Ingwi omundu Omurunde
1 Nambano me vanga okuhungira ohunga nomakotokero wa Muhona wetu Jesus Kristus nomaworonganeno wetu wokukara puna ye: Ami me riyarikaṋa ku eṋe, vakwetu 2 kutja amu ha kurakurisiwa tjimanga momeripuriro weṋu poo amu ha rundururwa momeripura weṋu i omahungi wovandu wokutja Eyuva ra Muhona re ya. Amu kambura ko nangarire kutja mamu raerwa, kutja omomaprofetero poo kutja omomazuvarisiro poo kutja omurutuu eṱe ndu twa tjanga. 3 Amu wovisiwa i omundu momuhingo kangamwa auhe. Eyuva ra Muhona kamaari ya, ovandu ovengi ngunda ave hiya poka ku Ndjambi nu ingwi umwe Omurunde ngwa ṱuninwa otjovasengwa ngunda e hiye ya. 4 Eye ma pirukire ngamwa atjihe tji ku za oNdjambi poo tji tja yozikwa otja otjiyapuke nu e ritongamisa kombanda yaimbi avihe. Eye ma kakara pehi nangarire mondjuwo ya Ndjambi ne keritja oNdjambi.
5 Kamu nakuzemburuka are? Ami mbe mu raera oviṋa mbi avihe indu tji mba ri pu eṋe. 6 Nungwari eṋe mamu tjiwa ihi tji matji tjaere kutja oviṋa mbi avi ha tjitwa nambano. Nu moruveze rwe orusemba ingwi Omurunde otji meya. 7 Omasa wourunde yauta rukuru okuungura mongumumu. Nomasa nga ma e ungura mongumumu nga ingwi ngu ye tjaera tja isiwa mo mondjira. 8 Nu ingwi Omurunde meya; nungwari Muhona Jesus tje ya, eye me mu zepa nosuvaneno yotjinyo tje ne mu nyono nongeṋangeṋeno yomeero we. 9 Nu ingwi Omurunde ma tukuruka momasa wa Satan, nu ma tjiti ovirasiro pekepeke novihimise ngamwa avihe, 10 nu ma wovisa imba mbu mave pandjara nomapukisiro ngamwa aehe omahasemba. Owo mave pandjara tjinga ave ha suverere ouatjiri nave he u yakuririre ondjamo yawo. 11 Ndjambi opa zokuhinda omasa womapukisiro, ye ungure mu wo kokutja owo ve kambure movizeze. 12 Komuhingo mbwi imba avehe mbe ha kamburire mouatjiri, nungwari mba ri norutjato mouvi, otji mave pangurwa.
Eṋe mwa toororerwa okuyamwa
13 Vakwetu, eṱe matu sokumutjera okuhepa aruhe ku Ndjambi. Muhona we mu suvera, nu Ndjambi we mu toororera okurira ovatenga mbu mamu yamwa. Eṋe mwa yamwa i omasa wOmbepo kutja mu rire otjiwaṋa otjiyapuke tja Ndjambi, nu wina mwa yamenwa mokukambura mouatjiri. 14 Ndjambi we mu isanena oviṋa mbi mOmbuze Ombwa, ndji twe mu zuvarisira, kokutja mu kare norupa mondjozikiro ya Muhona wetu Jesus Kristus. 15 Nu nambano, vakwetu, otji mamu sokuzikama nokuṱakamisa omauatjiri ngu twe mu honga momazuvarisiro wetu na morutuu rwetu.
16 Muhona wetu Jesus Kristus omuini na Ndjambi Tate ngwe tu suvera motjari tje nu ngu tu yanḓiparisa nokuhaisa, nu ngu tu pa omaundjiro omazikame, 17 nge mu yanḓiparise nu e mu zeuparise kutja aruhe mu tjite nu mu hungire imbi mbi ri oviwa.
The Wicked One
1 Concerning the coming of our Lord Jesus Christ and our being gathered together to be with him: I beg you, my friends, 2 not to be so easily confused in your thinking or upset by the claim that the Day of the Lord has come. Perhaps it is thought that we said this while prophesying or preaching, or that we wrote it in a letter. 3 Do not let anyone deceive you in any way. For the Day will not come until the final Rebellion takes place and the Wicked One appears, who is destined to hell. 4 He will oppose every so-called god or object of worship and will put himself above them all. He will even go in and sit down in God's Temple and claim to be God.
5 Don't you remember? I told you all this while I was with you. 6 Yet there is something that keeps this from happening now, and you know what it is. At the proper time, then, the Wicked One will appear. 7 The Mysterious Wickedness is already at work, but what is going to happen will not happen until the one who holds it back is taken out of the way. 8 Then the Wicked One will be revealed, but when the Lord Jesus comes, he will kill him with the breath from his mouth and destroy him with his dazzling presence. 9 The Wicked One will come with the power of Satan and perform all kinds of false miracles and wonders, 10 and use every kind of wicked deceit on those who will perish. They will perish because they did not welcome and love the truth so as to be saved. 11 And so God sends the power of error to work in them so that they believe what is false. 12 The result is that all who have not believed the truth, but have taken pleasure in sin, will be condemned.
You Are Chosen for Salvation
13 We must thank God at all times for you, friends, you whom the Lord loves. For God chose you as the first to be saved by the Spirit's power to make you his holy people and by your faith in the truth. 14 God called you to this through the Good News we preached to you; he called you to possess your share of the glory of our Lord Jesus Christ. 15 So then, our friends, stand firm and hold on to those truths which we taught you, both in our preaching and in our letter.
16 May our Lord Jesus Christ himself and God our Father, who loved us and in his grace gave us unfailing courage and a firm hope, 17 encourage you and strengthen you to always do and say what is good.
