1 Omuwa Omunankondoawike ota ti kaayambi: “Otamu pewa oshipango shika. 2 Omu na okusimaneka ndje mushoka tamu longo. Ngele itamu pulakene shoka te ti, nena otandi ke mu thinga. Otandi ka thinga iitaambwa yeni ayihe hayi mu kwatha. Tashi ti, onde yi thinga nokuli, oshoka inamu taamba iipango yandje nuudhiginini. 3 Otandi ka geela aana yeni e tandi pwikike iipala yeni mehoho lyiimuna yomayambo geni — notamu ku umbilwa mondoya. 4 Nena otamu ka tseya kutya onde mu pa oshipango shika, opo ehangano lyandje naayambi noluvalo lwaLevi lyaa teke po.
5 “Mehangano lyandje onde ya uvanekele omwenyo nuundjolowele, naashika onde shi ya ningile, opo ya simaneke ndje. Momasiku ngeyaka oya li ya longele ndje nesimaneko. 6 Oya nongeke shoka shu uka, haashoka sha puka. Oya kala meuvathano nangame; inaa longa ashike shoka shu uka yoyene, ihe oya pukulula oyendji yalwe, ye ethe okulonga uukolokoshi. 7 Oshilonga shaayambi osho okunongeka okutseya oshili yaKalunga. Aantu oye na okuya kuyo, yi ilonge ehalo lyandje, oshoka oyo aatumwa yOmuwa Omunankondoawike.
8 “Ihe ngashingeyi, ne aayambi, omwa pilamene ondjila yu uka. Omalongo geni oga fala oyendji mokulonga iihuna. Omwa teya ehangano ndyoka twa hangana nane. 9 Osho tuu nangame tandi mu dhinitha koshigwana shaIsrael, oshoka inamu vulika kehalo lyandje nomu na ontondo menongeko lyeni.”
Uunyolowe waantu okudhiginina Kalunga
10 Tse atuheni hatu na Tate gumwe? HaKalunga gumwe e tu shita atuhe? Omolwashike nduno itaatu tsakanitha omauvaneko getweni, nomolwashike tatu dhini ehangano ndyoka Kalunga a hangana nootate? 11 Aantu yaJuda oya yono euvaneko lyawo naKalunga noya longo iihuna muJerusalem nomoshilongo ashihe. Oya nyateke otempeli yi holike kOmuwa. Aalumentu oya hokana aakiintu mboka haa simaneke iikalunga. 12 Omuwa na kuthe megwaneno lyaIsrael ngoka te shi ningi, kaa vule we okweetela Omuwa Omunankondoawike omayambo pamwe noshigwana shetu.
13 Oshinima oshikwawo hamu shi ningi, osho shika. Ohamu hipike oshiyambelo shOmuwa nomahodhi, ohamu lili nokuhekumuna, sho itaa taamba we omayambo ngoka tamu mu etele. 14 Otamu pula, oshike itee ga taamba we. Ite ga taamba, oshoka oku shi shi kutya owa yono euvaneko kumukadhoye ngoka wa hokana muugundjuka woye. Okwa li kuume koye, ongoye nowa yono euvaneko lyoye kuye, nonando owa uvaneke koshipala shaKalunga kutya oto ke mu dhiginina. 15 Kalunga nani ine mu ninga olutu lumwe nombepo yimwe naye? Elalakano lye olini mpaka? Ndishi ou mone aanona mboka taa kala aantu lela yaKalunga. Shi tseyeni ano, pwaa kale nando ogumwe ta henge po omukiintu gwe. 16 Omuwa Kalunga kaIsrael ota ti: “Otandi tondo eteyo lyoondjokana. Ondi tonde omuntu ta ningile omukadhi esithahoni li thike mpa. Kala u shi shi, waa yone euvaneko lyoye, ihe u dhiginine omukulukadhi gwoye.”
Esiku lyepangulo oli li popepi
17 Omwa vulitha Omuwa nokupopya kweni. Ihe otamu pula: “Otwe mu vulitha ngiini?” Sho tamu ti: “Omuwa Omunankondoawike ota dhiladhila kutya aadhudhu oyo aawanawa; aantu ya tya ngaaka okwe ya hokwa.” Nenge sho tamu pula tamu ti: “Kalunga kuuyuuki oku li peni?”
1 Omuwa Omunankondoawike ota ti kaayambi: “Otamu pewa oshipango shika. 2 Omu na okusimaneka ndje mushoka tamu longo. Ngele itamu pulakene shoka te ti, nena otandi ke mu thinga. Otandi ka thinga iitaambwa yeni ayihe hayi mu kwatha. Tashi ti, onde yi thinga nokuli, oshoka inamu taamba iipango yandje nuudhiginini. 3 Otandi ka geela aana yeni e tandi pwikike iipala yeni mehoho lyiimuna yomayambo geni — notamu ku umbilwa mondoya. 4 Nena otamu ka tseya kutya onde mu pa oshipango shika, opo ehangano lyandje naayambi noluvalo lwaLevi lyaa teke po.
5 “Mehangano lyandje onde ya uvanekele omwenyo nuundjolowele, naashika onde shi ya ningile, opo ya simaneke ndje. Momasiku ngeyaka oya li ya longele ndje nesimaneko. 6 Oya nongeke shoka shu uka, haashoka sha puka. Oya kala meuvathano nangame; inaa longa ashike shoka shu uka yoyene, ihe oya pukulula oyendji yalwe, ye ethe okulonga uukolokoshi. 7 Oshilonga shaayambi osho okunongeka okutseya oshili yaKalunga. Aantu oye na okuya kuyo, yi ilonge ehalo lyandje, oshoka oyo aatumwa yOmuwa Omunankondoawike.
8 “Ihe ngashingeyi, ne aayambi, omwa pilamene ondjila yu uka. Omalongo geni oga fala oyendji mokulonga iihuna. Omwa teya ehangano ndyoka twa hangana nane. 9 Osho tuu nangame tandi mu dhinitha koshigwana shaIsrael, oshoka inamu vulika kehalo lyandje nomu na ontondo menongeko lyeni.”
Uunyolowe waantu okudhiginina Kalunga
10 Tse atuheni hatu na Tate gumwe? HaKalunga gumwe e tu shita atuhe? Omolwashike nduno itaatu tsakanitha omauvaneko getweni, nomolwashike tatu dhini ehangano ndyoka Kalunga a hangana nootate? 11 Aantu yaJuda oya yono euvaneko lyawo naKalunga noya longo iihuna muJerusalem nomoshilongo ashihe. Oya nyateke otempeli yi holike kOmuwa. Aalumentu oya hokana aakiintu mboka haa simaneke iikalunga. 12 Omuwa na kuthe megwaneno lyaIsrael ngoka te shi ningi, kaa vule we okweetela Omuwa Omunankondoawike omayambo pamwe noshigwana shetu.
13 Oshinima oshikwawo hamu shi ningi, osho shika. Ohamu hipike oshiyambelo shOmuwa nomahodhi, ohamu lili nokuhekumuna, sho itaa taamba we omayambo ngoka tamu mu etele. 14 Otamu pula, oshike itee ga taamba we. Ite ga taamba, oshoka oku shi shi kutya owa yono euvaneko kumukadhoye ngoka wa hokana muugundjuka woye. Okwa li kuume koye, ongoye nowa yono euvaneko lyoye kuye, nonando owa uvaneke koshipala shaKalunga kutya oto ke mu dhiginina. 15 Kalunga nani ine mu ninga olutu lumwe nombepo yimwe naye? Elalakano lye olini mpaka? Ndishi ou mone aanona mboka taa kala aantu lela yaKalunga. Shi tseyeni ano, pwaa kale nando ogumwe ta henge po omukiintu gwe. 16 Omuwa Kalunga kaIsrael ota ti: “Otandi tondo eteyo lyoondjokana. Ondi tonde omuntu ta ningile omukadhi esithahoni li thike mpa. Kala u shi shi, waa yone euvaneko lyoye, ihe u dhiginine omukulukadhi gwoye.”
Esiku lyepangulo oli li popepi
17 Omwa vulitha Omuwa nokupopya kweni. Ihe otamu pula: “Otwe mu vulitha ngiini?” Sho tamu ti: “Omuwa Omunankondoawike ota dhiladhila kutya aadhudhu oyo aawanawa; aantu ya tya ngaaka okwe ya hokwa.” Nenge sho tamu pula tamu ti: “Kalunga kuuyuuki oku li peni?”
