Ohange puna Ndjambi
1 Ndjambi nambano we tu vara otja ovasemba mena rongamburiro yetu. Nambano otji pe nohange pokati ketu na Ndjambi mu Muhona wetu Jesus Kristus. 2 Nu mena rongamburiro mu Kristus, eye we tu yeta kotjari tja Ndjambi nambano mu tu ri. Opu matu zu okurihivira omaundjiro wokutja tu norupa mondjozikiro ya Ndjambi. 3 Wina matu rihivire omauzeu wetu, tjinga amatu tjiwa kutja ye ungura onḓaro orure, 4 nonḓaro orure i ungura ongamburiro yatjiri, nongamburiro yatjiri i ungura omaundjiro; 5 nomaundjiro kaye yandja ohoṋi, Ndjambi tjinga a tirira orusuvero rwe momitima vyetu mOmbepo Ondjapuke eye ndje tu pa.
6 Nu ngunda atwa ri ovingundi, Kristus wa ṱira ovarunde moruveze Ndjambi ndwa twire po. 7 Ouzeu tjinene komundu okuṱira omundu omusemba mokuṱakamisa oveta. Nungwari mape ya ape kara omundu rumwe ngu ma kara nouvanḓe wokuṱira omundu womutima omuwa. 8 Nungwari Ndjambi we tu raisira kutja we tu suvera, indu Kristus tje tu ṱira ngunda atu ri ovarunde! 9 Nu tjinga atwa varwa otja ovasemba komurungu wa Ndjambi mena ronḓiro ye yohanganisiro, wina, tjiri, otjinga amatu yamwa tjinene komeho i ye komazenge wa Ndjambi. 10 Eṱe twa ri ovanavita na Ndjambi, nungwari we tu hanganisa na ye omuini mena ronḓiro yOmuna we. Nambano tjinga atwa hanganisiwa na Ndjambi, tjiri, matu yamwa tjinene komeho i omuinyo wa Kristus. 11 Nu kapo mbo porwapo, nungwari eṱe tu yorokera imbi Ndjambi mbya tjita mu Muhona wetu Jesus Kristus, nambano ngwe tu hanganisa na Ndjambi.
Adam na Kristus
12 Ourunde wa zira momundu umwe nau ya mouye, nonḓiro ai zu mourunde. Komuhingo mbwi onḓiro otji ya tuurunga movandu avehe, owo avehe tjinga ava tjita ourunde. 13 Nourunde wa ri mouye Omatwako wa Moses ngunda aye hiya yandjwa, nowo kau munika tji pe hi nomatwako. 14 Nungwari okuza ku Adam nga ku Moses onḓiro ya honaparera ovandu avehe, nangarire imba mbe ha tjitire ourunde momuhingo tjingewo mbwi Adam ma tjitire, indu tje ha ri nonḓuviro komarakiza wa Ndjambi.
Adam wa ri otjisanekero tja ingwi ngwa sere okuya. 15 Nungwari owo aveyevari mba kave sanene, orondu otjiyandjewa tja Ndjambi katji ṱeki pourunde wa Adam. Ouatjiri kutja ovandu ovengi va ṱa motjimbe tjourunde womundu umwe ngo. Nungwari otjari tja Ndjambi notjiyandjewa tji tja yandjwa kovandu ovengi mena rotjari tja ingwi Umwe Jesus Kristus, ovyo ovinene tjinene. 16 Otjiyandjewa tja Ndjambi katji ri otja ourunde womundu ngwi umwe. Nomundu umwe ngwi tja za nokukatuka, ombanguriro yomakatukiro otji ye ya, nungwari ozongatukiro ozengi tji za za nokutjitwa, otjiyandjewa tjondjesiro otji tje ya natji eta omasembamisiro. 17 Motjimbe tjomakatukiro womundu umwe ngwi onḓiro ya uta okuhonapara mena romundu umwe ngwi. Nungwari mena ra ingwi Umwe Jesus Kristus pe novingi tjinene komeho mbya tjitwa: Ovandu avehe mba mba pewa otjari tja Ndjambi okuura nu mba muna omasembamisiro otja otjiyandjewa mave honapara momuinyo mbu za mu Kristus.
18 Notja omakatukiro yemwe nga punga aya eta omberero kovandu avehe, ondjito imwe yonḓuviro opunga aya eta onguturiro nomuinyo kovandu avehe. 19 Ovandu avehe otja punga ava rira ovarunde motjimbe tjokuhazuva kwomundu umwe, owo avehe wina opunga amave varwa otja ovasemba komurungu wa Ndjambi motjimbe tjonḓuviro yOmundu umwe ngwi.
20 Inga Omatwako wa Moses ya wezirwa ko kokutja omakatukiro ye takavarere ko; nungwari ourunde punga awa takavarera ko, otjari tja Ndjambi opunga atja takavarera ko tjinene komeho. 21 Nokutja ourunde punga awa honapara motjimbe tjonḓiro, otjari tja Ndjambi wina opunga atja honapara motjimbe tjomausemba, notjo tje tu twara komuinyo waaruhe mu Jesus Kristus, oMuhona wetu.
Right with God
1 Now that we have been put right with God through faith, we have peace with God through our Lord Jesus Christ. 2 He has brought us by faith into this experience of God's grace, in which we now live. And so we boast of the hope we have of sharing God's glory! 3 We also boast of our troubles, because we know that trouble produces endurance, 4 endurance brings God's approval, and his approval creates hope. 5 This hope does not disappoint us, for God has poured out his love into our hearts by means of the Holy Spirit, who is God's gift to us.
6 For when we were still helpless, Christ died for the wicked at the time that God chose. 7 It is a difficult thing for someone to die for a righteous person. It may even be that someone might dare to die for a good person. 8 But God has shown us how much he loves us—it was while we were still sinners that Christ died for us! 9 By his blood we are now put right with God; how much more, then, will we be saved by him from God's anger! 10 We were God's enemies, but he made us his friends through the death of his Son. Now that we are God's friends, how much more will we be saved by Christ's life! 11 But that is not all; we rejoice because of what God has done through our Lord Jesus Christ, who has now made us God's friends.
Adam and Christ
12 Sin came into the world through one man, and his sin brought death with it. As a result, death has spread to the whole human race because everyone has sinned. 13 There was sin in the world before the Law was given; but where there is no law, no account is kept of sins. 14 But from the time of Adam to the time of Moses, death ruled over all human beings, even over those who did not sin in the same way that Adam did when he disobeyed God's command.
Adam was a figure of the one who was to come. 15 But the two are not the same, because God's free gift is not like Adam's sin. It is true that many people died because of the sin of that one man. But God's grace is much greater, and so is his free gift to so many people through the grace of the one man, Jesus Christ. 16 And there is a difference between God's gift and the sin of one man. After the one sin, came the judgment of “Guilty”; but after so many sins, comes the undeserved gift of “Not guilty!” 17 It is true that through the sin of one man death began to rule because of that one man. But how much greater is the result of what was done by the one man, Jesus Christ! All who receive God's abundant grace and are freely put right with him will rule in life through Christ.
18 So then, as the one sin condemned all people, in the same way the one righteous act sets all people free and gives them life. 19 And just as all people were made sinners as the result of the disobedience of one man, in the same way they will all be put right with God as the result of the obedience of the one man.
20 Law was introduced in order to increase wrongdoing; but where sin increased, God's grace increased much more. 21 So then, just as sin ruled by means of death, so also God's grace rules by means of righteousness, leading us to eternal life through Jesus Christ our Lord.
