Aayassur taa tanta Jerusalem
(2 Aak. 18:13-372 19:14-192 35-37Jes. 36:1-22Jes. 37:8-38)1 Konima yaambika, Hiskia sho a longele Omuwa nuudhiginini, Sennakerib, omupangeli gwaAssur, okwa matukile Juda. Okwa kondeke iilandohote e ta lombwele aakwiita ye, ye yi kwate po. 2 Hiskia sho a mono Sennakerib te ya, a ponokele wo Jerusalem, 3-4 okwa tokola pamwe nomalenga ge, ya thitike omukanka gwomeya pondje yoshilando, opo ya keelele Aayassur kaaya mone omeya, uuna ya thiki popepi naJerusalem. Omalenga oga kutha ongundu onene yaantu e taa thitike oothithiya adhihe, opo omeya gaa tondokele kuyo. 5 Omukwaniilwa okwa koleke omagameneno goshilando, sho a tungulula edhingililokuma lya li lya kumunwa po e ta tungile mo ooshungo mulyo e ta tungu edhingililokuma lyokondje. Okwa tungile wo omapopilo muMillo kuuzilo wombinga onkulu yaJerusalem. Okwa hambulitha omagonga ogendji niikandekitho. 6 Okwa tula aalumentu ayehe moshilando mewiliko lyomalenga e te ya lombwele, ya gongale mehalandjandja posheelo shoshilando. Okwa ti kuyo: 7 “Kaleni mwa tokola nomu na einekelo, inamu tila omupangeli gwaAssur nenge etangakwiita ndyoka te li wilike. Otu neni oonkondo tu ya vule. 8 Oku na oonkondo dhopantu, ihe tse otu na ekwatho lyOmuwa, Kalunga ketu, te tu kwatha molugodhi lwetu.” Aantu oya pendapala pahapu dhomukwaniilwa gwawo.
9 Konima manga Sennakerib netangakwiita lye ya li muLakish, okwa tumu elaka kuHiskia nokAajuda mboka ya li puye muJerusalem tali ti: 10 “Ngame Sennakerib, omupangeli gwaAssur, ote pula kutya omwi itula mushike, sho mu li muJerusalem sha kondekwa?” 11 Hiskia ote mu lombwele kutya Omuwa, Kalunga keni, ote ke mu hupitha miikaha yetu, ihe Hiskia ote mu kotokele note mu sitha kondjala nenota. 12 Oye naanaa ngoka a hanagula po omahala gokunonoma niiyambelo, ihe nena ota lombwele Aajuda nAajerusalem, ya simaneke noya yambe iitsinino koshiyambelo shimwe ashike. 13 Inamu tseya ootatekulu sho ya ningile, nasho nda ningile iigwana? Ookalunga yiigwana oya hupitha tuu iigwana yawo komupangeli gwaAssur? 14 Ookalunga oyeni ya hupitha oshilongo shawo miikaha yetu? Ano otamu dhiladhila ngiini kutya Kalunga keni ota vulu oku mu hupitha? 15 Inamu fundjalekwa kuHiskia nenge e mu pukithe owala. Inamu mu itaala! Kakwa li kalunga a vulu okuhupitha aantu yoshigwana shontumba miikaha yomupangeli gwaAssur. Osho naanaa naKalunga keni ita vulu oku mu hupitha!
16 Omalenga gaAssur oga popi oohapu oombwinayi nokusheka Omuwa Kalunga nomuntu gwe Hiskia. 17 Ontumwafo ndjoka omupangeli a nyola, otayi kondjitha Omuwa, Kalunga kaIsrael. Otayi ti: “Ookalunga yiigwana inaa hupitha aantu yawo miikaha yandje. Osho wo Kalunga kaHiskia ita ka hupitha aantu ye miikaha yandje.” 18 Omalenga ogi igidha oohapu ndhika mOshihebeli, opo ga haluthe noga tyololokithe Aajerusalem mboka ya li kombanda yedhingililokuma lyoshilando, opo ya kwate po oshilando nuupu. 19 Oya popi Kalunga kaJerusalem, ngaashi haa popi iikalunga yiigwana yilwe, iimenka ya hongwa niikaha yaantu.
20 Nena omukwaniilwa Hiskia nomuhunganeki Jesaja yaAmos oya galikana Kalunga e taye mu kugile ekwatho. 21 Omuwa okwa tumu omuyengeli, ngoka a dhipaga aakwiita naanashihako yetangakwiita lyaAssur. Omupangeli okwa shuna kuAssur a sa ohoni. Esiku limwe manga a li motempeli yoshikalunga she, yamwe yomoyanamati oye mu dhipaga nomagongamwele.
22 Pamukalo nguka Omuwa okwa hupitha omukwaniilwa Hiskia nAajerusalem miikaha yaSennakerib, omupangeli gwaAssur, nosho wo kaatondi yawo yalwe. Okwe ya kalitha nombili niilongo ayihe yopuushiinda. 23 Aantu oyendji oye ya kuJerusalem, oya yambele Omuwa omayambo noya pe Hiskia omagano, okuza mpoka iigwana ayihe oya simaneke Hiskia.
Uuvu waHiskia nuuntsa we
(2 Aak. 20:1-32 12-19Jes. 38:1-3Jes. 39:1-8)24 Pomasiku ngeyaka Hiskia okwa kwatwa kuuvu uudhigu, konyala a se. Oye nokwa galikana Omuwa, nOmuwa okwe mu pe endhindhiliko kutya ota ka aluka. 25 Ihe Hiskia okwi inenepeke ye ina pandula Omuwa, onkee okwa adhika kegeelo pamwe naJuda naJerusalem. 26 Ihe Hiskia nAajerusalem sho yi ifupipike, Omuwa ine ya geela we, sigo okeso lyaHiskia.
Uuyamba waHiskia noshinge she
27 Omukwaniilwa Hiskia okwa yambapala unene, naayehe oye mu simaneke. Okwi itungile oompungulilo dhokupungula mo oshingoli, oshisiliveli, omamanya gondilo, iizimba, omahuuyanza niinima iikwawo yi na ondilo. 28 Okwa tungu iigandhi yiilya, oondunda dhomaviinu nomagadhi gooholivi, iigunda yoongombe noyoonzi. 29 Kalunga okwe mu yambeke e te mu pe oonzi noongombe nuuyamba owindjiwindji e ta tungu iilando oyindjii. 30 Hiskia tuu nguka a thitike omatondokelo gomeya gokweeta omeya koluthithiya lwaGihon e ta fulu okwena kwokufala omeya meni lyedhingililokuma lyaJerusalem. Hiskia okwa li e na elago mwaayihe mbyoka e yi longo. 31 Nokuli aatumwa Aababilonia sho ye ya okukonakona oshinyengandunge shoka sha ningwa moshilongo, Kalunga okwe etha Hiskia a ye nondjila ye mwene, opo a vule oku mu tala sho e li momwenyo gwe.
Eso lyaHiskia
(2 Aak. 20:20-21)32 Ashihe shilwe shoka omukwaniilwa Hiskia a ningi neiyapulilo lye Omuwa, osha nyolelwa memoniko lyomuhunganeki Jesaja yaAmos nomembo lyondjokonona yaakwaniilwa yaJuda naIsrael. 33 Hiskia okwa si nokwa fumvikwa moshitopolwa shopombanda shoombila dhaakwaniilwa. Aajuda ayehe nAajerusalem oye mu simaneke peso lye. Omwana Manasse okwe mu landula muukwaniilwa.
Aayassur taa tanta Jerusalem
(2 Aak. 18:13-372 19:14-192 35-37Jes. 36:1-22Jes. 37:8-38)1 Konima yaambika, Hiskia sho a longele Omuwa nuudhiginini, Sennakerib, omupangeli gwaAssur, okwa matukile Juda. Okwa kondeke iilandohote e ta lombwele aakwiita ye, ye yi kwate po. 2 Hiskia sho a mono Sennakerib te ya, a ponokele wo Jerusalem, 3-4 okwa tokola pamwe nomalenga ge, ya thitike omukanka gwomeya pondje yoshilando, opo ya keelele Aayassur kaaya mone omeya, uuna ya thiki popepi naJerusalem. Omalenga oga kutha ongundu onene yaantu e taa thitike oothithiya adhihe, opo omeya gaa tondokele kuyo. 5 Omukwaniilwa okwa koleke omagameneno goshilando, sho a tungulula edhingililokuma lya li lya kumunwa po e ta tungile mo ooshungo mulyo e ta tungu edhingililokuma lyokondje. Okwa tungile wo omapopilo muMillo kuuzilo wombinga onkulu yaJerusalem. Okwa hambulitha omagonga ogendji niikandekitho. 6 Okwa tula aalumentu ayehe moshilando mewiliko lyomalenga e te ya lombwele, ya gongale mehalandjandja posheelo shoshilando. Okwa ti kuyo: 7 “Kaleni mwa tokola nomu na einekelo, inamu tila omupangeli gwaAssur nenge etangakwiita ndyoka te li wilike. Otu neni oonkondo tu ya vule. 8 Oku na oonkondo dhopantu, ihe tse otu na ekwatho lyOmuwa, Kalunga ketu, te tu kwatha molugodhi lwetu.” Aantu oya pendapala pahapu dhomukwaniilwa gwawo.
9 Konima manga Sennakerib netangakwiita lye ya li muLakish, okwa tumu elaka kuHiskia nokAajuda mboka ya li puye muJerusalem tali ti: 10 “Ngame Sennakerib, omupangeli gwaAssur, ote pula kutya omwi itula mushike, sho mu li muJerusalem sha kondekwa?” 11 Hiskia ote mu lombwele kutya Omuwa, Kalunga keni, ote ke mu hupitha miikaha yetu, ihe Hiskia ote mu kotokele note mu sitha kondjala nenota. 12 Oye naanaa ngoka a hanagula po omahala gokunonoma niiyambelo, ihe nena ota lombwele Aajuda nAajerusalem, ya simaneke noya yambe iitsinino koshiyambelo shimwe ashike. 13 Inamu tseya ootatekulu sho ya ningile, nasho nda ningile iigwana? Ookalunga yiigwana oya hupitha tuu iigwana yawo komupangeli gwaAssur? 14 Ookalunga oyeni ya hupitha oshilongo shawo miikaha yetu? Ano otamu dhiladhila ngiini kutya Kalunga keni ota vulu oku mu hupitha? 15 Inamu fundjalekwa kuHiskia nenge e mu pukithe owala. Inamu mu itaala! Kakwa li kalunga a vulu okuhupitha aantu yoshigwana shontumba miikaha yomupangeli gwaAssur. Osho naanaa naKalunga keni ita vulu oku mu hupitha!
16 Omalenga gaAssur oga popi oohapu oombwinayi nokusheka Omuwa Kalunga nomuntu gwe Hiskia. 17 Ontumwafo ndjoka omupangeli a nyola, otayi kondjitha Omuwa, Kalunga kaIsrael. Otayi ti: “Ookalunga yiigwana inaa hupitha aantu yawo miikaha yandje. Osho wo Kalunga kaHiskia ita ka hupitha aantu ye miikaha yandje.” 18 Omalenga ogi igidha oohapu ndhika mOshihebeli, opo ga haluthe noga tyololokithe Aajerusalem mboka ya li kombanda yedhingililokuma lyoshilando, opo ya kwate po oshilando nuupu. 19 Oya popi Kalunga kaJerusalem, ngaashi haa popi iikalunga yiigwana yilwe, iimenka ya hongwa niikaha yaantu.
20 Nena omukwaniilwa Hiskia nomuhunganeki Jesaja yaAmos oya galikana Kalunga e taye mu kugile ekwatho. 21 Omuwa okwa tumu omuyengeli, ngoka a dhipaga aakwiita naanashihako yetangakwiita lyaAssur. Omupangeli okwa shuna kuAssur a sa ohoni. Esiku limwe manga a li motempeli yoshikalunga she, yamwe yomoyanamati oye mu dhipaga nomagongamwele.
22 Pamukalo nguka Omuwa okwa hupitha omukwaniilwa Hiskia nAajerusalem miikaha yaSennakerib, omupangeli gwaAssur, nosho wo kaatondi yawo yalwe. Okwe ya kalitha nombili niilongo ayihe yopuushiinda. 23 Aantu oyendji oye ya kuJerusalem, oya yambele Omuwa omayambo noya pe Hiskia omagano, okuza mpoka iigwana ayihe oya simaneke Hiskia.
Uuvu waHiskia nuuntsa we
(2 Aak. 20:1-32 12-19Jes. 38:1-3Jes. 39:1-8)24 Pomasiku ngeyaka Hiskia okwa kwatwa kuuvu uudhigu, konyala a se. Oye nokwa galikana Omuwa, nOmuwa okwe mu pe endhindhiliko kutya ota ka aluka. 25 Ihe Hiskia okwi inenepeke ye ina pandula Omuwa, onkee okwa adhika kegeelo pamwe naJuda naJerusalem. 26 Ihe Hiskia nAajerusalem sho yi ifupipike, Omuwa ine ya geela we, sigo okeso lyaHiskia.
Uuyamba waHiskia noshinge she
27 Omukwaniilwa Hiskia okwa yambapala unene, naayehe oye mu simaneke. Okwi itungile oompungulilo dhokupungula mo oshingoli, oshisiliveli, omamanya gondilo, iizimba, omahuuyanza niinima iikwawo yi na ondilo. 28 Okwa tungu iigandhi yiilya, oondunda dhomaviinu nomagadhi gooholivi, iigunda yoongombe noyoonzi. 29 Kalunga okwe mu yambeke e te mu pe oonzi noongombe nuuyamba owindjiwindji e ta tungu iilando oyindjii. 30 Hiskia tuu nguka a thitike omatondokelo gomeya gokweeta omeya koluthithiya lwaGihon e ta fulu okwena kwokufala omeya meni lyedhingililokuma lyaJerusalem. Hiskia okwa li e na elago mwaayihe mbyoka e yi longo. 31 Nokuli aatumwa Aababilonia sho ye ya okukonakona oshinyengandunge shoka sha ningwa moshilongo, Kalunga okwe etha Hiskia a ye nondjila ye mwene, opo a vule oku mu tala sho e li momwenyo gwe.
Eso lyaHiskia
(2 Aak. 20:20-21)32 Ashihe shilwe shoka omukwaniilwa Hiskia a ningi neiyapulilo lye Omuwa, osha nyolelwa memoniko lyomuhunganeki Jesaja yaAmos nomembo lyondjokonona yaakwaniilwa yaJuda naIsrael. 33 Hiskia okwa si nokwa fumvikwa moshitopolwa shopombanda shoombila dhaakwaniilwa. Aajuda ayehe nAajerusalem oye mu simaneke peso lye. Omwana Manasse okwe mu landula muukwaniilwa.
