Eyambeko lyaIsrael
1 Omuwa ota ti:
“Shigwana shandje Israel
noluvalo lwaJakob nde lu hogolola,
pulakena ngashingeyi.
2 Ongame Omuwa ngoka nde ku shiti;
okuza kokuvalwa kwoye onde ku kwatha.
Ino tila, oshigwana shandje Jeshurun,
ngoye oluvalo lwaJakob nde lu hogolola.
3 “Otandi ka poolela omeya mevi lya sa enota
nokutondokitha omilonga puukukutu.
Ongame tandi tilile Ombepo yandje kombanda yaana yeni
nomayambeko gandje kombanda yoluvalo lweni.
4 Otaa ka mena ya fa omwiidhi gwomelonzi,
ya fa iihwa yopomilonga hadhi tondoka omeya.
5 “Nguka ota ka tya: ‘Ngame ogwOmuwa,’
namukwawo oti iluku edhina Jakob.
Natango gumwe ti inyolithitha koshikaha she oshitya ‘gwOmuwa’
e ta taamba edhina Israel.”
Okwiitaala Kalunga awike ti
6 Omuwa, omukwaniilwa nOmukulili gwaIsrael,
Omuwa Omunankondoawike ta ti:
“Ongame omutango nongame omuhugunini.
Kaku na we Kalunga ponto yandje.
7 Oku na tuu ngoka ta vulu okulonga shoka nda longo?
Olye a hunganekele ayihe mbyoka ya ningwa
okuza konale ndjoka sigo opehulilo lyomathimbo?
8 Inamu tila, ne aantu yandje!
Omwe shi tseya kutya okuza kuuyuni wonale sigo ongashingeyi
onda hunganeke ayihe mbyoka yi na okuningwa,
none oonzapo dhandje.
Oku na tuu kalunga gulwe?
Oku na tuu kalunga gulwe omunankondo inaandi mu uva?”
Iimenka oyo uugoya
9 Ayehe mboka taa hongo iimenka, oyo oyowala, niikalunga mbyoka taa tanga, kayi na oshilonga. Mboka taa simaneke iikalunga, oyo aaposi nomagoya — otaa ka sithwa ohoni. 10 Inashi opala okuhambula oshiyelekela noku shi simaneka! 11 Shaa ngoka te shi simaneke, ota ka fupipikwa. Aantu mboka taa hongo iimenka, oyo oyowala, kaye na omwago. Ya eteni koompangu — otaa ka haluthwa notaa sithwa ohoni.
12 Omuhambuli ta kwata oshitenda e te shi tula momulilo. Omaako ge ge na oonkondo, otaga yelutha osilwa, a hambule oshitenda, shi ninge olupe. Sho te shi hambula, ota si ondjala nenota e ta loloka.
13 Omuhongi gwiipilangi ota yeleke oshiti nota thaneke efano nompya. Ote shi hongo nepanda e ta tula omandhindhiliko nopasera. Ota ningi efano molupe lwomuntu noku li mbunza nawa, opo e li tule megumbo lye. 14 Oku na okwiikomangelela omisendeli, opo e dhi longithe, nenge a hogolole omukiperesi nenge omwandi mokuti. Nenge oku na okutsika omupanda e ta tegelele omvula yi gu kokeke. 15 Omuntu ta longitha iitayi yomuti tuu ngoka, yi ninge iikuni, noshiti te shi hongo oshimenka. Iitayi yimwe te yi huhulukwa po nokwiitelekela iikulya, manga iitayi yimwe te yi ningi kalunga, e mu simaneke. 16 Iitayi yimwe te yi temitha omulilo, ta yotha nayo onyama e te yi li e ta kuta. Ota huhulukwa e ta ti: “Omulilo omwaanawa nguka! Omulilo gu na omuyenye ngiini!” 17 Shoka sha hupu ko, ote shi hongo po oshimenka note shi inyongamene noku shi simaneka. Ote shi hambelele ta ti: “Ongoye kalunga kandje, hupitha ndje.”
18 Aantu ya tya ngaaka aagoya okutseya shoka taa ningi. Kaye wete ko, oshoka otaa thithikile omeho gawo, nokaye uvite ko oshili, oshoka otaa pata oomwenyo dhawo. 19 Inashi ya momadhiladhilo gawo yo kaye na oondunge nomayele ya tye ando: “Ee, iitayi yimwe nde yi tema po. Yimwe nda telekitha iikulya peziko nonda yotha onyama nonde yi li po. Oshihupe shoshiti onde shi hongo oshimenka. Ngashingeyi ongame nguka tandi shi inyongamene, endangalati lyoshiti.”
20 Otashi ningi omuntu a fa ta li omutoko. Omatedho ge guugoya oge mu pukitha kutya ota kwathwa. Ita zimine ye mwene kutya oshimenka shoka a yelutha momaako ge, kashi shi kalunga nando.
Israel ta dhiminwa po
21 Omuwa ota ti:
“Israel, ngoye oluvalo lwaJakob,
dhimbulukwa iinima mbika,
oshoka ongame nde ku shiti.
Ongoye omupiya gwandje,
nangame itandi ku dhimbwa.
22 Otandi dhimi po omayono goye ngashika oshikogo,
noondjo dhoye ngashika osheentsi shongula.
Galukila kungame;
ongame tandi ku hupitha.”
23 Imbeni nokuhambelela, ne omagulu,
oshoka Omuwa okwe shi ningi!
Ligoleni, ne oombogo dhevi!
Mbolongondjitheni oondjimbohambelelo, ne oondundu,
oshoka Omuwa okwa kulile oluvalo lwaJakob,
oye a hololele Israel eadhimo lye.
Jerusalem tashi kalwa kaantu
24 Omuwa, omuhupithi gwoye,
ngoka e ku shitile mela lyanyoko, ota ti:
“Ongame Omuwa, Omushiti gwiinima ayihe.
Ongame awike nda alele egulu nonda yala evi,
ko kakwa li ngoka a kwatha ndje.
25 Aayanekeli otandi ya ningi aagoya,
nokukeelela omahunganeko gaakoneki yoonyothi.
Oohapu dhaanongo otandi dhi goyokitha
notandi holola kutya uunongo wawo owo uugoya.
26 Ihe aapiya yandje nge taa hunganeke,
uuna tandi tumu aatumwa ya holole omadhiladhilo gandje,
omadhiladhilo nomahunganeko ngoka otandi ke ga tsitha ga ninge goshili.
Ote lombwele Jerusalem kutya aantu yasho omo taa ka kala ishewe,
niilando yaJuda kutya otayi ka tungululwa.
Otandi ka tungulula omakulukuma gasho.
27 Ongame ngoka tandi lombwele efuta te ti:
‘Pwina; otandi ka kukutika omilonga dhoye.’
28 Otandi popi Kores te ti:
‘Oye omuntu gwandje,
oye ta gwanitha elalakano lyandje alihe.’
Ota ka tya: ‘Jerusalem nashi tungululwe,’
nokotempeli: ‘Omukanka nagu tamekwe.’ ”
Eyambeko lyaIsrael
1 Omuwa ota ti:
“Shigwana shandje Israel
noluvalo lwaJakob nde lu hogolola,
pulakena ngashingeyi.
2 Ongame Omuwa ngoka nde ku shiti;
okuza kokuvalwa kwoye onde ku kwatha.
Ino tila, oshigwana shandje Jeshurun,
ngoye oluvalo lwaJakob nde lu hogolola.
3 “Otandi ka poolela omeya mevi lya sa enota
nokutondokitha omilonga puukukutu.
Ongame tandi tilile Ombepo yandje kombanda yaana yeni
nomayambeko gandje kombanda yoluvalo lweni.
4 Otaa ka mena ya fa omwiidhi gwomelonzi,
ya fa iihwa yopomilonga hadhi tondoka omeya.
5 “Nguka ota ka tya: ‘Ngame ogwOmuwa,’
namukwawo oti iluku edhina Jakob.
Natango gumwe ti inyolithitha koshikaha she oshitya ‘gwOmuwa’
e ta taamba edhina Israel.”
Okwiitaala Kalunga awike ti
6 Omuwa, omukwaniilwa nOmukulili gwaIsrael,
Omuwa Omunankondoawike ta ti:
“Ongame omutango nongame omuhugunini.
Kaku na we Kalunga ponto yandje.
7 Oku na tuu ngoka ta vulu okulonga shoka nda longo?
Olye a hunganekele ayihe mbyoka ya ningwa
okuza konale ndjoka sigo opehulilo lyomathimbo?
8 Inamu tila, ne aantu yandje!
Omwe shi tseya kutya okuza kuuyuni wonale sigo ongashingeyi
onda hunganeke ayihe mbyoka yi na okuningwa,
none oonzapo dhandje.
Oku na tuu kalunga gulwe?
Oku na tuu kalunga gulwe omunankondo inaandi mu uva?”
Iimenka oyo uugoya
9 Ayehe mboka taa hongo iimenka, oyo oyowala, niikalunga mbyoka taa tanga, kayi na oshilonga. Mboka taa simaneke iikalunga, oyo aaposi nomagoya — otaa ka sithwa ohoni. 10 Inashi opala okuhambula oshiyelekela noku shi simaneka! 11 Shaa ngoka te shi simaneke, ota ka fupipikwa. Aantu mboka taa hongo iimenka, oyo oyowala, kaye na omwago. Ya eteni koompangu — otaa ka haluthwa notaa sithwa ohoni.
12 Omuhambuli ta kwata oshitenda e te shi tula momulilo. Omaako ge ge na oonkondo, otaga yelutha osilwa, a hambule oshitenda, shi ninge olupe. Sho te shi hambula, ota si ondjala nenota e ta loloka.
13 Omuhongi gwiipilangi ota yeleke oshiti nota thaneke efano nompya. Ote shi hongo nepanda e ta tula omandhindhiliko nopasera. Ota ningi efano molupe lwomuntu noku li mbunza nawa, opo e li tule megumbo lye. 14 Oku na okwiikomangelela omisendeli, opo e dhi longithe, nenge a hogolole omukiperesi nenge omwandi mokuti. Nenge oku na okutsika omupanda e ta tegelele omvula yi gu kokeke. 15 Omuntu ta longitha iitayi yomuti tuu ngoka, yi ninge iikuni, noshiti te shi hongo oshimenka. Iitayi yimwe te yi huhulukwa po nokwiitelekela iikulya, manga iitayi yimwe te yi ningi kalunga, e mu simaneke. 16 Iitayi yimwe te yi temitha omulilo, ta yotha nayo onyama e te yi li e ta kuta. Ota huhulukwa e ta ti: “Omulilo omwaanawa nguka! Omulilo gu na omuyenye ngiini!” 17 Shoka sha hupu ko, ote shi hongo po oshimenka note shi inyongamene noku shi simaneka. Ote shi hambelele ta ti: “Ongoye kalunga kandje, hupitha ndje.”
18 Aantu ya tya ngaaka aagoya okutseya shoka taa ningi. Kaye wete ko, oshoka otaa thithikile omeho gawo, nokaye uvite ko oshili, oshoka otaa pata oomwenyo dhawo. 19 Inashi ya momadhiladhilo gawo yo kaye na oondunge nomayele ya tye ando: “Ee, iitayi yimwe nde yi tema po. Yimwe nda telekitha iikulya peziko nonda yotha onyama nonde yi li po. Oshihupe shoshiti onde shi hongo oshimenka. Ngashingeyi ongame nguka tandi shi inyongamene, endangalati lyoshiti.”
20 Otashi ningi omuntu a fa ta li omutoko. Omatedho ge guugoya oge mu pukitha kutya ota kwathwa. Ita zimine ye mwene kutya oshimenka shoka a yelutha momaako ge, kashi shi kalunga nando.
Israel ta dhiminwa po
21 Omuwa ota ti:
“Israel, ngoye oluvalo lwaJakob,
dhimbulukwa iinima mbika,
oshoka ongame nde ku shiti.
Ongoye omupiya gwandje,
nangame itandi ku dhimbwa.
22 Otandi dhimi po omayono goye ngashika oshikogo,
noondjo dhoye ngashika osheentsi shongula.
Galukila kungame;
ongame tandi ku hupitha.”
23 Imbeni nokuhambelela, ne omagulu,
oshoka Omuwa okwe shi ningi!
Ligoleni, ne oombogo dhevi!
Mbolongondjitheni oondjimbohambelelo, ne oondundu,
oshoka Omuwa okwa kulile oluvalo lwaJakob,
oye a hololele Israel eadhimo lye.
Jerusalem tashi kalwa kaantu
24 Omuwa, omuhupithi gwoye,
ngoka e ku shitile mela lyanyoko, ota ti:
“Ongame Omuwa, Omushiti gwiinima ayihe.
Ongame awike nda alele egulu nonda yala evi,
ko kakwa li ngoka a kwatha ndje.
25 Aayanekeli otandi ya ningi aagoya,
nokukeelela omahunganeko gaakoneki yoonyothi.
Oohapu dhaanongo otandi dhi goyokitha
notandi holola kutya uunongo wawo owo uugoya.
26 Ihe aapiya yandje nge taa hunganeke,
uuna tandi tumu aatumwa ya holole omadhiladhilo gandje,
omadhiladhilo nomahunganeko ngoka otandi ke ga tsitha ga ninge goshili.
Ote lombwele Jerusalem kutya aantu yasho omo taa ka kala ishewe,
niilando yaJuda kutya otayi ka tungululwa.
Otandi ka tungulula omakulukuma gasho.
27 Ongame ngoka tandi lombwele efuta te ti:
‘Pwina; otandi ka kukutika omilonga dhoye.’
28 Otandi popi Kores te ti:
‘Oye omuntu gwandje,
oye ta gwanitha elalakano lyandje alihe.’
Ota ka tya: ‘Jerusalem nashi tungululwe,’
nokotempeli: ‘Omukanka nagu tamekwe.’ ”
