Rehabeam ohamba yaJuda naJerobeam ohamba yaIsrael
1 Ndele Rehabeam okwa ya kuSekem, osheshi Ovaisraeli aveshe va ya kuSekem ve mu ninge ohamba. 2 2 Ndele Jerobeam yaNebat, eshi e shi uda manga a li muEgipiti, omo a ya ohamba Salomo onhapo, ndele Jerobeam okwa aluka ko kuEgipiti, 3 Ndele ovanhu voilando yokoumbangalanhu ove mu ifana ko. Jerobeam navo aveshe ova ya kuRehabeam nove mu lombwela: 4 “Xo okwe tu hepeka noku tu twika omutengi mudjuu, ndelenee ove pupaleka hano oudjuu nonghalamwenyo yetu, opo tu ninge ovapiya voye ovaduliki.” 5 Ndele ye okwe va nyamukula: “Indeni manga, mu alukile nge konima yomafiku atatu.” Novanhu va ya. 6 Opo nee ohamba Rehabeam a kundafana novakulunhu va li ovayandjimayele vaxe, ndele ta pula: “Ondunge i lipi tamu pe nge opo ndi nyamukule ovanhu ava?” 7 Ndele vo ove mu lombwela tava ti: “Ove ngeenge wa hala okukala nawa novanhu ava, va ningila ouwa kwaashi tave ku pula, opo nee tava ka dulika kwoove.” 8 Ndelenee ye ina landula epukululo lovakulunhu; okwa ka pula omayele kovanyasha ovo a kula navo, vo ovo a ninga ovayandjimayele vaye. 9 Nokwe va pula: “Nye otamu pe nge epukululo lilipipo, ndi nyamukule ngahelipi ovanhu ava va popifa nge, ndele tava ti: ‘Pupaleka omutengi xo e u tu twika’?” 10 Novamati ava va kula pamwe naye, ve mu nyamukula tava ti: “Ovanhu ovo ve ku lombwela tava ti: ‘Xo okwe tu twika omutengi mudjuu, ndelenee ove u tu pupalekele,’ u noku va nyamukula ngaha: ‘Okamunwe kange kanini ke dule omatundji atate. 11 Tate ngeenge e mu twika omutengi mudjuu, ame ohandi ka weda ko komutengi weni. Tate ngeenge e mu dengifa eengola, ame ohandi ke mu dengifa eengola di nomakiya.’ ” 12 Jerobeam novanhu aveshe eshi ve uya kuRehabeam konima yomafiku atatu, ngaashi ohamba ye va lombwelele, 13 ohamba Rehabeam oya li ihe na ko nasha nepukululo olo lovakulunhu, noya pa ovanhu enyamukulo likukutu, 14 nokwa popya naavo papukululo lovalumenhu ovanyasha ndele ta ti: “Tate ngeenge e mu twika omutengi mudjuu, ame ohandi ka weda ko vali komutengi weni. Tate ngeenge e mu denga neengola, ame ohandi ke mu denga neengola domakiya.” 15 Osho ngaha hano ohamba inai pwilikina ovanhu, ndelenee Omwene osho a endifa, opo a wanife ondjovo yaye mwene, e i popififa Ahia, Omusilo, okupopya Jerobeam yaNebat.
16 Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti:
“Fye otu noshitukulwa shilipipo muDavid?
Katu noshitukulwafyuululwa momona waIsai.
Israel, inda komatwali oye!
David, tala hano paife eumbo loye mwene!”
Opo nee Ovaisraeli va ya komatwali avo. 17 Ndelenee Rehabeam okwa kala ashike ohamba yovanhu ava vomoshitukulwa shaJuda.
18 Opo nee ohamba Rehabeam ya tuma Adoram, omupashukili woilonga yefininiko moshilongo, ndelenee ovana vaIsrael ve mu dipaa nomamanya. Nohamba Rehabeam ya ya onhapo kuJerusalem netemba loita. 19 Okudja opo Ovaisraeli va amuka kepata laDavid fiyo onena eli.
20 Ndelenee Ovaisraeli eshi va uda nokutya, Jerobeam a aluka, ove mu ifana koshiongalele, ndele ve mu ninga ohamba yOvaisraeli aveshe. Nande umwe ina shikula eumbo laDavid, epata laJuda olo alike.
21 Ndele Rehabeam eshi e uya kuJerusalem, okwa shiva eumbo alishe laJuda nepata laBenjamin, ovalumenhu ovanyasha va wana okulwa: omayovi efele nomafele omilongo hetatu, va ka homone eumbo laIsrael, va alulile Rehabeam yaSalomo ouhamba. 22 Ndelenee ondjovo yaKalunga ye uya kuShemaia, omulumenhu waKalunga ndele tai ti: 23 “Lombwela Rehabeam yaSalomo, novanhu aveshe moilando yaJuda naBenjamin, u tye: 24 ‘Inamu dengafana nOvaisraeli shaashi nye vamwe aveke. Shuneni amushe komaumbo, osheshi eshi sha ningwa ehalo lange.’ ” Vo aveshe va dulika keendjovo dOmwene ndele va shuna komaumbo. 25 Ndele Jerobeam okwa tunga Sekem keemhunda daEfraim nokwa kala ko. Nokwa dja ko ndele ta tungu Penuel.
Jerobeam ta eta mo efimaneko loikalunga
26 Ndele Jerobeam okwa diladila momwenyo waye ta ti: “Paife ouhamba tau shuna keumbo laDavid, 27 shaashi ovanhu ava tava fikama, va ka yambe omayambo mongulu yOmwene muJerusalem, opo nee omitima dovanhu ava tadi ka shuna komwene wavo Rehabeam, ohamba yaJuda, ndele vo tava ka dipaa nge nokushuna kuRehabeam, ohamba yaJuda.” 28 Onghee hano ohamba, eshi ya diladila oshinima eshi, ya ninga eenhana mbali doshingoldo ndele tai ti kovanhu: “Efimbo lile nokuli mwa ile kuJerusalem, ndele taleni, Ovaisraeli, oikalunga yeni oyei, ye mu pitifa mo medu laEgipiti!” 29 Ndele okwa dika imwe muBetel noikwao e i dika muDan. 30 Noshinima tuu eshi sha li etimba. Novanhu va shikula efano limwe kuBetel nalikwao fiyo okuDan. 31 Ye okwa tunga yo eetembeli koikulundudu nokwa nangeka moilonga ovanhu ve lili vomoshiwana, ovo vehe shi Ovalevi ovapristeli. 32 Ndele Jerobeam okwa ninga oshivilo mohani onhihetatu mefiku etimulongo netitano ngaashi oshivilo osho tashi danwa muJuda, ndele ta londo koaltari. Osho ngaha a ninga muBetel nokwa yambela eenhana, ye e di ninga. Ndele muBetel yo okwa nangeka ovapristeli moilonga yokoikulundu yoaltari, ye e i ninga. 33 Nokwa londa koaltari, e i ninga muBetel, mefiku etimulongo netitano mohani onhihetatu, mohani ye mwene pamwenyo waye e i hoolola. Nokwa ningila Ovaisraeli oshivilo nokwa londa koaltari a ka twimine.
Rehabeam ohamba yaJuda naJerobeam ohamba yaIsrael
1 Ndele Rehabeam okwa ya kuSekem, osheshi Ovaisraeli aveshe va ya kuSekem ve mu ninge ohamba. 2 2 Ndele Jerobeam yaNebat, eshi e shi uda manga a li muEgipiti, omo a ya ohamba Salomo onhapo, ndele Jerobeam okwa aluka ko kuEgipiti, 3 Ndele ovanhu voilando yokoumbangalanhu ove mu ifana ko. Jerobeam navo aveshe ova ya kuRehabeam nove mu lombwela: 4 “Xo okwe tu hepeka noku tu twika omutengi mudjuu, ndelenee ove pupaleka hano oudjuu nonghalamwenyo yetu, opo tu ninge ovapiya voye ovaduliki.” 5 Ndele ye okwe va nyamukula: “Indeni manga, mu alukile nge konima yomafiku atatu.” Novanhu va ya. 6 Opo nee ohamba Rehabeam a kundafana novakulunhu va li ovayandjimayele vaxe, ndele ta pula: “Ondunge i lipi tamu pe nge opo ndi nyamukule ovanhu ava?” 7 Ndele vo ove mu lombwela tava ti: “Ove ngeenge wa hala okukala nawa novanhu ava, va ningila ouwa kwaashi tave ku pula, opo nee tava ka dulika kwoove.” 8 Ndelenee ye ina landula epukululo lovakulunhu; okwa ka pula omayele kovanyasha ovo a kula navo, vo ovo a ninga ovayandjimayele vaye. 9 Nokwe va pula: “Nye otamu pe nge epukululo lilipipo, ndi nyamukule ngahelipi ovanhu ava va popifa nge, ndele tava ti: ‘Pupaleka omutengi xo e u tu twika’?” 10 Novamati ava va kula pamwe naye, ve mu nyamukula tava ti: “Ovanhu ovo ve ku lombwela tava ti: ‘Xo okwe tu twika omutengi mudjuu, ndelenee ove u tu pupalekele,’ u noku va nyamukula ngaha: ‘Okamunwe kange kanini ke dule omatundji atate. 11 Tate ngeenge e mu twika omutengi mudjuu, ame ohandi ka weda ko komutengi weni. Tate ngeenge e mu dengifa eengola, ame ohandi ke mu dengifa eengola di nomakiya.’ ” 12 Jerobeam novanhu aveshe eshi ve uya kuRehabeam konima yomafiku atatu, ngaashi ohamba ye va lombwelele, 13 ohamba Rehabeam oya li ihe na ko nasha nepukululo olo lovakulunhu, noya pa ovanhu enyamukulo likukutu, 14 nokwa popya naavo papukululo lovalumenhu ovanyasha ndele ta ti: “Tate ngeenge e mu twika omutengi mudjuu, ame ohandi ka weda ko vali komutengi weni. Tate ngeenge e mu denga neengola, ame ohandi ke mu denga neengola domakiya.” 15 Osho ngaha hano ohamba inai pwilikina ovanhu, ndelenee Omwene osho a endifa, opo a wanife ondjovo yaye mwene, e i popififa Ahia, Omusilo, okupopya Jerobeam yaNebat.
16 Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti:
“Fye otu noshitukulwa shilipipo muDavid?
Katu noshitukulwafyuululwa momona waIsai.
Israel, inda komatwali oye!
David, tala hano paife eumbo loye mwene!”
Opo nee Ovaisraeli va ya komatwali avo. 17 Ndelenee Rehabeam okwa kala ashike ohamba yovanhu ava vomoshitukulwa shaJuda.
18 Opo nee ohamba Rehabeam ya tuma Adoram, omupashukili woilonga yefininiko moshilongo, ndelenee ovana vaIsrael ve mu dipaa nomamanya. Nohamba Rehabeam ya ya onhapo kuJerusalem netemba loita. 19 Okudja opo Ovaisraeli va amuka kepata laDavid fiyo onena eli.
20 Ndelenee Ovaisraeli eshi va uda nokutya, Jerobeam a aluka, ove mu ifana koshiongalele, ndele ve mu ninga ohamba yOvaisraeli aveshe. Nande umwe ina shikula eumbo laDavid, epata laJuda olo alike.
21 Ndele Rehabeam eshi e uya kuJerusalem, okwa shiva eumbo alishe laJuda nepata laBenjamin, ovalumenhu ovanyasha va wana okulwa: omayovi efele nomafele omilongo hetatu, va ka homone eumbo laIsrael, va alulile Rehabeam yaSalomo ouhamba. 22 Ndelenee ondjovo yaKalunga ye uya kuShemaia, omulumenhu waKalunga ndele tai ti: 23 “Lombwela Rehabeam yaSalomo, novanhu aveshe moilando yaJuda naBenjamin, u tye: 24 ‘Inamu dengafana nOvaisraeli shaashi nye vamwe aveke. Shuneni amushe komaumbo, osheshi eshi sha ningwa ehalo lange.’ ” Vo aveshe va dulika keendjovo dOmwene ndele va shuna komaumbo. 25 Ndele Jerobeam okwa tunga Sekem keemhunda daEfraim nokwa kala ko. Nokwa dja ko ndele ta tungu Penuel.
Jerobeam ta eta mo efimaneko loikalunga
26 Ndele Jerobeam okwa diladila momwenyo waye ta ti: “Paife ouhamba tau shuna keumbo laDavid, 27 shaashi ovanhu ava tava fikama, va ka yambe omayambo mongulu yOmwene muJerusalem, opo nee omitima dovanhu ava tadi ka shuna komwene wavo Rehabeam, ohamba yaJuda, ndele vo tava ka dipaa nge nokushuna kuRehabeam, ohamba yaJuda.” 28 Onghee hano ohamba, eshi ya diladila oshinima eshi, ya ninga eenhana mbali doshingoldo ndele tai ti kovanhu: “Efimbo lile nokuli mwa ile kuJerusalem, ndele taleni, Ovaisraeli, oikalunga yeni oyei, ye mu pitifa mo medu laEgipiti!” 29 Ndele okwa dika imwe muBetel noikwao e i dika muDan. 30 Noshinima tuu eshi sha li etimba. Novanhu va shikula efano limwe kuBetel nalikwao fiyo okuDan. 31 Ye okwa tunga yo eetembeli koikulundudu nokwa nangeka moilonga ovanhu ve lili vomoshiwana, ovo vehe shi Ovalevi ovapristeli. 32 Ndele Jerobeam okwa ninga oshivilo mohani onhihetatu mefiku etimulongo netitano ngaashi oshivilo osho tashi danwa muJuda, ndele ta londo koaltari. Osho ngaha a ninga muBetel nokwa yambela eenhana, ye e di ninga. Ndele muBetel yo okwa nangeka ovapristeli moilonga yokoikulundu yoaltari, ye e i ninga. 33 Nokwa londa koaltari, e i ninga muBetel, mefiku etimulongo netitano mohani onhihetatu, mohani ye mwene pamwenyo waye e i hoolola. Nokwa ningila Ovaisraeli oshivilo nokwa londa koaltari a ka twimine.
