Joab ta ganda David
1 Joab okwa lombwelwa kutya omukwaniilwa David ota lili nokwa sila Absalom oluhodhi. 2 Osho ngaaka enyanyu lyesindano lya shituka oosa momatanga gaDavid agehe esiku ndyoka, oshoka oyu uvu kutya omukwaniilwa ota lili omwana. 3 Oya shuna moshilando ya fa aakwiita ya gugwa, sho ya za ondapo kolugodhi. 4 Omukwaniilwa okwa siikile oshipala she nokwa lili muule ta ti: “Mentu gwandje! Omumwandje Absalom! Absalom, mentu gwandje!”
5 Joab okwa yi kongulu yomukwaniilwa e ta ti kuye: “Nena ndjika owa sitha aantu yoye ohoni, aantu tuu mboka ya hupitha omwenyo gwoye, oomwenyo dhaamwoye aamati naakadhona noomwenyo dhaanyekadhi nodhoohonda dhoye. 6 Oto thikamene mboka ye ku hole e to popile mboka ye ku tonde! Owe shi yelitha nawa kutya ku na ko nasha nomalenga goye naantu yoye. Ondi wete ko kutya nani ngele okwa li tse atuhe twa sa, naAbsalom e na omwenyo, ando opo nduno wa panda. 7 Ngashingeyi inda, u ka ngungumaneke aantu yoye. Otandi gana medhina lyOmuwa kutya ngele ito shi ningi, kape na nando ogumwe ta kala pungoye ongula yanakwasha. Shika otashi ningi oshiponga oshinene inoo shi mona nale hene wa valelwe.” 8 Nena omukwaniilwa okwa yambuka po e ta yi e ta kuutumba posheelo shoshilando. Aantu ayehe oya tseyithilwa kutya oku li hwiyaka, noye mu gongalele.
David ta galukile kuJerusalem
Aaisraeli ayehe oya adhika ya fadhuka po, noshaa ngoka okwa yi kaandjawo. 9 Moshilongo ashihe aantu oya tameke okungungutula ya lombwelathana ya ti: “Omukwaniilwa David okwe tu hupitha miikaha yaatondi yetu. Okwe tu mangulula kAafilisti, ihe ngashingeyi okwa fadhuka po Absalom e ta thigi po oshilongo. 10 Otwa gwayeke Absalom omukwaniilwa gwetu, ihe okwa dhipagwa molugodhi. Oshike ano itaamu galulile omukwaniilwa David huka?”
11 Oohapu ndhoka tadhi popiwa kAaisraeli, odha adha omukwaniilwa David. Okwa tumu aayambi Sadok naAbiatar, ya pule aakuluntu yaJuda ya tye: “Omolwashike tamu ningi aahugunini mokukwatha okugalulila omukwaniilwa kuuwa we? 12 One aakwetu, onyama yandje nombinzi yandje; omolwashike mu na okuhugunina mokushuna ndje ko?” 13 David okwe ya lombwele wo, ya tye kuAmasa: “Ngoye omukwetu. Okuza ngashingeyi otandi ku tula muukuluntu wetangakwiita peha lyaJoab. Kalunga na dhenge ndje ndi se, ngele itandi shi ningi.” 14 Omalaka gaDavid oga sindi shili einekelo lyaantu ayehe yaJuda, noye mu tumine elaka, a galuke nomalenga ge agehe.
15 Mondjila ye yokushuna omukwaniilwa okwa tsakanekwa pomulonga Jordan kAajuda, mboka ye ya kuGilgal, ye mu thindikile okutokola omulonga. 16 Pethimbo tuu ndyoka Omubenjamin Shimei yaGera okwa zi kuBahurim meulumo te ya kuJordan, a tsakaneke omukwaniilwa David. 17 Okwa li e na aalumentu eyuvi yomezimo lyaBenjamin. NaZiba, omupiya megumbo lyaSaul, okwe ya wo noyanamati omulongo nayatano naapiya omilongo mbali, noya thiki tango puJordan komeho gomukwaniilwa. 18 Oya taaguluka omulonga, ya thindikile egumbo lyomukwaniilwa oku li konditha omulonga yo ya yakule mpoka omukwaniilwa ta pumbwa ekwatho.
David ta sile Shimei olukeno
Omukwaniilwa manga a li pokukonda omulonga, Shimi okwi iyumbile komeho ge 19 e ta ti: “Nkeyama, kwatha ndje, u dhimine ndje po omapuko gandje nde ga ningi esiku ndiyaka wa zi muJerusalem. Ino geela ndje nenge u ga dhimbulukwe we. 20 Tatekulu, ondi shi shi kutya onda yona, nomolwashoka ongame gwotango okuza komazimo gokuumbangalantu nde ya, ndi ku tsakaneke nena, Nkeyama.”
21 Abisai, omuna gwaZeruia, okwi igidha a ti: “Shimei na dhipagwe, oshoka okwa tukile omukwaniilwa a hogololwa kOmuwa.”
22 Ihe David okwa ti kuAbisai namumwayina Joab: “Olye a pula omayele geni, ne aana yaZeruia. Otamu tula ndje muudhigu? Ndishi ngame omukwaniilwa gwaIsrael ngashingeyi, nokape na ngoka ta dhipagwa nena muIsrael.” 23 Oye nokwa ti kuShimei: “Otandi ku lombwele kutya ito dhipagwa.”
David ta sile Mefiboshet ohenda
24 Nena Mefiboshet, omutekulu gwaSaul, okwe ya a tsakaneke omukwaniilwa. Okwa li inaa yoga nando oompadhi dhe, ino opaleka nando oombenzi dhe nenge a yoge oonguwo dhe okuza uuna ndoka omukwaniilwa a zi muJerusalem, sigo osho a galuka nekandanga lyesindano. 25 Mefiboshet sho a thiki okuza kuJerusalem, a tsakaneke omukwaniilwa, omukwaniilwa okwa ti kuye: “Mefiboshet, matsa oshike inoo ya pamwe nangame?”
26 Okwa yamukula a ti: “Nkeyama, ou shi shi kutya ngame oshilema. Onda lombwele omupiya gwandje, a kutilile ndje okasino kandje, opo ndi londe ndi ku landule, ihe okwa gwaaleke ndje. 27 Okwa popi ndje ko kungoye, Nkeyama, ihe ngoye owa fa omuyengeli gwaKalunga, onkee ninga shoka shu uka momeho goye. 28 Ezimo alihe lyatate oli ilongele okudhipagwa kungoye, Nkeyama, ihe ngoye owa pe ndje uuthemba wokulya koshililo shoye. Kandi na we uuthemba woku ku indila esilohenda, Nkeyama.”
29 Omukwaniilwa okwa yamukula a ti: “Ino tya sha we. Onda tokola, ne naZiba mu topole uuthiga waSaul.”
30 Mefiboshet okwa ti: “Ziba na kuthe po ayihe. Osha gwanena ndje, sho wa galukile kegumbo nombili, Nkeyama.”
David ta sile Barsillai ohenda
31 Barsillai gwokuGilead okwe ya a zi kuRoglim, a thindikile omukwaniilwa okutokola Jordan. 32 Barsillai okwa li a kulupilila, omusamane gwomimvo omilongo hetatu. Okwa li omuyamba omunene nokwa li a palutha omukwaniilwa niikulya, sho a li muMahanaim. 33 Omukwaniilwa okwa ti kuye: “Ila nangame kuJerusalem, notandi ke ku sila oshimpwiyu.”
34 Ihe Barsillai okwa yamukula a ti: “Itandi kala we ndi na omwenyo ethimbo ele; omolwashike te yi nangoye kuJerusalem, Nkeyama? 35 Ondi na omimvo omilongo hetatu nokuli, nokape na we shoka hashi nyanyudha ndje. Shoka tandi li kandi shi uvite omulyo, nokandi uvite we omawi gaayimbi. Otandi ku pe owala omukundu, Nkeyama. 36 Itandi pula ondjambi yi thike mpo. Shila otandi ku thindikile owala okanano kowala handiyaka yaJordan. 37 Nena pitika ndje, ndi shune kaandjetu, ndi sile popepi nombila yaakuluntu yandje. Omumwandje Kimham oye nguka. Oye te ke ku yakula. Mu kutha po, Nkeyama, mu ye naye, nou mu ningile shoka to tala shu uka.”
38 Omukwaniilwa okwa yamukula a ti: “Otandi mu taamba e tandi mu ningile, ngaashi wa hala. Notandi ke ku ningila shaa shoka to pula.” 39 Nena David naantu ye ayehe oya tokola Jordan. Okwa thipi Barsillai komilungu e te mu yambeke, naBarsillai okwa shuna kaandjawo.
Juda naIsrael taa tamananene omukwaniilwa
40 Omukwaniilwa sho a ka yauka omulonga a thindikilwa kAajuda noketata lyAaisraeli, okwa yi sigo okuGilgal, naKimham okwa yi naye. 41 Nena Aaisraeli ayehe ye ya komukwaniilwa e taa ti kuye: “Nkeyama, omolwashike aamwanyoko Aajuda ya dhiladhila kutya oye na uuthemba woku ku kutha po, ye ku thindikile, sho wa tokola Jordan pamwe negumbo lyoye naantu yoye?”
42 Aajuda oya yamukula ya ti: “Otwe shi ningi, oshoka omukwaniilwa ogwomezimo lyetu. Ano omolwashike shika tashi mu geyitha? Ina futa iikulya yetu ye ine tu pa sha.”
43 Aaisraeli oya yamukula ya ti: “Otu mu vule lwomulongo, tu kale tu na omukwaniilwa David, nando oye ogwomezimo lyeni. Omolwashike ano mwe tu dhina? Inamu dhimbwa kutya otse twa popi tango egaluko lyomukwaniilwa!”
Ihe oohapu dhAajuda odha li oonkunkutu noonkondo dhi vule dhAaisraeli.
Joab ta ganda David
1 Joab okwa lombwelwa kutya omukwaniilwa David ota lili nokwa sila Absalom oluhodhi. 2 Osho ngaaka enyanyu lyesindano lya shituka oosa momatanga gaDavid agehe esiku ndyoka, oshoka oyu uvu kutya omukwaniilwa ota lili omwana. 3 Oya shuna moshilando ya fa aakwiita ya gugwa, sho ya za ondapo kolugodhi. 4 Omukwaniilwa okwa siikile oshipala she nokwa lili muule ta ti: “Mentu gwandje! Omumwandje Absalom! Absalom, mentu gwandje!”
5 Joab okwa yi kongulu yomukwaniilwa e ta ti kuye: “Nena ndjika owa sitha aantu yoye ohoni, aantu tuu mboka ya hupitha omwenyo gwoye, oomwenyo dhaamwoye aamati naakadhona noomwenyo dhaanyekadhi nodhoohonda dhoye. 6 Oto thikamene mboka ye ku hole e to popile mboka ye ku tonde! Owe shi yelitha nawa kutya ku na ko nasha nomalenga goye naantu yoye. Ondi wete ko kutya nani ngele okwa li tse atuhe twa sa, naAbsalom e na omwenyo, ando opo nduno wa panda. 7 Ngashingeyi inda, u ka ngungumaneke aantu yoye. Otandi gana medhina lyOmuwa kutya ngele ito shi ningi, kape na nando ogumwe ta kala pungoye ongula yanakwasha. Shika otashi ningi oshiponga oshinene inoo shi mona nale hene wa valelwe.” 8 Nena omukwaniilwa okwa yambuka po e ta yi e ta kuutumba posheelo shoshilando. Aantu ayehe oya tseyithilwa kutya oku li hwiyaka, noye mu gongalele.
David ta galukile kuJerusalem
Aaisraeli ayehe oya adhika ya fadhuka po, noshaa ngoka okwa yi kaandjawo. 9 Moshilongo ashihe aantu oya tameke okungungutula ya lombwelathana ya ti: “Omukwaniilwa David okwe tu hupitha miikaha yaatondi yetu. Okwe tu mangulula kAafilisti, ihe ngashingeyi okwa fadhuka po Absalom e ta thigi po oshilongo. 10 Otwa gwayeke Absalom omukwaniilwa gwetu, ihe okwa dhipagwa molugodhi. Oshike ano itaamu galulile omukwaniilwa David huka?”
11 Oohapu ndhoka tadhi popiwa kAaisraeli, odha adha omukwaniilwa David. Okwa tumu aayambi Sadok naAbiatar, ya pule aakuluntu yaJuda ya tye: “Omolwashike tamu ningi aahugunini mokukwatha okugalulila omukwaniilwa kuuwa we? 12 One aakwetu, onyama yandje nombinzi yandje; omolwashike mu na okuhugunina mokushuna ndje ko?” 13 David okwe ya lombwele wo, ya tye kuAmasa: “Ngoye omukwetu. Okuza ngashingeyi otandi ku tula muukuluntu wetangakwiita peha lyaJoab. Kalunga na dhenge ndje ndi se, ngele itandi shi ningi.” 14 Omalaka gaDavid oga sindi shili einekelo lyaantu ayehe yaJuda, noye mu tumine elaka, a galuke nomalenga ge agehe.
15 Mondjila ye yokushuna omukwaniilwa okwa tsakanekwa pomulonga Jordan kAajuda, mboka ye ya kuGilgal, ye mu thindikile okutokola omulonga. 16 Pethimbo tuu ndyoka Omubenjamin Shimei yaGera okwa zi kuBahurim meulumo te ya kuJordan, a tsakaneke omukwaniilwa David. 17 Okwa li e na aalumentu eyuvi yomezimo lyaBenjamin. NaZiba, omupiya megumbo lyaSaul, okwe ya wo noyanamati omulongo nayatano naapiya omilongo mbali, noya thiki tango puJordan komeho gomukwaniilwa. 18 Oya taaguluka omulonga, ya thindikile egumbo lyomukwaniilwa oku li konditha omulonga yo ya yakule mpoka omukwaniilwa ta pumbwa ekwatho.
David ta sile Shimei olukeno
Omukwaniilwa manga a li pokukonda omulonga, Shimi okwi iyumbile komeho ge 19 e ta ti: “Nkeyama, kwatha ndje, u dhimine ndje po omapuko gandje nde ga ningi esiku ndiyaka wa zi muJerusalem. Ino geela ndje nenge u ga dhimbulukwe we. 20 Tatekulu, ondi shi shi kutya onda yona, nomolwashoka ongame gwotango okuza komazimo gokuumbangalantu nde ya, ndi ku tsakaneke nena, Nkeyama.”
21 Abisai, omuna gwaZeruia, okwi igidha a ti: “Shimei na dhipagwe, oshoka okwa tukile omukwaniilwa a hogololwa kOmuwa.”
22 Ihe David okwa ti kuAbisai namumwayina Joab: “Olye a pula omayele geni, ne aana yaZeruia. Otamu tula ndje muudhigu? Ndishi ngame omukwaniilwa gwaIsrael ngashingeyi, nokape na ngoka ta dhipagwa nena muIsrael.” 23 Oye nokwa ti kuShimei: “Otandi ku lombwele kutya ito dhipagwa.”
David ta sile Mefiboshet ohenda
24 Nena Mefiboshet, omutekulu gwaSaul, okwe ya a tsakaneke omukwaniilwa. Okwa li inaa yoga nando oompadhi dhe, ino opaleka nando oombenzi dhe nenge a yoge oonguwo dhe okuza uuna ndoka omukwaniilwa a zi muJerusalem, sigo osho a galuka nekandanga lyesindano. 25 Mefiboshet sho a thiki okuza kuJerusalem, a tsakaneke omukwaniilwa, omukwaniilwa okwa ti kuye: “Mefiboshet, matsa oshike inoo ya pamwe nangame?”
26 Okwa yamukula a ti: “Nkeyama, ou shi shi kutya ngame oshilema. Onda lombwele omupiya gwandje, a kutilile ndje okasino kandje, opo ndi londe ndi ku landule, ihe okwa gwaaleke ndje. 27 Okwa popi ndje ko kungoye, Nkeyama, ihe ngoye owa fa omuyengeli gwaKalunga, onkee ninga shoka shu uka momeho goye. 28 Ezimo alihe lyatate oli ilongele okudhipagwa kungoye, Nkeyama, ihe ngoye owa pe ndje uuthemba wokulya koshililo shoye. Kandi na we uuthemba woku ku indila esilohenda, Nkeyama.”
29 Omukwaniilwa okwa yamukula a ti: “Ino tya sha we. Onda tokola, ne naZiba mu topole uuthiga waSaul.”
30 Mefiboshet okwa ti: “Ziba na kuthe po ayihe. Osha gwanena ndje, sho wa galukile kegumbo nombili, Nkeyama.”
David ta sile Barsillai ohenda
31 Barsillai gwokuGilead okwe ya a zi kuRoglim, a thindikile omukwaniilwa okutokola Jordan. 32 Barsillai okwa li a kulupilila, omusamane gwomimvo omilongo hetatu. Okwa li omuyamba omunene nokwa li a palutha omukwaniilwa niikulya, sho a li muMahanaim. 33 Omukwaniilwa okwa ti kuye: “Ila nangame kuJerusalem, notandi ke ku sila oshimpwiyu.”
34 Ihe Barsillai okwa yamukula a ti: “Itandi kala we ndi na omwenyo ethimbo ele; omolwashike te yi nangoye kuJerusalem, Nkeyama? 35 Ondi na omimvo omilongo hetatu nokuli, nokape na we shoka hashi nyanyudha ndje. Shoka tandi li kandi shi uvite omulyo, nokandi uvite we omawi gaayimbi. Otandi ku pe owala omukundu, Nkeyama. 36 Itandi pula ondjambi yi thike mpo. Shila otandi ku thindikile owala okanano kowala handiyaka yaJordan. 37 Nena pitika ndje, ndi shune kaandjetu, ndi sile popepi nombila yaakuluntu yandje. Omumwandje Kimham oye nguka. Oye te ke ku yakula. Mu kutha po, Nkeyama, mu ye naye, nou mu ningile shoka to tala shu uka.”
38 Omukwaniilwa okwa yamukula a ti: “Otandi mu taamba e tandi mu ningile, ngaashi wa hala. Notandi ke ku ningila shaa shoka to pula.” 39 Nena David naantu ye ayehe oya tokola Jordan. Okwa thipi Barsillai komilungu e te mu yambeke, naBarsillai okwa shuna kaandjawo.
Juda naIsrael taa tamananene omukwaniilwa
40 Omukwaniilwa sho a ka yauka omulonga a thindikilwa kAajuda noketata lyAaisraeli, okwa yi sigo okuGilgal, naKimham okwa yi naye. 41 Nena Aaisraeli ayehe ye ya komukwaniilwa e taa ti kuye: “Nkeyama, omolwashike aamwanyoko Aajuda ya dhiladhila kutya oye na uuthemba woku ku kutha po, ye ku thindikile, sho wa tokola Jordan pamwe negumbo lyoye naantu yoye?”
42 Aajuda oya yamukula ya ti: “Otwe shi ningi, oshoka omukwaniilwa ogwomezimo lyetu. Ano omolwashike shika tashi mu geyitha? Ina futa iikulya yetu ye ine tu pa sha.”
43 Aaisraeli oya yamukula ya ti: “Otu mu vule lwomulongo, tu kale tu na omukwaniilwa David, nando oye ogwomezimo lyeni. Omolwashike ano mwe tu dhina? Inamu dhimbwa kutya otse twa popi tango egaluko lyomukwaniilwa!”
Ihe oohapu dhAajuda odha li oonkunkutu noonkondo dhi vule dhAaisraeli.
