1 “Aayambi, pulakeneni! Pakalekeni omakutsi, one Aaisraeli! Pulakeneni ne yomezimo lyaapangeli! Omwa tegelelwa, mu tokole pauyuuki. Epangulo otali mu adha! Omwa ningi omwigo gwaMispa noshiliya kondundu Tabor, 2 ekelo ele puShittim, notandi ka geela ayehe yomuyo. 3 Israel ondi mu shi, nkene a tya — ita vulu okuholama ndje. Okwa ningi kee shi we kwiinekelwa, naantu ye inaa gwana we okulongela ndje.”
Hosea ta kondjitha esimaneko lyiimenka
4 Uuwinayi mboka oshigwana shaIsrael sha ningi, owe shi keelele okugalukila kuKalunga kasho. Okusimaneka iimenka okwe ya tsikitha, yaa vule we okudhimbulula Omuwa. 5 Eitumbo lyoshigwana shaIsrael otali shi tamaneke. Ondjo yuulunde wawo otayi ya pundukitha, naantu yaJuda otaa pundukile mumwe nayo. 6 Otaa kutha oonzi niimuna yawo, ye yi yambele Omuwa oondjambo, ihe itashi kwatha sha. Itaa vulu oku mu mona, oshoka okwe ya thigi po. 7 Oyo inaa inekela Omuwa; aana yawo kaa shi yOmuwa. Onkee otaa ka hanagulwa po mbala pamwe nomapya gawo.
Iita pokati kaJuda naIsrael
8 Hikeni oombenda dhiita muGibea! Kugeni onkugo muRama! Tseyitheni iita muBetaven! Yamati yaBenjamin, indeni kiita! Hikeni oombenda dhiita. 9 Esiku lyegeelo otali ya, naIsrael ota ka ya meyonuko. Oshigwana shaIsrael, shika otashi ka ningwa shili!
10 Omuwa ota ti: “Onda geya, oshoka aawiliki yaJuda oya matukile Israel noya yugu po evi lye. Onkee otandi ya tilehile egeelo tali kunguluka lya fa efundja. 11 Israel ota thiminikwa; okwa kanitha evi ndyoka lya li lye lela, oshoka oya ka pula ekwatho kumboka yaa na sha okugandja. 12 Otandi eta eyonuko muIsrael nehanagulopo moshigwana shaJuda.
13 “Israel sho a mono uuvu we, naJuda sho a mono iilalo ye, nena Israel okwa yi kuAssur, a pule omupangeli omunene ekwatho, ihe ina vula oku ya aludha nenge okupanga iilalo yawo. 14 Otandi ka ponokela oshigwana shaIsrael naJuda ngaashi onime. Ongame mwene tandi ke ya tuulagula notandi ya thigi po. Uuna tandi ke ya kookolola, kape na ngoka te ya hupitha.
15 “Otandi ke ethela aantu yandje momahepeko, sigo oondjo dhawo dhe ya hepekitha sha gwana notaa ka konga ndje. Ngiika muudhigu wawo otaa ka kambadhala, ya mone ndje.”
1 “Aayambi, pulakeneni! Pakalekeni omakutsi, one Aaisraeli! Pulakeneni ne yomezimo lyaapangeli! Omwa tegelelwa, mu tokole pauyuuki. Epangulo otali mu adha! Omwa ningi omwigo gwaMispa noshiliya kondundu Tabor, 2 ekelo ele puShittim, notandi ka geela ayehe yomuyo. 3 Israel ondi mu shi, nkene a tya — ita vulu okuholama ndje. Okwa ningi kee shi we kwiinekelwa, naantu ye inaa gwana we okulongela ndje.”
Hosea ta kondjitha esimaneko lyiimenka
4 Uuwinayi mboka oshigwana shaIsrael sha ningi, owe shi keelele okugalukila kuKalunga kasho. Okusimaneka iimenka okwe ya tsikitha, yaa vule we okudhimbulula Omuwa. 5 Eitumbo lyoshigwana shaIsrael otali shi tamaneke. Ondjo yuulunde wawo otayi ya pundukitha, naantu yaJuda otaa pundukile mumwe nayo. 6 Otaa kutha oonzi niimuna yawo, ye yi yambele Omuwa oondjambo, ihe itashi kwatha sha. Itaa vulu oku mu mona, oshoka okwe ya thigi po. 7 Oyo inaa inekela Omuwa; aana yawo kaa shi yOmuwa. Onkee otaa ka hanagulwa po mbala pamwe nomapya gawo.
Iita pokati kaJuda naIsrael
8 Hikeni oombenda dhiita muGibea! Kugeni onkugo muRama! Tseyitheni iita muBetaven! Yamati yaBenjamin, indeni kiita! Hikeni oombenda dhiita. 9 Esiku lyegeelo otali ya, naIsrael ota ka ya meyonuko. Oshigwana shaIsrael, shika otashi ka ningwa shili!
10 Omuwa ota ti: “Onda geya, oshoka aawiliki yaJuda oya matukile Israel noya yugu po evi lye. Onkee otandi ya tilehile egeelo tali kunguluka lya fa efundja. 11 Israel ota thiminikwa; okwa kanitha evi ndyoka lya li lye lela, oshoka oya ka pula ekwatho kumboka yaa na sha okugandja. 12 Otandi eta eyonuko muIsrael nehanagulopo moshigwana shaJuda.
13 “Israel sho a mono uuvu we, naJuda sho a mono iilalo ye, nena Israel okwa yi kuAssur, a pule omupangeli omunene ekwatho, ihe ina vula oku ya aludha nenge okupanga iilalo yawo. 14 Otandi ka ponokela oshigwana shaIsrael naJuda ngaashi onime. Ongame mwene tandi ke ya tuulagula notandi ya thigi po. Uuna tandi ke ya kookolola, kape na ngoka te ya hupitha.
15 “Otandi ke ethela aantu yandje momahepeko, sigo oondjo dhawo dhe ya hepekitha sha gwana notaa ka konga ndje. Ngiika muudhigu wawo otaa ka kambadhala, ya mone ndje.”
