Ndjambi u ri puna eṱe
Komuimburise. Eimburiro rovazandu va Kora, otja komuimbure wondenga.
1 Ndjambi eye omaundiro nomasa wetu,
aruhe u vatera momauzeu aehe.
2 Otji tu hi nokutira, ehi nanda ri nyinganyinga,
nozondundu nandi za wire mourekoto wokuvare,
3 nokuvare nandi kwa hwaara naku
yumbu ozongazona,
nozondundu nandi za kurakurisiwa
i ondokohero yakwo.
4 Omipupo vyonḓonḓu mavi
yandja enyando kotjihuro
ovandu mu ve rikotamena ku Ndjambi,
ihi tjomaturiro omayapuke wOkombandambanda.
5 Ndjambi u ri moukoto watjo,
notjo kamaatji nyinganyinga ko,
Ndjambi me tji yama menyunguhuka.
6 Eye ma posisa eraka re noviwaṋa mavi mumapara,
nomauhona maye teratera,
nehi arihe mari zengi mondiriro.
7 Muhona Omunamasaaehe u ri puna eṱe,
Ndjambi wa Jakob eye ondjamo yetu.
8 Indjeye, mu yekutara oviungura vya Muhona,
nu mu mune oviṋa ovihimise
eye mbya tjita kombanda yehi.
9 Eye u yandisa ovita mouye auhe,
u teya omauta nomanga,
nu u ningiririsa omatemba wovita nomuriro.
10 “Iseye ovita, nu tjiweye kutja owami Ndjambi,
omunene kombanda yoviwaṋa avihe mouye!”
Eye ma ravaere nai.
11 Muhona Omunamasaaehe u ri puna eṱe,
Ndjambi wa Jakob eye ondjamo yetu.
God Is with Us
1 God is our shelter and strength,
always ready to help in times of trouble.
2 So we will not be afraid, even if the earth is shaken
and mountains fall into the ocean depths;
3 even if the seas roar and rage,
and the hills are shaken by the violence.
4 There is a river that brings joy to the city of God,
to the sacred house of the Most High.
5 God is in that city, and it will never be destroyed;
at early dawn he will come to its aid.
6 Nations are terrified, kingdoms are shaken;
God thunders, and the earth dissolves.
7 The Lord Almighty is with us;
the God of Jacob is our refuge.
8 Come and see what the Lord has done.
See what amazing things he has done on earth.
9 He stops wars all over the world;
he breaks bows, destroys spears,
and sets shields on fire.
10 “Stop fighting,” he says, “and know that I am God,
supreme among the nations,
supreme over the world.”
11 The Lord Almighty is with us;
the God of Jacob is our refuge.
