Ovitjitwa vya David mOjerusalem
(2Sam 5:11-16)1 Hiram, ombara ya Tirus, wa tuma ovahindwa ku David ne mu hindire omiti vyotupapa novatunge womawe novahonge vomiti kutja ve katungire David ondjuwo youhona. 2 David otja tjiwa kutja Muhona we mu zika okurira ombara ya Israel, nokutja wa tongamisa ouhona we mena rotjiwaṋa tje Israel.
3 David wa kupire ovakazendu varwe ovengi mOjerusalem nu wa kwata ovazandu novakazona ovengi. 4 Omana wovanatje ve, mba kwatera mOjerusalem, owo nga: OoShamua na Sobab na Natan na Salomo, 5 na Jibhar na Elisua na Elpelet, 6 na Noga na Nefeg na Jafia, 7 na Elisama na Beeljada na Elifelet.
David ma havere Ovafilisti
(2Sam 5:17-25)8 Ovafilisti tji va zuva kutja David wa zikwa a rire ombara yehi arihe ra Israel, otjimbumba tjawo otji tja ya okukemukambura. Komuhingo mbwi David otja pita okukevetjakanena. 9 Ovafilisti va vaza kOrutjandja rwa Refaim nave utu okuhuura. 10 David wa pura Ndjambi a tja: “Hi karwise Ovafilisti? Mo ve yandja meke randje?”
Nu Muhona wa zira nai: “Ii, karwise Ovafilisti, meve yandja meke roye!”
11 David otje ve rwisira mObaal-Perasim ne ve havere. Eye wa tja nai: “Ndjambi we ndji pa omasa kutja mbi taurire mokati kotjimbumba tjovarwe tjimuna omupupo.” Poṋa mbo opu pa rukirwa Baal-Perasim. 12 Ovafilisti tji va taura va isa oviserekarera vyovisenginina vyawo mbo; nu David wa rakiza kutja vi ningiririsiwe.
13 Mokamanga Ovafilisti va yaruka korutjandja nave kauta okupunda oviṋa rukwao. 14 David wa kapura Ndjambi rukwao, nu Muhona wa zira a tja: “O ve rwisa okuzamba, nungwari kondoroka, u keverwisire munda mbwina, popezu nehwa romiti omivawa. 15 Tji wa zuu ombosiro kozondomba zomiti, hakahana okuverwisa, ami tjinga ame ku hongorere kutja u havere otjimbumba tjOvafilisti tjovita.” 16 David wa tjita otja Ndjambi pe mu rakizire na ramba Ovafilisti okuza kOgibeon nga kOgeser. 17 Ondangu ya David ya zuvaka akuhe, nu Muhona wa tjita kutja oviwaṋa avihe vi mu tire.
David's Activities in Jerusalem
(2 Samuel 5.11-16)1 King Hiram of Tyre sent a trade mission to David; he provided him with cedar logs and with stonemasons and carpenters to build a palace. 2 And so David realized that the Lord had established him as king of Israel and was making his kingdom prosperous for the sake of his people.
3 There in Jerusalem, David married more wives and had more sons and daughters. 4 The following children were born to him in Jerusalem: Shammua, Shobab, Nathan, Solomon, 5 Ibhar, Elishua, Elpelet, 6 Nogah, Nepheg, Japhia, 7 Elishama, Beeliada, and Eliphelet.
Victory over the Philistines
(2 Samuel 5.17-25)8 When the Philistines heard that David had now been made king over the whole country of Israel, their army went out to capture him. So David marched out to meet them. 9 The Philistines arrived at Rephaim Valley and began plundering. 10 David asked God, “Shall I attack the Philistines? Will you give me the victory?”
The Lord answered, “Yes, attack! I will give you the victory!”
11 So David attacked them at Baal Perazim and defeated them. He said, “God has used me to break through the enemy army like a flood.” So that place is called Baal Perazim. 12 When the Philistines fled, they left their idols behind, and David gave orders for them to be burned.
13 Soon the Philistines returned to the valley and started plundering it again. 14 Once more David consulted God, who answered, “Don't attack them from here, but go around and get ready to attack them from the other side, near the balsam trees. 15 When you hear the sound of marching in the treetops, then attack, because I will be marching ahead of you to defeat the Philistine army.” 16 David did what God had commanded, and so he drove the Philistines back from Gibeon all the way to Gezer. 17 David's fame spread everywhere, and the Lord made every nation afraid of him.
