Ombatero kovakambure ovakwetu
1 Nu hapo kahepero okutjangera eṋe ohunga nombatero ndja hindwa kovakambure mehi ra Judea. 2 Ami me tjiwa kutja eṋe mu nonḓero okuvatera, nu mbe mu hiva komurungu wOvamakedonie, e tja: “Ovakwetu mOakaja ve rirongerera okuvatera okuza kombura ndja zu ko.” Nonḓero yeṋu yokuvatera ya panḓiparisa ovengi vawo. 3 Nambano me hindi ovakwetu mba, kokutja okumutanga kwetu motjiṋa hi aku ha rire omambo womungandjo uriri. Nungwari otja punga amba hungira, eṋe mamu sokuvazewa amwe rirongerere okuvatera. 4 Nu tji pe he ri nao, Ovamakedonie tji ve ya puna ami nave munu kutja eṋe kamuye rirongera, eṱe, tjiri, matu ṱohoṋi mena romeriyamekero wetu ku eṋe, neṋe amu ṱohoṋi tjinene komeho. 5 Ami opu mba munina kutja ohepero okuningira ovakwetu mba kutja ve tenge po pu ami okuyenda ku eṋe, nu ve kaṱune ihi otjiyandjewa tjondaya tji mwa kwizika rukuru. Otjiyandjewa hi tjondaya me yokutjivaza atja ṱunwa otja ombunguhiro yatjiri yondangero, nu kambunguhiro, ndji mwa yandja mokuṋiṋikiziwa.
6 Zemburukeye kutja omundu ngu kuna ozondwi nḓe hi nanḓengu, ma kondo ovihape, mbi hi nanḓengu; nu ngu kuna ozondwi ozengi, ma kondo ovihape ovingi. 7 Auhe nga yandje otja punga e rivangere momutima we, nu a ha yandja moruhoze poo mokuṋiṋikiziwa; orondu Ndjambi wa suvera ingwi ngu yandja nouharupu. 8 Ndjambi u nomasorero okumupa avihe okukapita ouhepe weṋu, kokutja momuhingo auhe eṋe oveni aruhe mu kare novingi okuyenena, nu wina mu sore okuyandja ombatero ndja yenene kotjiungura ngamwa atjihe otjiwa. 9 Nu omatjangwa maye tja:
“Eye u yandja notjari kovasyona;
nouwa we u karerera nga aruhe.”
10 Ndjambi ngu yandja ondwi okukuna nomboroto okurya, wina me mu pe ondwi ne i hapisa, nu ingwi okuyandja kweṋu nouharupu maku eta omakondero omanene. 11 Eye aruhe me mu tumbisa pu pa yenene oruveze aruhe, eṋe mu sore okuyandja nouharupu, kokutja ovandu ovengi ve tje okuhepa ku Ndjambi koviyandjewa vyeṋu owo mbi va pewa i eṱe. 12 Orondu otjiungura tjombatero hi katji isa po ouhepe wovakambure mehi ra Judea porwe, nungwari wina tji etera Ndjambi ondangero onene. 13 Nu motjimbe tjotjiraisiro otjikahuke tjotjiungura tjeṋu hi, ovandu ovengi mave yozike Ndjambi. Owo mave hivirike Ndjambi mena rouṱakame weṋu mOmbuze Ombwa ya Kristus, ndji mu hongonona, na mena rokuyandja kweṋu nouharupu ku wo na kovandu avehe. 14 Nowo mave mu kumbire amave mu zeri tjinene, Ndjambi tjinga a raisa otjari tje otjihimise ku eṋe. 15 Ngatu tje okuhepa ku Ndjambi kotjiyandjewa tje otjinene tji tji hi nomatamunino.
Help for Needy Believers
1 There is really no need for me to write you about the help being sent to God's people in Judea. 2 I know that you are willing to help, and I have boasted of you to the people in Macedonia. “The believers in Achaia,” I said, “have been ready to help since last year.” Your eagerness has stirred up most of them. 3 Now I am sending these believers, so that our boasting about you in this matter may not turn out to be empty words. But, just as I said, you will be ready with your help. 4 However, if the people from Macedonia should come with me and find out that you are not ready, how ashamed we would be—not to speak of your shame—for feeling so sure of you! 5 So I thought it was necessary to urge these believers to go to you ahead of me and get ready in advance the gift you promised to make. Then it will be ready when I arrive, and it will show that you give because you want to, not because you have to.
6 Remember that the person who plants few seeds will have a small crop; the one who plants many seeds will have a large crop. 7 You should each give, then, as you have decided, not with regret or out of a sense of duty; for God loves the one who gives gladly. 8 And God is able to give you more than you need, so that you will always have all you need for yourselves and more than enough for every good cause. 9 As the scripture says,
“He gives generously to the needy;
his kindness lasts forever.”
10 And God, who supplies seed for the sower and bread to eat, will also supply you with all the seed you need and will make it grow and produce a rich harvest from your generosity. 11 He will always make you rich enough to be generous at all times, so that many will thank God for your gifts which they receive from us. 12 For this service you perform not only meets the needs of God's people, but also produces an outpouring of gratitude to God. 13 And because of the proof which this service of yours brings, many will give glory to God for your loyalty to the gospel of Christ, which you profess, and for your generosity in sharing with them and everyone else. 14 And so with deep affection they will pray for you because of the extraordinary grace God has shown you. 15 Let us thank God for his priceless gift!
