Okukara nomuinyo puna Kristus
1 Nu tjinga amwa pendurwa pamwe na Kristus, otjinga amamu sokupaha imbi vyokombanda ku ku na Kristus ngu ri pehi kokunene kwa Ndjambi. 2 Zemburukeye imbi vyokombanda, nu a ha rire imbi vyokombanda yehi. 3 Orondu eṋe mwa ṱa, nominyo vyeṋu vya horekwa pamwe na Kristus mu Ndjambi. 4 Nu Kristus ngu ri omuinyo weṋu, eye tje ya eṋe wina mamu kara puna ye amu norupa mondjozikiro ye!
Ongarero onguru nombe
5 Nungwari nambano mamu sokukoza ozonḓuma zouye nḓe ri mu eṋe; okutja ombakirasaneno, ouhakohoke, omananukiro wonyama, ozonḓuma ozombi, omunenetima (omunenetima owo omerikotameneno kovisenginina). 6 Motjimbe tjoviṋa mbi omazenge wa Ndjambi maye ya kombanda ya imba mbe hi nanḓuviro ku ye. 7 Eṋe wina rukuru iyamu tjiti nao, tjiyamu ryanga mongarero yozonḓuma zeṋu.
8 Nungwari nambano tweye pehi oviṋa avihe mbi: Omazenge nomapindi nonyengo nomayambururiro. Nu ngaamu piti omambo wouhahu movinyo vyeṋu. 9 Amu wovisasana, tjinga amwa hukura omundu ingwi omukuru novikaro vye, 10 namu zara omundu omupe. Ndjambi, Omuute we, we mu yarura koupe otja kosaneno ye kutja a yenenise ombango ye. 11 Komuhingo mbwi otji pe hi nokukara ombangu pokati kOmujuda na ngu he ri Omujuda, pokati komusukarekwa nomuhasukarekwa, pokati komuhoko umwe novandu wozonganda mbe hiye ya koundu, na pokati komukarere nomundu omukutuke. Nungwari Kristus eye avihe, nu Kristus u ri mu avehe.
12 Oweṋe otjiwaṋa tja Ndjambi otjitoororwa, neye we mu suvera. Otji mamu sokukara notjari nounyaṋutima nomerisusuparisiro noupore nomuretima. 13 Tjindasaneye nu mu isirasane umwe tje nouzeu nomukwao. Nu mamu sokuisirasana otja Muhona punga e mu isira. 14 Nu kombanda yaimbi avihe suverasaneye. Orusuvero ondu ri otjiwaneke tji tji mu kuta kumwe okuura. 15 Ohange Kristus ndje yandja ngai honapare mongaro yeṋu. Nu mohange ndji Ndjambi we mu isana kutja mu kare otja ouṋepo worutu rumwe. Nopu mamu sokumutjera okuhepa! 16 Ombuze ya Kristus ngai kare mu eṋe okutakavara. Hongasaneye nokurongasana nounongo auhe. Imbureye omapsalme nomaimburiro nomatangero omayapuke; imburireye Ndjambi nondangero momitima vyeṋu. 17 Natjihe tji mamu tjiti nangarire okuhungira, nangarire okuungura, tji tjiteye atjihe mena ra Muhona Jesus Kristus amamu tja okuhepa ku Ndjambi Ihe okupitira mu ye.
Okukarasana nawa mongaro ombe
18 Mukazendu, riwisa kehi yomurumendu woye, otja omukambure mu Muhona tji ma sokutjita.
19 Murumendu, suvera omukazendu woye, nu o kara nombeze ku ye.
20 Vanatje, kareye nonḓuviro kovanene veṋu mu avihe, orondu tjinga ape tjata ku Muhona.
21 Vanene, amu handjisa ovanatje veṋu, tjapo ngaave mumapara.
22 Vakarere, kareye nonḓuviro kovahona veṋu wokombanda yehi. Amu ungurire kutja owo ve mu mune, nokutja eṋe mu ritjatise ku wo, nungwari ungureye nomutima omusemba mena rondira ku Muhona. 23 Natjihe tji mamu ungura, ungureye nomitima vyeṋu avihe aayo mamu ungurire Muhona nu kamu nakuungurira ovandu. 24 Zemburukeye kutja Muhona me mu pe otja omasutiro imbi mbya kwizikira otjiwaṋa tje. Kristus onguri Muhona tjiri ngu mu sokukarera. 25 Omutjite auhe wouhasemba ma vererwa ouhasemba mbwa tjita, Ndjambi tjinga e pangura omundu nokuhinandoorora.
1 You have been raised to life with Christ, so set your hearts on the things that are in heaven, where Christ sits on his throne at the right side of God. 2 Keep your minds fixed on things there, not on things here on earth. 3 For you have died, and your life is hidden with Christ in God. 4 Your real life is Christ and when he appears, then you too will appear with him and share his glory!
The Old Life and the New
5 You must put to death, then, the earthly desires at work in you, such as sexual immorality, indecency, lust, evil passions, and greed (for greed is a form of idolatry). 6 Because of such things God's anger will come upon those who do not obey him. 7 At one time you yourselves used to live according to such desires, when your life was dominated by them.
8 But now you must get rid of all these things: anger, passion, and hateful feelings. No insults or obscene talk must ever come from your lips. 9 Do not lie to one another, for you have put off the old self with its habits 10 and have put on the new self. This is the new being which God, its Creator, is constantly renewing in his own image, in order to bring you to a full knowledge of himself. 11 As a result, there is no longer any distinction between Gentiles and Jews, circumcised and uncircumcised, barbarians, savages, slaves, and free, but Christ is all, Christ is in all.
12 You are the people of God; he loved you and chose you for his own. So then, you must clothe yourselves with compassion, kindness, humility, gentleness, and patience. 13 Be tolerant with one another and forgive one another whenever any of you has a complaint against someone else. You must forgive one another just as the Lord has forgiven you. 14 And to all these qualities add love, which binds all things together in perfect unity. 15 The peace that Christ gives is to guide you in the decisions you make; for it is to this peace that God has called you together in the one body. And be thankful. 16 Christ's message in all its richness must live in your hearts. Teach and instruct one another with all wisdom. Sing psalms, hymns, and sacred songs; sing to God with thanksgiving in your hearts. 17 Everything you do or say, then, should be done in the name of the Lord Jesus, as you give thanks through him to God the Father.
Personal Relations in the New Life
18 Wives, submit yourselves to your husbands, for that is what you should do as Christians.
19 Husbands, love your wives and do not be harsh with them.
20 Children, it is your Christian duty to obey your parents always, for that is what pleases God.
21 Parents, do not irritate your children, or they will become discouraged.
22 Slaves, obey your human masters in all things, not only when they are watching you because you want to gain their approval; but do it with a sincere heart because of your reverence for the Lord. 23 Whatever you do, work at it with all your heart, as though you were working for the Lord and not for people. 24 Remember that the Lord will give you as a reward what he has kept for his people. For Christ is the real Master you serve. 25 And all wrongdoers will be repaid for the wrong things they do, because God judges everyone by the same standard.
