Eeshalinghenda di lili domeongalo
1 Ndelenee ovamwatate nye, mokupopya eeshali dopamhepo inandi hala mu kale muhe shi shii. 2 Omu shi shii, onye eshi mwa li ovapaani, omwa twalwa koikalunga ihai popi, muhe neanyo. 3 Onghee hano ohandi mu shiivifile, kape na ou ta popi mOmhepo yaKalunga ndele ta ti: “Jesus na fingwe,” ndele kape na ou ta dulu okutya: “Jesus Oye Omwene,” okuninga ta popifwa kOmhepo Iyapuki.
4 Eeshalinghenda odi li po di lili nadi lili, ndelenee Omhepo oyo tuu imwe aike tai di yandje; 5 nomayakulo e li po e lili noe lili, ndele Omwene Oye tuu umwe aeke ta longelwa; 6 noilonganghono oi li po i lili noi lili, ndele Kalunga ou ta longo mwaaishe, Oye tuu umwe. 7 Ndele keshe tuu ota pewa ehololo lOmhepo omolwekwafo laaveshe. 8 Osho umwe ta pewa kOmhepo eendjovo dounongo, nomukwao eendjovo dokushiiva kOmhepo tuu ei; 9 umwe eitavelo omOmhepo ei, omukwao oshali yokuvelula omOmhepo tuu ei imwe; 10 umwe oshali yoilonganghono, omukwao okuxunganeka, nomukwao okutongola eemhepo; umwe omalaka e lili nae lili, naumwe okufatulula omalaka. 11 Ndelenee aishe ei otai longwa kOmhepo tuu ei imwe, ta tukulile keshe tuu shaye ngaashi ya hala.
12 Osheshi ngaashi olutu limwe ndele oli na oinhimbu ihapu, noinhimbu aishe yolutu, nande oihapu, oyo olutu limwe, osho tuu naKristus. 13 Osheshi atusheni otwa shashelwa mOmhepo imwe twa ninga olutu limwe, ngeenge Ovajuda ile Ovagreka, ovapika ile ovadalwa, atusheni otwa nwefweni mOmhepo imwe.
14 Osheshi nolutu kali fi oshinhimbu shimwe, ndelenee oihapu. 15 Omhadi ngeno tai ti: “Ame ndihe fi eke, nghi fi womolutu,” ndele oyo tuu oshinhimbu shokolutu. 16 Nokutwi ngeno ku tye: “Ame nghi fi eisho, nghi fi wokolutu,” okwokolutu. 17 Olutu alishe ngeno eisho, eudo ngeno ola kala peni? Olutu alishe ngeno eudo, efimbulo ngeno ola kala peni? 18 Ndele paife Kalunga okwa tula oinhimbu molutu, keshe tuu shimwe, ngaashi Ye mwene a hala. 19 Hano ngeno aishe oshinhimbu shimwe, olutu ngeno oli li peni? 20 Ndele paime oinhimbu nande oihapu, olutu limwe.
21 Neisho itali dulu okulombwela eke: Inandi ku pumbwa, ile omutwe keemhadi: Inandi mu pumbwa. 22 Ndelenee oinhimbu ei yolutu tu i shii oyo oingone, oyo nee twe i pumbwa unene; 23 noinhimbu oyo yolutu hatu i tale ihe nefimano, oyo hatu i djaleke nokufewa, naai twe i fya ohoni, ohatu i tuvikile shili; 24 ndele ei ihatu i fi ohoni, inai shi pumbwa. Hano Kalunga okwa pangela olutu kumwe ngaha, ndele a djaleka osho shihe nefimano, efimano linene, 25 opo molutu muha kale etukauko, oinhimbu aishe i kale hai filafana oshisho shi fike pamwe. 26 Noshinhimbu shimwe ngeenge tashi yehama, oinhimbu ikwao otai yehama pamwe nasho; ile oshinhimbu shimwe tashi fimanekwa, oinhimbu aishe otai hafe pamwe nasho.
27 Ndele onye olutu laKristus noinhimbu yaye okeshe tuu ponhele yaye mwene. 28 Ndele Kalunga okwa tula mo meongalo tete vamwe ovayapostoli, olutivali ovaxunganeki, olutitatu ovalongindjovo nokwa yandja oilonganghono, neeshali dokuvelula, nokuyakula nokupangela, nokupopya omalaka e lili. 29 Haaveshe nokuli ovayapostoli, haaveshe nokuli ovaxunganeki, haaveshe nokuli ovalongindjovo, haaveshe tava longo oilonga yeenghono? 30 Aveshe ove na tuu oshali yokuvelula? Aveshe otava popi tuu momalaka? Aveshe otava shiiva tuu okufatulula? 31 Ndelenee lalakaneneni eeshalinghenda dinene odo di dule dikwao.
Ndele handi mu ulikile vali ondjila iwa unene.
Eeshalinghenda di lili domeongalo
1 Ndelenee ovamwatate nye, mokupopya eeshali dopamhepo inandi hala mu kale muhe shi shii. 2 Omu shi shii, onye eshi mwa li ovapaani, omwa twalwa koikalunga ihai popi, muhe neanyo. 3 Onghee hano ohandi mu shiivifile, kape na ou ta popi mOmhepo yaKalunga ndele ta ti: “Jesus na fingwe,” ndele kape na ou ta dulu okutya: “Jesus Oye Omwene,” okuninga ta popifwa kOmhepo Iyapuki.
4 Eeshalinghenda odi li po di lili nadi lili, ndelenee Omhepo oyo tuu imwe aike tai di yandje; 5 nomayakulo e li po e lili noe lili, ndele Omwene Oye tuu umwe aeke ta longelwa; 6 noilonganghono oi li po i lili noi lili, ndele Kalunga ou ta longo mwaaishe, Oye tuu umwe. 7 Ndele keshe tuu ota pewa ehololo lOmhepo omolwekwafo laaveshe. 8 Osho umwe ta pewa kOmhepo eendjovo dounongo, nomukwao eendjovo dokushiiva kOmhepo tuu ei; 9 umwe eitavelo omOmhepo ei, omukwao oshali yokuvelula omOmhepo tuu ei imwe; 10 umwe oshali yoilonganghono, omukwao okuxunganeka, nomukwao okutongola eemhepo; umwe omalaka e lili nae lili, naumwe okufatulula omalaka. 11 Ndelenee aishe ei otai longwa kOmhepo tuu ei imwe, ta tukulile keshe tuu shaye ngaashi ya hala.
12 Osheshi ngaashi olutu limwe ndele oli na oinhimbu ihapu, noinhimbu aishe yolutu, nande oihapu, oyo olutu limwe, osho tuu naKristus. 13 Osheshi atusheni otwa shashelwa mOmhepo imwe twa ninga olutu limwe, ngeenge Ovajuda ile Ovagreka, ovapika ile ovadalwa, atusheni otwa nwefweni mOmhepo imwe.
14 Osheshi nolutu kali fi oshinhimbu shimwe, ndelenee oihapu. 15 Omhadi ngeno tai ti: “Ame ndihe fi eke, nghi fi womolutu,” ndele oyo tuu oshinhimbu shokolutu. 16 Nokutwi ngeno ku tye: “Ame nghi fi eisho, nghi fi wokolutu,” okwokolutu. 17 Olutu alishe ngeno eisho, eudo ngeno ola kala peni? Olutu alishe ngeno eudo, efimbulo ngeno ola kala peni? 18 Ndele paife Kalunga okwa tula oinhimbu molutu, keshe tuu shimwe, ngaashi Ye mwene a hala. 19 Hano ngeno aishe oshinhimbu shimwe, olutu ngeno oli li peni? 20 Ndele paime oinhimbu nande oihapu, olutu limwe.
21 Neisho itali dulu okulombwela eke: Inandi ku pumbwa, ile omutwe keemhadi: Inandi mu pumbwa. 22 Ndelenee oinhimbu ei yolutu tu i shii oyo oingone, oyo nee twe i pumbwa unene; 23 noinhimbu oyo yolutu hatu i tale ihe nefimano, oyo hatu i djaleke nokufewa, naai twe i fya ohoni, ohatu i tuvikile shili; 24 ndele ei ihatu i fi ohoni, inai shi pumbwa. Hano Kalunga okwa pangela olutu kumwe ngaha, ndele a djaleka osho shihe nefimano, efimano linene, 25 opo molutu muha kale etukauko, oinhimbu aishe i kale hai filafana oshisho shi fike pamwe. 26 Noshinhimbu shimwe ngeenge tashi yehama, oinhimbu ikwao otai yehama pamwe nasho; ile oshinhimbu shimwe tashi fimanekwa, oinhimbu aishe otai hafe pamwe nasho.
27 Ndele onye olutu laKristus noinhimbu yaye okeshe tuu ponhele yaye mwene. 28 Ndele Kalunga okwa tula mo meongalo tete vamwe ovayapostoli, olutivali ovaxunganeki, olutitatu ovalongindjovo nokwa yandja oilonganghono, neeshali dokuvelula, nokuyakula nokupangela, nokupopya omalaka e lili. 29 Haaveshe nokuli ovayapostoli, haaveshe nokuli ovaxunganeki, haaveshe nokuli ovalongindjovo, haaveshe tava longo oilonga yeenghono? 30 Aveshe ove na tuu oshali yokuvelula? Aveshe otava popi tuu momalaka? Aveshe otava shiiva tuu okufatulula? 31 Ndelenee lalakaneneni eeshalinghenda dinene odo di dule dikwao.
Ndele handi mu ulikile vali ondjila iwa unene.
