Orusuvero rwa Ndjambi
Epsalme ra David.
1 Tanga Muhona, muinyo wandje,
atjihe tji tji ri moukoto wandje
ngatji tange ena re eyapuke!
2 Tanga Muhona, muinyo wandje,
nu o zembi oviungura vye avihe oviwa!
3 Eye ongu ma isire omauvi wandje aehe,
nu ongu ma verukisa
omitjise vyandje avihe.
4 Eye ongu me ndji yama konḓiro,
nu ongu me ndji zareke oruzenga
rworusuvero notjari.
5 Nongu me ndji kovisa noviṋa ovingi oviwa,
nu ongu me ndji pe omasa
woumutanda otja owonguvi.
6 Muhona u tjita ousemba
nombanguriro youatjiri ku avehe
mbe tatumisiwa.
7 Eye wa tjivisa ouripura we ku Moses,
noviungura vye ovihimise kOvaisrael.
8 Muhona u nomutima omuwa notjari,
u nomuretima norusuvero orukarerere.
9 Eye kamaa kara pokutuverera
omauvi wetu,
nu kamaa panḓere pomazenge we aruhe.
10 Ke nakutuvera otja komauvi wetu,
nu ke nakutusutisira ozongatukiro zetu.
11 Otja eyuru punga ara kaseka kombanda yehi,
orusuvero rwe opunga aru ri
orunene ku imba mbe mu yozika.
12 Otja komukuma wokomuhuka punga
au ri kokure na imbwi wokongurova,
opunga ama humburura ozongatukiro
zetu kokure na eṱe.
13 Otja ihe punga e ṱotjari novanatje ve,
Muhona opunga e ṱotjari
na imba mbe mu yozika.
14 Eye u tjiwa kutja eṱe twa ungurwa pu tjike,
nu u zemburuka kutja oweṱe oruuma.
15 Omayuva womuinyo womundu
ye ri otja ehozu,
ye nyomoka otja ongara yokuti;
16 ombepo tji ya hingi kombanda yayo,
oyo tjandje kai tji po,
kape na ngu me i munu rukwao.
17 Nungwari orusuvero rwa Muhona
orwo orukarerere ku imba mbe mu yozika;
nouṱakame we u karerera
okuza komuhoko nga komuhoko
18 ku imba mbe ṱakamisa omerikutiropamwe we
nu mbe yenenisa omaraerero we nouṱakame.
19 Muhona wa zika otjihavero tje
tjouhona meyuru nu eye u honapara
kombanda yaavihe novandu avehe.
20 Tangeye Muhona, oweṋe vaengeri
ovanamasa, mbu mu kara nonḓuviro
komarakiza we, nu mbu mu puratena
ku imbi eye mbi ma hungire.
21 Tangeye Muhona,
oweṋe vimbumba vyeyuru amuhe,
mbu mu mu karera nokuyenenisa ombango ye!
22 Tangeye Muhona,
oweṋe viutwa vye amuhe,
koṋa akuhe ku ku nouhona we.
Tanga Muhona, muinyo wandje!
The Love of God
1 Praise the Lord, my soul!
All my being, praise his holy name!
2 Praise the Lord, my soul,
and do not forget how kind he is.
3 He forgives all my sins
and heals all my diseases.
4 He keeps me from the grave
and blesses me with love and mercy.
5 He fills my life with good things,
so that I stay young and strong like an eagle.
6 The Lord judges in favor of the oppressed
and gives them their rights.
7 He revealed his plans to Moses
and let the people of Israel see his mighty deeds.
8 The Lord is merciful and loving,
slow to become angry and full of constant love.
9 He does not keep on rebuking;
he is not angry forever.
10 He does not punish us as we deserve
or repay us according to our sins and wrongs.
11 As high as the sky is above the earth,
so great is his love for those who honor him.
12 As far as the east is from the west,
so far does he remove our sins from us.
13 As a father is kind to his children,
so the Lord is kind to those who honor him.
14 He knows what we are made of;
he remembers that we are dust.
15 As for us, our life is like grass.
We grow and flourish like a wild flower;
16 then the wind blows on it, and it is gone—
no one sees it again.
17 But for those who honor the Lord, his love lasts forever,
and his goodness endures for all generations
18 of those who are true to his covenant
and who faithfully obey his commands.
19 The Lord placed his throne in heaven;
he is king over all.
20 Praise the Lord, you strong and mighty angels,
who obey his commands,
who listen to what he says.
21 Praise the Lord, all you heavenly powers,
you servants of his, who do his will!
22 Praise the Lord, all his creatures
in all the places he rules.
Praise the Lord, my soul!
