1 “Omuwa Kalunga ino mu yambela ongombe nenge onzi ndjoka yi na oshipo; Omuwa ohe yi tondo.
2 “Oto vulu okukundana kutya miilando yeni omu na omulumentu nenge omukiintu ta ningi shoka inaashi uka koshipala shOmuwa Kalunga koye nota taaguluka ehangano lye, 3 sho ta simaneke nokulongela iikalunga nenge etango nenge omwedhi nenge oonyothi, nando onde shi indika. 4 Ngele oto kundana ehokololo lya tya ngaaka, nena li konakona nawa. Ngele oshoshili kutya iinima mbika iinyanyalithi oya ningwa muIsrael, 5 nena fala omuntu ngoka pondje yoshilando e to mu dhipaga nomamanya. 6 Ota dhipagwa ashike, ngele ope na oonzapo mbali nenge odhindji tadhi mu tompo; ita dhipagwa, ngele ope na owala onzapo yimwe ayike. 7 Oonzapo otadhi mu dhaadhiga tango nomamanya, opo ihe aantu ayehe otaa dhipaga omuntu ngoka; pahedhi ndjika oto dhimi po uuwinayi.
8 “Ngele iinima yimwe tayi ku dhigupalele oku yi tokola ngaashi oontamanana dhuumwene womaliko nenge omaehameko golutu nenge okuyoolola pokati kedhipago lyowina naandyoka lyaa shi lyowina, inda kehala lyelongelokalunga lya hogololwa kOmuwa Kalunga koye, 9 tula omukundu gwoye miikaha yaayambi Aalevi noyomutokolihapu ngoka e li miilonga pethimbo ndyoka, opo ye ku tseyithile etokolo moshinima shoka. 10 Otaa gandja etokolo lyawo, nangoye ou na okuninga naanaa shoka taa ti. 11 Taamba epangulo lyawo nokuninga naanaa patokolo ndyoka taye li ku tseyithile. 12 Shaa ngoka ta ningi oshityani ye ita vulika komutokolihapu nenge komuyambi gwomiilonga, na dhipagwe po; pahedhi ndjika oto kutha mo uuwinayi muIsrael. 13 Opo shaa ngoka te shi uvu, ota tila, nokape na ngoka te ke shi yelekela we.”
Ompango yuukwaniilwa
14 “Ngele to ka thika mevi ndyoka Omuwa Kalunga koye te li ku pe, e to li lala, oto ka dhiladhila kutya oto pumbwa omukwaniilwa ngaashi iigwana ayihe ye ku kunduka yi na aakwaniilwa. 15 Kala u shi shi kutya omuntu ngoka to mu hogolola a ninge omukwaniilwa, oye ngoka ta hogololwa kOmuwa Kalunga koye. Na kale tuu gwomaakweni; omukwiilongo ino mu ninga omukwaniilwa. 16 Omukwaniilwa ina kala e na uukambe owindji wetangakwiita, noke na okutuma aantu kuEgipiti ya ka lande uukambe, oshoka Omuwa okwa ti, aantu ye inaa shuna we kuEgipiti. 17 Omukwaniilwa ina kala e na aanyekadhi oyendji, oshoka shika otashi mu pilamenitha Omuwa; ini ilikolela iisiliveli niingoli oyindjiyindji. 18 Uuna ta kwaniilekwa, na nyolithe oshifeka shembo lyompango ndjika sha kuthwa membo lyompango lya dhigininwa kaayambi Aalevi. 19 Embo ndika na kale nalyo ta lesha mo mokukalamwenyo kwe akuhe, opo i ilonge okutila Omuwa Kalunga ke nokudhiginina oohapu adhihe dhompango ndjika nomautho ngaka. 20 Shika otashi mu keelele kuuntsa, i itale kutya ye omwaanawa e vule Aaisraeli ooyakwawo, nokokwaavulika kiipango yOmuwa pahedhi kehe. Nena ota lele omimvo odhindji, noluvalo lwe otalu lele Israel omapipi ogendji.”
1 “Omuwa Kalunga ino mu yambela ongombe nenge onzi ndjoka yi na oshipo; Omuwa ohe yi tondo.
2 “Oto vulu okukundana kutya miilando yeni omu na omulumentu nenge omukiintu ta ningi shoka inaashi uka koshipala shOmuwa Kalunga koye nota taaguluka ehangano lye, 3 sho ta simaneke nokulongela iikalunga nenge etango nenge omwedhi nenge oonyothi, nando onde shi indika. 4 Ngele oto kundana ehokololo lya tya ngaaka, nena li konakona nawa. Ngele oshoshili kutya iinima mbika iinyanyalithi oya ningwa muIsrael, 5 nena fala omuntu ngoka pondje yoshilando e to mu dhipaga nomamanya. 6 Ota dhipagwa ashike, ngele ope na oonzapo mbali nenge odhindji tadhi mu tompo; ita dhipagwa, ngele ope na owala onzapo yimwe ayike. 7 Oonzapo otadhi mu dhaadhiga tango nomamanya, opo ihe aantu ayehe otaa dhipaga omuntu ngoka; pahedhi ndjika oto dhimi po uuwinayi.
8 “Ngele iinima yimwe tayi ku dhigupalele oku yi tokola ngaashi oontamanana dhuumwene womaliko nenge omaehameko golutu nenge okuyoolola pokati kedhipago lyowina naandyoka lyaa shi lyowina, inda kehala lyelongelokalunga lya hogololwa kOmuwa Kalunga koye, 9 tula omukundu gwoye miikaha yaayambi Aalevi noyomutokolihapu ngoka e li miilonga pethimbo ndyoka, opo ye ku tseyithile etokolo moshinima shoka. 10 Otaa gandja etokolo lyawo, nangoye ou na okuninga naanaa shoka taa ti. 11 Taamba epangulo lyawo nokuninga naanaa patokolo ndyoka taye li ku tseyithile. 12 Shaa ngoka ta ningi oshityani ye ita vulika komutokolihapu nenge komuyambi gwomiilonga, na dhipagwe po; pahedhi ndjika oto kutha mo uuwinayi muIsrael. 13 Opo shaa ngoka te shi uvu, ota tila, nokape na ngoka te ke shi yelekela we.”
Ompango yuukwaniilwa
14 “Ngele to ka thika mevi ndyoka Omuwa Kalunga koye te li ku pe, e to li lala, oto ka dhiladhila kutya oto pumbwa omukwaniilwa ngaashi iigwana ayihe ye ku kunduka yi na aakwaniilwa. 15 Kala u shi shi kutya omuntu ngoka to mu hogolola a ninge omukwaniilwa, oye ngoka ta hogololwa kOmuwa Kalunga koye. Na kale tuu gwomaakweni; omukwiilongo ino mu ninga omukwaniilwa. 16 Omukwaniilwa ina kala e na uukambe owindji wetangakwiita, noke na okutuma aantu kuEgipiti ya ka lande uukambe, oshoka Omuwa okwa ti, aantu ye inaa shuna we kuEgipiti. 17 Omukwaniilwa ina kala e na aanyekadhi oyendji, oshoka shika otashi mu pilamenitha Omuwa; ini ilikolela iisiliveli niingoli oyindjiyindji. 18 Uuna ta kwaniilekwa, na nyolithe oshifeka shembo lyompango ndjika sha kuthwa membo lyompango lya dhigininwa kaayambi Aalevi. 19 Embo ndika na kale nalyo ta lesha mo mokukalamwenyo kwe akuhe, opo i ilonge okutila Omuwa Kalunga ke nokudhiginina oohapu adhihe dhompango ndjika nomautho ngaka. 20 Shika otashi mu keelele kuuntsa, i itale kutya ye omwaanawa e vule Aaisraeli ooyakwawo, nokokwaavulika kiipango yOmuwa pahedhi kehe. Nena ota lele omimvo odhindji, noluvalo lwe otalu lele Israel omapipi ogendji.”
