Eudaneko la pewa David
1 Ndele David eshi a kala mongulu yaye, David ta ti komuxunganeki Natan: “Tala, ame ohandi kala mongulu yomiti domisederi, ndelenee oshikefa shehangano lOmwene oshi li koshi yeefaila.” 2 Opo nee Natan ta ti kuDavid: “Ninga ashishe to diladila momutima woye, osheshi Kalunga oku li naave.” 3 Ndelenee oufiku tuu ou ondjovo yOmwene ye uya kuNatan ndele tai ti: 4 “Inda u ka lombwele David, omupiya wange, ‘Omwene ta ti ngaha: Haave to ka tungila nge ongulu yokukala mo. 5 Ame inandi kala mongulu nande imwe okudja efiku linya nda pitifa mo Ovaisraeli muEgipiti fiyo okefiku eli lonena, ndelenee Ame nda tembuka mofaila nofaila nokonhele nonhele. 6 Ndele keshe apa nda endaenda mokati kOvaisraeli aveshe, Ame inandi lombwela nande umwe omovana vaIsrael ava nde li pa okulifa oshiwana shange, ndi tye: “Omolwashike inamu tungila nge ongulu yomiti domisederi?” ’ 7 Onghee hano u nokulombwela omupiya wange David: ‘Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho wovanhu vange Ovaisraeli. 8 Ame nda kala pamwe naave apeshe apa wa ya, ndele nda halakanifa ovatondadi voye aveshe komesho yoye. Nohandi ke ku ningila edina linene, ngaashi edina lovanenenhu vokombada yedu; 9 ndele Ame ohandi ka longekidila oshiwana shange Israel onhele noku shi twika mo, opo shi kale monhele yasho vene ndele itashi kala vali shihe netulumuko. Novakolokoshi itave ke shi hepeka vali; 10 ngaashi shito okudja kefiku tuu linya Ame nda tula po ovatokolipangeli okupangela oshiwana shange shaIsrael, naame ohandi ke ku pa etulumuko kovatondadi voye aveshe. Ndele Omwene ote ku shiivifile nokutya Ye ote ke ku tungila eumbo. 11 Ndele omafiku oye ngeenge a pu ko, nowa fya, ndele wa pakwa kooxokulu, Ame ohandi ka lenga oludalo lomolutu loye, umwe wovamwoye ovamati, ta ningi omushikuli woye, nouhamba waye ohandi ke u pameka. 12 Ye ota ka tungila nge ongulu, nolukalwapangelo laye ohandi ke li pameka fiyo alushe. 13 Ame ohandi ka ninga xe, ndele ye ota ka ninga omumwange; nouwanghenda wange itandi u mu kufa, ngaashi nde u kufa kwaawinya e ku tetekela. 14 Ndelenee Ame ohandi ke mu kaleka ofika mongulu yange nomoshilongo shange fiyo alushe, nolukalwapangelo laye tali ka kala la pama fiyo alushe.’ ”
15 Paendjovo adishe edi nopamoniko eli, Natan okwa popya naDavid. 16 Opo nee ohamba David ya ya ndele tai kala koshipala shOmwene ndele tai ti: “Omwene Kalunga, aame omushike, nepata lange eshike, ove eshi wa fikifa nge fiyo opapa? 17 Ndelenee eshi oshinima shinini natango momesho oye, Omwene Kalunga, ove wa popya epata lomupiya woye ndele wa popya oinima yomefimbo lokomesho kokule, ndele wa ulikila nge omapupi enya okomesho. 18 Omupiya woye David ota dulu okupopya shike vali molwefimano we li mu pa? Osheshi omupiya woye ou mu shii. 19 Omwene, omolwomupiya woye nomolwomutima woye, Ove wa ninga oshinima eshi shinene, oinima aishe ei inene i shiivike. 20 Omwene, kaku na nande umwe ngaashi Ove, ndele kaku na Kalunga ponho yoye, kwaashishe twe shi uda nomatwi etu. 21 Noshiwana shilipipo kombada yedu sha fa oshiwana shaIsrael, osho sha xupifwa kuKalunga shi ninge oshiwana shaye, opo e liningila edina linene, eshi e shi ningila oinima inene noitilifa mounyuni moipafi yovanhu vaye, eshi e shi xupifa mo muEgipiti? 22 Ndele Ove we lilongekidila oshiwana Israel shi ninge oshiwana shoye fiyo alushe. Ndele Ove, Omwene, wa ninga Kalunga kavo. 23 Ondjovo oyo Omwene we i popya omupiya woye nepata laye, nai ninge yoshili fiyo alushe, ndele ninga ngaashi wa popya. 24 Heeno, nai ninge yoshili, nedina loye nali ninge linene fiyo alushe, vo opo va tye: ‘Omwene womatanga ovakwaita, Kalunga kaIsrael, Oye Kalunga kOvaisraeli.’ Nepata laDavid, omupiya woye tali kalelele koshipala shoye. 25 Osheshi Ove Kalunga kange, we shi hololela omupiya woye nokutya, to ke mu tungila ongulu. Onghee hano omupiya woye a nyatipalekwa okwiilikana koshipala shoye. 26 Ndele paife, Omwene, Oove Kalunga, ndele Ove wa udanekela omupiya woye oshinima eshi shiwa. 27 Hano nehalo loye liwa nangeka noupuna epata lomupiya woye li kale fiyo alushe koshipala shoye. Osheshi osho Ove Omwene, to shi nangeke noupuna, tashi ka kala yo sha nangekwa noupuna fiyo alushe.”
Eudaneko la pewa David
1 Ndele David eshi a kala mongulu yaye, David ta ti komuxunganeki Natan: “Tala, ame ohandi kala mongulu yomiti domisederi, ndelenee oshikefa shehangano lOmwene oshi li koshi yeefaila.” 2 Opo nee Natan ta ti kuDavid: “Ninga ashishe to diladila momutima woye, osheshi Kalunga oku li naave.” 3 Ndelenee oufiku tuu ou ondjovo yOmwene ye uya kuNatan ndele tai ti: 4 “Inda u ka lombwele David, omupiya wange, ‘Omwene ta ti ngaha: Haave to ka tungila nge ongulu yokukala mo. 5 Ame inandi kala mongulu nande imwe okudja efiku linya nda pitifa mo Ovaisraeli muEgipiti fiyo okefiku eli lonena, ndelenee Ame nda tembuka mofaila nofaila nokonhele nonhele. 6 Ndele keshe apa nda endaenda mokati kOvaisraeli aveshe, Ame inandi lombwela nande umwe omovana vaIsrael ava nde li pa okulifa oshiwana shange, ndi tye: “Omolwashike inamu tungila nge ongulu yomiti domisederi?” ’ 7 Onghee hano u nokulombwela omupiya wange David: ‘Omwene womatanga ovakwaita ta ti ngaha: Aame mwene nde ku kufa moufita wokulifa eedi, u ninge omukomesho wovanhu vange Ovaisraeli. 8 Ame nda kala pamwe naave apeshe apa wa ya, ndele nda halakanifa ovatondadi voye aveshe komesho yoye. Nohandi ke ku ningila edina linene, ngaashi edina lovanenenhu vokombada yedu; 9 ndele Ame ohandi ka longekidila oshiwana shange Israel onhele noku shi twika mo, opo shi kale monhele yasho vene ndele itashi kala vali shihe netulumuko. Novakolokoshi itave ke shi hepeka vali; 10 ngaashi shito okudja kefiku tuu linya Ame nda tula po ovatokolipangeli okupangela oshiwana shange shaIsrael, naame ohandi ke ku pa etulumuko kovatondadi voye aveshe. Ndele Omwene ote ku shiivifile nokutya Ye ote ke ku tungila eumbo. 11 Ndele omafiku oye ngeenge a pu ko, nowa fya, ndele wa pakwa kooxokulu, Ame ohandi ka lenga oludalo lomolutu loye, umwe wovamwoye ovamati, ta ningi omushikuli woye, nouhamba waye ohandi ke u pameka. 12 Ye ota ka tungila nge ongulu, nolukalwapangelo laye ohandi ke li pameka fiyo alushe. 13 Ame ohandi ka ninga xe, ndele ye ota ka ninga omumwange; nouwanghenda wange itandi u mu kufa, ngaashi nde u kufa kwaawinya e ku tetekela. 14 Ndelenee Ame ohandi ke mu kaleka ofika mongulu yange nomoshilongo shange fiyo alushe, nolukalwapangelo laye tali ka kala la pama fiyo alushe.’ ”
15 Paendjovo adishe edi nopamoniko eli, Natan okwa popya naDavid. 16 Opo nee ohamba David ya ya ndele tai kala koshipala shOmwene ndele tai ti: “Omwene Kalunga, aame omushike, nepata lange eshike, ove eshi wa fikifa nge fiyo opapa? 17 Ndelenee eshi oshinima shinini natango momesho oye, Omwene Kalunga, ove wa popya epata lomupiya woye ndele wa popya oinima yomefimbo lokomesho kokule, ndele wa ulikila nge omapupi enya okomesho. 18 Omupiya woye David ota dulu okupopya shike vali molwefimano we li mu pa? Osheshi omupiya woye ou mu shii. 19 Omwene, omolwomupiya woye nomolwomutima woye, Ove wa ninga oshinima eshi shinene, oinima aishe ei inene i shiivike. 20 Omwene, kaku na nande umwe ngaashi Ove, ndele kaku na Kalunga ponho yoye, kwaashishe twe shi uda nomatwi etu. 21 Noshiwana shilipipo kombada yedu sha fa oshiwana shaIsrael, osho sha xupifwa kuKalunga shi ninge oshiwana shaye, opo e liningila edina linene, eshi e shi ningila oinima inene noitilifa mounyuni moipafi yovanhu vaye, eshi e shi xupifa mo muEgipiti? 22 Ndele Ove we lilongekidila oshiwana Israel shi ninge oshiwana shoye fiyo alushe. Ndele Ove, Omwene, wa ninga Kalunga kavo. 23 Ondjovo oyo Omwene we i popya omupiya woye nepata laye, nai ninge yoshili fiyo alushe, ndele ninga ngaashi wa popya. 24 Heeno, nai ninge yoshili, nedina loye nali ninge linene fiyo alushe, vo opo va tye: ‘Omwene womatanga ovakwaita, Kalunga kaIsrael, Oye Kalunga kOvaisraeli.’ Nepata laDavid, omupiya woye tali kalelele koshipala shoye. 25 Osheshi Ove Kalunga kange, we shi hololela omupiya woye nokutya, to ke mu tungila ongulu. Onghee hano omupiya woye a nyatipalekwa okwiilikana koshipala shoye. 26 Ndele paife, Omwene, Oove Kalunga, ndele Ove wa udanekela omupiya woye oshinima eshi shiwa. 27 Hano nehalo loye liwa nangeka noupuna epata lomupiya woye li kale fiyo alushe koshipala shoye. Osheshi osho Ove Omwene, to shi nangeke noupuna, tashi ka kala yo sha nangekwa noupuna fiyo alushe.”
