Omuwa ti ihololele Samuel
1 Pomasiku ngeyaka, manga Samuel a li ta longele Omuwa mewiliko lyaEli, omalaka ga za kOmuwa, oga li ga pumba, nomamoniko oga li gaa ko we. 2 Uusiku umwe omusamane Eli, ngoka a li ihaa mono ko we nawa, okwa li a lala kontala ye a kotha. 3 Samuel wo okwa li a kothela motempeli, moka mwa li oshikethahangano oshiyapuki. Manga inaaku sha, nonyeka ya li ya minikila natango, 4 Omuwa okwi ithana Samuel. Samuel a yamukula: “Tatekulu!” 5 Nokwa matukile kuEli e ta ti: “Ongame nguka wi ithana.”
Ihe Eli okwa yamukula: “Inandi ku ithana; inda, u ka lale.” Onkee Samuel okwa shuna, a ka lale.
6-7 Omuwa okwi ithana ishewe Samuel. Omumati ina tseya nando kutya oye Omuwa, oshoka Omuwa okwa li inaa popya naye nale. Onkee okwa penduka po nokwa yi kuEli e ta ti: “Owi ithana ndje, ongame nguka.”
Ihe Eli okwa yamukula: “Mumwandje, inandi ku ithana; shuna, u ka lale.”
8 Omuwa okwi ithana Samuel olutitatu. Okwa penduka e ta yi kuEli e ta ti: “Ongoye wi ithana ndje, ongame nguka.”
Nena Eli okwa dhimbulula kutya Omuwa oye ti ithana omumati. 9 Onkee okwa ti kuye: “Inda, u ka lale; nongele te ku ithana ishewe, tya: ‘Popya, Omuwa, omuntu gwoye onda pulakena.’ ” Osho ngaaka Samuel okwa shuna, a ka lale.
10 Omuwa okwe ya nokwa thikama hwiyaka, nokwi ithana ngaashi nale: “Samuel! Samuel!”
Samuel okwa yamukula: “Popya, omuntu gwoye onda pulakena.”
11 Omuwa okwa ti kuye: “Pomasiku ngaka mAaisraeli otii ka ninga mo oshinima oshitilithi, nakehe ngoka te shi uvu, ota ka kunkwa. 12 Mesiku ndyoka otandi ka tsakanitha omalondodho gandje agehe megumbo lyaEli okuza ketameko sigo okehulilo. 13 Onde mu lombwela nale nokuli kutya otandi ka geela egumbo lye sigo aluhe, oshoka oyana oya dhini ndje. Eli okwa li e shi shi sho haa ningi, ihe ine ya ganda. 14 Onkee onda gana kutya eyono lyezimo lyaEli itali ka kuthwa po komafikilondjambo nenge kiikulyandjambo.”
15 Samuel okwa kala a lala sigo ongula; nena okwa penduka e te egulula omiyelo dhongulu yOmuwa. Okwa li a tila okuhokololela Eli emoniko ndyoka. 16 Eli okwe mu ithana a ti: “Samuel, mumati gwandje!”
Samuel okwa yamukula a ti: “Ee, tatekulu!”
17 Eli okwe mu pula a ti: “Omuwa okwe ku lombwele shike? Ino holeka ndje nando osha. Kalunga ne ku geele sigo aluhe, ngele ito hokololele ndje adhihe ndhoka a ti.” 18 Onkee Samuel okwe mu lombwele adhihe; ina holeka po nando osha. Eli okwa ti: “Oye Omuwa; na longe shoka she mu opalela.”
19 Samuel okwa koko, Omuwa okwa li pamwe naye nokwa tsakanitha oohapu dhe adhihe a li e dhi mu lombwele. 20 Onkee Aaisraeli ayehe moshilongo ashihe, okuza kuDan sigo okuBeersheba, oya li ya tseya kutya Samuel oye omuhunganeki gwOmuwa. 21 Omuwa okwa tsikile okwiiholola muShilo, moka a holokele Samuel nokupopya naye. NaSamuel ngele a popi, nena Aaisraeli ayehe oya pulakene.
Omuwa ti ihololele Samuel
1 Pomasiku ngeyaka, manga Samuel a li ta longele Omuwa mewiliko lyaEli, omalaka ga za kOmuwa, oga li ga pumba, nomamoniko oga li gaa ko we. 2 Uusiku umwe omusamane Eli, ngoka a li ihaa mono ko we nawa, okwa li a lala kontala ye a kotha. 3 Samuel wo okwa li a kothela motempeli, moka mwa li oshikethahangano oshiyapuki. Manga inaaku sha, nonyeka ya li ya minikila natango, 4 Omuwa okwi ithana Samuel. Samuel a yamukula: “Tatekulu!” 5 Nokwa matukile kuEli e ta ti: “Ongame nguka wi ithana.”
Ihe Eli okwa yamukula: “Inandi ku ithana; inda, u ka lale.” Onkee Samuel okwa shuna, a ka lale.
6-7 Omuwa okwi ithana ishewe Samuel. Omumati ina tseya nando kutya oye Omuwa, oshoka Omuwa okwa li inaa popya naye nale. Onkee okwa penduka po nokwa yi kuEli e ta ti: “Owi ithana ndje, ongame nguka.”
Ihe Eli okwa yamukula: “Mumwandje, inandi ku ithana; shuna, u ka lale.”
8 Omuwa okwi ithana Samuel olutitatu. Okwa penduka e ta yi kuEli e ta ti: “Ongoye wi ithana ndje, ongame nguka.”
Nena Eli okwa dhimbulula kutya Omuwa oye ti ithana omumati. 9 Onkee okwa ti kuye: “Inda, u ka lale; nongele te ku ithana ishewe, tya: ‘Popya, Omuwa, omuntu gwoye onda pulakena.’ ” Osho ngaaka Samuel okwa shuna, a ka lale.
10 Omuwa okwe ya nokwa thikama hwiyaka, nokwi ithana ngaashi nale: “Samuel! Samuel!”
Samuel okwa yamukula: “Popya, omuntu gwoye onda pulakena.”
11 Omuwa okwa ti kuye: “Pomasiku ngaka mAaisraeli otii ka ninga mo oshinima oshitilithi, nakehe ngoka te shi uvu, ota ka kunkwa. 12 Mesiku ndyoka otandi ka tsakanitha omalondodho gandje agehe megumbo lyaEli okuza ketameko sigo okehulilo. 13 Onde mu lombwela nale nokuli kutya otandi ka geela egumbo lye sigo aluhe, oshoka oyana oya dhini ndje. Eli okwa li e shi shi sho haa ningi, ihe ine ya ganda. 14 Onkee onda gana kutya eyono lyezimo lyaEli itali ka kuthwa po komafikilondjambo nenge kiikulyandjambo.”
15 Samuel okwa kala a lala sigo ongula; nena okwa penduka e te egulula omiyelo dhongulu yOmuwa. Okwa li a tila okuhokololela Eli emoniko ndyoka. 16 Eli okwe mu ithana a ti: “Samuel, mumati gwandje!”
Samuel okwa yamukula a ti: “Ee, tatekulu!”
17 Eli okwe mu pula a ti: “Omuwa okwe ku lombwele shike? Ino holeka ndje nando osha. Kalunga ne ku geele sigo aluhe, ngele ito hokololele ndje adhihe ndhoka a ti.” 18 Onkee Samuel okwe mu lombwele adhihe; ina holeka po nando osha. Eli okwa ti: “Oye Omuwa; na longe shoka she mu opalela.”
19 Samuel okwa koko, Omuwa okwa li pamwe naye nokwa tsakanitha oohapu dhe adhihe a li e dhi mu lombwele. 20 Onkee Aaisraeli ayehe moshilongo ashihe, okuza kuDan sigo okuBeersheba, oya li ya tseya kutya Samuel oye omuhunganeki gwOmuwa. 21 Omuwa okwa tsikile okwiiholola muShilo, moka a holokele Samuel nokupopya naye. NaSamuel ngele a popi, nena Aaisraeli ayehe oya pulakene.
