1 Nu Kristus tjinga a hihamisiwa otja omundu, eṋe wina otjinga amwa sokuripanḓiparisa oveni nouripura tjingewo mbwi eye mbwa ri na wo, orondu ingwi ngwa hihamisiwa otja omundu eye wa za ko kourunde. 2 Okuza ku ndinondi ongarero yeṋu kombanda yehi ngai kare otja kombango ya Ndjambi, nungwari ai ha kara otja kozonḓuma zongaro youndu. 3 Moruveze ndwa kapita eṋe mwa ri nongarero ndja sana na indji yovandu mbaa ve ha tjiwa Ndjambi. Eṋe iyamu ryanga mokuhinameritjaerero koviṋa vyouye na mokunanukira oviṋa ngamwa na mokupurukisiwa i omeva wamururu, nomikandi omivi, nomerikotameneno omayaukise kovisenginina. 4 Nambano imba mbe ha tjiwa Ndjambi va kumwa, eṋe tji mu hi nokukara noruwano na wo mongarero yawo yokuhinomeritjaerero; nowo opu ve sokumuyamburura. 5 Nungwari owo ve sokuyandja omerizirira ku Ndjambi ngwe rirongerera okupangura ovanamuinyo novakoke. 6 Ombuze Ombwa opu ya zokuzuvarisirwa ovakoke wina, ku imba mba pangurwa monyama otja ovandu tji ve pangurwa; oyo ya zuvarisirwa wo kokutja ve kare nomuinyo mOmbepo otja kongaro ya Ndjambi.
Ovatye ovawa voviyandjewa vya Ndjambi
7 Ondjandero yoviṋa avihe ya yenene. Kareye nomeritjaerero nu mu kare katumba kutja mu sore okukumba. 8 Nu kombanda yaavihe suverasaneye nomasa tjinene, orusuvero tjinga aru vandeka ourunde oungi. 9 Sekirisaneye nokuhinomaunaunino. 10 Auhe nga ungurise otjiyandjewa tja pewa i Ndjambi kouwa wovakwao. Komuhingo mbwi eye ma rire omutye omuwa woviyandjewa pekepeke vya Ndjambi. 11 Ngamwa ngu ma zuvarisa nga zuvarise omambo ngu maye zu mu Ndjambi omuini. Ngamwa ngu ma karere mombongo nga karere yo nomasa ngu ma pewa i Ndjambi. Nu mu avihe mbi mamu tjiti ngamu yozike Ndjambi mu Jesus Kristus ngu nondjozikiro nomasa aruhe nga ko nga aruhe. Amen.
Okuhihamisiwa otja omukambure
12 Vakwetu ovasuverwa, amu kumisiwa i omarorero omazeu mu mu ri. Owo kakutja oviṋa mbi he iwe. 13 Nu tjinene kareye nenyando tji mamu kara norupa momahihamisiro wa Kristus, kokutja ondjoroka yeṋu i rire onene indu eye tji meya rukwao ongeṋangeṋeno ye. 14 Oweṋe ovaṋingandu, tji mamu yambururwa motjimbe tjokutja oweṋe ovakongorere va Kristus; ihi matji hee kutja Ombepo yongeṋangeṋeno ye, indji Ombepo ya Ndjambi i ri kombanda yeṋu. 15 Ape ningi umwe weṋu ngu ma hihamisiwa otja omuzepe poo erunga poo omutjite wouvi poo ngu me ritwa moviṋa vyovakwao. 16 Nungwari tji mo hihamisiwa mena rokutja oove omukriste, o ṱohoṋi; nungwari itja okuhepa ku Ndjambi kutja ove u isanewa omukambure.
17 Oruveze rwokutja ombanguriro ya Ndjambi i ute rweya. Notjiwaṋa tja Ndjambi omuini otji matji rire otjitenga okupangurwa. Nu tji mai utire pu eṱe, korusenina mape kakara vi ku imba mbe ha kambura mOmbuze Ombwa ya Ndjambi? 18 Nomatjangwa maye tja:
“Nu tje ri ouzeu komusemba okuyamwa,
hapo mape kara vi komurunde na komutjite wouvi?”
19 Nu imba mbe hihamisiwa otja kombango ya Ndjambi, ngave kare nonḓakameno mOmuute wawo omuṱakame nu ve panḓere pokutjita ouwa.
Changed Lives
1 Since Christ suffered physically, you too must strengthen yourselves with the same way of thinking that he had; because whoever suffers physically is no longer involved with sin. 2 From now on, then, you must live the rest of your earthly lives controlled by God's will and not by human desires. 3 You have spent enough time in the past doing what the heathen like to do. Your lives were spent in indecency, lust, drunkenness, orgies, drinking parties, and the disgusting worship of idols. 4 And now the heathen are surprised when you do not join them in the same wild and reckless living, and so they insult you. 5 But they will have to give an account of themselves to God, who is ready to judge the living and the dead. 6 That is why the Good News was preached also to the dead, to those who had been judged in their physical existence as everyone is judged; it was preached to them so that in their spiritual existence they may live as God lives.
Good Managers of God's Gifts
7 The end of all things is near. You must be self-controlled and alert, to be able to pray. 8 Above everything, love one another earnestly, because love covers over many sins. 9 Open your homes to each other without complaining. 10 Each one, as a good manager of God's different gifts, must use for the good of others the special gift he has received from God. 11 Those who preach must preach God's messages; those who serve must serve with the strength that God gives them, so that in all things praise may be given to God through Jesus Christ, to whom belong glory and power forever and ever. Amen.
Suffering as a Christian
12 My dear friends, do not be surprised at the painful test you are suffering, as though something unusual were happening to you. 13 Rather be glad that you are sharing Christ's sufferings, so that you may be full of joy when his glory is revealed. 14 Happy are you if you are insulted because you are Christ's followers; this means that the glorious Spirit, the Spirit of God, is resting on you. 15 If you suffer, it must not be because you are a murderer or a thief or a criminal or a meddler in other people's affairs. 16 However, if you suffer because you are a Christian, don't be ashamed of it, but thank God that you bear Christ's name.
17 The time has come for judgment to begin, and God's own people are the first to be judged. If it starts with us, how will it end with those who do not believe the Good News from God? 18 As the scripture says,
“It is difficult for good people to be saved;
what, then, will become of godless sinners?”
19 So then, those who suffer because it is God's will for them, should by their good actions trust themselves completely to their Creator, who always keeps his promise.
