Ndjambi eye omutoṋe
Komuimburise wotjiketara. Epsalme ra Asaf. Eimburiro.
1 Ndjambi u tjiukwa mOjuda;
ena re enene mOisrael.
2 Onganda ye i ri mOjerusalem;
eye u tura kondundu Sion.
3 Koṋa ngo eye wa teya oviku vyovanavita,
notuvao nomangaruvyo wawo, ii,
imbi ovirwise vyawo avihe.
4 Oove omunene, tjiri, Ndjambi!
Oove omunene, tjiri, tji mo
kotoka okuza kozondundu ku wa
kahaverera ovanavita na ove.
5 Ovarwe vawo wovita omapenda
va huurwa avihe mbi va ri na vyo.
Nambano owo va rara okukoka;
Omasa nondjiviro yawo yari oviṋa uriri.
6 Ove tji we ve tirisa, Ndjambi wa Jakob,
oukambe novakavire vawo otji va wa okukoka.
7 Nungwari ove, Muhona, oove omutirise.
Kape nomundu ngu ma sora
okukurama komurungu woye,
ove tji wa ṱomazenge.
8 Ove wa tjivisa ombanguriro yoye
okuza meyuru;
ouye wa tira nu au mwina,
9 indu tji wa sekama okupangura
kutja u yame imba avehe
mbe ṋiṋikiziwa kombanda yehi.
10 Ovandu ovindandi wina mave sokukutanga,
nu imba mba hupa movita,
mave ku tjitire omikandi.
11 Tjiteye omakwizikiro nu mu ye
yenenisire Muhona, Ndjambi weṋu;
mu etereye oviyandjewa viwaṋa amuhe,
mbu mwa tura omikuma avihe.
Ndjambi eye omutiriwa i ovandu avehe;
12 eye u susuparisa omeritongamisiro wovahona,
nu u urumisa ozombara zouye.
God the Victor
1 God is known in Judah;
his name is honored in Israel.
2 He has his home in Jerusalem;
he lives on Mount Zion.
3 There he broke the arrows of the enemy,
their shields and swords, yes, all their weapons.
4 How glorious you are, O God!
How majestic, as you return from the mountains
where you defeated your foes.
5 Their brave soldiers have been stripped of all they had
and now are sleeping the sleep of death;
all their strength and skill was useless.
6 When you threatened them, O God of Jacob,
the horses and their riders fell dead.
7 But you, Lord, are feared by all.
No one can stand in your presence
when you are angry.
8 You made your judgment known from heaven;
the world was afraid and kept silent,
9 when you rose up to pronounce judgment,
to save all the oppressed on earth.
10 Human anger only results in more praise for you;
those who survive the wars will keep your festivals.
11 Give the Lord your God what you promised him;
bring gifts to him, all you nearby nations.
God makes everyone fear him;
12 he humbles proud princes
and terrifies great kings.
