Ongumbiro yOmbatero
Komuimburise. Epsalme ra David.
1 Mo ndji zembi orure nai nga ruṋe,
Muhona? Nga aruhe are?
Mo horeke omurungu woye
ku ami orure nai nga ruṋe?
2 Hi tjinde ouzeu momuinyo
wandje orure nai nga ruṋe?
Hi kare noruhoze momutima wandje
ouṱuku nomutenya nga ruṋe?
Ovanavita na ami mave ndji
havere nai nga ruṋe?
3 Tara ku ami, Muhona,
Ndjambi wandje, nu u ndji zuvire!
Ndji pa omasa omape kutja e ha koka,
4 kokutja omunavita na ami e he rihivi nai:
“Ami mbe mu havere”,
nokutja omundjitonde a ha nyandere onḓiro yandje.
5 Ami me riyameke korusuvero rwoye orukarerere,
nomutima wandje mau nyandere ombatero yoye.
6 Me imburire ove, Muhona,
orondu ove we ndji tjitira ouwa.
A Prayer for Help
1 How much longer will you forget me, Lord? Forever?
How much longer will you hide yourself from me?
2 How long must I endure trouble?
How long will sorrow fill my heart day and night?
How long will my enemies triumph over me?
3 Look at me, O Lord my God, and answer me.
Restore my strength; don't let me die.
4 Don't let my enemies say, “We have defeated him.”
Don't let them gloat over my downfall.
5 I rely on your constant love;
I will be glad, because you will rescue me.
6 I will sing to you, O Lord,
because you have been good to me.
