Ongumbiro yokupewa ousemba
Eimburiro roruhoze ra David, nda imburira Muhona ohunga na Kus Omubenjamin.
1 Muhona, Ndjambi wandje,
oove ngu uri omaundiro wandje;
ndji yama nu u ndji kuture kovendjitjere,
2 tjapo owo mave ndji twara otja ongeyama,
nave kendjinyondororera
poṋa pu pe hi nomundjiyame.
3-4 Muhona, Ndjambi wandje,
tjinangara mba tjita ouvi komundu,
nu tjinangara mba hihamisa omukwetu,
poo mba ṱotjari nomundu
ngwe ndji tjita ouvi mouhasemba,
tjinangara mba tjita oviṋa mbi avihe,
5 ovanavita na ami ngave
ndji rambe nu ve ndji kambure,
ngave ndji tombere mehi,
nu ve ndji ese moruuma amba koka!
6 Sekama momazenge woye, Muhona!
Sekamena omapindi wovanavita na ami.
Sekama, Ndjambi wandje, u ndji vatere,
ove u vanga kutja ousemba u yenenisiwe.
7 Woronganisira oviwaṋa avihe pove,
nu vi honaparera okuza kombanda.
8 Oove omupangure woviwaṋa avihe.
Ndji pangura, Muhona,
otja kousemba wandje;
Ove mo tjiwa kutja owami omuhinandjo.
9 Oove Ndjambi omusemba,
u konḓonona omeripuriro nozonḓero zetu.
Yandeka ouvi wovanauvi,
nu u zeuparise ovasemba.
10 Ndjambi eye omuyame wandje,
eye u yama imba mbe nonḓuviro ku ye.
11 Ndjambi eye omupangure omusemba,
nu aruhe u pangura ovanauvi.
12 Tji pe nomundu ngu hi nokuritanaura,
Ndjambi ma upike engaruvyo re;
eye ma rumbire outa we ne u rongerisa.
13 Eye ma toora ovirwise vye ovizepe,
nu me riungurire oviku ovinyose.
14 Tara, ovanauvi tji ve ripura ouvi;
ve tya oumba, nu ve tjita ovineya.
15 Nungwari owo oveni ve kamburwa
mozombate nḓu va yarera ovakwao.
16 Ouvi wawo otji u yaruka mu wo oveni,
notji ve hihamisiwa i
ozondjito zoutwe zawo oveni.
17 Ami me tja okuhepa ku Muhona,
kousemba we,
nu me imburire Muhona
wOkombandambanda ondangero.
A Prayer for Justice
1 O Lord, my God, I come to you for protection;
rescue me and save me from all who pursue me,
2 or else like a lion they will carry me off
where no one can save me,
and there they will tear me to pieces.
3-4 O Lord, my God, if I have wronged anyone,
if I have betrayed a friend
or without cause done violence to my enemy —
if I have done any of these things—
5 then let my enemies pursue me and catch me,
let them cut me down and kill me
and leave me lifeless on the ground!
6 Rise in your anger, O Lord!
Stand up against the fury of my enemies;
rouse yourself and help me!
Justice is what you demand,
7 so bring together all the peoples around you,
and rule over them from above.
8 You are the judge of all people.
Judge in my favor, O Lord;
you know that I am innocent.
9 You are a righteous God
and judge our thoughts and desires.
Stop the wickedness of evildoers
and reward those who are good.
10 God is my protector;
he saves those who obey him.
11 God is a righteous judge
and always condemns the wicked.
12 If they do not change their ways,
God will sharpen his sword.
He bends his bow and makes it ready;
13 he takes up his deadly weapons
and aims his burning arrows.
14 See how wicked people think up evil;
they plan trouble and practice deception.
15 But in the traps they set for others,
they themselves get caught.
16 So they are punished by their own evil
and are hurt by their own violence.
17 I thank the Lord for his justice;
I sing praises to the Lord, the Most High.
