Job ma ziri Bildad
1 Job wa zira a tja:
2 “Mamu ndji hihamisa nomambo
weṋu nga ruṋe?
3 Potuingi mamu ndji yamburura,
nu kamu nokuṱohoṋi nomuhingo
mbu mamu ndji tatumisa na wo.
4 Nu hapo okutataiza kwandje
maku mu hihamisire tjike?
5 Eṋe mamu tjangovasi oweṋe
mbu mu ri ovasemba pu ami,
notji mamu munu oumba wandje
aayo otjiraisiro tjondjo yandje.
6 Tjiweye nawa kutja
Ndjambi ongwa tjiti nai!
Eye wa pata ombate
ye kutja e ndji kambure.
7 Ami tji me pirukire outwe we,
kape nomundu ngu me ndji puratene;
nu tji me ku ombatero,
kape nomundu ngu ma pangura osemba.
8 Ndjambi wa pata ondjira yandje,
nu ami hi na pume kapitira;
eye wa twa mo onḓorera mondjira yandje.
9 Eye we ndji yeka outumbe wandje auhe,
na isapo ondengero
yandje ndji mba pewa i ovandu.
10 Eye we ndji ṱukuṱura
okuza komikuma avihe,
na zukura omaundjiro
wandje tjimuna omuti,
ne ndji esa kutja mbi kukute nu mbi koke.
11 Ndjambi wa ṱomazenge na ami,
nu me ndji vara otja
omunavita omunene na ye.
12 Eye wa hinda otjimbumba
tje tjovita okundjirwisa,
owo va sa otuhoro nave
kovere ondanda yandje.
13 Ndjambi wa tjita kutja ovazamumwe
vandje ve ndji nakaure;
nu ami owami owozonganda
ku imba mbe ndji tjiwa;
14 ovazamumwe vandje
nomapanga wandje va ya.
15 Imba mba ri ovaṋangwa
mondjuwo yandje ve ndji zemba;
ovakarere vandje ovakazona ve ndji
vara otja owambangu nowozonganda.
16 Tji me isana omukarere, eye ka itavere,
nangarire kutja me riheke
ku ye nomambo omawa.
17 Omukazendu wandje ke nokusora
okukuramena omuṋuko
womasuvaneno wandje,
nu kovazamumwe
vandje owami otjiyaukise.
18 Ovanatje ve ndji nyengura
nu tji me sekama ve ndji nyekerera.
19 Omapanga wandje wopopezu
ye tara ku ami nonyengo;
imba mbu mba suvera
tjinene ve ndji sekamena.
20 Nambano ami mba rira omaṱupa uriri;
nomaṱupa wandje maye
munika tjimuna omayo.
21 “Ṱee ondjenda na ami!
Mapanga wandje!
Eke ra Ndjambi re ndji kundu pehi.
22 Mamu ndji tatumisire tjike
otja Ndjambi tji ma tjiti?
Hapo ondatumisire yeṋu
ku ami kapuwo are?
23 “Me zeri kutja andakuzu umwe ma
zemburuka omambo wandje
ne ye tjanga membo,
24 nokutja omambo wandje ye
kororwe notjikorore tjotjitenda mewe;
nokutja ye tjangwe
kokutja ye karerere nga aruhe.
25 Nungwari ami me tjiwa kutja
Omukuture wandje u nomuinyo;
nu korusenina eye ongu me ndji yeura.
26 Nangarire kutja omukova
wandje wa riwa i omutjise
ngunda ambi norutu ndwi,
ami me munu Ndjambi.
27 Ami me mu munu
nomeho wandje omuini,
neye ke nokukara owambangu ku ami.
“Onḓero yandje kai po,
ove tjinga awa tja nai:
28 ‘Eṱe matu mu hihamisa vi?’
Eṋe mwa paha ombitirapo
kutja mu ndji rwise.
29 Nungwari nambano tireye engaruvyo,
engaruvyo, ndi mari eta
omazenge wa Ndjambi kouvi,
mu tjiwe kutja pena
umwe ngu ma pangura.”
Job
1-2 Why do you keep tormenting me with words?
3 Time after time you insult me
and show no shame for the way you abuse me.
4 Even if I have done wrong,
how does that hurt you?
5 You think you are better than I am,
and regard my troubles as proof of my guilt.
6 Can't you see it is God who has done this?
He has set a trap to catch me.
7 I protest his violence,
but no one is listening;
no one hears my cry for justice.
8 God has blocked the way, and I can't get through;
he has hidden my path in darkness.
9 He has taken away all my wealth
and destroyed my reputation.
10 He batters me from every side.
He uproots my hope
and leaves me to wither and die.
11 God is angry and rages against me;
he treats me like his worst enemy.
12 He sends his army to attack me;
they dig trenches and lay siege to my tent.
13 God has made my own family forsake me;
I am a stranger to those who knew me;
14 my relatives and friends are gone.
15 Those who were guests in my house have forgotten me;
my servant women treat me like a stranger and a foreigner.
16 When I call a servant, he doesn't answer—
even when I beg him to help me.
17 My wife can't stand the smell of my breath,
and my own brothers won't come near me.
18 Children despise me and laugh when they see me.
19 My closest friends look at me with disgust;
those I loved most have turned against me.
20 My skin hangs loose on my bones;
I have barely escaped with my life.
21 You are my friends! Take pity on me!
The hand of God has struck me down.
22 Why must you persecute me the way God does?
Haven't you tormented me enough?
23 How I wish that someone would remember my words
and record them in a book!
24 Or with a chisel carve my words in stone
and write them so that they would last forever.
25 But I know there is someone in heaven
who will come at last to my defense.
26 Even after my skin is eaten by disease,
while still in this body I will see God.
27 I will see him with my own eyes,
and he will not be a stranger.
My courage failed because you said,
28 “How can we torment him?”
You looked for some excuse to attack me.
29 But now, be afraid of the sword—
the sword that brings God's wrath on sin,
so that you will know there is one who judges.
