Jotam ma rire ombara mOjuda
(2Ozo 15:32-38)1 Jotam wa rira ombara, tja ri nozombura omirongo vivari nandano; neye wa honapara mOjerusalem oure wozombura omurongo na hamboumwe. Ina wa ri Jerusa, omusuko wa Sadok. 2 Eye wa tjita imbi mbyaa vi tjata ku Muhona tjimuna ihe Usija tja tjitire, nungwari kee rikotamenene mondjuwo ya Muhona. Nungwari otjiwaṋa tja kaenda komurungu okutjita ouvi.
3 Jotam ongwa ungura Omuvero wOkombanda wondjuwo ya Muhona, na ungura oviungura ovingi korumbo rwotjihuro Jerusalem ndu isanewa kutja Ofel. 4 Eye wa tunga ovihuro mozondundu za Juda, noviṱunga notuhungu movihwa wina. 5 Jotam wa tjita ovita kuna ombara yOvaamoni notjimbumba tjayo tjovita, e ve havere na ṋiṋikiza kutja Ovaamoni ve mu sute otjisuta tjouhona oure wozombura ndatu, okutja osilveri yondjinda yozokirograma mangara 3 400, novirya vyondjinda yozokirograma omangete omengi tjinene, novikokotwa vyondjinda ndji ṱeki mbo wina. 6 Jotam wa rira omunamasa, tjinga a kara aruhe nonḓuviro ku Muhona, Ndjambi we. 7 Ovitjitwa avihe vyokuhonapara kwa Jotam, ovita vye nozondyero ze, avihe mbi vya tjangwa mEkuruhungi rOzombara za Israel noza Juda. 8 Jotam wa ri nozombura omirongo vivari nandano tja rira ombara; neye wa honapara mOjerusalem oure wozombura omurongo na hamboumwe. 9 Eye wa koka na pakwa mOtjihuro tja David. Nomuzandu we Ahas we mu pingena okurira ombara.
King Jotham of Judah
(2 Kings 15.32-38)1 Jotham became king at the age of twenty-five, and he ruled in Jerusalem for sixteen years. His mother was Jerushah, the daughter of Zadok. 2 He did what was pleasing to the Lord, just as his father had done; but unlike his father he did not sin by burning incense in the Temple. The people, however, went on sinning.
3 It was Jotham who built the North Gate of the Temple and did extensive work on the city wall in the area of Jerusalem called Ophel. 4 In the mountains of Judah he built cities, and in the forests he built forts and towers. 5 He fought against the king of Ammon and his army and defeated them. Then he forced the Ammonites to pay him the following tribute each year for three years: four tons of silver, fifty thousand bushels of wheat, and fifty thousand bushels of barley. 6 Jotham grew powerful because he faithfully obeyed the Lord his God. 7 The other events of Jotham's reign, his wars, and his policies, are all recorded in The History of the Kings of Israel and Judah. 8 Jotham was twenty-five years old when he became king, and he ruled in Jerusalem for sixteen years. 9 He died and was buried in David's City and his son Ahaz succeeded him as king.
