeba, nOvafilisti ve shi uda. Opo nee Saul okwa shikifa enghuma loluvinga lodi yomhedi moshilongo ashishe ta ti: “Ovaheberi nave shi ude! 4 NOvaisraeli aveshe va uda tapa tongwa: Saul okwa taataa ongudu yovanangeli vOvafilisti, nOvaisraeli voovene yo ve shi ninga ve litondife kOvafilisti.” Osho ngaha ovakwaita va ifanwa va shikule Saul ndele va ongala muGilgal. 5 Ndele Ovafilisti va ongala va lwife Ovaisraeli. Omatemba oita omayovi atatu novalondi veenghambe, omayovi ahamano novaendi vokolupadi vahapu ve fike peheke pomunghulo wefuta. Vo ove uya ndele va onga onhanda puMikmas, koushilo waBet-Aven. 6 Ovalumenhu Ovaisraeli eshi va mona nokutya ove li moudjuu, osheshi ovanhu va fininikwa unene, ovanhu va hondama momakololo nomomangade omano nomomifya domamanya nomeendjibololo nomomambulukwena.
7 NOvaheberi va tauluka Jordan va ya medu laGad naGilead. Ndelenee Saul okwa li natango muGilgal pamwe novakwaita aveshe ava ve mu shikula nokukakama. 8 Ndele ye okwa teelela omafiku aheyali, efimbo olo la tongwa kuSamuel. Ndelenee Samuel eshi ine uya kuGilgal novanhu ve lihana po puye, 9 Saul ta ti: “Etelei nge exwikiloyambo nepanduloyambo.” Ndele ye okwa yamba exwikiloyambo. 10 Ndele opo tuu opo, ye eshi a yamba exwikiloyambo, Samuel e uya. Ndele Saul okwa ya e ke mu kunde. 11 Opo nee Samuel ta pula: “Owa ninga shike?” Ndele Saul ta ti: “Ame nda mona ovakwaita ve lihana po pwaame. Ndele ove eshi ino uya pefimbo la tongwa, nofimbo Ovafilisti va ongala muMikmas, 12 ame nda tya: ‘Paife eshi Ovafilisti tave uya kwaame muGilgal, fimbo inandi indila onghenda koshipala shOmwene.’ Onghee hano nde lipameka ndele nda yamba exwikiloyambo.” 13 Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe. 14 Ndelenee paife ouhamba woye itau ka kalelela. Omwene okwe likongela omulumenhu pahokwe yomutima waye. NOmwene okwe mu ninga ohamba yoshiwana shaye, osheshi ove ino diinina osho Omwene e shi ku lombwela.”
Oluhepo lomuIsrael
15 Opo nee Samuel okwa fikama, a dja muGilgal ndele ta i kuGibea shomuBenjamin. Ndele Saul okwa talatala ovakwaita vaye ava va li puye, ve fike ngeno pomafele ahamano. 16 Fimbo Saul nomona waye omumati Jonatan novakwaita ava va li puvo, va kala muGeba shomuBenjamin nOvafilisti va onga onhanda muMikmas, 17 monhanda yOvafilisti mwa dja ongudu yovakwati voinima, omatanga atatu: Etanga limwe la ya nondjila yokuOfra kedu laSaul. 18 Netanga likwao la ya nondjila yokuBet-Horon, netanga etitatu la ya nondjila yokongaba oyo tai ende mefilu laSeboim ndee tai xulile mombuwa.
19 Moshilongo ashishe shaIsrael inamu monika nande omuhambwidi umwe, osheshi Ovafilisti va ya: “Ovaheberi vaha shiive okuhambula omaongamukonda nomauta.” 20 Onghee hano Ovaisraeli aveshe va li ve nokuya, keshe umwe, kOvafilisti a upike oipululo yavo nomatemo nomakuva noikashulifo yavo, 21 alushe eshi va pumbwa va upika etemo netemo loshipululo neefoloko neenyala nhatu nomakuva noihengo, kofuto yokamaliwa kanini. 22 Onghee hano mefiku lolwoodi momake ovakwaita aveshe inamu monika nande eongamukonda ile outa, ovakwaita ava va kala puSaul nopuJonatan. 23 Nongudu yovanangeli vOvafilisti va dja po va ya komhito yokuMikmas.
Ovafilisti tava homona oshilongo shaIsrael
1 Saul okwa li womido omilongo nhatu, eshi a ninga ohamba. Ndele ye eshi a pangela Israel omido mbali, 2 Saul e lihoololela ovalumenhu omayovi atatu muIsrael. Omayovi avali a li puSaul muMikmas nokeemhunda daBetel, neyovi limwe la li puJonatan muGibea shomuBenjamin. Ndelenee ovakwaita va xupa ko, e va lekela, keshe umwe a ye ketwali lavo.
3 Ndele Jonatan okwa taataa ongudu yovanangeli vOvafilisti oyo ya li muGeba, nOvafilisti ve shi uda. Opo nee Saul okwa shikifa enghuma loluvinga lodi yomhedi moshilongo ashishe ta ti: “Ovaheberi nave shi ude! 4 NOvaisraeli aveshe va uda tapa tongwa: Saul okwa taataa ongudu yovanangeli vOvafilisti, nOvaisraeli voovene yo ve shi ninga ve litondife kOvafilisti.” Osho ngaha ovakwaita va ifanwa va shikule Saul ndele va ongala muGilgal. 5 Ndele Ovafilisti va ongala va lwife Ovaisraeli. Omatemba oita omayovi atatu novalondi veenghambe, omayovi ahamano novaendi vokolupadi vahapu ve fike peheke pomunghulo wefuta. Vo ove uya ndele va onga onhanda puMikmas, koushilo waBet-Aven. 6 Ovalumenhu Ovaisraeli eshi va mona nokutya ove li moudjuu, osheshi ovanhu va fininikwa unene, ovanhu va hondama momakololo nomomangade omano nomomifya domamanya nomeendjibololo nomomambulukwena.
7 NOvaheberi va tauluka Jordan va ya medu laGad naGilead. Ndelenee Saul okwa li natango muGilgal pamwe novakwaita aveshe ava ve mu shikula nokukakama. 8 Ndele ye okwa teelela omafiku aheyali, efimbo olo la tongwa kuSamuel. Ndelenee Samuel eshi ine uya kuGilgal novanhu ve lihana po puye, 9 Saul ta ti: “Etelei nge exwikiloyambo nepanduloyambo.” Ndele ye okwa yamba exwikiloyambo. 10 Ndele opo tuu opo, ye eshi a yamba exwikiloyambo, Samuel e uya. Ndele Saul okwa ya e ke mu kunde. 11 Opo nee Samuel ta pula: “Owa ninga shike?” Ndele Saul ta ti: “Ame nda mona ovakwaita ve lihana po pwaame. Ndele ove eshi ino uya pefimbo la tongwa, nofimbo Ovafilisti va ongala muMikmas, 12 ame nda tya: ‘Paife eshi Ovafilisti tave uya kwaame muGilgal, fimbo inandi indila onghenda koshipala shOmwene.’ Onghee hano nde lipameka ndele nda yamba exwikiloyambo.” 13 Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe. 14 Ndelenee paife ouhamba woye itau ka kalelela. Omwene okwe likongela omulumenhu pahokwe yomutima waye. NOmwene okwe mu ninga ohamba yoshiwana shaye, osheshi ove ino diinina osho Omwene e shi ku lombwela.”
Oluhepo lomuIsrael
15 Opo nee Samuel okwa fikama, a dja muGilgal ndele ta i kuGibea shomuBenjamin. Ndele Saul okwa talatala ovakwaita vaye ava va li puye, ve fike ngeno pomafele ahamano. 16 Fimbo Saul nomona waye omumati Jonatan novakwaita ava va li puvo, va kala muGeba shomuBenjamin nOvafilisti va onga onhanda muMikmas, 17 monhanda yOvafilisti mwa dja ongudu yovakwati voinima, omatanga atatu: Etanga limwe la ya nondjila yokuOfra kedu laSaul. 18 Netanga likwao la ya nondjila yokuBet-Horon, netanga etitatu la ya nondjila yokongaba oyo tai ende mefilu laSeboim ndee tai xulile mombuwa.
19 Moshilongo ashishe shaIsrael inamu monika nande omuhambwidi umwe, osheshi Ovafilisti va ya: “Ovaheberi vaha shiive okuhambula omaongamukonda nomauta.” 20 Onghee hano Ovaisraeli aveshe va li ve nokuya, keshe umwe, kOvafilisti a upike oipululo yavo nomatemo nomakuva noikashulifo yavo, 21 alushe eshi va pumbwa va upika etemo netemo loshipululo neefoloko neenyala nhatu nomakuva noihengo, kofuto yokamaliwa kanini. 22 Onghee hano mefiku lolwoodi momake ovakwaita aveshe inamu monika nande eongamukonda ile outa, ovakwaita ava va kala puSaul nopuJonatan. 23 Nongudu yovanangeli vOvafilisti va dja po va ya komhito yokuMikmas.
